استفسار عن المكافأه ..

ياشباب الي عندو وقت يشتغل بار تايم والله مره كويس وتعلم المحادثه بسرعه

يا شباب ماهي مشكله الكويتين يستلمون 1000 في الاسبوع انا مااعرف والله بس قارن بين عدد المبتعثين المبتعثين السعودين قد عدد شعب الكويت
والامراتي العسكري يستلم 4000 باوند في الشهر والمبتعث في التعليم 1200
ليه تحسدونهم الله يهنيهم ويزيدنا معهم

القناعه كنز لا يفنى !

فيه مرض في البعض منا.... وهو المقارنه... دايم يقارن السعوديين بالخليجين ويبالغ بالمقارنه.... حتى ان احدهم قال ان الاماراتيين يستلمون 7000 باوند بالشهر طبعا مبتعثين زينا مهب عسكريين وقال القطريين ياخذون 5000 باوند وخذ.......الى متى يعني مانرضى بالواقع والخير اللي حنا فيه....... بريطانيا هي بريطانيا من عرفناها واسعارها غاليه وكان فيه مبتعثين عام 2003 وقبل رواتبهم ماتوصل ال 500 باوند وكانوا عايشين وحنا اللحين اكثر من الدبل وموب راضين

الملك عبدالله ماقصر الله يجزاه ألف خير في بعض البنات معنا من دول ثانيه يتمنون هذا الشي لأن عندهم طموح يتعلمون الأنجليزي مو مثلنا تفكر وش نأكل ووين نقضي الويكاند !!!!!!!!

ياحبكم لل الخروج عن الموضوع الاصلي ...
الرجال في واد وانتم بواد .. الرجال تذمر عن نزول الرواتب .. ولا اشتكى قل او كثرة الراتب ..

لا اخوي ما خرجنا عن الموضوع الاصلي و لا شي
بس بنقوله اذا نزلوها بدري راح الاخ يصرفها في اجازة الكريسمس و راح تخلص فلوسه قبل ما الشهر اصلا يبدأ و بعدها اكيييد راح يسبسب و يتكلم عن المكافاة و ليش ينزلوها بدري و مدري ايش و يتكلم كلام ماه داعي
و لو تلاحظ مشاركاته اغلبها سب في الملحقية و كلام فاضي و بيرفع دعوة و يجيب محامي على الملحقية بس الله يهدينا و يهديه
و تقبلو مروري

من خلال تصفحي لمواضيعك ...

تأكدت ان ماوراك الا الدجه والتسذب

الا وش صار على قضيتك ال 7000 باوند اللي تبي تطلعها من عين السفير والملحق...

بس تبي السراحه زين ما سوا فيك الملحق يوم يطردك

اللهم لا شماته

هههههههههههههههه يا حبيلكم ...

ان شاء الله تنزل المكافاة بأسرع وقت على شأن تزين نفوسكم وتصيرون سنعين .
وصدق المثل يوم قال الفلوووس تللعب بالنفوووس ..
بعدين انا مادري ليش فيه ناس تحب تهاوش وتصلح هي الفاهمه غصب ماهو بطيب .وعالعموم انت وياه بس فشلتونا قدام الله و خلقه .
وانا صراحة كنت اتمنى لو احد المشرفين يحذف هالموضوع لانه مش كويس من اوله .