الزمالة و البورد!!!!!!!!!!!

هلا أختي فترة التخصص فيها امتحانات عشان تأخذي شهادة التخصص وفيها جلسات مناقشة مع الأطباء المشرفين على تدريبك ...
تحياتي لك ...

هلا أخوي ...
فيه ناس كثير تخلط بين مسمى البورد والزمالة لكن الأدق البورد يكون في التخصص العام والزمالة في التخصص الدقيق ..
وعموما الدعوه مجرد مسميات أهم شي انك تاخذ الشهادة ...
بالتوفيق لك ...

اتوقع في خطأ فالمعلومات

الزمالة هو دراسه الاختصاص في دولة والحصول على شهادة بها..
بعد ذلك يقام اختبار اسمه البورد في كل دولة..ان اراد الطبيب الحاصل على الزمالة دخوله

فان قرر الدخول لأمتحان اليورد واجتازه بنجاح
حصل على بورد الدوله في التخصص الذي حصل عليه..
واذا لم يجتازه او لم يدخله..استطاع العودة والعمل بشهادة الزمالة التي حصل عليها..

اذا ماطاعك الزمان...........يعطيكي العافية

لكن وضحي شوي بالموضوع حطي كل اللي عندك...

ابو المش ..شتقول؟؟؟؟

الزمالة هي دراسة التخصص الدقيق (fellowship) وهي تكون بعد برنامج الإقامة (residency) ..
يعني اذا انهى الطبيب المقيم برنامج التدريب بنجاح يحصل على البورد في تخصصه ...
أتمنى تكون وضحت الصوره ...

يعني بالعربي .... اذا خلصت امتياز اخذ تدريب على تخصص عام وبعدين شهادة بورد وبعدها اكمل تدريب على تخصص دقيق تابع للتخصص اللي انا اخذته <<< هذا اللي فهمته.

طيب على افتراض ان اللي فهمته... ليش نادر نسمع عن بورد بريطاني دائما زمالة زمالة وبنفس اللشئ لامريكا وكندا اكثر نسمعه بورد بورد..

هل تختلف المسميات ولا شالسالفة..
وعندي سؤال .. كثرا اسمع عن ناس يخلصون امتياز ويروحون لبريطانيا وياخذون الزمالة البريطانية لكن ماسمعت عن البورد.

واخر سؤال شهادة الزمالة او البورد هل تكون من مستشفى او جامعة او من الدولة نفسها اللي تدربت فيها واذا تدربت هناك اكون تابع لوشو مستشفى او جامعة.....

واخررررررر سؤال (ادري اني نشبة) اقدر اخذ اكثر من زمالة لاني دائما اقرا عن دكاترة كبار يكون مع الواحد فيهم الف زمالة وزمالة واذا كن الكلام هذا صح وشو الفايدةمن تعدد الزمالات يعني كانك تعيد التدريب مرة ثانية ولالا. وكيف تكون الزمالات والبوردات بالتفصيل.

وارجو انكم ماتقصرون باي شئ تعرفونه اي شي عندك حطه سواء سالته انا او لا <<<< فيه شي ماسالت عنه

شكرا*