جاني قبول جامعه وبروح للعطيه بكره الله يوفق نصايحكم

الله يوفقك ويسهلك امرك

نبغى تعرف ايش صار معاك؟؟؟؟

اشكرك على ردك بردة قلبي
وانا فعلاً مطلوب مني اقول له زي ذا الكلام
بس ..... قلقان حيل
يالله يا رب يا مفرج هم عبادك انا ادعوك اخر اليل بانك تسير امري لما فيه خيره لي
الله يعييين
دعاااكم يا غالين

مالكم هم ابقول كل شي صار بس انتظر
الساعه تجي 5:45 وبحرك السياره الى التعليم العالي
ولو ان النوم مسيطر على بس ابمسك نفسي لين تتحرك الساعه

ماقول غير الله يوفقك
وبعدين وين يبو 5:45 تحرك سيارتك رايح مباراة ههههههههههههه
لا يابعدي حرك 7 عشان ماتجي 7ونص الا وانت عندهم
وبعدين نصيحه لو مافيزت روح فيز اول وترى فيزا بريطانيا بيوم تطلع لك
عشان تكون اوراقك كامله
وترى بيقولون لك روحو بالصاله والدكتور بيجيكم .. وبعد مايجيكم معاليه بيوقع على اوراقك ويقولك روح ادارة البعثات يعني بيزحلقك عالموسى وقتها بتكون الساعه 10 تقريباً .. عاد مالك الا تصبر لين الظهر .. وهو راجع لمكتبه بعد الصلاة امسكه وقوله رحت لإداة البعثات واختر يالموسى يالفوزان وقوله انه قالك مابيدهم شي ,, وقوله طالبك ماتردني ابي امر اكاب ,, واذا بغى يعطيك بيعطيك انت وحظك على مزاجه .. واذا عطاك احجز على رحلة السبت 3 يناير وحياك في بريطانيا قبل لاتطير الطيور بأرزاقها .. شفني لي شهرين هنا وللحين ما الله كتبها لي وكل الابواب جربتها لكن الصبر خير
اخوك ـ يارب بعثه

بشر ياخوي وش صار معك هل زي ماقلت لك او شي جديد .. ؟؟

هذا الكلام اللي صار لي السبت الماضي
بس ماقول غير حسبي الله عليهم من الصبح إلى بعد صلاة العشا
واليوم مرسلين لي رساله نشكرك على طموحك ودرجها مافيه أمر أركاب إلا للمسجلين بالبرنامج

يا خوك ابي اكون الاول بالوزاره حسبت من سبق لبق طلع الي مغنيه الله وعنده واسطه يضمونه اما الي حالته الماديه ضعيفه ولا عنده واسطه ويستاهل يبتعث ما يضمونه
بنسبه للفيزا مو افضل اخليها اذا خلصو من امر الاركاب علشان يعطوني ضمان مالي ويكون قيمة الفيزا على الحكومه

بس اشكرك على تنيسهي ان السبت الجاي يوافق 3/1/2008
يعني اخر فرصه

توني واصل اصبر اكتب رد مستقل
اعتقد هذي نفس الرساله الى بتجيني السبوع الجاي

قصة ما حصل لي يوم السبت موافق 27/12/2008

الساعه 3:00 بليل وانا صاحي وجالس على النت ومبقق عيوني لا انام
وفجائة انام وانا جالس
ولا حسيت بعمري الا الساعه 6:00 قمت وكسرت الجهاز من القهر
المهم ابدل ملابسي وسيده للتعليم العالي على الزحمه بس وصلت وله الحمد
الساعه 7:00
المهم دخلت سيده للتعلم العالي الى على شارع التخصخصي (التخصصي)
دخلت اركض برجليني
وفجائة جاني الامن يهاوش ممنوع الدخول قلت ليس بس ابي انتظره داخل برد برى قال ممنوع ما تفهم انت وشوي دخلت على رئيسه وقالي اوك قلت ثانكس
والمهم بكل اختصار
قالو العطيه مجاااز ولا راح يجي الا بعد اسبوع يا ناس يا عالم بعد اسبوع انا لزم اكون في بريطانيا قالو ما فيه حل
المهم احاول يمين يسار ما فيه حل
قلت اوك خلنا نكمل الشوط التاني في حي الغدير ونكمل الشوط التاني في حي الغدير طبعاً على وقت الصلاه
المهم وين الموسى قالو مشى لحي الناصريه بس ما راح يقابل مراجعين
قلت شوفو ورقتي عندي قبول وش الحل قال انزل تحت للاتصالات وقلهم يقيدونها
قلت طيب من ينوب عن الموسى قالو ناصر الفوزان قلت يالله يا ناصر الفوزان
نبي ندخل على ناصر قالو ممنوع في ناس بمواعيد قلت يا عالم شافوني ملزم قالو خلاص نهاية الدوام اذا قال دخلوهم قلت ننتظر وش وراي
انتظرت والمهم لما جاء وقت الدخول له قال ما اقدر لزم العطيه او تروح على حسابك قلت انا ما في حل تاني قال لا بس قبل ما تروح اسائل وليد كم رح تجلس وقت ثماً يلحقونك
ما سائلة احد نزلت الاتصالات وقيدة ملفي ومتاكد ما راح يقبلون لي مجرد تصريفه


ولاكن الان السؤال
فعلاً العطيه اجازه اسبوع كامل ؟
هل راح يداوم يوم السبت الجاي ولا لا ؟
كم رسوم الفيزا لو على حسابي ؟
وش افضل اخليها على حسابي او حساب الحكومه ؟
الفيزا فاتحين متى ومن الساعه كم الى كم وش المطلوووب من اوراق ؟
كم بياخذون وقت ؟

فعلاً العطيه اجازه اسبوع كامل ؟
-تلقاها من التصريفات الجديده خبرك التصريفات القديمه أنتهى وقتها ... لازم يجددون وعلى فكرة العطيه له مكتبين بالدور الأرضي والدور الثاني ..

هل راح يداوم يوم السبت الجاي ولا لا ؟
- لا أعلم


كم رسوم الفيزا لو على حسابي ؟
- 585

وش افضل اخليها على حسابي او حساب الحكومه ؟
- والله ياخوك الجواب معروف مافي ازين من الحكومه ... بس اذا انت مقتدر وعندك مبلغ يكفيك لمدة 3 شهور توكل على الله وبلاش هالتعب... مدري ياخوك كانهم يدفعون من جيوبهم ...اللي معه بشت وعياله وراه على طول يدخل على العطيه ويعطيه أوراقه ويلحقونه ... بس اللي مامعه بشت ماتمشي اموره

يالله مافي إلا نروح ونفتح ملف وربك يفرجها

الله يوفقك أخوي

مرحبااا..حبيت اديكم معلومة انا قريت من المتلطبات لما تروح للعطيه لازم يكون عندك ثلاث شغلات
1. قبول الجامعه
2.قبول المعهد
3.الفيزا
وملاحظتي هي أنو كيف تطلب الفيزا من الحكومه وهما يسددون الرسوم؟؟؟
هل العطيه يديني اياها؟؟؟