اي هوملس واي هومسك يا مان << قسم اني مرتاح فيها كثيرررر
ترى سالفة السكن مسألة ايام وتعدي وكلنا مرينا بنفس شعورك وبنفس الحالة
اولا مسألة السكن في اوروبا كلها مو في هولندا بس
ويمكن في هولندا صعب اكثررر لان المدن صغيرة سواء ماسترخت او خرونقن
بعدين انت صارت اصعب عليك لانك جاااي في سبمتبر ؟؟!!
يعني بداية سنة في الجامعه وطلاب بالجملة جاييين اذا كان مواقف سياكل بالقوووه تلقى كيف راح يكون السكن هالايام ^^
يعني القست هاوس والا ستويدنت هاوس عليها ضغط كبييير
بس مع الايام الجاية راح تبدأ تخف وبتلقى اشياء تعجبك ولا تستعجل
وهي يمكن اكبر مشكلة تواجه الطلاب السكن
بس طلاب المرحلة الخامسة لا يخافون لانهم راح يجيون في مارس يعني بتكون فيه خيارات اكثررر
وبرضوا الجامعه راح تنظم لهم اجتماع مع 7 او 8 مكاتب عقاار وهالمكاتب راح تعطيهم خيارات كثيررة ولكل واحد الحرية في الاختيار << ومااتوقع فيه جامعات تسوي كذا الا نادر
بالنسبة للكلاسات يارجال احلى شي التمسك بالحضارة مع اضافة اثاث حديث
بعدين كلها كلاسين تأخذها في هالمبني وباقي المباني كلهاا حلووه وجديده
وان شاء الله بتشوف مبنى جامعاتنا قريبا وتغير تظرتك كليا لانها بصراحه خياااااااااااااال
اما على عدد الطلاب فأنا اؤيد هالشي و10 طلاب مع بعض الاستفادة بتكوون اكبر واحسن وهالشي ماحد ينكره
بعدين اذا حنا 10 طلاب ومسوين رجه في الكلاس وزحمة وسواليف بالعربي وحش في المدرس<< وشلون لو كنا 40 والله الكلاس كله يروح سواليف خخخخخ
بالنسبه للسالفة الفلوس في البعثات كلها تجارة سواء لاستراليا او هولندا او المريخ
بس اهم شي ان التدريس يكوون تمام وفي ماسترخت هالشي موجوود والي يبي يتعلم راح يتعلم
مع الايام الجايه راح تتغير نظرتك اكثر واكثر وخصوصا اذا لقيت السكن المناسب من حيث السعر والموقع راح ترتاح كثيررررر
يازين ماسترخت بس بالتووفيق Theone وموضوع رائع للنقاش في بعض الاشياء الحساسة
**الامبراطور** September 10th, 2009, 02:36 AM
7 "
September 9th, 2009, 04:16 AM
بسم الله الرحمن الرحيمأخواني وأخواتي المبتعثين وأعضاء مبعتث الراقين وبالخصوص الهولنديين والماسترختيين
السلام عليكم ورحمة الله وبركاته
أكتب موضوعي هذا والشكوى لله لعلي أفرغ ماكبت في صدري من هموم الغربة << أحس إن معاي هومسيك
لا موبس هومسيك إلا هوملس بعد
هوم سيك + هوم لس + رمضان + الفرفرة للمكاتب + تعب وعطش+ إلى مالا نهاية + ربك يحلها
وش يبي يخربط فيذا ؟؟
لا تلوموني يجماعة ترا شويتين وأهلوس يعني طلعت من الفندق لي ثلاث ليال وكل يوم شايلن عفشي وقاطن وجهي على واحد يرقدني عنده لدرجة أنه البارح نمت في غرفة مسكونه وأنواع الرعب والله العظيم ... الله يعين
* خليني أشرح لكم الوضع لو أنه صاير في أستراليا :
الحين لو يجي طالب جديد في أستراليا مايعرف حاجة أسمها هوملس إلا مايتعلمه في المعهد من كلمات يعني في حاجة إسمها هوم ستاي أربعه وعشرين ساعة متوفرة يعني لا سمح الله السكن غير متوفر في الفترة الحاليه تقدر تسكن فيه وبسعر رخيص إلا ان تجد سكن مناسب.
