ابغا احول على ..إيش رايكم ابغا النصحية

الله يحيك يا اخت مشمشة عندنا في ليدز .
انا لي فيها تقريبا 3 اسابيع والله الديرة حليلة و ملمومة وامنة ورخيصة نوعا ما مقارنة بالمدن الثانية
فيها مطاعم حلال ومساجد والله اذا بتجين الله يحييك واي خدمة ترانا تحت امرك
بس لازم تقررين بسرعة لان الجامعة ما شاء الله شبه مليانه
حتى اعتقد مافي اي قبول في معهد الجامعة في الجنرال انجليش الا بعد الكريسمس

واي مساعدة تحت امرك

شكرا لك على رفعك لروحي المعنوية الله يرفع من روحك المعنوية ويرفع من درجاتك الدراسية
والله شايلة هم اولادي والسكن والله يعين ...

أختي بسألك عن التحويل .. ان تم الحاقك بالبعثة .. وتبي تغيير الجامعه والتخصص .. والمعهد ..
وجبت قبولات .. يوافقون الملحقية ؟؟ بتخصص مطلوب من قبلهم

المفروض يوافقوا الملحقية وإلا ما كان مشرفي قلي غيري الجامعة ولكن تغيير التخصص يكون لازم تحت التخصص الريئسي يعني انا تخصصي تغذية لازم ادرس تغذيةعلاجية تخصص فرعي تحت تخصص ريئسي علوم صحية يعني بإمكاني إختيار اي فرع من تخصص علوم صحية وهاذا اللى اعرفه والله اعلم وفي وحدة اعرفها جابولها قبول في لندن للجامعة واللغة وهي غيرت القبول لليفربول والان تسعي من اجل الحصول على قبول الجامعة وسوف تقوم بتغيير تخصصها يعني المفروض انك تقدر تغير ...

والله يا اختي السكن موجود والاسعار متفاوته من 600 الى 750 لشقة من غرفتين
انا ساكن في مجمع شقق فيه عوائل سعودية وخليجية في موقع قريب من السنتر والجامعة
والمبنى امان شقة من غرفة وحدة وصالة ومطبخ ودورة ومياه ومستودع والغرفة كبار
ب550 وفي ناس معاي ماخذين غرفتين وصالة ب650 فاسعار السكن نوعا ما رخيصة مقارنة ببرايتون ومدن الجنوب
اما بالنسبة للحضانة فالجامعة فيها حضانة بس بصراحة ما اعرف كم الاسعار
والله يوفقك الجميع

عزيزتي الغآليـــــــــــــــــه . .

فـــــــــــي قرية صغيرهـ بآلقرب من برآيتون . . إسمهآ هيستنقس . .

أنآ نآوي أدرس فيهآ . . وتقريبآ في بدآية سبتمبر . .

حآولي تستسري عن هذهـ المدينة الصغيرهـ القريبة من برآيتون . .

المدينة صغيرهـ . . وهآدئه . . ورآئعه . .

أي إستفسآرآت .. إحنآ حآضرين . .

وبآلتوفيق . .