حاليا في بريطانيا>> حاضر للأسئلة؟؟

أما عاد خمس شنط كأنى بأخذ عفش العائلة

الحمد لله على سلامتك



تحياتى.....

وأخيراً لقيت أحد معايا,

الملاك الصغير , أنت أي تخصص في سوانزي لأني كمان جاية على شهر 3 ومعايا أخويه بالثانوية

كيف سوانزي والحياة فيها والسكن والعرب؟


ربنا يوفقك

حباايبي و رجعتلكم مررررره تانيه

اليوم حتكلم ان شاءالله عن المعهد و الدراسه و المدينه

بس قبلها في سؤال جاني عن الاسئله اللي حيسئلونك هيا عند الجوازات
هاذه الاسئله عاديه ممكن يسئلوكم و ممكن لاء بس انا سئلوني طبعا مح يعطوكم هيا في الطياره
لا
في الطياره بس حيعطوكم ورقه تحطوها مع الجواز وهاذي الورقه عاديه عربي انجليزي
بس المعلومات لازم تكتوبها بالانجليزي
بس عاديه حتعرفو تعبوها بس هيا تنقلو اسمكم و كدا من الجواز و لو مره حستو اطلبو مساعده من المظيف مح يقصرو

المعهد و الدراسه
اول يوم جيت دخلت الاداره و اعطيتهم اوراقي و الضمان المالي
و اخذوني على كلاس عشان الاختبار (اختبار تحديد مستوى)
الاسئله عاديه متنوعه بين القواعد و المحادثه بس مررره عادي حتى لو ما حليتي شي عادي لانو تحديد مستوى اخر سؤال كان اكتبي رساله او قصه او مدري شي زي كدا انا سبتو فاااااااااااااضي
يعني جدا عادي المهم بعد الاختبار سحبو الاوراق بعد ساعه تماما
و بعدين عملولنا زي البرسنتيشن عن الجامعه و مرفقاتها ووزعو علينا كتيبات و كدا بس هاذا اول يوم
و قالولنا بكره تعالو عند لوحة الاعلان و شوفو اسمائكم فين نازله و مكتوب رقم الكلاس جمبها و روحو على كلاسكم
بس
جينا تاني يوم شفت اسمي وروحت على كلاسي
المهم

نجي من ناحية الدراسه
جدا رااائعه ماشاءالله هنا الاساتذه مرره متفهمين و مره طيبين ماشاءالله و حبوبيييييييييين
يعني ما يعصبو ومايتضايقو و الله انا اتنح اوقات و ما افهم ولا شي عادي بس اقولو
( نو اندر استاند) هههه يقولي اووووكي و مسكين يعيد و ييزيد في الشرح لحد ما افهم
و كمان الدراسه بما اني مره ميييح فبادئين معانا حبه حبه يعني مره حلو انا كنت خايفه انو يكون صعب عليا بس الحمدلله ماشي الحال و بيدرج للاصعب بس الحمدلله طيب
اما عن السعودين فهنا المصييييبه
الكلاس حقي كلو سعودين و الله 7 شباب و انا البنت الوحيده مررره مو حلو
5 من الرياض و 1 من تبوك 1 من حائل تخيلو و 1 من ايران
بس كانت معايا وحده بنت بس نقلت مستوى اعلى
بس محد يتعرض احد انا بحجابي و كل مين فحالو
هنا الحجااااب عاااااااااادي في ناس اشوفهم ببوالط مررره عادي
محد يكلم احد كل مين فحالو عااايش

نجي للمدينه >>

هيا مدينه جدا راااائعه من ناحيه الناس
طييبين حبووبين ودوووووودين و محترمين
المدينه فيها زي النهر مررره حلو و غير البحر اللي عند الجامعه مررررره حلو
يعني لو انت رايح الجامعه على رجولك مشي الطريق كلو على البحر شي ووووونس الصراحه
المدينه فيها مطاعم ممتاااااازه
ناندز بيتزاهت ماكدونالدز برجر كينج دومينوز و مجموعه من المطاعم الايطاليه و المكسيكيه و و ككمان هندي مره طعم اكلت فيه
و كمان في صب واي للسنوتشات
ايوا و في شارع كلو محلات اكل حلال اللحم و الدجاج و السمك و الخضار كلو حلال و اللوحات عليها بالعربي كمان مكتوب حلال
و طبعا استار بكس مجمع العرب اسميه في الستي سنتر و في كوفي تاني (كوستا)
و كمان في سينما
و مسرح في الجامعه
و في واحد متحف بس طبعا ما دخلتو بس انو شفتو
ايش كمان
الحياه هنا للمعيشه مو مره غاليه
التكاسي يعتبر سعرها جيد مو مره غالي ولا مره رخيص اصلا هنا المدينه صغيره يعني اطول مشوار كم حياخذ مو اكتر من 10 باوند
انا اروح و اجي كنت من الكولج لانو بعدي عن بيتي يعتير ياخذ مني 7 باوند اذا زحمه و اشارات
بس طبعا انا دحين عملت بطاقة الباص ممتازه انصح الكل بيها تدفعي بالترم او بالسنه زي ما تحبي او بالاسبوع و تركبي الباص وقت ما تبي يوديكي و يجيبك على حسب الجدول المكتوب تعرفي المحطات اللي حيوقف فيها؛؛
طبعاًا اريح و اوفر
المعيشه اسعارها طيبه يعني تقدر تعيشي مرتاحه ان شاءالله
في 3 سوبر ماركت كبيره في المدينه (تاسكو) هاذا الرخيص و القريب من بيتي صرراحه اما الاتنين التاني و الله شفتها بس ما اعرف اسمائها ولا قد دخلتها بس اللي اعرفو انو اغلى من التاسكو بس مو مره غالي
بس كلها تقريبا تئودي الغرض
صراحه كل شي حلو بس المشكله الكلاس حقي كلو سعودين يعني شي مرره مو حلووووووو
لكن مو كل الكلاسات كدا يعني لا تحكمو على واحد 100% في كلاسات تانيه فيها ليبيات فيها ايران فيها صينين يعني من دي الجنسيات
بس و الله المدرسين تمام
و الحمدلله

