الابتعاث عن طريق وزارة الصحة كذب * كذب

اولا انا ماانصحك نهائيا تكتبين في منتدى وزارة الصحة لان كل المشرفين اللي فيه من ادارة التدريب والابتعاث وبعضهم اداريين بوزارة الصحة ( شغل عصابات ) انتبهي .

ثانيا حياك الله اختي في ثقب المراكز الصحية الاسود .... معاناتك مادامك في مركز صحي ماراح تنتهي الا اذا اراد الله والله المستعان....

انا كنت اعمل بمركز للرعاية الصحية الاولية بالقصيم ( فني صيدلي )

اخذت 4 سنوات انتظر وزارة الصحة تبتعثني وكان معاي زملاء نقاطهم اقل من نقاطي وطلعوا قبلي ..
وعشان يتخلصون من الناس المتعلقين مثلي اخترعوا الية جديدة من ( 70 نقطة ) يعني لازم اعدي 70 نقطة بعدها يمكن يوافقون ...
انا متقدم على الابتعاث على الالية القديمة ( 50 ) نقطة ونقاطي فوق المطلوب ( 66 ) وش ذنبي يطلعون ناس اقل مني ؟؟؟؟
قلت لهم طيب خلوني ادرس باي جامعة هنا ابي اكمل ( لاااااا )) قلت على حسابي بس توافقون على المؤهل ( لااااااااا) ..

لكن الحمدلله رزقني الله بزوجة مجتهدة ومتفوقة بدراستها وقدمت لها على برنامج الملك عبدالله الله يحفظه وانا الان في سياتل ادرس اللغة وان شاء يوفقنا الله والقى قبول صيدلة والامور تبي تتسهل لاني معلق الوظيفة على امل انه يجي يوما ما وزير يخاف الله سبحانه وتعالى فينا وبالذات المراكز الصحية يعني مدري من وين نلقاها من المراجعين اللي يسبوننا بكل مكان والا من الوزارة والا من بدل المسائي اللي يوزعونه علينا بالقطارة ..

طبعا قدمت اجازة استثنائة 4 سنوات لانهم رفضوا يعطوني اجازة دراسية هههههههههههههههه ( وين ماطقها عوجا ) تدرون ليش ؟؟؟


لأني من مركز صحي هههههههههههههههههههههه ...



نصيحتي لك وانا اخوك اذا عندك امكانية ( مادية وعائلية ) انك تكملين في المانيا اطلعي وخلصي كورس اللغة واول ماتحصلين قبول غير مشروط من جامعة معتمدة في التخصص اللي تبينه راح توافق وزارة التعليم على ابتعاثك باذن الله وتعامل وزارة التعليم العالي يختلف كثير عن باقي الوزارات وترا يحبوووووون اللي يخشون تخصصات نادرة يموتوووون فيهم بالذات الطب.... ولاتشيلين هم اذا وزارة الصحة ماتبغى التخصص النادر حقك ويتحججون بكلام واهي فيه 1000 غيرها يتمناك اعرف اطباء سعوديين ومنهم جراحين حولوا من وزارة الصحة بعد مارجعوا من الدراسة وامورهم عسل على عسل والله اني اذكر جاء للمركز الصحي تعميم يخص تسرب الكوادر الصحية السعودية من وزارة الصحة الى الخدمات الطبية بالحرس الوطني ومنشآت اخرى وحتى لو رفضوا مؤهلك مافيه شي بالدنيا احب لانسان من انه يكون راضي عن نفسه وانه سوا المطلوب منه انتي توكلتي على الله وجبتي شهادة وخلصتي المطلرب منك هنا تحسين بالراحة النفسية ... و ماعليك هم الخسرانين بكرة ترجعين ومعاك مؤهل يرفع الراس ومثل ماتشوفين المستشفيات اللي بدأ تشييدها حاليا تخيلي بعد فترة تجين وبتخصص نادر ومحتاجه البلد وش بيسوون .. بيتجاوزون كل الشروط والحواجز والتعاميم والانظمة عشان يجيبونك عندهم ان شاء الله .. ( الا اذا كانوا شيبان مثل اللي عندنا بالقصيم فاقولك مستحييييييييل )

الله يوفقك ويسهل دربك وييسر امرك حبيت اخفف عنك واسرد لك مقتطفات من اللي بجعبتي وآآآآسف على الاطالة

الله يكون في عونك يااختي لاتشيلي هم ربك بيفرجها ولسا قدامك برنامج الملك
انا طالب امتياز وافكر اقدم عالصحة عشان يحسبون لي خدمة وزيادة راتب في فترة الابتعاث وفي نفس الوقت خايف اتمرمط انصحيني


ملاحظة
انا ابغى اكمل في المانيا بس سمعت ان الوزارة علقت الابتعاث لالمانيا لان المانيا تشترط سنة لغة بينما ترفض الوزارة هذا الشرط والله اعلم

