مساعدة جامعة ينصح بها لتخصص تعليم اللغة الانجليزية لغير الناطقين بها tesol

وأنا أمزح والله بس كثير من الطلاب ما يحب يقول وش جامعته
أنا جربت مرة كنت أحط اسم جامعتي في البروفايل كل يوم يرسل لي واحد قصة حياته ويقول مثلا: أنا تعبت مع القبولات وأنا وأنا ولو تفزع معي تقدر تساعدني في قبول دكتوراه أدعي لك وأمي تدعي لك وفلان يدعي لك....

ولذلك اضطريت أحذف اسم جامعتي من البروفايل.

فكثير من الطلاب ما يحب يذكر اسم جامعته إلا ممكن على الخاص بس مو في العام، مثله مثل العمر والراتب عندنا ما أحد يحب يسأل عنه ولا يتحدث عنه.

معك حق بس انا ما ابي قبول ولا شي ان شاء الله بدبر اموري بنفسي

بس استفسر علشان استفيد
ما ودي اتورط بجامعه سيئة او مدينة غير مناسبة واندم

ومنكم نستفيد

ههه للمرة الثانية سوء فهم:
المقصود: مو معناه أتك أنت اللي راح تزنين على سالفة قبول، لكن كونك حطيت اسم جامعتك هنا كلما يجي عضو يشوف اسم جامعتك يروح على طول يشوف اسم الجامعة والبرنامج ويشوف بعد أسماء السعوديين في القسم ويبدأ يرسل لك يخمن يقول لك: أن اللي اسمه كذا طالب دكتوراه في جامعة كذا؟ طبعا لأن الجامعات الأمريكية تحط أسماء طلاب الدكتوراه، فتبدأ تقول له نعم حياك الله تفضل. شوي وتجيك ذيك السالفة: أنا لي سنتين أدور قبول، وهو توه له يومين يفتش في برامج الجامعات... وعاد يشغلك مرة يقول أبي رقم جوالك أكلمك ومرة إذا ما رديت عليه دخل لك بمعرف ثاني.

والله أنا عانيت كثير وحذفت اسم جامعتي مع أني حطيت اسم الجامعة لمدة معينة، فعلشان كذا يترك الواحد اسم الجامعة أو يحط اسم جامعة منفوحة مثلي

لا عادي اشدعوه افا عليك اسالي بس مثل ما قال مستشار اللغويات راح اتواصل معك خاص احسن
بالنسبه لتخصصي بعدني مثلك محتاره
وتواصلي معي خاص احسن << حاولت ارسل رساله خاصه وما عرفت