جدل طويل : اين اذهب امريكا او بريطانيا ؟ , سمعة بريطانيا في الحضيض !!

والله شوف يا الغالي معا انه ما لي في البلدين انا من طلاب الهند "بابا ما في معلوم" ولاكن ابي يعيش في بريطانيا ورفض يخليني اجي ادرس هناك
لانه قال المصاررررررررررررررررررريف نارررررررررررررر ودائما يشكي من الملل والكائبه والشعب الانجليزي نظامي بشكل يجيب المرض ودائما احنا مشاكل معا ابي لانه نظامي زي البريطانيين واحنا همجيين ,,والدراسه اعتقد اصعب,ووبعدين ويش الي ملعب مانشستر خير ي الغالي ليه بتروحه كل يوم ,,هو لو في يوم بين كل شهر ,,يعني انا الحين احب اليوفنتوس تبيني اروح اعيش في ايطاليا ,,وخذ ببالك الكاسه الشاي ببريطانيا يمكن قيمه ثلاث وجبات دسمه عندكم في السعوديه والحبيتن الطماط يقول ابي مدري يمكن 20 ريال بعملتكم في السعوديه يعني نار ومرض
اشوف تروووووووح لك امريكا يمدحوها كثير والله وفيها فله كمان اضافه الى قوه الدراسه واصحابي هناك كثير ومبسوطين ودولة عملاقه بكل شي والتكنوجيا قوية هناك

>>على فكره الي بصرفه هنا بالهند في اربع سنوات كاملا دراسه+سكن واكل وشرب احسن من الي عايش في امريكا وبريطانيا ممكن قيمه ترم واحد فقط للدرسه مو معا الاكل والشرب في احد ذي الدولتين !!
تحياتي...

كلام الرجال اللي تكلم عن غلاء المعيشة مزبوط

لكن ارجع واقول انت من تملك الخيار سواء تبذر او تقتسط

في الحقيقة احنا كمجتمع سعودي ( الغالبية وليس الكل ) تربينا من الصغر على التبذير والبذخ الزايد والافراط فيما لاحاجة فيه

وبحاجة الى اعادة ترتيب المصروفات والمدخرات


لان الحياة عند الانجليز مختلفة تماما .. مايحطون باوند واحد الا في مكانه وهذا الصحيح .. حتى في ديننا الله سبحانه وتعالى قال ان المبذرين اخوان الشياطين

بالنسبة للنظام .. اتفق معك الانجليز منظمين جدا جدا جدا .. وهذي خصلة حسنة .. لكن لاننا تعودنا كعرب على الفوضى و الاهمال وعدم التقيد بالانظمة نجد الحياة عندهم صعبة

لكن مع التعود .. راح ترتاح .. مافي اجمل من النظام والترتيب اللي يحفظ حقك وحق غيرك

من ناحية اخرى ..

لاتتوقع انك راح تلقى دولة وحدة او مدينة وحدة فيها جميع ماتتمنى .. وخالية من العيوب .. وكاملة بشكل متناهي ..

والا ماكان سماها الله تعالى ( دنيا ) .. لو كل شي جاء على مانشتهي ونتمنى صارت ( جنة ) مو دنيا وماصار له داعي وجود جنة و نار بالحياة الاخرة

فكل شي له ايجابيات وسلبيات .. والسلبيات اللي تشوفها انت سلبيات ربما تكون ايجابيات بالنسبة لغيرك


بالنهاية .. الموضوع نسبة وتناسب
الشخص يحسبها بعقل وباللي يتفق مع اهواءه وميوله واتجاهاته

والله يوفق الجميع




( تمت المشاركة باستخدام تطبيق مبتعث )

وعليكم السلام ورحمة الله وبركاته

نتشرف فيك اخوي وليد وصادق بكلامك النفس الانسانيه تحتاج الى الترفيه والتغيير والتجديد من وقت لوقت
وكاذب اللي يقول ما يطلع مكان ومن البيت للجامعه والعكس! مهما كان الشخص بيتوتي وحاط حيله بالدراسه لابد انه يطلع ويرفه عن نفسه
وبريطانيا والدول المتقدمه عموما تهتم بتنمية هواية الشخص ويدعمون الانسان لانهم يؤمنون ان الانسان المكون الاول للتطور وان تطور ورقي الانسان
دليل ع تطور وسماحة البلد





