الدراسة بالإنجليزية في الدول الأوروبية بالنسبة للماجستير...(خير الناس أنفعهم للناس)

تقريباً موضوع مشابه جداً لما كان يدور في بالي ..

فـ كما يعلم الجميع بعد فتح باب التقديم على برنامج الملك عبدالله للإبتعاث , نحتاج قليلاً المساعدة من الخبراء في اخذ فكرة عن كل دولة .

لذلك اود ان اسأل : ماهي الدول الأوربية التي ينصح دراسة الماجستير لتخصص المالية فيها , طبعاً بشرط ان تكون الدراسة باللغة الانجليزية .

أرجو انا والجميع ان نجد الإجابات الشافية سريعاً .

والله سؤال صراحة الكل لايعرف جوابه من الي قدموا على المرحلة الخامسة وانا من ضمنهم

المانيا من ضمن الدول الي اخترتها وناوي اكمل الماجستير اذا انقبلت فيها

بس هل ستكون الدراسة بالانجليزي لمرحلة الماجستير تخصص فيزياء طبية

وهل هنالك اختبارات مثل GRE او ان القبول بالمؤهلات فقط؟؟؟

والله يا اخوان الحيرة ماكلتني راس و رجول ...وما سجلت إلى الآن بسبة هالموضوع لانه موضوع مصيري صراحة ..اللغة مهمة جداً و تعتبر من الاساسيات ...

الحمدلله لغتي الأنقليزية ممتازة و انا اكملت البكالرويس بها .. و اكمال الماجستير بنفس اللغة ممكن جدا يختصر علي السنة التحضيرية طبعا بحكم ان درجتي الدراسية الأولى تم اكمالها بالانقليزي (يعتمد من جامعة لجامعة)


ياليت والله أحد من الأخوان ينفعنا بهالموضوع المهم

طيب اذا انتم تخصصات غير الطب

مثل المالية والتسويق وش تبون في هولندا ودول غير ناطقة بالانقلش

مع انكم تقدرون تدرسون في اقووى الجامعات الامريكية والبريطانيه

انا لو جتني الفرصه لدراسه في امريكا او كندا او استراليا طب ماراح افوت الفرصه بس زي ما انتم عارفين القبوول في هالدول لطب شبه مستحيل اذا ما كان مستحيل

هولندا قوووية وحلووه في الطب للبكالوريس لانها الدراسه بتكون بالانقلش ومقعدك مضمون في الجامعه والجامعات ترتبيها حلوو

بس انا استغرب من الي يبي يدرس ماستر ويختار هولندا مع ان الفرصه متاحه له انه يكمل في كندا او امريكا مثلا

اسف على المقدمة الطويله بس حبيت اقوول رأيي في الموضوع


ما عندي خلفية عن الماستر في ماسترخت بس اتوقع لازم يكون عندك لغة دتش

المانيا الي اعرفه الدراسه بتكوون بالالماني حتى للبكالوريس

طبعا اتوقع يختلف النظام من جامعه الى الجامعه والافضل تدخل موقع الجامعه الي تبيها وتبحث عن التخصص وبتلقى لغة الدراسه

بالتوووفيق للجميع واسف على الاطالة

انصحكم بصلاة الاستخاره قبل الاختيار لان عارف انها اصعب نقطه اختيار الدوول

وتوكلوا على الله

السلام عليكم ...

الأخ الأمبراطور بعد التحية ... صحيح ان المجال مفتوح للدراسة في امريكا و كندا .. ولكن بعدهم و قرب اوروبا دائماً يجعلها خيار مفضل لدى الكثير...ولا ننسى ان اوروبا تعتبر متقدمة جداً في كثير من المجالات الطبية والغير طبية... و أنا حقيقة أرى ان بعض الدول الاوروبية (مساحتها مساحة مدينة او ولاية امريكية) تركن امريكا على جنب عند المقارنة من الناحية الطبية على سبيل المثال لا الحصر المجر و ايرلندا! ...

اما بالنسبة لبريطانيا و استراليا .. فـ إقفال البعثات لهم سبب دربكة و أبرز الأسئلة السابقة عن اوروبا ...

النظام من جامعة لجامعة يختلف ... في اللي يناسب اللي مثل حالتي اذا حبو يكملوا بالانقلش بدولة غير ناطقة بها و فيها اللي يبي يكمل باللغة المحلية .... المشكلة هي عندنا هنا .. هل يقبلون هالشي ولا لا !؟


شاكر للجميع ردودهم و مشاركاتهم

بالفعل صدقت أخوي (المصير المجهول)

انا كنت حاط عيني على انجلترا ولاغير انجلترا لكن مع الاسف اصبحت الان غير متاحة , من اسباب بعدي عن امريكا هو البعد وخوفي من بعض الامور كالفيزا وصعوبة القبول .

أبشركم يا شباب ... اليوم واحد أعرفه سأل شخص قريب له داخل الوزارة .. و قاله عادي .. (و على هالأساس انا بعتمد و الله يستر بس)

ولكن لابد من شروط أعتقد .. مثل
1) الجامعة و التخصص معترف فيهم من موقع الوزارة ...
2) ان تكون ماجستير و في غير الطب...
3) ان يكون التخصص معروض في الجامعة بالإنجليزية...


و ياليت والله أحد من الأخوان اللي اُبتعثوا في المراحل السابقة ( و هم بالآلاف ) يفيدنا و يأكدلنا و له دعواتنا ...

وانا كذالك تخصصي ماستر ماليه ومادري وش الدول اللى لغتهم بالانجليزي ..

اتمنى نحصل احد

نفس السؤال هل من مجيب