اذا عندك نية سيارة ببريطانيا تعال وخشش

مشكور على الموضوع الرائع اخوي ابو جبل


بس انتبه لاتعكس الشوارع على قولتك

بس شدني شي من كلامك وابيك تأكده لي

تحصل سيارة كويسه ميه ميه 1000 باوند

معقوله اسعار السيارت الميه ميه كذا

اجل 50% بكم

طبعا اخوي انفاسها....الوقت يعتبر وقت ذهبي لشرا شياره لعدة اسباب ان اسعار السيارات نازله مرررره بالازمة الاقتصاديه وثاني شي قرب الكريسمس فالكثير يبيع السيارات الزايده عنده بالبيت بأي سعر وانا شفت كثيرين زي كذا بالحراج.....
وطبعا اخوي تحصل ميه ميه ب1000 بس لايروح خيالك بعيد تفكر انها موديل 2007 او 2008
السيارات موديل 2000 هنا تعتبر كويسه واهم شي كم ماشيه ومن معه وكم واحد ملكها
يعني مثلا نحط مثال على سيارة البلد على قولتنا يعني مثل سيارة البلد بالسعوديه غالبا تعتبر التويوتا لكثرتها وتوفر قطع غيارها بأقل الاسعار وجودتها....
فسيارة البلد عندهم هي vauxhull وتجي على عدة انواع مثلا astra صغيره وكويسه وسعرها مناسب بس لاتاخذ اقل من موديل 98 ولا تاخذ ماشيه اكثر من 100000 ميل ....

واذا تبي اي معلومات ابشر عندي ......واذا تبي سياره بعد ندور لك سياره حلاوه...
بس فيه نصيحه اذا انت بالسعوديه مازلت طلع الورقه من اي مؤسسه انك ماعندك حوادث ولا مطالبات لشركة الـتأمين خلال ال5 سنوات الاخيره

احس ان شغلة السيارات معقدة في بريطانيا

الله يسهلها

من ناحية شغله شغله....بس لو فكرت زين تحصل انها مهمه وممتعه بنفس الوقت وخصوصا ان اسعار الوقود نازله بقوه هاليومين...........يعني كان اللتر بالصيف وصل 1.25 باوند اللحين 90 بنس

فديتك يابو جبل والله اني من زمان ادور موضوع زي هذا

طيب ياغالي عندي كم سؤال واستحملني

انا الان فبريطانيا وبرجع السعوديه بقضي شهر عيد الحج وبرجع

عندي رخصه سعوديه ساريه اول ماوصل السعوديه بطلع رخصه دوليه من هناك وموضوعها بسيط

بس ورقة المؤسسة الي تثبت ان ماعلي اي التزمات او مطالبات ماليه لشركات التأمين مافهمتها

يعني اي مؤسسه خاصه ممكن اجيب منها هالورقه ولا لازم مؤسسه بعينها

وش تنصحني اجيب معاي بعد من السعوديه غير الي كتبتهم لك ...

وفيه سءال اخير لو فرضنا اني شريت سياره بالف باوند وسياره نظيفه وزينه ولا عليها اي مشاكل
باختصار كذا كم يبيلي ادفع تقريبي بعدها عشان اركب سيارتي واسوق ولا احد يقولي عينك فراسك

مع خالص شكري ياغالي لمواضيعك الي دايم فيها حب الخير للناس

وشكري لك ايضاء وان شاء الله اكون افدتك...................

مشكور حبيبي الله لايحرمنا تواجدك وخبرتك

طيب ورقة المؤسسة هذي تمشي بالعربي ولا لازم انجليزي؟

وفيه سؤال تذكرته تو

سمعت لكل سياره على حسب قوتها يعني اربع سرندل وثمانيه وكذا ادفع رسوم عليها

يعني كل مازاد السرندل او زادت قوة وفخامة السياره زاد التاكس عليها

مدري اذا الكلام صحيح ولا لا

واذا عالتمر ابشر بالي يجيبلك نخلتين سكري ويحطهم قدام بيتك

ورقة المؤسسه طبعا بالانقلش...وانا قريبا باخذ الصيغه من واحد من الشباب وبرسلها لك اذا تبيها عشان تحطها على ورقة المؤسسه....وتختمها وخلاص تكون جاهزه

بعدين وش 8 سرندل بسم الله هههههه هذي تبي لها ميزانية بريطانيا..
السيارات هنا اغلبها 4 وقليل منها 6 سلندر... والفرق بين قوة المحرك مثل 1.3 1.4 1.6 2.0 2.2 وهكذا
لكن الرود تاكس للأربع سرندل تقريبا 180 الى 200 بالسنه وتقدر تدفعه كل 6 شهور وتسويه وانت واقف عند البوست اوفيس...

خلاص انتضر نخلتي......

ابو جبل بصراحة خوفتني ....... كان عندي نية اشتري سيارة من هناك بس يوم شفت نظامهم معقد لها الدرجة هونت .................

تدري ؟؟؟؟ يمدحون الدراجة هههههههههههههههههههه منها رياضة ومنها توصلني مشواري ههههههههههههههههه ولا تدري اشتريلي خيل افضل اسرع وارخص وما يحتاج بنزين هههههههههههههه ابد لا جاع افلته على الخضرة اللي هم عايشين فيها يااااااااااكل منها الين يدوخ . لا وصديق للبيئة بعد هههههههههههههههههههههههههه

تقبلوا مروري تحياتي ,,,,,,,,

اخوي المهاجر


ماتدري ان للدارجات والخيول نظام اعقد من السيارات <<<< مسوي فاهم


>>> لاتصدق اخوي المهاجر امزح معاك بس فكره حلوه


بس عاد لاتجيبها من السعوديه لان الموصفات تختلف <<< تكفى يالبي ام دبليو


عالعموم بالتفوفيق للجميع