اهل الخبره اين افضل الولاده هنا في بريطانيا او السعوديه

كثير اعرف ولدوا حريمهم هنا


يقولون العناية تفرق كثير يدلعونها هنا

بعكس السعودية ممكن يسوون لها قيصيرية عشان ياخذون فلوس >>>>>مو راضي عن البلاوي اللي تصير بمستشفيات السعودية

الولاده على ماحسب ماسمعت من اللي ولدو في لندن طبعا الدكاتره اكثر كفاءه
ولكن المستشفيات الحكوميه مافيها ابدا دلع لازم الام تقوم بنفسها ومايحاولو يريحوها زي مستشفيات السعوديه غير ان الغرف تكون مشتركه الا اذا حتولد في مستشفى خاص الوضع حيكون مختلف.
صراحه الولاده في السعوديه اريح وخصوصا لوجود الاهل هناك
بالنسبه للبيبي ماعنده أي مشكله يطلع الطياره في أي وقت بعد الولاده عن خبره ممكن يعاني قليلا من الم الاذن بسبب الضغط عند الاقلاع والهبوط والرضاعه الطبيعيه أو الصناعيه اثناء الاقلاع أو الهبوط ممكن تقي من هذا الالم وممكن مايشتكي من شي أصلا.

أتمنى اكون ساعدت لو بمعلومه بسيطه

من وجهة نضري الولاده هنا احسن واكثر عنايه......بس العيب الوحيد هو عدم وجود الاهل اللي هو مهم جدا للحامل وقت الولاده

مستشفياتهم هنا مايطلعون الام اذا ولدت ويجبرونها على الخروج زي السعوديه بالعكس يخلونها على راحتها متى ماطلعت ومن ناحية العنايه قبل الولاده فهي افضل ايضا بس اهم شي الانتضام في المواعيد حقت الميد وايف

الا على طاري الولاده......انا مادري كيف حريمهم فيهن هالقوه تصدقون فيه حرمه حامل دخلت المستشفى معنا ذاك اليوم الصباح وولدت نهاية الضهر وشفتها العصر ماصدقت...شفتها تحط مكياج ووتزين وتراكض بالممرات حقت المستشفى وكأن شي لم يكن.....مهب مثل حريمنا يبي لهن شهر عشان تبدء تمشي >>>>>>يازين هالانجليزيات بس

أبو جبل

السبب انتم

الرجل السعودي للآسف ما يهتم باحتياج المرأة عند قرب الولادة

تلاقيها بتروح تولد

يقول تعالي سووي الغدأ اول قبل تروحين.

ولا جت توها والدة

تلاقي البيت معفوس جميع حشرات وفيران العالم موجوده في بيتها فتظطر تهرب من هالواقع الأليم إنها تجلس بالمستشفى احسن لها

>>>>>>>اول مرة في صف المرأة

اكيد في بريطانيا افضل سواءا حكومي او خاص


اخوي راجع هذا الرابط فيه كل شي تبيه

http://www.mbt3th.us/vb/forum66/thread131384.html

<<<<<<<<<< جيتو على الوجع والله

طيب اذا ولدت بخاص تقريبا كم تكاليفه ؟؟ والمراجعات برضو كم تكاليفهاا

وهل الملحقيه تتكفل بهالشي او احسب حسابي من الحين؟
>>>> توهقت!!

وعليكم السلام والرحمة

يجب عدم التأخر باتخاذ القرار حيث ان هناك حظر

على سفر المرأة الحامل بالطائرة اذا كانت بالأشهر الأخيرة

وبالتوفيق ،،

السلام عليكم ورحمة الله وبركاته

احب اشارك بهالموضوع بقصتي وتجربتي مع الحمل في بريطانيا
بداية حملت زوجتي في بريطانيا وباختصار شديد جدا
عامل النفسية مهم جدا وخصوصا انها مساله حياة او موت للمراه عندما تدخل المراه داخل غرفة العمليات لا بد من وجود احد تستند عليه وحبذا لو تكون امراه لان تطابق الجنس مع المرافق داخل غرفة العملية جدا مهم

المهم هذا اول سبب اني رجعت السعودية وانجبت زوجتي في السعودية عموما طول فترة الحمل اي 8 اشهر ونصف كنت في بريطانيا ولكن في الاسبوعين الاخيرين الضغط والعامل النفسي وعدم تواجد اهل زوجتي ولظروف خاصه لم يقدرو اهلها من المجيئ لزيارتها او التواجد معها في فترة الحمل او بعد فترة الحمل ( النفاس ) رجعنا الى السعودية

ولكن الفترة 8 اشهر ونصف بصراحه كانت فيها عناية جدا رائعة عناية فائقة عناية لا يعلى عليها وماهو المقابل صدق او لا تصدق >>> مجانا

وايضا في موضوع المراه الحامل وركوبها للطيارة كانت اكبر مخاوفي عند ركوبنا للطائرة ولكن بستر الله وحمده وصلنا السعودية بالسلامه ولكن مرينا باجراءات طويلة ولكن هالاجراءات انا اخدتها احتياطا ولكن عند وصولي للمطار هيثرو لم يسألني اي مخلوق عن اي اوراق او اي اجراءات خاصة بالمراه الحامل فكانت اجراءات جدا عادية كالمعتاد ( الخطوط السعودية )

وبالنهاية اشكر الله سبحانه وتعالى والف مبروك مقدما

بعطيك خبرتي

زوجتي انشالله على وشك عقبال اللي ماالله رزقه والعزابية
اسأل اللخ العلي القدير يرزقكم الذرية الصالحة

زوجتي طبعا تراجع بمستشفى خاص
وخذلك ايش دلع اول 3 شهور كنا مع مستشفى حكومي كان كويس نوعا ما
ولكن حسينا بفرق يوم رحنا مستشفى خاص
طبعا المستشفى الخاص الملحثية تتكفل بهذا جزاهم الله خير
والطريقة تاخذ تقرير الحمل او الملف من المستشفى الحكومي وتاخذ موعد من المستشفى الخاص وتعطيه الملحقيه
فيعطونها ضمان مالي للمستشفى وخلاص

زميلي زوجته ولدت في نفس المستشفى اللي جالسين نراجع فيه
على كلام روعه
بعد الولاده سويت كامل لزوجتك
وكل شي يوفرولك
واهم شي قد مايقدرون بعد ارادة الله انهم يولدونها طبيعي

اذا انت بلندن اعطيك اسم المستشفى واسم الدكتوره البطله حاضرين
تحياتي