السلام عليكم
أخواني أنا وصلني قبول معهد في مدينة سان دييقو
لكن فيه عندي عدة إستفسارات ياليت يساعدوني فيها الأخوان الله يجزاهم خير
1- الحين من بعد ماوصلني قبول المعهد إيش اقدر اسوي ؟؟ هل بإمكاني سداد السفيس وأخذ موعد للسفاره بقبول المعهد ؟؟ ولا لازم قبول الجامعه يجي (مع العلم انه جايني بالطريق لكن بيطول) اسابيع ,, الله اعلم
2- إيش الاشياء اللي بتواجهني من ناحية سداد وغيرها مثلاً السفيس وموعد السفاره ودفع رسوم التأشيره من بنك سامبا اظن ،، هل فيه اشياء غيرها بتواجهني ؟؟؟؟
3- غير كذا مكتوب عندي في ورقة القبولات ان موعد دراستي في 10/12/2009 هل المقصود بإن الدراسه تبداء في شهر عشره ؟؟ لانهم بعض الاحيان يبدلون اليوم مع الـmonth اللي هو الشهر
4- السفاره تطلب ضمان مالي هل ينفع صوره من الضمان اللي جبت فيه القبولات ؟؟ او لازم قبول اصلي وغير اللي جبت فيه القبولات وهل لازم يكون موجه بإسم السفاره ؟؟ وهل لو التاريخ على اليوم مثلاً والسفاره موعدي معها بعد اسابيع عادي يستقبلونه ولا لازم بتاريخ قريب ؟؟ وكذلك لكشف الحساب بالنسبه للتاريخ هل فيه تأثير لو اخذت الضمان والكشف قبل المقابله بإسابيع وهل عادي اجيب ضمان مالي يختلف عن اسم الشخص اللي جاب لي ضمان بإسمه لقبولاتي ؟؟ قريب طبعاً
5- النماذج اللي اعبيها للسفاره من الموقع ولا اذا رحت للسفاره ؟؟ هل فيه شي اسويه او اسدده لما اروح للسفاره ؟
أتمنى التوضيح يا أخوان