الشيء الثاني في حاجات كثييييييرة أسمها سكن طلابي وأستوديوهات خاصة للسكن المؤقت (شورت ترم) إلا أن تجد السكن المناسب أيضا..
وفي حاجة جدا متوفره وهي الفنادق يعني لو أنك ماحصلت في الثنين اللي فوق وانت مطنوخ تسكن في الفندق اللي تبي لين الله يسهلها وتحصل سكن أيضا....
وأصلا أنواع السكن كثيرة وتلقاها طول السنة متوفرة وتجد سكن مناسب في فترة وجيزة..
*خلينا نقارن هالشيء في اللي شفته في هولندا (ماسترخت):
هوم ستاي وين يبو وش تقول ماعندنا حاجة زي كذا ولا ندري وش تخربط < أحد الردود
سكن طلابي مافيه إلا هالجست هاوس هع وهو حاليا فل كامل مع فتحة في السقف طيب متى أقرب غرفة متوفرة مارش 2010 Incredible!!!!
لا و بعد توصل بهم المواصيل يطردونك من الفندق والسبب أنه _theres big concert going on now in Maastrich _ وكلش محجوز مافيه إلا بعد ليلتين وبسعر خيالي !!!
وكل مكتب عقار أروح له أستوديوها All gone
شقق مافيه إلا من غرفتين وانت طالع والخيارات قليلة والسعر جدا مبالغ فيه على قولة الطلاب هنا.....
_والدراسة شغاله والحسابة بتحسب وكل أسبوع عندنا أختبار لايف ساينس, يعني الواحد فاضي يذاكر ولا يدور سكن ؟؟
طيب مادام أننا تطرقنا للدراسة خليني أشرح لكم كيف الكلاسات هنا..
هالحين قبل لا أجي كنت أسمع أنه البرنامج اللي يسمونه بريميد كل اللي يدرسون فيه سعودين وكلاسات سعوديين فقط أنرسم في بالي فصل مثل المدارس أو الجامعات أن صح التعبير مليان سعوديين من أربعين طالب وفوق ودراسه مع وناسة ومافيه ملل ولا شيء لكن لما بدأنا الدوام أتضح لي أنه الكلاس اللي أنا فيه ثمانية أشخاص فقط وحاطينا في غرفة في السقف تتخللها أعمدة مائلة يعني لو ماتنحني بيصفق راسك في أحد هذه الأعمدة وانت في طريقك للكلاس لا والبرنامج كله مافيه غير أربعة كلاسات فقط وفاصلينهم عن بعض كل فصلين ليفل معين ومدرسين ووجع راس ويقولون طلاب قليل بالكلاس أحسن عشان الواحد يفهم زين ياعمي ما تدمجهم كلهم مع بعض وتريح دماغنا ودماغك الخايسة يا يوريس انت والشغالة حقتك نورشا اللي خربتها وقالت its all about money لا بارك الله فيكم أستغلالين وعينكم قوية بعد تفضحون أنفسكم...
*يامعشر المحولين أنني ومن هذا المنبر أقول لكم أن تحمدوا ربكم بأعلى أصواتكم على أنه لم تصدر فيزكم حتى الآن حتى لا تتورطوا وتنشغلوا في الدنيا في هذا الشهر الفضيل وأوصيكم بعمل أكبر عدد من الطاعات والصيام والقيام تقبل الله منا ومنكم ولعله يغفر لنا تقصيرنا..
وإذا قدرتم أنكم ماتجون إلا على آخر الشهرين المتاحة لكم تعالوا في آخر يوم حتى تستفيدوا من وقتكم في الوطن..
بدماء قلب رجل يعاني الأمرين
كان معكم من قلب الحدث. TheOne. ماسترخت . هولندا