اختبرتــ/ــي Ielts

اهلييين

انا بقولك تجربتي


انا كنت ادرس بكندا سنه ورجعت السعوديه 7 شهور

وجيت ع بريطانيا على طول ..يعني تخيلي 7 شهور مافيه ولا انجليزي ونسيته

واول اسبوعين وصلت بريطانيا سويت الايلتس ..


الحمدلله ماكان ذاك الصعوووبه

وبعدها على طول دخلت ايلتس كورس

الايلتس كله خدع

خليني اجاوب ع اسالتك اول

هل تذكر ايش كان سؤال المحادثه ؟؟ هل كنت متوقعه ؟؟ هل كان من الاسئله الي قرائتها وانت تستعد للامتحان ؟؟
المحادثه كان يقولي حدث رياضي صار في حياتك وماراح تنساهع طول عمرك ..الله هالسؤال جاء على انا ما ابي والله واعطيه مباراة الهلال والنصر ومن هالخرابيط والكذب ههههههههههه وهو مصدق..قلت ابوي سماني ماجد عشانه يحب ماحجد عبدالله افظل لاعب عندي
ههههههههه


كيف كان اللسننق ؟؟ امداك الوقت ؟ أرتبكت وعديت اسأله كثير ؟؟

اللسننق اسهل بارت ..بس انا فاتني البارات الاول لاني ماكنت منتبه


أيش التكنيك الي استخدمته في البرقراف ؟ قريتها كلها ؟؟ او قرئت الاسئله بعدين دورت الاجوبه ؟؟
انا لي شهر ادرس ايلتس الايلتس له تكنينك خاص مثلا التاسق الاول الي فيه نسب مئوية الي هو قراف

اول كلمه معروووفه تبددين تكتبين The graph shows هذي اول جمله وعاد كملي السؤال ..ولا تكتبين كل النسب المئويه الي معطينك

انتي حاولي تجمعين النسب المتشابهه وتكونين لهم جمله وجده مثلا انا جاني عن السعاده وكان فيه نساء الي اعماهم اكبر من 65 الصحه عندهم من اهم اسباب السعاده والرجال الي اعمارهم فوق 65 نفس الشي ..فتروحين تكتبين هالشيئين في جمله وحده ان النساء والرجال الي اعمارهم فوق 65 الصحه اهم الاسباب للسعاده ..والخ الخ

تاسك 2
احنا يالسعوديين الله يهدينا اول مانمسك القلم نبدا نكتب على طوووول ..وهذا اكبر غلط ..المفروض 5 دقايق تروح على بلان الي هي خطه تسوين خطه ايش بتكتبين

مثلا جاك قالك وش القياس المهم الي الناس يعتبرونه اهم شي عشان يسعدهم

نبدا نسوي خطه
1- مقدمه عن السعاده وانها من اهم الاشياء يعني interduction
2- اولا من اهم اسباب سعاده الانسان الاصدقاء وتكتبين عن الصاقه واذا عندك امثله في الحياه اكتبيها او تفاصيل
3 - الفلوس سبب من اسباب السعاده وتكتبين تفاصيل وامقلهل و عندك وتتكلمين عن الفلوس وش تسوي بالحياه
4- الصحه وتفاصيل وامثله ..
5- الخاتمه واكتبي لك ملخص عن كل الي كتبتيه وبسسس

يعني كل براقراف خلي لك اسلوب مختلف مو يعني تبدين بكل بقراف وتقولين من اهم اسباب السعاده الاصدقاء وتروحين البراقراف الثالني وتكتبين نفس الشي
لا غيري الاسلوب

المهم الريدينج اصعب شي لاني ماكملت الجزء الاخير

انا اخذت
5 ريدينج
5 ونص سبيكينج
5 ليسينينج
4رايتنج

ان شاء الله اسويه المره الثانيه 25 ابريل

لان المطلوب مني 5 ونص

دعوااتكم

اي سؤال حاظر





ياليت نفيد ونستفيد ...

[quote=مـــــــــاجـــــــــد;1073158]
هل تذكر ايش كان سؤال المحادثه ؟؟ هل كنت متوقعه ؟؟ هل كان من الاسئله الي قرائتها وانت تستعد للامتحان ؟؟
المحادثه كان يقولي حدث رياضي صار في حياتك وماراح تنساهع طول عمرك ..الله هالسؤال جاء على انا ما ابي والله واعطيه مباراة الهلال والنصر ومن هالخرابيط والكذب ههههههههههه وهو مصدق..قلت ابوي سماني ماجد عشانه يحب ماحجد عبدالله افظل لاعب عندي
ههههههههه


quote]

بصراحه هنا الوهقه ..حدث رياضي ومراح تناسه ..؟!! المشكله الي ماعنده خيال واسع ...يقول ما اذكر اي حدث ويسكر السؤال بوجهه ..اتوقع عادي لو جاوبت كذا لان احيانا فعلا الواحد ما يذكر اي حدث !


