استفسار جامعة جلامورغان University of Glamorgan

على حسب علمي الجامعة موقوفة
اللة يوفقك

أنا أنصحك بالسكن مع الجامعه حتى لو كان ممل، ماراح يكون ممل أكثر من لو تسكن لوحدك، بعدين فكرة القطار كل يوم راح تكون جدا مكلفه لأن القطار في بريطانيا مكلف مو نفس الباص، هذا غير أن مرات ممكن يصير فيه مشكله بالنقل أو تأخير وانت اللي بتتاخر عن كلاساتك. اذا ما تبي تسكن بسكن الجامعه ع الأقل اسكن في نفس المنطقه ،،
ممكن تبحث عن شقق في gumtree وراح تشوف تكاليف الستوديو أو الشقق، ومن خلال قوقل ماب ممكن تشوف قرب السكن من الكليه ولا تحجز ولا تثق بحد لحد ما تروح هناك وتشوف بنفسك وتتاكد أن السكن مسجل الخ، والأفضل التعامل مع مكاتب تأجير العقار المعتمده،
في الفيزا لمومهم عنوان الفندق اهم شي السكن اللي بتسكن فيه بعدين، لو اخترت سكن الجامعه اكتب عنوان السكن، لازم يعرفون أنك عارف وين راح تسكن طول هالسنه ، الفندق ممكن تكتبه كاضافه فقط.

بالنسبه للمصروف الشخصي، لو يهمك لازم تتخلى عن فكرة القطار أول شي، وكالة الهجره تحدد تكلفة المعيشه للطالب خارج لندن ب ٨٠٠ باوند شهريا ،، مع السكن وكل شي لكن غير تكاليف الجامعه.


البنك، حسب اللي قرأته هو بنك lioyd TSB بس ما جربت شخصيا، أهم شي تشوف البنك اللي ما تاخذ شهريا مبلغ، مثل HSBC مثلا ، وكذلك تعطيك بطاقة ديبت كارد وتعطيك اوفر درافت بدون فايده..