مثل ما قالوا الاخوان المقارنه ببعض الاحيان مجحفه خصوصا لكبر حجم امريكا وصغر بريطانيا مقارنه بامريكا


ومن يقول ان الشعب البريطاني مو طيب!!! صحيح كل احد في حاله بس لما تكون صداقات معهم صعب ينسوك
وصعب ما يدمجوك معهم! هم كل احد في حاله وما راح تحصل احد في الشارع مثلا وتنقز عليك ويكلمك خصوصا في لندن لسبب بسيط خوفهم من السرقه!
بس بمناطق خارج لندن وخصوصا اسكتلندا (لاني قضيت فيها وقت طويل نسبيا) حتى لو كنت ضايع اسال بس اي شخص عن مكان راح يفزع لك ويمكن ياخذك للمكان المقصود بنفسه

تراه بجد اكبر عيوب امريكا بعد المسافه لانه لا سمح الله صارلك ظرف قاهر ولازم ترجع الديره باقصى سرعه بالمقابل في بريطانيا ما تفكر انك ترجع الا امداك وصلت بلدك
والتفتيشات بصراحه مزعجه بعد رحله فوق ال 16 ساعه تجلس في المطار فوق ال 3 ساعات ارهاق بالصراحه

بكل شفافيه الامان ما راح تلقاه الا خارج لندن < كرهت لندن بعد حوادث الاماراتيين هناك بس في مدن كثيره امنه وحلوه





الا حلوه وتهبل وتجنن بس احيانا امريكا انظمتها هبله خصوصا الدراسيه يعني القبول في بريطانيا يجيك وانت مريح البال بس احس التقديم لوظيفه في ناسا اهون من التقديم لجامعات امريكا خصوصا للماستر صحيح
بكل صراحه اول رغبه للدراسه بالنسبه لي كانت امريكا وبعد ما تعبت باختبارات الجي ار اي وغير اختبارات اللغه رحت ادرس ببريطانيا ع امل اجيب التوب في اختبار التوفل وانا كارهه بريطانيا لان ودي بامريكا كان بس الخيره فيما اختاره الله تاقلمت ع الحياه هناك بسرعه وبجد الدراسه هناك لشهور معدوده فتحت لي مجالات كثيره في بلدي لكذ فكرت لو رحت دراسة سنه للماستر بيفتح لي ابواب اكثر



انا اقولك ليش بصراحه ما اعرف مكافاءات المبعثين لبريطانيا عندكم كم بس خلنا نحسبه 1500 << تراه رقم من خيالي ما اعرف كم مكافائتكم لبريطانيا
المهم المبتعث ياعيني عليه عنده راتب شهري 1500 باوند ويجي يبي يدرس في يونيفيرستي اوف لندن ولا الامبريال المهم اي جامعه في لندن ويبي يعيش في لندن حلو
احسب ان اقل استوديو هناك تقريبا 1200 باوند قد يلقى اقل بس اكيد راح يضطر انه يستغني عن اشياء مهمه مثل الامان!
المواصلات في لندن ارخص شي الاندر جراوند اتوقع <<قعدت في لندن اسبوع لكذا في اشياء ماني متاكده منها
المهم تشتري تذكره ع زون 1 بقيمة 5.50 باوند وتقريبا بالشهر 116 زون 1+2
الاكل والملابس هالاشياء ما افتي فيهم لان كل شخص وحسب شو يحب وشو ما يحب
بس لما تضيف هالحسبه تلقى المبتعث يخسر بالشهر اكثر من 1500 باوند
اكيد هالمبعث بيكره بريطانيا واللحظه اللي وصل لها وبيهاجمها
اللي حابه اقوله ابعد عن لندن وانت بخير
الجد جد لندن غاليه بس حلوه يعني يمديك تروحها بالايجازات ويك اند اي شي بس مو للعيشه الا اذا انت مقتدر لكن انك تعتمد بس ع راتب الابتعاث اشوفها صعب

