استفسـآرآت متنوعـة.. أرجوا التفآعل من المتوآجدين في بريطآنيا

توصلين بالسلامة أختي ..

ما قصر معاند..

موضوعك الأول
إلى الآن الوضع أمان، وما شفت أحد يشتكي من شيء..

الثاني
سائق التاكسي أكيد أرخص من التاكسي العادي، لكن لا تأخذين إلا أحد موثوق فيه حتى ترتاحي من النصابين اللي ذكر نموذج منهم معاند
إضافة إلى أن اتفاقك المسبق مع سائق يعطيك راحة نفسية

الثالث
نعم لابد من صورة الفيزا للطالب والمرافق حتى تتأكد الملحقية من دخولكم لبريطانيا
وفيه هناك آلة تصوير كل واحد يصور لنفسه

الرابع
الوضع عادي، وهم يعطونك أوراق معينة تعبيها حسب ترتيب معين
فلا تتعبي حالك مرتين
عبيها عندهم وبس


أتمنى أكون أفدتك
والله يوصلك بالسلامة

تحياتي

عليكم السلام ورحمة الله وبركاته
الله يوفقك وتوصل بالسلامه

بالنسبه لموضوع السكن
فيه بعض سكن الطلاب تحتوي على نضام الرقم السري على باب العماره يعني مايعرف الرقم الا سكان العماره
انا سكنت بسكن جامعه وكان كذا

وان شاء الله امن مافيه مشاكل
بس انصحك اذا شقه لا تاخذ دور ارضي خذ دور اول او ثاني افضل وواكثر امن
لاني سكنت دور ارضي وحقيقه ما ارتحت جدا


وابحث عن الاماكن الكويسه للسكن في المدينه اللي تبيها يعني تقدر تسال السعوديين والعرب اللي قدامك عن افضل الاماكن وهم يدلونك باذن الله
والحافظ الله على كل حال



بالنسبه للسائق
هذا على حسب اذا انت راح تتجه لمدينة الدراسه على طول افضل شي لك تنسق مع سائق ياخذك من المطار على الملحقيه ينتظرك تخلص اوراقك وبعدها تواصلون لمدينتكم بالسلامه ( هاذي افضل طريقه للمعلوميه وبالنسبه لندن تقدر ترجع لها بعدين تتمشى برواقه ) نصيحه لك

لان التكاسي مثل ماقلت بالعداد بس غاليه جدا جدا
وعلمني وين مدينتك اذا حولنا بحاول نساعدك بالسواق الكويس والرخيص


للاوراق المطلوبه في الملحقيه
اكيد لازم يصورون الفيزه وختم الدخول عليها
وجوازك وصور شخصيه وصور بطاقة الاحوال او دفتر العائله
وصور شهاداتك وقبولاتك الى اخره


والنماذج تعبيها بالملحقيه ماعندك مشكله ماتاخذ وقت


موفق اخي وتوصل بالسلامه


تحياتي

معــآند.. جزآك الله خير كفيت ووفيت.. بالنسبة للسكن مدري انا جربت لما درست في فرنسا الشقة فيها باسوورد وغالبية الشقق هناك كذا وتوقعت الوضع مشابه بس ان شاء الله يطلع حظي بمنطقة آمنة .. وبعدين بخصوص السواق يعني قولكم اشوف لي واحد بس طيب اذا راح ينتظرني لين اخلص شغلي.. أكيد راح يطلع الحساب مررة كثير..!!

ميمون.. اشكرك جزيل الشكر.. بعدين شلون يختمون على فيزة المرافق.. انا عندي صورة لفيزة اخوي/مرافقي وهو كل شهر يدخل مرتين لندن ماشفت عليها ختم؟؟ غريبة.. أنا أحاتي يدققون على نوع فيزة اخوي لأنها بزنز ويسوون لنا قضية..

ترقب.. عفواً ماوضحتلي ليش مارتحت من السكن بالدور الأول هل هو قلق وخوف وعدم راحة او حكاية ازعاج بس

أنا على كل حال الشقق الي شفتها في باكنهام بلندن مادري اذا عندكم فكرة هل فيها سعوديين هالمنطقة لو ماراح ألقى احد.. انا مافكرت بأماكن تجمع السعوديين باختيار السكن.. كل الي شلت همه القرب من المعهد فقط مادري انا غلطانة في هالنقطة لو لا

اي والله

اانا شايله هم الامان

مره متخوووفه

يعني على قولتك ياقيس فرنسا كنت بشقه مايعرف الباسوورد الا السكان فيها

مره كانت امان

بس ان شاء الله يكون امان زي ماقالوا اخواننا

بالعكس تفكيرك صح.. كل ماكان السكن اقرب للمعهد كل ماكان افضل لك .. وأريح طبعاً

أنا أقصد ختم الدخول..
أول ما وصلنا المطار ختموا على فيزتي..
وما أعرف إذا بيسووا لكم قضية بما إنه مو مستمر معك والا لا.. لأنه من الشروط مثل منتي عارفة إن المرافق يستمر مع المبتعث حتى نهاية ابتعاثه..

هلا اختي
انا سكنت دور ارضي كان من جد مشاكل وازعاج يعني حتى راحه مافيه ماتقدر تخلي الشباك مفتوح وتنام مع اني كنت انام والشبابيك مفتوحه لين نصحني جاري و قالي ممكن يمر احد سكران ويرمي عليك شي او يولع نار اوويحرقك الدنيا وطبعا صعبه تطلع وتخلي الشباك مفتوح عشان تجدد الهوا
يعني لازم تكون موجود وصاحي لما تكون الشباك مفتوحه

المره الثانيه سكنت بسكن الجامعه وكنت دور ارضي الوضع امن الحمد لله
بس وربي ازعاج بشكل يصدع وخصوصا الرقم السري اللي على الباب يجون الطلاب بالويك اند سكرانين وينسون الرقم ويجلسون يطقون شباكي افتح لهم باب العماره هههههههههه

هذا وجهة نظري من السكن في شقق الدور الارضي
والله يسهل لك كل عسير
وبالنسبه لمناطق تواجد السعوديين انا ماقصد تتجمعين معهم بس انا اقصد يدلونك على الاماكن الهاديه والكويسه والقرب من المعهد مهم جدا
عموما موفقه اختي

تحياتي

هلا أخوي.. الله يوفقك وييسر لك على الإجابة.. لا القضية مو مستمر اولا.. اخوي معاي ان شاء الله واخوي وابوي عندهم فيزة يعني مش مشكلتي استمرارية المرافق.. مشكلتي ان المرافق على رأس عمل ورايح معي اجازة وعنده فيزة بزنز سارية المفعول ورافض رفضاً تاماً يبدلها في الوقت الحالي لفيزة سائح.. اخاف هالشي يخليهم يقولون المرافق مفروض مايكون شاغر وظيفة؟؟
تسلم ترقب.. والله يجزاك كل خير ..اي والله وصلت وجهة نظرك وهي نفس وجهة نظر الوالدة وعسى ربي يوفقني بالمكان المريح الآمن.. وان شاء الله بسكن تكون فيه المنطقة تشرح الصدر وتحسسني بالراحة

بس ماحد قالي هل في سعووديين يسكنون لندن// باكنقهام