هنــــدســــة كــــيمـــيـــائــيــــة ؟؟....استفساااااار !!!

و عليكم السلام
عزيزي انا مهندس كيميائي و موظف متعاقد في شركه سابك في الجبيل
اولا و قبل اي شي اتمنى لك التوفيق و النجاح في حياتك ان شاء الله
بالنسبه للهندسه الكيميائيه الصراحه مجال جدا جيد و الصراحه جميع التخصصات الهندسيه جميله لكن بحكم عملي و لمده 4 شهور حاليا في الشركه اقلك التالي
الوظائف المطلوبه في شركه سابك
هندسه كيميائيه
هندسه ميكانيكيه و تشمل جميع انواعها من حراريه و غيرها
هندسه صناعيه بس طلبها مو زي الكيميائيه و الميكانيكيه

بس الصراحه انا اتكلم من القسم الي انا موجود فيه
لكن شركات سابك تطلب جميع المهندسين من كهربائيه و غيرها
و بالنسبه للهندسه الكيميائيه Chemical Petrochemical and Material Sience
المفروض هادا اسم التخصص تبعي بس للاسف جامعتنا تكتب بس هندسه كيميائيه
و للهندسه الكيميائيه تفرعات كثيره بس في السعوديه مالها تخصصات كثيره
مهندس كيميائي
مهندي مواد
مهندس تاكل
مهندس بترول
و الصراحه لها مستقبل وظيفي جميل بس انت شد حيلك و لا تكون زي اخوك رامي معدلو مو تمام
و ربنا يوفقك و يوفقني و يوفق الجميع

طيب يا اخوان انا افكر ادرس هندسة الكترونية ويش رايكم فيها زينة ولا مالها مستقبل ووظايف وراتب عدل في السعودية

تسلمون اخواني جمييييعكم عالردود المشجعة واسفة عالتأخير

اخ رامي..انا بنت..كيف رح تكون الوظايف؟؟
انا الصراحة متأملة ومتفائلة خير انو على وقت تخرجي ان شاء الله يكون فيه تغير كبيييييييييير والا اش رأيك؟؟؟؟

و الله يا اختي الصراحه تخصص هندسه كيميائيه بالنسبه لبنت يكون صعب مره
مو من ناحيه دراسه و لكن من ناحيه وظيفه
طبيعه العمل للمهندس الكيميائي تكون (بروسيس انجينير ) يعني مهندس عمليات
طبعا في المصنع يشتغل في البمبات و الكولومز و الهييت اكسشانجير و غيرها من الاشياء الي تصدر حراره و غير كده تحت الشمس الطيبه الي في السعوديه
و غير كده انا الصراحه ما شفت و لا موظفه في سابك لكن في ارامكو شفت كم وحده
و معليش على التاخير

طيب وش افضل هندسة الحاسب ولا الكيميائية

طيب وش المقارنة بين الهندسة الكهربائية و الهندسة الكيميائية