بالعكس لندن حلوه وكل شي فيها يجنن في مقوله تنقال اللي هي "if you're bored of london, you're bored of life"
اذا سئمت الحياه في لندن فقد سئمت الحياه
من المعروف ان امريكا بلد الغرائب والعجائب بس بريطانيا بلد العراقه والحضاره لما امشي في شوارعها كل شي له قصه وحكايه مكتوبه
احس نفسي داخل متحف مفتوح كل شي ينطق بالتاريخ المباني الازقه الحدائق كل حاجه فيها عراقه وتاريخ هذا الشي اللي محببني فيها


مثل ما قالوا الاخوه من المعروف ان البريطانيين شعب كروي وكل مدينه متعصبه لناديها اهم شي انك ما تلبس تي شيرتات فرق الكوره خصوصا اذا الفريق انهزم
اتذكر مذيع كويتي انظرب بسبه انه كان لابس كاب للفريق الخصم في ليفربول من زمااان ما اعرف مين هو المذيع

ترى احلى حاجه هناك متاحفهم،،، متحف شارلوك هولمز ما زرته بس ان شاء الله راح احطه في اللسته خصوصا اني ناويه اروح قبل الدراسه بفتره طويله
لما كنت بادنبره رحت في walk tour للاماكن المستوحاه في هاري بورتر وكيف اسماء الاماكن الموجوده في الكتاب هي بالاساس خليط من عدة اماكن وعدة اشياء موجوده بادنبره خصوصا المقبره الموجوده في الجزء الثالث اتوقع او الرابع هي نفسها موجوده خلف المقهى اللي كانت الكاتبه متعوده تكتب فيه >> وعلى فكره هالتور كانت ببلاش بس بالنهايه تعطيهم تب

الدراسه ببريطانيا مثل كل العالم تتطلب جهد وثبات وتضحيه حتى تخلصها على خير والشخص اللي منظم وقته وملتفت لدراسته اول باول ما راح يلقى صعوبه فيها
بالعكس راح يشوفها شي هين وبالويك اند يميدك تروح المدن والبلدان القريبه خصوصا لو معك فيزا شنجن يمديك تنقز لفرنسا بالويك اند او تروح ديزني ومثل ما قالوا بريطانيا بوابة 23 دولة اوروبيه يعني والتنقلات بين هالدول شي مره بسيط وهين اذكر مره دكتوري قال انه حصل عرض تذكره طياره راوند تريب من لندن الى النرويج ب 12 باوند يعني بصراحه يا بلاش
اللي حابه اقوله هنا يمديك تتمشى وتشوف الدنيا ويمديك تدرس وتسوي كل شي وانت مرتاح اذا انت منظم وقتك

ان شاء الله تروح وتكون مثلهم واحسن منهم بعد

اتوقع يمديك تاخذ دورات وتحاول تسجل في انترنشيب بوقت اجازتك في المحطات مثل البي بي سي (فروعه منتشره في كل بريطانيا)
BBC - Careers - Work Experience
او مثلا التلفزيون المحلي لمدينتك او قنوات الراديو

في البايبل في ستيتمنت يقول "with man this is possible, with god all things are possible"
يعني خلي اتكالك على الله وانت شيك على الفرص اول باول والله يوفقك ويكون معك

كل دول العالم المتقدمه تشجع الانسان وتنمي طموحه بس اهم شي يشوفوا انك جاد ومستقتل حتى تلقى فرصه في هالحاله يحطول على راسهم