تعليق الوزارة للابتعاث في المانيا ليس بسبب اللغة .. ولكن بسبب اختبار شفوي طبي بعد دراسة اللغة
من وجهة نظر الوزارة .. نقول .. يتم ابتعاث الطبيب وبعد دراسة اللغة .. احتمال انه ما يعدي الاختبار ... طيب شنو الفايدة ؟؟؟
على كل حال التعليق مؤقت لحين ايجاد حل للموضوع .. لكنه مفتوح من جهة التعليم العالي

نعم انا متاكد الاختبار تحريري باللغة الالمانية مثل اختبار الهيئة لكن انا اشوف انه راح يكون صعب تتذكر بالالماني واحنا دارسين بالانجليزي ولغتنا عربية ولا في خلال سنة لو انها في اخر سنة للزمالة حلوة نكون مارسنا وتسهل الله كريم انا لي رجعة في الموضوع

نعم انا متاكد الاختبار تحريري باللغة الالمانية مثل اختبار الهيئة لكن انا اشوف انه راح يكون صعب تتذكر بالالماني واحنا دارسين بالانجليزي ولغتنا عربية ولا في خلال سنة لو انها في اخر سنة للزمالة حلوة نكون مارسنا وتسهل الله كريم انا لي رجعة في الموضوع

إنا لله و إنا إليه راجعون


انا طبيب متخرج من خمس اشهر و في خلال هذ الفتره قدمت من رمضان ٢٠١٢ على بعثة الملك عبد الله و قبلت و أخذت ورقة الضمان المالي و قبول لدراسة الزماله لأوربا و ابغى اسبانيا او فرنسا بس باقي ما ما آخذة صدور قرار البعثه لان ما ينفع أغير الدوله بعد صدور القرار
و كملت فتره ادور على وظيفه تشغيل ذاتي غير الخدمه المدنيه لان بعدين تنلغي بعثتي من وزارة التعليم العالي
المهم جاني عدة وظائف الهلال الاحمر في منطقه بعيدة في الشمال
و خدمه مدنيه بوزارة الصحة المنطقه الغرربيه بس باقي ما اعرف اذا كان مستشفى او مركز صحي
و وظيفه معيد في احدى الجامعات الناشئه في مدينه اخرى ما اطمح أني اكمل فيها بحكم ألبيئه التعليميه الضعيفة و قلت او انعدام المستشفيات و المدن الطبيه و مراكز المتخصص عكس الغربيه واللي انا فيها اساسا درست و أرتاح نفسيا
اليوم مخي تفجر من التفكير و أخاف انكب في وزارة الصحه خصوصا اذا كان في مركز صحي و خصوصا بعد ما قريت كلام يحطم عن الوزارة في الابتعاث من مواقع النت


الاسبوع هذا لازم احدد مكان وظيفتي و مستقبلي ،، فايش تنصحوني ؟!


مع العلم ان لو بغيت احول لمعيد اذا ما ساعدتني وزارة الصحه في الابتعاث و على حسب ما قالو لي شعبة ألانظمه في الخدمه المدنيه ان ينفع احول من طبيب مقيم في مدينه الى طبيب معيد في مدينه اخرى في مدة شهرين اذا كان الطرفين موافقين و متفقين بعكس النقل من طبيب مقيم من مدينه الى طبيب مقيم في مدينه اخرى اللي شترط مدة سنه على الاقل .

و مع العلم أني اساسا محتاج سنه اريح فيها او سنتين وجات وظيفة جده على امنيتي خصوصا أني ما ارتاح في مكان غيرها






و مع العلم ان الهلال الاحمر الإسعاف الجوي مرتبه عالي و الأهم من كذا أن فيه إجازات طويله و كثيرة تسمحلي أسافر ابحث عن قبولات و فيها شغل قليل يسمحلي اذاكر زيادة و أراجع دروس و كذا و برضو الهلال الاحمر تشغيل ذاتي ما يلغي بعثتي في التعليم العالي بس اكبر مشكله ان الوالد اللي دائم أستشيره يرفض بشده وظائف الهلال الاحمر ):


انا افكر اتوظف في جده حتى لو مافي غير مركز صحي و أبدا مباشره إجراءات البعثة في الصحه و من خلال أوراق الظمآن المالي اللي من التعليم العالي أجيب قبول للتخصص اللي اطمح له و اللي مستحيل اختار غيره و بعدين اكمل على الجهتين لو أكرمني الله بالقبول و موافقة الصحة خير و بركه و اذا رفضو اسحب منهم و أشوف لي مكان اخر ابتعث من خلاله سوا اغير لمعيد او مستشفى اخر او ارجع احاول في وزارة التعليم العالي


أسف جدا جدا على الاطاله بس مخي تفجر و التمس منكم زمالئي اللي سبقوني و من خلال تجاربكم تنصحوني و مشككوورريين و جزاكم الله خير

