عبدالله السدحان كان يقول يازين عرعر وأنا أقول ياليتني أتخمدت في أستراليا!!!

يانهار سود

رحت في ستين داهيه

افهم من كلامك ماتنصح احد يجي ؟!

لان الى الآن مانصدر قبولي فسحب كل شيء قبل لاتوهق هع

بذات اني مو مرتاحه للموضوع

السلام عليكم

اخوي انت تتكلم عن السكن ومعروف ان ماسترخت وخرونقن كلها مدن صغيره وتعتمد على الطلاب ومتوقع انك ما تلقى سكن وعشان كذا المفروض تضبط وضعك من قبل ما الومك ولكن المفرض ان يكون معاك علم لان المنتدى مليان مواضيع عن اشياء زي كذا ,,,

ومن ناحية الدارسه اربع كلاسات واقل طلاب علميا افضل واربعين طالب في كلاس واحد هذا جنان حتى في استراليا الكلاسات عندي خلال هذي السنه والنص من 10 الى 16 طالب/ـه في الكلاس غالبا ,,, ومن وجهت نضري لو الوضع مادي زي ما قلت " كله علشان الفلوس" كان حطو كلاس وحد (( اختصرو المكان و اختصرو الدكاتره )) وبهذي الطريقه يكون توفير فلوس من جد ...


ويا جماعه الخير الي تدخلون الموضوع احسبها من وجهت نظرك ومع احترامي لوجهت نظراخوي the one ,,, وباذن الله انها خيره للجميع النقله اوالجيه لهولندا ,, ومساله السكن كلها شغلت كم اسبوع الاولى وبتلقى لك سكن كويس ان شاء الله ,,,

الله ييسر علينا جميع ويكتب الي فيه الخير

سنفور هع هع علينا الحركات هذي أقول تعال بس وهات قطتك معك ترا السوداني اللي في أمستردام ماراح ينفعك !!

اشكرك عالمرور





هلا والله أخوي حياك ان شاء الله كل الطلاب اللي تتكلم عنهم ينقبلون ويتخرجون دكاترة أد الدنيا ..

وبالنسبة للسكن لأننا الآن قد بدأنا الدراسة والسمستر بدأ في الجامعة عشان كذا تلقا زحمة واجد وماتحصل سكن بسهوله بس في أوقات تحصل سكن بالهبل مثل الإجازات يعني لا تخاف وبالنسبة لل(money) فهذا بزنسهم وأنا أخوك يعني تهقا يدرسونك بلوشي؟؟؟

وفي الأخير ماستخرت حليوه ومن قال لك الكلام الموجود اللي هنا كذب لا أغلبه صحيح إن شاء الله بس أنا حبيت أسلط الضوء على الشي اللي لم يذكر بعد وبعدين وش تقصد يوم أنك تنادي شايبنا يعني إلا تبغى تجره من غرفته عشان يودبنا تكفى ترا محنا ناقصين طق كفايه اللي فينا .

وشكرا عالمرور



روح وروح ابعد بدنياك حياك أخوي وبعدين غير نكك ذا كل مرة أحسبك بنت
أكيد أخوي ما قلنا شي غلط وماله داعي الملامه فلقد قال ابن رزيق البغدادي :

لا تعذليه فإن العذل يولعه __ قد قلتِ حقا ولكن ليس يسمعه

جاوزت في لومه حدا أضر به __ من حيث قدّرتِ أن اللوم ينفعه

فاستعملي الرفق في تأنيبه بدلاً __من عذله فهو مضنى القلب موجعه

قد كان مضطلعا بالخطب يحمله __ فضيقت بخطوب الدهر أضلعه

يكفيه من لوعة التشتيت أن له __من النوى كل يوم ما يروعه

ما آب من سفر إلا وأزعجه __ رأي إلى سفر بالعزم يزمعه

كأنما هو في حل ومرتحل __ موكلٌ بفضاء الله يذرعهُ

إن الزمان أراه في الرحيلِ غنى + ولو إلى السند أضحى وهو يزمعه

وما مجاهدة الإنسان توصله + رزقا، ولا دعة الإنسان تقطعه

قد وزّع الله بين الخلق رزقهمُ + لم يخلق الله من خلق يضيعه

لكنهم كلفوا حرصا ، فلست ترى + مسترزقا وسوى الغايات تُقنعه

والحرص في الرزق-والأرزاق قد قسمت + بغي ألا إن بغي المرء يصرعه

والدهر يُعطي الفتى من حيث يمنعه + إرثا ويمنعه من حيث يطمعه



وبعدين أنا ما قلت أنهم شغالين توفير أنا كان عتبي أنهم _أوكي_ يدرسونا بفلوس وهذا حقهم لكن تجينا وبكل أستحقار تقول الجمله اللي ذكرتها فهذا غير مقبول,,,


والنقلة إن شاء الله انها باب خير على المبتعثين وان شاء الله كل اللي مالقوا قبول في أستراليا ولا غيرها يحولوا على هولندا عشان مستقبلهم وبالتوفيق للجميع...

