سؤال لطلاب طب أمراض القلب+الجهاز الهضمي في ألمانيا

السلام عليكم

كيف حالك إختي .. ان شاء الله تكوني تمام .. و الوالده عساها بخير

إختي .. نصيحه .. الاطباء بالكويت 90% Game over
نادراً ما تلاقي لك دكتور فهمان و يعرف يشخص وان عرف يشخص ما يعرف يوصف دوا منيح

انصحك لله .. لو تروحي لـ الاردن او لـ سوريا .. الاطباء اهناك افضل من بالكويت
اما انك تطلبي نصيحه هي مو غلط

ولكن اختي .. لعلمك عشان النصيحه تكون مفيده .. لازم يكون الدكتور المباشر للحاله على علم بكل تفاصيل المريضه من كل النواحي
خليها تروح ع الاردن .. منها تغير جو ومنها تشوف لها دكتور يكون منيح و فهمان


تمناتي لـ والدتك بالشفاء و الصحه و العافيه
و عسى الله يحفظ لك والدتك و يحفظ لنا امهاتنا


دمتي بـ ود

أهلين د. خالد:

يسلمو على ردك السريع. و أنا فعلا شفت دكاتره مشهورين في الاردن و سوريا كمان (بالمناسبه انا عملت تقويم أسناني في سوريا). بس للأسف ما لقيت دكاتره بتفهم لا هون ولا هون.
الدكتور اللي ماما بتتابع معه في الكويت بصراحه فهمان بس لحد الآن ما عرف السبب. بس بصراحه مجتهد كتير و أحسن من بقية الدكاتره اللي شفتهم (ما كان عندهم استعداد يدورو على السبب بالمره).

و لأني دورت عاالنت و لقيت انه طلاب الطب في المانيا بدرسوهم عن الأعشاب من هم بالجامعه و هو اشي معتمد عندهم: هادا اللي خلاني أسأل.

هلا إختي

بـ الاردن و سوريا ما لقيتي فهمانين.. انا ما لي علم بـ الاردن .. ولكن بسوريا بالشام حصراً كثير دكاتره شاطرين بتلاقي
اما بالنسبه للكويت .. قلتي لي لقيتي دكتور فهمان بس لهلأ ما عرف شو السبب؟
رح قلك على هي الشغله و انتبهي منيح
انا ساكن بالكويت .. و اشتغلت بـ مستشفى مبارك ..ولي معارفي
اختي اغلب الدكاتره الي بالكويت .. بتلاقيهم يا هنود او مصريين .. مع احترامي للجنسيتين
ولكن الهنود .. نعرف شغلهم ... اما اخوانا الدكاتره المصريين بالكويت " اقصد الي يشتغلون بالكويت حصراً وليس بمصر".. يا كثر اخطائهم الطبيه ومحد يمدح فيهم
ولا يغرك ان الدكتور كثير حكي و بيعمل حالو فهمان .. لان كثر الحكي بدون نتيجه .. تعتبر "علاك مصدي" يعني حكي ع الفاضي

اختي و حتى لو بدك نصيحه الي بدو يعطي النصيحه .. ما رح يحكي لك اياها الا لمن يفحص المريضه و يعرف شو حالتها
بـ رأيي الشخصي .. حتى لو لقيتي حدا من هون ممكن يحكي لك شي يفيدك .. لكن بالمقابل بدون فحوصات و استجوابات .. ممكن النصيحه ما تفيد

تمنياتنا لك و لـ والدتك بالصحه و العافيه