تخصصك رياضيات؟؟ تبغا جامعات بدون GRE؟؟ طيب أتفضل عندنا..
تخصصك رياضيات؟؟ تبغا جامعات بدون GRE؟؟ طيب أتفضل عندنا..
تنبيه: هذا الموضوع قديم. تم طرحه قبل 5069 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - هل هذا الكلام ينطبق على جميع تخصصات كلية العلوم7 "
انا تخصصي كيمياء
وجالس افكر اقدم على هذه الجامعه
UNIVERSITY OF COLORADO DENVER
لاني بدرس ان شاء الله في المعهد التابع للجامعة هذه
وقبولي في تاريخ 16 اغسطس
وشكرا لك - 7 "هلا والله ومية مرحبا بجيراننا في دنفر , طبعا انا ماشي في بداية اوغسطس ما راح تشوفني
شي أكيد إنو القبولات تختلف وسهولتها حسب الجامعة وحسب التخصص
لكن انا صاحبي كمان كان تخصص كيمياء وشفتلوا جامعة قبولاتها سهلة مرة
وهادا رابط الجامعة
Chemistry
بالتوفيق
(لو جي على دنفر وماتعرف شي راسلني على الخاص أعطيك كم معلومة عنها)
- مشكور وما قصرت اخوي7 "
الله يفتحها عليك
بالنسبه لجامعة كلورادو ارسلت لهم رسالة استفسر عن القبول المشروط
وقالوا لي ما ينظر في الطلب اذا ما عندك توفل
وان شاء الله راح ارسل للجامعه الي اعطيتني
وشكرا لك مره ثانيه - اخوي زعفور،7 "
الآن أنت رايح نييورك ستي؟
كيف الولاية اللي انت فيها الآن من ناحية قبول الجامعة لتخصصات ثانية مثل الهندسة ومن ناحية المعيشة..وهل ممكن احصل قبول مشروط بالضمان المالي واللغة؟ - 7 "إنشاء الله انا محرك على نيويورك في وسط اوغسطس عشين أبدأ دراستي
ولاية كولورادو من أروع الولايات وبشهادة الكتير من الشباب , نظام المواصلات من الأحسن على مستوى أمريكا , تقدر تروح أي محل في كولورادو ببطاقة الطالب وببلاش, والباصات مررررررة كتيرة توديك أي محل ووقت ماتبغاه
عندنا طبيعة سبحان الله , وأهم شي عندنا أكثر من 5 مناطق تزلج وأحسنها على مستوى أمريكا (وتروحها بلاش بالباص) أكيد أقلك حاول في هادي الولاية وصدقني ماراح تخسر
طبعا أكيد القبولات تختلف بحسب التخصص , والمعيشة هنا حلوة (طبعا بحسب) زي العاصمة دنفر السكن رخيص , لكن لو تجي مدينتي بولدر إلي هيا صغيرة وحلوة وجبلية تحصل المعيشة غالية (طبعا انا أقول معيشة قصدي إيجار السكن)
إش فكرة القبول المشروط , إنك تقدم على الجامعة بكل الملفات الضرورية ودرجة إختبار التوفل أو الآيلتس. طبعا لو درجة التوفل واطية وماهي حلوة في هادي الفترة الجامعة تقبلك قبول مشروط على اساس تدخل معهدهم وتكمل لغة لين تجيب الدرجة المطلوبة. يعني لازم كمانة تدخل التوفل , لو قدمت بدون الدرجة هادي ماتنفع بالمرة
طبعا مو كل الجامعات توفر الخدمة هادي , يبغالك تراسلهم وتشوف
بالتوفيق - كتيرين بيسألوني عن برامج الرياضيات وانواعها , وطريقة الدراسة فيها , فحبيت انزلكم شرح عن أغلب برامج الرياضيات في الجامعات7 "
بالنسبة للتخصصات وشرح الرياضيات واقسامها يمكن يطول , لكن أنا بأعطي فكرة بسيطة إنشاء الله تكون وافية ومفهومة
حسب ما شفت في مواقع الجامعات إنو للرياضيات 4 برامج
1. MS or Master of Science
2. MA or Master of Art
3. MS in education or MA in education
4. Financial Mathematics
طبعا أكيد كنت محتار إش الفرق بين MS & MA وخلال بحثي في المواد والمقررات للبرنامجين ما حصلت إختلاف كبير بينهم , تقريبا المقررات متشابهة اللهم بس الأسماء مختلفة. جينا في يوم وفتحنا الموضوع مع دكتور في المعهد عندنا وقال إنو مافي فرق بينهم , مجرد إنو كل جامعة تسمي البرنامج بكيفها أو بطريقتها. ( المواد حسب ماشفتها في البرنامجين هادي كلها مواد عامة ومتنوعة في الرياضيات , يعني مايتخصصوا في شي معين)
والبرنامج الثالث هادا تعليمي , أو بالعربي طرق تدريس رياضيات , وممكن تحدد مرحلة معينة في الدراسة , يعني مثلا مداك تتخصص طرق تعليم رياضيات للإبتدائي أو متوسط أو ثانوي أو جامعي. (وبصراحة هادا البرنامج قبولاتوا أصعب من البرامج التانية , يعني مثلا يطلبوا توفل 100 , ولازم GRE لأنو إلي بيدخل في البرنامج دا لازم تكون لغتوا ممتازة لأنو راح يلقي برامج كتير وحيدرس حصص في الجامعة وفي المدارس العادية كمانة , غير إنو حيلقي خطابات كتيرة داخل الكلاسات , لأنو الهدف من البرنامج يطلعك مدرس متمكن , فاللغة لازم تكون ممتازة عشن تنجح في البرنامج)
الرياضيات المالية بصراحة ماعندي أي فكرة عنها , لأني ماكنت مهتم بيها. بس أكيد كلها تتعلق ببنوك وحسابات وقروض ومدري إيش!!
