أول مرررة أدخل ملتقى أمريكا ... فلا تردوني @@@

والله يا خيتي .. يعجبني تمسكك بدينك وياليت كل بنت مثلك ..

الموهيم يا خيتي .. انا قريت عن كل الولايات ..

بس ياليت تفهيمنا وضعك يعني تبين اغلى الولايات ولا الوسط ولا الرخيص ..

لي عوده ..

شكرا لردك
أكيد ما أبغى الغالية
لكن ماأبغى الرخيصة
لأنها قد تكون رخيصة في كل شئ؟؟؟؟
أبغى وسط
في ولاية محترمة وراقية وآمنة
وجامعة ممتازة وتصنيفها عالي

الوسطى .. في الاسعار انا الي قريته واكثر شي يتكلمون عنه ..

هي ولآية ميسوري ولاية كينسي ولاية أوهايو ..

بس ياخيتي انتي سمعتي بفيروس الخنازير هو منتشر في ولاية تكساس ولـ الولايه هذي في جنوب امريكا وهي من الولاية الوسطى بالاسعار بس لا يصح انت تروحين لها الوقت هذا ..

وميسوري تعتبر وسط امريكا ..وكذالك كينسي اما ولاية اأهايو في الشمال .. وهي اكثر بروده من الولاية التي ذكرتها لك ..

اما الامن ولامان .. ميسوري سوف أذهب إليها بإذن الله .. الامن فيها والشعب فيها ما حصلت احد يسبه كلها أمن بعد لله .. سبحانه ..

وذكرت فيها مساجد ونسبة البيض 83% وباقي النسب وزعيها على انواع الاشكال

واي استفسار انا حاضر ..

أختي البدرية بعد التحية
انا كنت مثلك متخوف من امريكا من ناحية العنصرية سواء في الدين او لون البشرة او اي نوع من انواع العنصرية وكنت ادرس بماليزيا ,,, لكن بعد استفسارات من اهل الخبرة ,, طمنوني ولله الحمد انه مافي شي من انواع العنصرية حتي ممكن توصل انه الادارة الامريكية تسمح (مبدأ حوار الأديان والثقافات) للطلبة المسلمين بأنه ياخدو اجازة بأيام أعياد المسلمين ,,, وانهم جدا متساهلين ويساعدو الطلبة الأجانب هناك ,, وفيه بنات يدرسو هناك ومتمسكين بالحجاب ومافي اي اشكاليه وعادي جدا ,, شعب امريكا جدا طيب وحبوب وازيدك من مقولة ( بلد الإسلام من غير مسلمين ) ,,, أطمني يا أختي اللي نشوفو في التلفزيون يختلف جدا عن الواقع ,, زي ما نسمع دايما من غير ما نشوف انه الدول الغربية انهم يسمعو العرب اشرار وهمهم الخراب لكن بيعملو زيارات للسعودية وغيرها وبيشوفو الاسلام والمسلمين كيف مسالمين جدا وطيبين فبتتغير ارائهم كتير جدا ,, والعكس صحيح نحنا بنقول امريكا تخوف وانهم وفيهم لكن نروح هناك ونشوف بيعننا ونعطي رأينا ووجهة نظرنا ,,, انا مثلك بطلع اول مرة وكنت متخوف جدا لكن الان جدا مرتاح ومبسوط و طالع لولاية الاباما مدينة موبيل بعد شهر ونص ان شالله اللي سمعت فيها المشاكل والعنصرية ,, لكن تعرفت على سكانها وعلى المبتعثين اونلاين وطمنوني وريحوني ولله الحمد

وأي خدمة نحنا حاضرين
وبالتوفيق يا رب