هل هناك احد في بريطانيا يستطيع ان يساعدني في الوصول الى حلمي ؟


لاني خايف افضل بريطانيا علشان هذا الشيء وفي الاخير تكون كئيبة واكره
اليوم اللي طلعت فيه بعثة وتحطمت كل امالي بسب غلطة اختيار البلد ..!
باختصار اسال نفسك
انت من النوع اللي تكتئب لو المطر نزل بغزاره 5 ايام بالاسبوع؟ يخرب مخططاتك المطر؟
تستمتع بالطبيعه؟ يمديك تستحمل البرد؟
بالنسبه لي لما كان يجي مطر وخصوصا لو كنت بالمعهد وجا المطر ما كنت استعمل المظله وقت الرجعه مع ان اغلب الناس يبدوا يتأففون من المطر في الوقت اللي كنت اشوفه نعمه من الله
وعطيه من عطايات الرحمن وابد اطلع وادخل ولا كانه شي حتى كانت الهاوس مام تستغرب وتقول كل الناس يلغون مخططاتهم اذا جاء المطر ويحولونه ع المول او اي شي ان دورز الا انتي
فانت اذا كان اجابتك نعم فتوكل على الله وتعال اما اذا كانت الاجابه لا ف حول على امريكا
________________________
+ المواصلات في بريطانيا من اسهل ما يكون وما راح تحتاج سياره ابدا الا في المدن الصغيره جدا
شبكه المواصلات مره بطله وهذي بصراحه اشوفها ميزه عن امريكا لان بامريكا لازم تحسب حساب السياره خصوصا اذا كنت من هواة السفر

_______________
اتمنى اكون افدتك وسوري ع التاخير ولو عزمت ع بريطانيا اقول لك من الان WELCOME

اكيد لما تقارنها ب الهند ما راح تطلع نار الا بركان الله وكيلك :d
صحيح كلامك عن الغلا صحيح بس في كثير مغالطات مثلا كوب الشاي لو شريته من ستاربكس كوستا او بيرت ما راح يطلع اكثر من 2.60 باوند << بالمتوسط
اما لو شريته من اي كافيه محلي راح يطله تقريبا باوند وكسور يعني في هذي الحاله عندي الخيار اني ياما اشتريه واهايط بكوب او جلسات ستاربكس او كوستا او اشتريه من الكافي المحلي واوفر على نفسي
وعندك حل ثاني انك تشتري بطاقه وتسوي لها top up حسب مزاجك مثلا انا بالشهر كنت اعبي 50 باوند ستاربكس لانه اقرب كافيه من معهدي
وكيلو الطماطم تقريبا 1.60 من تيسكو بس في خيار انك تجيبه من سوق المزاعين كل احد وعموما كل الخضار والفواكه ارخص بسوق المزارعين
وغير كذا عندك خيار تتسوق في اسدا بدل تيسكو و سينيبيري ومن المعروف ان اسدا مره مره رخيص وحتى الاكل الحلال متوفر فيه وغير كذا عروضه روعه و 24 ساعه مفتوح

موفق

اما كيلو طماط بـ 1.60 ,,بذا السعر هنا بالهند اشتري 10 كيلو طماط لا وابشرك بعد طازج ازين من حق برياطانيا الي يقولي ابوي كله استيراد !!
وقيمة الكاسه الشاهي عندكم اشتري بها هنا ثلاث وجبات افطار وغداء وعشاء لا وكمان وجبات دسمه مو اي كلام ,,يا لبى الهند تاكل من ما لذ وطاب من الخضروات والفواكه والعصائر والايسكريم وكل شي ومواصلات وملابس بقيمه
لا تتجاوز 500دولار شهريا اذا كنت (مبذر ) شامله السكن ,,خاصه الي يبي يدرس كمبيوتر حرام يروح بريطانيا ولا اي دولة اوروبية اراهن ان الهند احسن في مجال الكمبيوتر اضافه الى الكورسات العالميه والشهادات المعمتده الي برخص التراب
ليه الواحد يكلف على نفسه !! ويحرم نفسه من الاكل الطيب والفواكه والخضروات وذي الحاجات على مصلحه الدراسه والمناظر الجميله ويش راح تسوي لنا المناظر الجميله ؟؟(الهند من اجمل ما خلق الله في الطبيعه الخلابه ) وحتى الملابس ارخص شي ببريطانيا البنلطون بـ 500 ريال سعودي ,,هنا بالهند بـ 500 اخذ لي ملابس بالكم والكيف حق سنه لقدام وبكل الستيلات واحسن خامه هنديه !!
المهم الزبده امريكا افضضضضضضضضل بستين مليون مره من بريطانيا ,,روح وانت مغمض

الله يوفق الجميع ...

