موضوع فيزا الرضيع للأهميه

الله يجزاك خير واشكر اهتمامك بالموضوع

والأخوه ان شاء الله يفيدوني .




( تمت المشاركة باستخدام تطبيق مبتعث )

نعم لازم تجيب شي يثبت وش راح يكون وضع الرضيع، لان الاب وآلام راح يدرسوا ..

لذلك ما لك الا تجيب قبول من حضانة ولو حضانة خاصة .. انت اصلا مضطر لاحقا انك تحط أولادك في حاضنة .. فيه حاضنة عربية بمانشستر ممكن تتواصل معاها تعطيك شي يثبت انك راح تحط الرضيع عندها اذا كنت ناوي مانشستر ..
او تبحث بقوقل عن حضانات وتكلمهم وتسجل معهم وراح يعطوك القبول .. اهم شي تكون الحاضنة قريبة من سكنك أريح لك ..


قال ﷺ : (لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا).
( تمت المشاركة باستخدام تطبيق مبتعث )

اولاً حبيت اسألك اذا جبت ورقه من الحاضنه كم مدة الفيزا
اللي يعطوني اياها .

اي نعم انا في مانشستر لاهنت اخري ابي اسم الحاضنه هذي وفي اي حي

واشكرك مقدماً


( تمت المشاركة باستخدام تطبيق مبتعث )

انت راح تطلع فيزا سياحية لكن هم راح يسألونك اذا انت تبي تدرس الرضيع وش وضعه، فراح تقول انه راح يكون بحضانة.. وعشان كذا لازم تجيب شي يثبت ..
الفيزا السياحية هي ٦ شهور.. والحضانة راح تعطيك ورقة انه راح يكون عندها من دون ان تذكر كم المدة اللي راح يجلس عندها وان كان لابد قلهم يكتبون ٦ شهور...

ما عليك السفارة عارفة الوضع جداً من مبتعثين سابقين .. والفيزا السياحية بالذات سهالات..

بخصوص الحضانة العربية اللي قلت لك عنها اسمها حضانة طيور الجنة، تقدر تكتب بقوقل تحصلها كثير وتحصل رقم جوالها.. هي مصرية مسلمة وعندها توصيل ..

اذا تبي مدرسة حضانة اكتب بقوقل Nursery بقوقل وبس بصراحة غالين جداً اذا كان فل تايم ..

قال ﷺ : (لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا).
( تمت المشاركة باستخدام تطبيق مبتعث )

الله يبيض وجهك شخص طموح ويرزقك ماتتمناه

كل الشكر اخوي




( تمت المشاركة باستخدام تطبيق مبتعث )