دعاء من القلب للجميع و لكل من يقف معي في مشكلتي

أولاً : أسأل الله لك وللجميع التوفيق و السداد .
أخي الكريم . هل لديك تذكرة ( أمر إركاب ) من الدكتور الفاضل / علي العطية . أم لا ؟

إذا كانت الإجابة بنعم فهذه هي الأوراق المطلوبة وهي على النحو التالي :

3 صور من قبول الجامعة .
3 صور من قبول المعهد .
3 صور من شهادة الثانوية العامة .
3 صور من حسن السيرة و السلوك.
3 صور من بطاقة الأحوال .
3 صور من الجواز .
3 صور شخصية .

بالإضافة إلى نموذجين تقوم بتعبئتها هناك نموذج فتح ملف و نموذج طلب إلحاق . و يفترض أن يكون لديك عنوان شخص تعرفه في بريطانيا لتستطيع إكمال النموذج بسهولة .

أخي الكريم . أنا كنت مع أحد من أصدقائي - قادم من السعودية الأسبوع الماضي- في الملحقية الثقافية فكانت هذه المطلوبات تقريباً .

و لأي إستفسار نحن في الخدمة . وفقك الله .

عزوز الله يجزاك خيير يالغالي

بس ما عنددي أمر إركاب لا أعلارف واش هو ولا شروطه ولا كيف أقدم عليه لو تقدر تفيدني يريت الله يجزاك الجنه يوفقك

وكم يبيله علشان يطلع وكيف أقدر أحصل عليه وهل له شروط وهل لو رحت بدون ما احصل عليه يكون فيه مشكله وممكن أتعطل

الله يفقك يارب حال ترد علي بأقرب فرصه ممكنه


مع العلم إنو قبول اللغه اللي عندي مدته 9 تسع شهور الكورس

بعثت عن أمر الإركاب ولقيت انه تذاكر تصرف للمبتعثين

بس أنا على حسابي الخاص وناوي أنظم للبعثه

هل يصرفلي تذاكر ولا لأ

غيير عن كذا هل أحد يقولي أقصى مده في بريطانيا ممكن أنظم على حساب البعثه كم الفتره تتراح من كم لكم كحد أقصى

انا رحت ادرس ماستر وبدون تذاكر انضميت خلال شهر وخمسه ايام

الله يجزاك خيير اخوي بس اللي سمعته انو حقين الباكالوريوس يطولووون علشان ينظمون في الفتره هذي هل صحيح هالكلام

نايف قف.....هل انت بكالوريوس او ماستر....اذا الاولى خلك حذر لأن الاحاق في مرحلة اللغه مقفل يعني تبي تدرس اللغه على حسابك وبعدها تدرس 30 ساعه وتقدم على الاحاق
واذا الثانيه..وضعك طيب روح مبنى الوزاره الرئيسي وبأسرع وقت قابل الدكتور العطيه وجهز قبول الجامعه معك وقبول اللغه والفيزا واطلب منه تذاكر حكوميه لانها تسهل بأمر انضمامك بأسرع وقت....وحتى لو صرفك الدكتور حوال وادخل ثانيه وثالثه لأن الشباب حاولوا كم مره وكلهم ولله الحمد طلعوا بنتيجه....

وعلى كل حال حتى لو انت بكالوريوس رح للوزاره واطلب منهم تذاكر يمكن يصرف لك لأن واحد بالمنتدى صارفين له بس يقول بعد جهد جهيد وميزة اذا عطوك تذاكر حكوميه خلاص تعتبر نصف بعثه لأنهم يعطونك ضمان مالي للمعهد وكذا......وباتوفيق

اتمنى الاخوان يكونو افادوك

نعم أخي الكريم . مثل ما ذكر أخوي (( ابوجبل )) . البكالوريوس أصعب في الإلحاق . لذلك أنصحك توجه للوزارة مباشرة و معك كل أوراقك من قبولات و فيزا وما أشبه.
صديقي قد تم إعطائه تذكرة من الدكتور العطية من قبل أسبوعين - بدون واسطة و لا شيء - و الآن قد صُرف له ضمان مالي .

و أولاً و أخيراً توكل على الله و أحسن الظن به . و أسأل الله للجميع التوفيق .

ماقصرتو يالغالين جميعا الله يعطيكم ألف عافيه على متابعتكم لموضوعي

لاكن ما اكن هنا من جد قف ول إلى الله يعينى جميعا احنى الطلبه والطالبات

انا مقدم بكالوريوس وكان أملي اني انظم للبعثه ولاكن هنا أقول لنفسي لا تقف

راح انشب بحلوقهم الجامعه ببريطانيا غاليه جدا جدا الترم بحوالي الخمسين ألف ريال

ماراح اقدر ادرس فيها اذا كان على كذا

بدأ أملي يضعف حسبي الله ونعم الوكييل

شباب قررت وان شاء الله راح أدرس ال 30 ساعه على حسابي الخاص توكلت على الله

بكره راح أقدم على الفيزه بس في شغله ودي استفسر عنها أتمنى تفيدوني انا عارف انو ثقلت عليكم لا كن صبركم علي شوي الله يوفقكم

بالنسبه لستخراج الفيزه المتطلبات اللي عندي كالتالي :

صور من قبولات المعهد والجامعه في بريطانيا

صوره من آخر الشهادات العلمية اللي حصلت عليها وأظفت معاها شهادات لغه إنجليزيه طبعا الشهادات كلها مترجمه باللغه الإنجليزية ومصدقه من وزارة الخارجيه

صوره من جواز السفر ( توني مجدده ) هل يحتاجون صوره للجواز القديم أم لا

صوره من بطاقة الأحوال

صور شخصيه مكشوف الراس هل لها شروط بالله لو فيه شي ذكروني لأني مصور مو نفس صورة الجواز وإنما وجهي أبعد شوي في نموذج للصور المطلوبه هنا بالموقع قد شفتها الصوره بس الرقبه طالعه بس اللي عندي الصدر واضح هل في مشكله ولا لأ.

كشف حساب للوالد لآخر 6 أشهر وهنا اللي محيرني كشف الحساب يدخل فيه كل شهر 16500ريال
بس وقبل كم شهر دخل فيه حوالي ال 46000 ريال هل فيه شي يدققون عليه في كشف الحساب ولا كيف لأنو نصرف بالهبل ولا يبقى نهاية الشهر إلا شي بسيط

ولكم مني أحلى تحيه ياأعظاء المنتدى والله يجزاكم ألف خيير يالغالييين