والله ونعم بالحربي وش صار في موضوعي

^^ هلا يا الغالي ذكرني ويش من موضوع ؟؟ العفو والسموحه تراني انسى يا ليت تراسلني على الفيس بوك هذا اسمي هناك Alex Mohmeed Delpiero يا ليت تتواصل معي ...

زين ياهلا ومرحبا بتواصل وياك قريب

ترى قلتلك لا تقارنها بالهند لان مافي وجه مقارنه وراح تشوفنا مبذرين
بعض الناس مضطرين يروحوا بريطانيا حتى لو ما عندهم ميزانية تساعدهم (بعيد عن راتب البعثه) مثلا لغرض التخصص وخلافه
حرام تقارن الهند ببريطانيا خصوصا في مجال الادب والفلسفه والطب حتى الكومبيوتر شهادة بريطانيا اقوى
ترى سافرت لاكثر من دوله من دول الشرق الاقصى وما خسرت ذيك الخساره اللي تعور القلب خصوصا ان اغلب السفرات كان لحبيب البنات (الشوبينغ)
المهم ترى في ناس يقدروا يوفروا ومين قالك ان اللي عايش في بريطانيا حارم نفسه من ملذات الحياه ومن الاكل الزين
بالعكس بنطلع وبنخرج وبناكل احسن اكل وبنلبس احسن لبس وترى فيه لبس ارخص من السعر اللي بتقوله وفي ماركات متوسطه واللي سعره رخيص
مثل نيولوك برايمارك ماتلان و بي اتش اس <<مره رخاص
والمتوسط مثل ماركس وسبنسر والخ
وآمين الله يوفقك ويوفقنا ويوفق جميع امة محمد...

شوفي عارف اكيد شهاده بريطانيا قوية واصلن المقارنه ما تجوز ما ناحيه المعيشه الهند تحتاج انسان صبور ومكافح للحياه لما تعيشي في الهند خلاص بعدها تقدري تعيشي في اي بلد ,,فيها الاغنياء جدا وفيها الفقر الشديد والمناظر المقرفه والحياه القاسيه وفيها العلم القوي وفيها الجهله فيها من كل شي ,,لاكن اعتذر منك عن قولك بريطانيا اقوى في مجال الكمبيوتر لا ووووووووووووين ابو هند عباقره واغلب الشركات الامريكيه موظفيها هنود
الهنود ثاني افضل بلد في العالم بالكمبيوتر بعد امريكا ,,وعلى فكره مثلا لو باخذ دورات اضافيه لو مثلا سعر الدورة هنا 200 دولار ببريطانيا بتلاقيه بـ 1000 دولار على الاقل ومو بنفس الكفاءه واراهن ان مدرسين الكمبيوتر
في بريطانيا هنود وحتى في امريكا حسب ما خبرني احد اصدقائي قال يدرسونا هنود في مجال الكمبيوتر واغلب موظفي البنوك والمدراء هنود لحد يستهين في الهند وفي اهلها والله ما صدقت لين شفتهم بعيني كنت زمان استهزء فيهم,, انا مجالي في علوم الحاسب ولما جيت هنا انصدمت من فرق المستوى الي كنت عليه والي اشوفه هنا ,,بالنهايه المقارنه لا تجوز معا دولة منظمه وراقيه مثل بريطانيا معا الهند ولاكن الي يبي العلم يلاقيه في اي مكان >>>>المهم بنعطي الاخ الزبده رووووح امريكا احسن لك وخاصه لو مجالك بالكمبيوتر هناك التكنولجيا شي كبير يا عمري وبتعيش حياه فلاويه احسن من نظام الانجليز الي ما يخرج من البيت الا والمظله معاه ولو ضيعها ما بيخرج ابد لين يلاقيها حتى لو يموت جوع ما بيخرج من دونها

وفق الله الجميع لما يحب ويرضى ...