هذي امثله على بعض المواضيع الي عاده تتكر بالمحادثه :











































ياليت اخوي ماجد اذا تذكر لنا بعض الخدع الي اخذتها بالكورس ...





قرأت في احد المواقع ان افضل طريقه للريدنق تاخذ معك قلم هاي لايت واحد اخضر وواحد اصفر الاخضر للارقام والاصفر للاسماء ...بهالطريقه يسهل عليك تلقى الاجابه ...بس ما ادري هل مسموح ندخل معنا قلم الهاي لايت ؟؟ وممكن نستبدله مثلا الارقام نحط عليها دائره والاسماء تحتها خطين مثلا ...يعني اشياء بسيطه لاكن تساعد كثييييييير بالحل ...

لي عــودة إن شاء الله و ما في اضافة كبيرة على ما ذكره أخوي ماجد...

على الســريع (القراءة حاجة الله لا يعطيها عافيه خخخخخ)
راح أفصل في تجربتي مع الايلتس الاولى و الثانية وبين الاولى و الثانية شهر فقط!
الاولى
overall 5
الثانية
overall 6

أنا سويته الأسبوع الماضي وللأسف مشكلتي كانت في اسئلة السبيكنق وليس في السبيكنق نفسه
اما اللسننق.. والريدنق.. فكنت خلاص استاذ الأيتلس حقنا علمنا وقال القطعة الوحدة عطوها عشرين دقيقة.. اذا ماخلصتوا طنشوا وروحوا للثانية وفعلاً سويت كذا
يعني الحكاية كلها كيف تتساير مع الوقت.. وهذي الصعوبة.. ونفس الشي اللسننق.. نبهنا على شغلات مفيدة

أما الريدنق.. جات لي قراف+شارت مع بعض في التاسك الأول.. وكنت برضوا متدربين كيف نكتب قطعة صغيرة.. كتبت بسرعة مرة وماكملت.. ونفس الشي سمعت كلام استاذي قال لاتعطوا التاسك الأول اكبر من حقه لأن ماعليه درجات كثيرة.. قالي اذا ماخلصتي انقلي للتاسك الثاني وفعلاً طنشت ورحت للتاسك الثاني الي اعتقد عليه اربعين درجة وكتبت بسرعة مررة ولما خلصت رحت ختمت التاسك الأول
طبعاً الصعوبة بس في الوقت بس حاولت اني احط انترودشكن وكنكلوجن للقطعتين

السبيكنق:
ماهي اهم المعالم التاريخية في المملكة العربية السعودية
تكلمي عن اسباب رغبة الزوار الأجانب بزيارة هذه المعالم
كم مرة زرتيها.. مع من .. وليش تحبي تزوريها
كيف في نظرك يمكن للأفلام التاريخية التأثير على حياتنا الحالية
كيف تقيمين صناعة الأفلام التاريخية
كيف تعتقدي ان التاريخ قد يؤثر على الجيل الحالي
كيف تصفي قرننا الحالي بعد مئة عام للأجيال الجديدة
اوصفي يور هوم..
اوصفي مكان تحبيه في بيتك..
كيف يمكن أن تطوري من يور هوم (هذا السؤال حيرني ماعرفت شقول)
هل تحبي الخروج مع اصدقائك.. واذا كان الاجابة بنعم هل تحبي الخروج مع صديق او مع اصدقاء كمجموعة معللة الاجابة

طبعاً الأسئلة كانت اكثر مما توقعت.. وكان الموضوع الأساسي التاريخ.. وبصراحة ماعندنا بالسعودية شي نتكلم عنه خاصة اني ماقدر اتكلم عن المعالم الدينية لأنهم طلبوا مني اتكلم عن الموضوع من جهة تاريخية فقط
فأحس اني خبطت الدنيا.. ونتيجتي لسى ماطلعت والله يستر
الاختبار مايعتمد على الجدارة في اللغة كثر مايعتمد على الشطارة في تنظيم الوقت وحسن التعامل مع الوقت.. والكلام الكلام

هل تنصحوني أني أختبر في السعوديه قبل ما أسافر

http://www.ielts-blog.com/Calculate-...and-Score.html


موقع حساب الدرجات