ماهي مميزات بريطانيا ( مقارنة مع امريكا - كندا - استراليا)

أنا قلت يا غالي للي يهمهم الموضوع المادي وهو بلا شك مهم خاصة للمتزوجين واللي معهم مرافقين.

بالنسبة لكلامك الغلبة لكاليفورنيا لي تحفظ عليه ، لأنه يعتمد على التخصص
مثلا أنا بدرس ترجمة ، بريطانيا هي الرائدة في الترجمة وليس أمريكا
باختصار التعميم ماينفع
قلي وش تخصصك ؟ وش وضعك ؟ وقتها تقدر تحكم وش أفضل الولايات المتحدة ولا بريطانيا

طيب في الطب ايهم الأفضل ؟ هل يستاهل اني ادرس بكالوريوس ثم اكمل ماستر طب في امريكا او بكالوريوس طب في بريطانيا على طول ؟

ليس من السهل ايجاد قبول للطب في بريطانيا لان اغلب المقاعد الدراسية تعطي للمحلين ودول الاتحاد الاوربي

مشكورين للجميع ع التفاعل والله يحقق امانيكم
وبصراحة اريد المزيد من مبتعثي بريطانيا لاني قريب لها كثير
واريد مميزات اكثر مقارنة مع الباقي.

اشكرك ياخ اشرف جزيل الشكر
وبتواصل معك ع الموبايل

اتمنى يعلق من عاش بالدولتين
أما اللي فقط يسمعون وأنا واحد منهم فرأي أن بريطانيا تتميز بالقرب وآمن ومتقبلين للحجاب والإسلام

بالنسبه للناحيه الاكاديميه اعتقد سمعة الجاممعه اهم من اي من الدولتين٫ يعني تدرس في كاليفورنيا بيركلي مثلا احسن من انك تدرس في جامعه اقل مستوى في بريطانيا والعكس صحيح٫ وكذلك برايي الشخصي دراسة سنتين ماستر في امريكا ستكون افضل من دراسة سنه فقط في بريطانيا ،بالنسبه لي نصيحتي ان الواحد يروح للجامعات الاقوى في اي دوله كانت٫

ماستر امريكا يطلب جي ار اي واحيانا جي مات لتخصصات البزنس، بينما لاتطلب بريطانيا هذا الشي ٫ والتقديم في امريكا محدد بمده ٫ لكن في بريطانيا مفتوح وكل ما قدمت بدري كان احسن٫ اذا راح تقدم لهذي السنه فانت متاخر جدا جدا ٫ واغلب التخصصات للانترناشيونال راح تقفل بعد ١٠ ايام ٫ هذا غير ان اغلب المقاعد حجزت اوريدي ٫ اذا تبي تقدم في امريكا امتحن من الحين الجي ار اي لانه النتيجه تحتاج مده طويله ٫ يمكن شهرين او اكثر > طبعا انت شوف تخصصك وشوف شو المتطلبات العامه في اكثر الجامعات >>

من ناحيه اجتماعيه ٫ بريطانيا افضل من ناحية انها قريبه لبلدك والتوقيت اقل وتقدر تسافر لاغلب دول اوروبا ومتى ما تبي ترجع لبلدك٫ امريكا بعيده وفرق توقيت ممكن يكون ١٢ ساعه في كاليفورنيا مثلا ٫ سفر طويل وممكن تحتاج كذا ترانزيت خصوصا اذا كنت في ولايه مافيها مطار يوصل دايركت لبلدك ٫ وغير هذا مكلف اكثر من بريطانيا ٫ لكن بعد امريكا قريبه منها دول سياحيه جميله مثل المكسيك والبرازيل وفي الشمال الشلالات في كندا ٫
المدينه اللي بتسكن فيها مهمه جدا ٫ يعني مو كل امريكا حلوه٫ نيويورك وكاليفورنيا وميامي حلوات وفيه ولايات ثانيه ممله جدا ومافيها شي مع ان فيها جامعات جدا جيده> فيعتمد ع المدينه سواء في بريطانيا او امريكا . في بريطانيا بالويكند تقدر تروح لندن او باريس او بروسل مثلا بس امريكا غالبا تكون بعيده الولايات الثانيه >>

اذا كنت مع عايله الوضع يختلف شوي٫ يعني ما تحتاج وسائل ترفيه نفس اللي وحده، يعني تقدر تطلع معاهم الجديقه بيكنيك بالويكند وتسمتعون ٫

بالنسبه للتكاليف٫ تكاليف الدراسه ببريطانيا اقل من امريكا ٫ لكن تكاليف الحياه والمعيشه يعتمد ع المدينه >>

صحيح ان في بريطانيا جامعات عريقه لكن ٦٠٪ من افضل الجامعات في العالم موجوده في امريكا ٫ و١٥٪ فقط في بريطانيا ٫

في بريطانيا الجامعات فيها طلبه انترناشيونال اكثر ٫ مثلا جامعة لندن للاقتصاد فيها ٧٠٪ انترناشيونال ومانشستر حوالي الثلث انترناشيونال ٫ بينما الجامعات الامريكيه اقل الانترناشيونال >>


نصيحتي الشخصيه لك ٫ قدم في الاثنين بس في الجامعات العريقه ٫ واذهب للجامعه الافضل في اي مكان كانت ٫ ونصيح اخرى قدم السنه اليايه٫ لان هالسنه فرص قبولك اقل ٫لان المقاعد محدوده جدا >>

وبالتوفيق

مع أن ماعندي خبره شخصيه بالطب لكن اعتقد الطب في امريكا افضل ٫ اعرف شخص عربي مجتهد ومتفوق في دراستع تخرج طب من بريطانيا ولما راح يكمل في امريكا طلبوا منه يدرس سنتين قبل علشان يعادلون له (شي من هالقبيل) ٫ ولما سالته قالي عندهم في امريكا افضل ٫ والحين تخصص كارديولوجيست وله مستقبل باهر بالطب لانه يدرس في جون هوبيكينز (لكن جنسيته الامريكيه خدمته جدا) لذلك لا اعرف عن الفرص لدى الغير امريكين وفي امريكا معروف ان الامريكيين لديهم فرص اكاديميه اعلى من الانترناشيونال في القبول على عكس بريطانيا اللي تفضل تعطي الانترناشيونال مقاعد اكثر

مشكلة الطب في أمريكا انها مافيها بكالوريوس وانا ابغا اخذ بكالوريوس لذلك فضلت بريطانيا لكن بحثت كثيرا وفعلا زي ما قال الاخ abusari القبول صعب والمقاعد عليها منافسة شديدة يعني احد الجامعات المعروفة في سنة وحدة قبلت ١٥ متقدم من الدول اللي ما تنتمي للاتحاد الاوروبي فقط !! لذلك انا محتارة جدا ... اخاف يقبلوني سنة تحضيرية وماجيب درجات عالية جدا او اني اجيب درجات عالية ولكن مايقبلوني وارجع زي ما رحت وتروح علي سنة كاملة ماتحسبلي والسنة التحضيرية غير شاملة لكل الاقسام يعني على حسب القسم تتغير المواد اللي تدرسها في هالسنة

مشكورة جدا جداً وجوابك مفصل وطيب
انا ماعندي لغة وبروح ع حسابي وشهو الافضل لي
وابغى اسالك وشهو الانترناشيونال ؟