مساعده قبل السفر

والله يوفقك ويسر امورك
صاحب الابتسامة
واي خدمة حنا بالشوفة

هلا سوري على التدخل بس صاحب الابتسامة شكلك فاهم مشاءالله المهم

انا قدمت على معهد enforx وجبت القبول منه على شهر 3ان شاءالله ,بس صراحة متورطة بالسكن ياليت تقدر تساعدنى اذا تعرف شقق وسعرها حلو بمدريد لانة انا مع اخوي علشان كذا صعبة اكون عند عايلة او سكن طلاب
وكيف الدراسه معاك ان شاءالله ماتكون صعبة انا حاليا احاول اتعلم كم كلمة

وشكرا

صاحب الابتستامه

الله يديم الابتسامه ويسهلك امورك يااااااارب

مانستغني عنك

بالنسبه لصعوبة القبول

الي فهمته القبول صعب للطلاب بشهادة الثانويه

هل تواجهني هذي الصعوبه ولا شهادة الدبلوم تشفعلي بالتقديم

والصعوبه هذي بجميع اسبانيا ولا مدريد

لان انا ابي جامعة فالنسيا بفالنسيا

ولك دعوه يحبها قلبك

مافيه غير صاحب الابتسامه الله يجزاه خير يرد

افاااا عليكم غلبوكم طلاب فرنسا مالوم الملحقيه يومها هناك

وينكم المشاهدات فوق التسعين

عزالله لو اني في اسبانيا لخلي الجامعات يجيها تكدس خخخخخ

ومها ضعيفه صارلها ساعه تسئل ومحد معبرها كل شوي داخله على موضوع ماتبون تجاوبوني جاوبو هالمسكينه

الحمدلله ان صاحب الابتسامه موجود لو ماهو فيه تلقونا انقشر بصل هنا

اعجبتني كلمة فاهم هه ( من طيب اصلك وكلك نظر)
كنت في بداتي كنت اقول مشكلة طبق اصل . بس ابشرك الامور سهالة وراح تتذكري ولايبغالها قلق وتفكير

وفي حالين انصحك بما انها هي الجية لك واخوكي اولة عله اسبانيا

1. تكلمين المهعد enforx وتقولينهم ابي اسكن من عائلة . وعله العموم ترى كلمة عائلة ومو معنى انها عائلة تتكون زوج وزجة وعيال وبنات . ترى معنى عائلة ( حرمة كبيرة بالسن لا اكثر )

1. في شقق موجودة بشمال مدريد جديدة مع اثاث جديدة بالسعر الله اعلم بما انك جاية مع اخوي بس استديو قيمتة 660 يورو بالموية والكهرباء

اذا تبغي نصيحة مني ومجربة
اسكنو مع عائلة ( حرمة كبيرة بالسن) هه مده اسبوعين منها تعرفون كيف اجواء اسبانيا وكيف طرق الموصلات وبعض الممارسة بالكلام مع صاحبة البيت . لاني بالنسبة لي لو كسرتو حاجز الحياء وحبك لمحادثة راح تعني شي كثير بالمستقبل حتى لو كانت اللغه عندك 40% من اسباني . واحبسو حسابكم شهر ثاالث برد ويش برد قول موت ههه توووصو بس بالملابس خخ


الحمد الله الدراسة ماشية وزي الحلاوة دامك سعودية وجايبة اخوكي الحلو السعودي اضمن باللله الرجعه لسعودية بشهاددات وتفريحة بالاهل ( اللهم امين)
والله يسعدك عله السوال .

اللهم امين ومين يقول
ياخوي ترى الناس لناس . لو ما خدمنا مافينا خير
عله حسب معلوماتي بخصوصك انك معاك دبلوم صحي فاهذا مايحتاج اختبار . بس خلص اللغه وباذن الله الجامعه جايتك ( بس ابشرك دامك سعودي ومعاك دبلوم ازهل الجامعه سهاله) بس افضلك معهد تابع جامعه عشان امورك عله قول اخوان المصارية ( زي الحلاوة)

واللي معاه ثانوية هذا اللي يعينة وراه اختبار بس اذا تعداه ( اعرف امة دعيتله) بس سامع شويتن هرج ورسمية في محادثات مع الحلوين اسبان يلغون الاختبار لسعودية ( بس للحين ماصار شي)

تكفى تكفى لاتسالني عن جامعات اسبانيا ( اعفيني بصراحة ماعندي خلفيهة عنهم بس ما اعتقد بتخلف عنهم)
اذا بتسال بمدريد دراسة سكن معلومة ( الرقبة سدادة ياعسل)

ويوفقك ياعسل ولاتنسانا بالدعوات والتوفيق هذا اللي ابية
ولاتستحتي اذا عندك سوال ( مايحتاج اقول السطر الثاني اللي كاتبة هه)
بالتوفيق ياعسل

بالعكس ياخوي الغايب حجته معاها

واغلب باسبانيا ماجستير او دكتوارة الطلبة فاما يلحق عله يدخل بحوث ودارسة يكفيك الموصلات ( الله يخلي ويحفظ ديرتنا لاطلعت تدق سلف وتشغل السيارة مو عندها لاطلعت دق سلف برجولك وطوابير هههه الله يعين

اعجبتني اقشر بصل ( ذكرني لاجيت اسبانيا نفتح كافتيرا ههه) امزح معاك يابعد قلبي

صــاحب الابتسامه كفيت ووفيت الله يسهلك جميع امورك ياارب

بالنسبه لمدريد جامعاتها فيها صيدله؟

والقبول اللي اقدر اخذه وانا في معهد ولا لازم اكون مخلص اللغه

يعني احصل القبول المبدئي وانا ماخلصت اللغه ولا لازم اخلص اللغه (قبول مبدئي فقط)

ههههههه بالنسبه للكفتريا اذا فيها دراهم ماعندك مشكله

اهم شي يكون جمبه محل شيشه ومعسل هههههههه

هههههههههههههههههههههههه مسكينة انا بس الحمد لله فيه الخير صاحب الابتسامة عطاني وجهه الله يعينه اسئلتي كثيره شكله بيعتزل الرد من اسئلتنا
لووول قريبا نتقشر بصل اصبر بكره وراك طبخ