هاذا المعلومات اللي عندي اي معلومات تانيه تبوها انا تحتتتتتتت امررركم
اللي جيا المدينه بس يبلغني قبلها و انا مستعده لأي خدمات
و خصوصا البنات امزح> بس لاني وحيده و لسه ما اتعرفت على احد الصراحه
بس و الله اتكلم جدي انا تحت امر الكل شباب و بنات
اي خدمات هنا انا حاضره

ولا تخافو كلو بيتسهل ان شاءالله
و يا بختكم انكم في سوانزي المدينه راايقه و حقت دراسه الصراحه مو زي كارديف كأنها لندن مره بززززززي و صجه كارديف ممكن تروحوها في الويك اند تتمشو فيها لانها مره قريبا من هنا ساعه الا ربع بالقطار و بسعر 6 باوند يعني ممتاز تتمشا و ترجع فنفس اليوم كأنك رايح جده مكه يعني حلو يعتبر
هنا روقان و من الساعه 4:30 تظلم الدنيا عشان الشتا و الناس يرقدو من العشا زي الدجاج
بس من يوم ما يطلع النور الناس كلها في الشارع ههههههه
بس هاذا الوضع حيختلف كمان شهرين ان شاءالله لانو النهار حيبدئ يطول مع الصيف

و بس
دعوووووواتكم
ملوووكه

حبااااااااااااااااايبي مشكوورين على ردووووووودكم و تفااعلكم مع الموضوع و الله و يشهد عليا الله انو الغرض من كتابتي هو انكم تستفيدو
و احاول اخدم الجميع
هاذا ولا شي امام ما قدمه هاذا المنتدى الرائع و الاعضاء الاروع من خدمات للجميع
الف شكر للجميييييييييع

انا تخصصي تسويق بس ححاول احول ان شاءالله بعد مااخلص اللغه
حاليا بدرس لغة و اذا خلصت حبدء دراسة الماستر ان شاءالله يارب

الحمدلله على كل حال ,

الله يوفقك حبيتي والله فرحت كثير عالأقل تكوني معايا ,

طمنتيني الله يطمنك كنت خايفة كثيير.

ملووووكة
مبرووووووووووكـ
الحمدلله عالسلااااامة ,,
وأنا أقول فين البنت أختفت ليكون خلاص طلعت بريطانيا ونسيت المنتدىوالجروووبـ
المهم الحمدلله وصلتي بالسلامة واتسهلت معـــاكي

هاااه بس أهم شئ الدفتر اللي كتبناه في الملتقى معــاكي

اهلين ملووووووووكة
ان شالله انك بخير
حبيت اسئل كم المكافئاة ابي عارف
لان بالدولارر 1800 بس بالبوند كم وكمان مكافئاة المرافق؟
وتحسيها تكفي ولا عشان بريطانيا غاللللللللللللية

امواج ىوحشتيييييييييييييني
اكييييييد يا قلبي الدفتر معايا
ولله ما نسيتكم بس الاوضاع هنا بزززززززززززززززي
و ما كان عندي نت كمان
بس الحمدلله

مكااااافئتي ما نزلت الا الآآآآآآآآآآآن حكمل شهر الاسبوع الجي
بس اعتقد انها 1200 باوند شي زي كدا و المرافق اعتقد انها 900 باوند لو كانت كدا صح في سوانزي بتعيشي مرتاحه ان شاءالله على حسب سكنك ان غالي او رخيص
اما في مناطق تانيه ما اعرف و الله
بس عموما السكن هو اللي غالي و التكاسي غير كذا ان شاءاللله حتكون الامور تمام بالبرركه

اللة يخليكم ساعدوني مو عارفة اي دولة اختار مع العلم ان تخصصي فيزياء وحابة اكمل ماستر فيزياء طبية

الملاك الصغير الحمد لله على السلامة وانشاء اللة موفقة
انا ابغا اسالك كيف تحزي اون لاين الباص او القطار الا حيوصلك من لندن لمديندك ياريت تفصلي وتعطيني اسم الموقع