تحت البرنامج MS & MA في تخصصات دقيقة زي مثلا :
- Pure Mathematics
- Mathematics
- Mathematics Statistics
بعض الجامعات ماعندها التخصصات الدقيقة دي , يعني خلاص تدخل MS or MA وتدرس مواد عامة وخلاص , لكن بعض الجامعات أول ماتدخل برنامجها لازم تحدد التخصص الدقيق إما pure or statistics
المواد في Pure mathematics and Mathematics كلها مواد عامة في الرياضيات , زي جبر, إحصاء, تفاضل وتكامل, تحليل عددي...
المواد إلي في mathematics statistics زي ماتقول كلها مواد هندسية , زي مثلا حساب الأبعاد والمساحات , ونظرية الإحتمالات , والأسئلة إلي زي كدا (كم المسافة التي تقطعها كرة عندما..... , أو كم سرعتها , أو أوجد التسارع)
سهولة البرنامج أو صعوبتوا أكيد تختلف من جامعة لجامعة , وايضا تختلف من شخص لآخر , زي أنا بصراحة ماأحب الرياضيات التطبيقية , ماأحب أحفظ قوانين مساحة ومحيط ومخاريط , واحسب سرعة ومدري إيش , أنا أحب تفاضل وتكامل وجبر و معادلات تفاضلية , فعشين كدا اخترت pure mathematics.
والله يكتبلكم إلي فيه الخير - عوافي يالغالي زعفور_1457 "
وربي يفتح عليك من علمه و تتوفق و اذا عندك معلومات اضافيه لا تبخل علينا فيها - جزاك الله خير7 "
بس حبيت اسال عن الاحصاء الرياضي باي الجامعات هذي ؟؟
وهل ممكن يقبلوني بدون توفل واذا رحت عندهم ادرس لغه وامتحن التوفل هنا ؟؟؟
واي من ولايات امريكا تكون امنه وحقت عوائل سعوديه ؟؟؟ - 7 "وياك ياغالي سعيد بمرورك , وإنشاء الله تكون استفدت!!
أهلين أخوي
بصراحة الاحصاء الرياضي والتخصصات الدقيقة ماتحصلها في كل الجامعات , عاد بصراحة مأدري فين ممكن تكون , ماعلى الواحد غير إنو يدور ويراسل الجامعات , أو على قولة الأمريكان ( google it) يعني روح قوقل واكتب التخصص بالإنجليزي وشوف في أي جامعة تطلعلك.
طبعا عشين نحنا International student لازم متطلب أساسي في القبول إنك تآخد التوفل وتجيب درجة معينة فيها (بحسب الجامعات) , وفي معاهد حلوة ومنتشرة في كل أمريكا إسمها ESL هادا المعاهد لمن تتخرج منها , أو توصل مستوى معين في اللغة , يعطوك قائمة بجامعات متفقة مع المعهد على اساس تنظم عندهم وتنقبل في الجامعة بدون توفل أو أي إختبار لغة (أكتر من 100جامعة , بعضها معترف بيها وبعضها لا). ومثلا لو جاك معهدك في معهد غير ESL وتبغا تحول , ممكن تكلم الملحقية وتسوي تحويل للمعهد ESL الشغلة بسيطة وعادية إنشاء الله.
بصراحة ولايات امريكا كلها حلوة وآمنة وماعليها خوف , ممكن نحنا نخاف من إلي بنشوفوا في الأفلام والتلفزيون أو إلي الناس يقولوه , لكن بصراحة الوضع هنا جدا مختلف.
بالتوفيق!!
شوف الرابط الأول هادي المواد إلي انا راح إنشاء الله أدرسها في جامعة نيويورك
طبعا حاطيين المواد كلها , القسم الأول (Undergraduate) هادي حقت البكالوريوس , ماأقدر أختار أي مادة من عندهم
والقسم الثاني (Graduate) هادا القسم حقي حق الماجستير والمواد إلي أقدر أختار منها
Department of Mathematics, CCNY --- Courses
طبعا أغلب الكورسات ساعة ونص تقريبا في اليوم \ 4 مرات في الأسبوع (ووبعض الأحيان 3)
هادي الكورسات في جامعة تانية قدمت عليها , ولسع ماردولي خبر على القبول
Stevens - Mathematical Sciences - Masters Programs
بالتوفيق