استفسار سؤال عن البريسشنال كورس في درم & هل يصح سكني في نيوكاسل ودراستي في درم

هلا

البريسيشنال كورس يعتم على الجامعة نفسها والرابط اللي وضعتيه ماهو موضح طريقة تقسيم الدرجات لكن اللي يغلب على الظن وفي اغلب كورسات البريسيشنال كورس في الجامعات البريطانية

انه يكون مقسم بين كتابة بحوث واختبارات بس عادة يكون سهل انا درست بريسيشنال كورس واجتزته وكان فيه اختبارات وبحوث ويركزوا على الحضور كثير

لكن يمكنك التأكد من نفس المعهد حقهم كلميهم واسألي عن تقسيم الدرجات وعن نسبة النجاح او شوفي طالب درس البريسيشنال كورس عندهم عشان يقول لك كيف وضعه

طبعا عادي انك تسكني في نيوكاسل وتدرسي في درهم مافي اي مشكلة و15 دقيقة مسافة قصيرة

وهذا منتدى ملتقى جميع طلاب بريطانيا وفيه ملتقى لجامعتك اسألي ويمكن تحصلي احد درس بريسيشنال فيها ويقول لك

وباختصار اذا الجامعة مستواها وسط مو من الجامعات القوية توكلي على الله وادخليها

بالتوفيق

مشكور سليمان بيض الله وجهك ، ريحتني الله يريحك

انا قلت ادخله لكن خفت مافلح في اختبارهم ومايدخلوني ماستر شهر 10 لاني مضطره ادخل ماستر 10

وحاولت القى احد يدرس في درم لكن مالقيت وان شاءالله بتوكل على الله واسجل فيها

لكن اذا في اي طالب عنده معلومه لاتبخلون علينا

هلا اختي درم جامة مصنفة من افضل عشر جامعات في بريطانيا ، حقيقة برنامج البري سيشنال كورس ما اعرف عنه شي لكن سالت فقالوا انه برنامج مركز في الجامعة ويبدأ اعتقد في جولاي ونيوكاسل فعلا قريبة من درم وتقدري تداوي يوميا كلها 12 دقيقة حتى درم بالقطار، لان الطلاب الموجودين في درم والطالبات يداوم بعضهم من نيوكاسل

هلا

الله يسلمك اسف انا نسيت مارفقتك الرابط حق ملتقى الطلاب المهم هذا هو وفيه ملتقى لجامعة درهم

ملتقيات المدن البريطانية - ملتقى الطلاب السعوديين في بريطانيا

بالتوفيق

مشكورين وبيض الله وجيهكم

عموما انا في درم اختي وربي يكتب لك الخير في اي مكان يارب بالتوفيق

اخوي m a a b

شرايك في سكن جامعه درم خاصه كلية دراسات العليا ؟
او سكن الخاص بأي جامعه

وشكرا

اهلا اختي والله السكن داخل حرم الجامعة يادوب دقايق مشي لكن هذا يرجع للطالب او الطالبة