بنروح لندن بدون لغة ... هل من مساعد

السلام عليكم .. اسعد الله صباحكم بكل خير .. اخواني ماابي اطول عليكم .. اتمنا ماتكون الاسئلة طويله .ادخل في الموضوع بروح انا ووصديقي لتعلم اللغه في بريطانيا ان شاءالله بعد رمضان .عشان تساعدنا في الجامعه تعرفو النظام الجديد في الجامعات السعوديه (السنه التحضيريه) فيه كثير من الشباب مااعدو فيها ووحولهم الى تخصصات مو اللى في بالهم . المهم احنا حنكون في نهاية شهر شوال في بريطانياء وحاب اعرف الله يخليكم شنو الاسئلة اللي يسلونا في المطار ووكيف طريقة استلام العفش وشنو المطلوب من اثبات . مع العلم انوه مانعرف نتكلم انجليزي بالعربي ماعندك احد وفوق هاذا خايفين (اول مره نطلع من السعوديه) فياليت توضحون لنا ...ودمتم بالف خير

عليك السلام ورحمة الله وبركاته
صبحك الله بالرضا
الامور بسيطه وانا اخوك
من تنزل من الطياره تمشي ورى العالم لين توصل الجمارك حقين الجوازات
وتصف معهم بالسرى مع الاجانب لان في سرى للبريطانيين وفيه للاوروبين ا>ا ماكنت متوهم
عموما السعوديين معاك بالطياره كثير خلك معهم لين توصل الموظفه
تسالك الموظفه ليش جاي ووين بتسكن وامور جدا بسيطه وبعدها ترسل للكشف الطبي ( انا من زمان عن نظامهم بس اتوقعهم إلى الان ك>ى )
الكشف الطبي مكتب قريب من موظفة الجمارك
فحص أشعه وانا أصلا كنت جايب معاي أشعه للصدر وتقرير طبي اني سليم من مستشفي خاص ودقيقتين وخلصت
وبعدها تختم جوازك وتروح تدور عفشك.. تتبع لوحه صفرا إلين تلقى سير الشنط ومكتوب عالشاشه الرياض أو جده
توصل بالسلامه وبالتوفيق
والافضل إنك تقرأ هالموضوع بيفيدك كثير لان المعلومات اللي عطيتك إياها مش دقيقه
http://www.mbt3th.us/vb/forum66/thread75859.html

هلابك اخوي رائد
والله يحييك ويسر امورك يارب
والامور سهله جدا وانا اخوك
فلا داعي للقلق
وكل شي ان شاء الله سهل حتى لو لغتك مره مافيه

وابد اخوي ان بغيت مساعده حنا بلندن وحاظرين باللي نقدر عليه

بالتوفيق

بيض الله وجيهكم واحد واحد .. الله يعطيكم العافيه على الرد الممتاز .. براسي اسائله اذكرها فيما بعد ان شاءالله بس تحملووني يااخوان .. واستودعكم الله . تحياتي