مساعدة هل أستقيل وادرس على حسابي في بريطانيا موارد بشرية؟! وش رايكم؟!

وعليكم السلام
نصيحتي لك
اذا ما طلعتي ع البعثة
ان تستمري بوظيفتك افضلك
والله يكتب لك الخيره

هلا اختي

مثل ماقال الاخ صالح

ودامك في عمل ليه ماتاخذي الماجستير من السعوديه

فهو اوفر وافضلك من نواحي عده

تبقين على وظيفتك
فالسعوديه اسهل
لافرق دامك في وظيفه من السعوديه او خارجها
تكسبين خبره عمليه اكثر
اقل تكاليف ماليه بل ماتقارن
مع صعوبات الغربه والدراسه والمعيشه فالخارج
الان بعض المبتعثين حتى على حساب الدوله عادوا ولم يحصلوا وظائف

هذا رائ شخصي

والله يوفقك

أوافق الإخوان فيما ذهبوا إليه
استمري في وظيفتك وادرسي ماجستير هنا أفضل لك

بالتوفيق

^^^
إظن بعض الشركات مثل ارامكو تقبل شهادات التعلم عن بعد من بعض الجامعات مثل ليفربول وليستر!
تأكدي من ادارتكم هل يقبلون بذلك وبذلك تحافظين على وظيفتك وبنفس الوقت تواصلين دراساتك العليا!!
وفقك الله الى ما فيه الخير لمستقبلك العلمي والعملي،، تحياتي.

حاولي تختبري ايلتس وتجيبي الدرجة في السعودية بعدين تسوين الماستر غيرها بتكون الصرفة مضاعفة

على حسب وظيفتك وراتبك .. يعني صدق من قال ان الوظايف صاير فيها شح فضيع بالسعوديه ..

انا خلصت ماجستير .. وجلست فتره ادور ع وظيفه مافيه .. وتخصصي مره مطلوب ؟؟ لكن ماندري وين الخلل ..

طلعت كملت دكتوراه .. وللحين اراسل الجامعات والمستشفيات وماعندك احد .. يقولون تخصصك رائع بس ماعندنا لك مكان .. لول

لو بتكملينه كملي وانتي ع راس العمل .. يعني خذي اجازه استثنائيه لمده سنه .. وقبلها تكوني جايبه درجة الايلتس ..

اما تفريطك بالوظيفه لو كانت ممتازه صعب جدا ..

ومين الي قالك ما تجيك البعثه تجيك ما عليك من الكلام الي في الورق المكتوب غير والواقع شي ثاني

وما تقدري تاخذي اجازه بدون راتب يكون احسن لك من يلقى الوظايف هاليومين

والله حيرتوني
بعدين الماجستير هنا أبدا مايقارن بالماجستير برى!
هناك بيكون القبول اسهل وغير كذا بيكون دراسة + وممارسة لغة وتقوية لغة اكثر ( مع ان لغتي الحمدلله ممتازة مقارنة بزملائي في الدراسة والعمل بس اكيد كل واحد يطمح للأفضل )
و الشروط هنا معقدة جدا للقبول وعير كذا مادري وين الاقي ماجسيتير مواردبشرية!؟


Artisit KSA
انا سألت عن الانضمام بالبعثة في المعرض الدولي وسألت السفارة السعودية في المملكة المتحدة وايرلندا وقالي فيه كثير درسوا التخصص ولم يقبلوا في البرنامج لان الدولة ماتدعمه !
---
روح السعودية
ايش تخصصك؟! مرره ضاق صدري عليك هذا اللي خايفه منه !!
يارب يكتب لك كل خير وتلقين مااتتمنين وافضل ان شاء الله
---\


اشكر كل اللي ردوا وتفاعلوا معي

واالله يبيلي افكر فيها زيييييين لان مره شيء يعور القلب لو ابتعث وارجع ولا الاقي الوظيفة اللي تناسب شهادتي !!
الله يكتب لي ولكم الخير

بستخير مره2 لان الشركة مرره محتاجتني مستحيل تخلييني اطلع بدون راتب وخاصة بعد اني بدرس تخصص غير تخصص عملي عندهم !

نصيحة ذهبية خليك بوظيفتك واجمعي دراهم واختبارات وانتي على رأس العمل!
خلصي الآيلتس 7 والجيمات والجي آر إي إذا لزم الأمر + 150000 ريال على الأقل!!
وراسلي أقوى جامعة بريطانية بمجال الموارد البشرية واذا قبلوك قبول صريح ونهائي وغير مشروط!!!
جهزي نفسك من والى للرحيل الإكاديمي وقدمي الإستقالة للشركة مع أخذ شهادة خبرة عملية وتوصيات ان امكن منهم وصدقيها من الغرفة التجارية!!!!
وتوكلي على الله على أقرب رحلة لبريطانيا،، وبعد الوصول هناك لاتيأسي من الملحقية حاولي فيهم بكل الوسائل ان يضموك بالبعثة وعلى تخصصك المنشود!!!!!!!
وفقك الله الى ما فيه الخير لمستقبلك العلمي والعملي،، تحياتي وفائق تقديري.