وبعدين يا أخوان لا أحد يحاول أنه يفهم غلط أو يتهجم وأنا ذاكر في بداية الموضوع أنه تفريغ ما أثقلت به من هموم فمن هو مستقر ليس كمن هو لا يعلم أين السبيل و لا تظنون أنها دعوة لعدم القدوم إلى هولندا بالعكس أنها بلد حلوة وان شاء الله يكثر السعوديين فيها ولو تلاحظوا أنا سلطت الضوء على أزمة معينه ولم أبتسم واطبطب على رؤوس القادمين وأقولهم تعالوا كل شيء زين ,مافي حاجه كاملة والكامل وجه الله, الشيء اللي له أيجابيات أكيد له سلبيات وأنا مالاحظت شيء من السلبيات مذكور وكلش أيجابي يعني لازم يكون عندكم إلمام شامل مو بس في الأيجابيات بل وحتى السلبيات حتى ماتجون وتنصدمون بالأمر الواقع ولو تلاحظون حتى أستراليا اللي أمدحها في هالموضوع أنا كتبت موضوع قبل كذا أوضح فيه سلبيات المناخ في ملبورن وتفاجأت بأنه كان أغلب القادمين على غير دراية بأوضاع الطقس هناك كانوا يظنون أن كل شي سمن على عسل وأنهم فقط على دراية بالأيجابيات, وأيجابيات هولندا مذكورة في المواضيع السابقة وكلكم على دراية بها وهذا أحد الأسباب اللتي جعلتني أطرح موضوع عن شيء سلبي وهذا لا يدل على أنني أريد لهم السلبية وكره المدينة القادمين إليها ولكنني حرصت على أن يكونوا على الأقل على دراية وتقبل مافيها ,,

وكل اللي قلته للمحولين أنهم يتأخروا شوي لبعد رمضان حتى لا يتبهذولوا في هالشهر الفضيل ولأنه يوجد أزمة سكن حاليا وأن شاء تنحل الأمور في القريب والله العالم..

وشاكر مروركم العبق

السكن تكلمت عنه فوووق

وانت اذا جااي في مارس حاول تشوف لك اصدقاء من الحين تسكنون سوا لانه راح يكون اسهل تلقون شقه وسعرها
حلو<< واهم شي تختار الاصحاب لانه اذا ارتحت معاهم بترتاح في كل شي

وحنا كانت مشكلتنا انا مانعرف بعض والحمدلله سكنت مع اثنين ما صارلي الا يوم واحد اعرفهم وطلعوا من الخيره

بالنسبه للدراسه وضعها ماشي تمام وتبي لها اجتهاد ومو اي كلام

بالتووفيق اخووي ونشوفك في ماسترخت

كلامك عين العقل

بالنسبة لآخونا Theone ماألومه لاني عارف شعوره

لكن بيلقى مع الايام السكن المناسب وبيدأ انطلاقته في ماسترخت خخخخخخخ

بالنسبة للكلاسات في هولندا ما أؤيد انها تكون اكثر من 10 طلاب لان الكلاس سعوديين لو كان اجانب كان ممكن

هلا والله بشايبنا يالله حيه لا تقولي قسم ولا أقولك معقولة وسالفة السكن أخوي أكيد أنها مسالة وقت إن شاء الله بس تراها والله تأثر على النفسية والقابلية للتعلم يعني انت ماشاء الله مرتاح تروح تداوم وترجع بيتك ولا في ولا حاجة تشغل بالك وتذاكر لايف ساينس وانت بكامل استعدادك وقابليتك للسكن لكن لما تكون ماتدري وين الله حاطك فيه تروح من مكتب لمكتب عقار لتسأل عن أخبار سارة عن وجود سكن مناسب ولكن لا تجد قلي بالله في هالحالة يجيلك خلق تناظر الكتب حتى ؟؟


عندي سؤال يسدح نفسه بقوة وش تقصد بالتمسك بالحضارة لأني بصراحة ماودي أتهور وأفهم غلط وأرد رد مايرضي الطرفين!!!
وبالنسبة للجامعة كلشي في وقته حلو انت اللحين ركز عالحاضر ودراستك في البريميد وانجح وان شاء الله غدا لناضره قريب .
أنا اؤيد هالشيء فقط إذا كان بالنسبة للايف ساينس وذلك لسبب التناقش وطرح الآراء حول موضوع معين أما باقي الكلاسات الغبية مثل هالأنجلش مافي مشكلة لو كان الكلاس فيه 17 طالب برضه عد معقول وقليل نسبيا وتصير فيه منافسة وتحمس للدرس
أيضا أبسأل عن كلاس السكيلس تراينيق اللي ضموا فيه الطلاب مع بعض بالله كيف كان شعورك في هالكلاس ألم تكن متحمس لإظهار شيء جديد؟؟؟!!

أربعين عدد مبالغ فيه من 17 إلى 20 جدا مناسب وبالنسبة للسواليف والله لو تبي تسولف تسولف حتى لو كان طالبين في الكلاس فقط بس الواحد يكون مسؤول عن تصرفاته وأنا أخوك يعني مافي مشكلة أنك تسولف شوي بس وقت الجد يكون جد ما تمسخها عاد!!!
نقطة متفق عليها
ها انت قلتها بنفسك اللي يبي يتعلم يتعلم حتى ولو كان الكلاس مليان


بالنسبة لنظرتي انت لا تدري عنهاوأانا لست في الوقت المناسب لطرحها لأني لازلت أكتشف شيء جديد كل يوم.

يازييييييييييين عرعر





بالنسبة للنقاش معك جدا مسلي وأيش رايك نطرح تصويت عن ضم الكلاسات في البريميد ويصير الأعضاء كل واحد يصوت ويطرح رأيه .

الله يوفقك يالأمبراطور ويكثر من أمثالك ,,

تحياتي