ياليت احد يرد لضرورة وخصوصا الي عندهم علم بالموضوع او تجربة....

عزيزتي

هل انتي متأكدة ان السفارة تطلب ذلك من المبتعثين ؟؟

الي اعرفه ان هذا الطلب لمن يريد الدراسة على حسابه ويريد استخراج فيزة طالب والتي تخوله عند الوصول لالمانيا من الحصول على اقامة في المانيا لمدة الدراسة.

كل الطلاب بلا استثناء يلزمهم الذهاب الى دائرة الاجانب حين الوصول لتصبح معك اقامه وينتهي عمل الفيزا هنا .

فترة اللغة تكون اقامتك لغة وفترة الجامعه تكون طالب جامعي يعني بمجرد انتقالك من مرحلة لمرحلة تتغير فيزتك تبعا لذللك ،

اتمنى اني اكون وصلتلك المعلومة

شوف يا عزيزي قبول المعهد مو صعب ولا يستاهل تشيل همه كذا ولا كذا انت يحق لك تدرس لغة بحكم انك مرافق .

يعني ما ادري هم بيرسلولك ولا لا !! لكن اذا ما ارسلولك فالمعهد بيستقبلك بالاحضان وتاخذ كورس لغة ان شاء الله بس

تكلم الملحقيه وتقولهم سجلوني عند الاخت منال شريدة المسئولة عن قبولات اللغة ويارب يرسلولك من دون ما تتعب ، انت بس هدي بالك وأمورك تمشي ان شاء الله مثل ما تحب وآكثر

ريلاكس Ruhig

عجبتني ruhig

طيب كيف التواصل مع الملحقية يعني لو انا مدينتي هامبورج او كاسل والملحقية في برلين لازم ازورهم عشان يسجلوني ولا يكفي المراسلة ,, الي اعرفه ان الملحقية ابدا ما يردو على تلفون والايميلات يلطعو بالاسابيع

انا شايل هم لاني اساسا كنت مبتعث في مرحلة سابقة وكنسلت في اخر لحظة عشان خاطر زوجتي تتخرج من البكلوريا ونروح احنا ال 2 ماستر والحين انا مرافق وحسيب وظيفة كويسة وابيع سيارة جديدة عشان البعثة واخاف يستهبلو عليا عشني مرافق واولها الفيزا مكتوب فيزة المرافق تاخذ 8 اسابيع وقبول اللغة يبغاله جري ورا الملحقية عشان كده تشوفيني ابغا اعرف كيف حتمشي اموري

والله كل ال vielen danks ما توفيك

لا انا ماني طالبه من طلاب الداد ولا طالعه على حسابي الخاص بل مبتعثه من المرحلة السادسة

لا عادي خذ راحتك بس سؤال واعذرني على اللقافة اش تخصصك انت والمدام ؟

طيب انت من اللي حولوكي ؟؟ ولا ما جاك رد لسه !!

الداد ينظمون حق كل الطلاب من الدفعة الخامسة والي بعدها.

تخصص الماستر finance

تخصصاتنا في البكلوريا تختلف لكنها امتداد للتخصص