اسف دخولي على موظوعك يا دكتوره والله يكون بعونك و اتمنى نصيحتك

Home - Specialization program of Saudi physicians in Franceاخي الكريم .. في البداية اتمنى منك تاخذ نفس عميق وتشيل من راسك التوتر وتبدأ تفكر وتخطط على مهلك ... واهم حاجة تحدد اهدافك واولياتك

راح ابدأ بوزارة التعليم العالي
ما دام انك مقبول في بعثة خادم الحرمين الشرفين وتم طباعة الضمان المالي ... فهذا يعني انك انتهيت من مرحلة التدقيق وحتى لو توظفت عن طريق الخدمة المدنية فهذا لن يشكل لك اي عائق
اهم نقطة لابد تنتبه لها ... تغيير المهنة في الاحوال المدنية
حاليا مهنتك في الاحوال المدنية طالب .. اذا توظفت في الوزارة .. راح يخلونك تغيير مهنتك من طالب الي موظف حكومي وبكذا راح يصرف لك بدل تعيين مقداره راتب اساسي واحد
الخلاصة .. انت ممكن تتوظف في وزارة الصحة .. لكن لا تغيير المهنة في الاحوال ..
راتب بدل التعيين ما راح يضييع عليك وممكن تاخذه بمجرد تغيير المهنة .. وفي نفس الوقت انت راح تحافظ على مقعدك في البعثة بشكل مضمون وبدون اي مخاطر

بالنسبة لوزارة الصحة
اذا انت حاط تخصص واضح في بالك وما تبي غيره ... ممكن تشتغل في الوزارة في التخصص الي انت تبيه في احد المستشفيات في المنطفة الي تبيها
الموضوع هذا ممكن يتسهل وممكن يتصعب .. لكن بالهواش والقوة تقدر تاخذ الي تبي .. بواسطة او بدون واسطة .. تقدر تشتغل في التخصص الي تبيه
طبعا لما تشتغل في التخصص الي تبيه .. وحصلت على قبول في نفس التخصص .. ما احد يقدر يعترض على ابتعاثك .. والمسألة مسألة وقت

لكن لو اشتغلت في تخصص .. وحصلت على قبول في تخصص ثاني ... هنا تبدأ المشاكل
لكن نفس الشي .. موضوعك ممكن يتسهل ويتيسر وممكن يتصعب .. ممكن جهة عملك يطلبون بديل وممكن يوافقون على طلب الابتعاث
اهم حاجة موافقة جهة عملك والمديرية الي انت تابع لها

على فكرة انت ممكن تاخذ ضمان مالي مبدئي من ادارة التدريب والابتعاث على التخصص الي تبيه وبكل سهولة

اذا انت تفكر في الدراسة في فرنسا .. فالتقديم حاليا مفتوح الي نهاية شهر فبراير من خلال الموقع التالي
Home - Specialization program of Saudi physicians in France

بالتوفيق ان شاء الله

جزاك الله الف خير يا دكتور ،، صراحه نقطة تعديل المهنه مهمه و تفرق جداً و تمام نبهتني عليها
و لا يهم بدل التعيين مقابل اهمية بقى المقعد في وزارة التعليم العالي ، إجاباتك شايفه و مشكور ريحتنا و الله
و حابب أسالك الهلال الحمر حسب ما سمعت انهم يجبرون تعديل المهنه من الأحوال يعني كذا تنلغي البعثه ؟! رغم انها تشغيل ذاتي
و هل مافي نظام يجبرني اعدل المهنه في الصحه ؟! لو جبروني فايش الحل او هل من طريقه
هل مباشر تي و احظار ورقة مباشره لا تعني تعديل المهنه و لا تلغي البعثة ؟!
مشكور

وظائف التشغيل الذاتي لا تجبرك ابدا على تعديل المهنة وكذلك الهلال الاحمر
انا اعرف زملاء لي اشتغلوا في الهلال الاحمر لم يطلب منهم ابدا تعديل المهنة

بالنسبة لوظائف الخدمة المدنية
راتب بدل التعيين لا يصرف الا مع تعديل المهنة الي موظف حكومي في الاحوال المدنية
ربما بعض المستشفيات لا تبدا بصرف الرواتب الا مع تعديل المهنة في الاحوال وهي تعتمد من مستشفى الي مستشفى او مديرية الي مديرية ... لكن اعتقد ان الموضوع فيه مروونه وبامكانك تأجيل تعديل المهنة وتتفاهم مع شؤوون الموظفين لو عقدوا الموضوع

فكرة تعديل المهنة هذي معروفة نوعا ما والبعض يستغلها حتى في امور ثانية من خلال فتح مشاريع خاصة او تسهيل بعض المعاملات او الابتعاث الخارجي

من جهة وزارة التعليم العالي وهذا حسب فهمي ورأييي
طالما انك عديت من مرحلة التدقيق وتم اعتمادك في البعثة .. ما راح احد يرجع ويدقق من جديد ويراسل الخدمة المدنية او الاحوال والمهم هو المهنة في الاحوال المدنية لا غير

مشكوور dr.splendor