-
لكل من يريد التقديم على أكثر من جامعة وهو مرتاح .. أو يرغب في معادلة الشهادات
الله يسعد صبآـآحكم / مسآـآكم بكل خير حبآيبي .. :bwush:
اليوم حآآب أفيد أخوآني وأخوآتي في هذا الصرح العظيم ببعض المعلومآت بخصوص القبولات والجامعات سواءاً كان بأي دولة .. والشي اللي أنا بقوله ما يعتبر شي أساسي وضروري بأنك تتبع نفس الطريقة .. لأني راح أخص بكلامي الطلاب الراغبين في معادلة الشهادات الجامعيه أو اللي يبي يراسل أكثر من جامعه وبعدين يختاار بينهم ..
طعباً فيه كثير أشخاص يرغب بمراسلة أكثر من جامعه .. بس راح يتوهقون برسوم الأبلكيشن اللي بـ web site وتختلف من جامعه لجامعه ثانيه .. تبدأ من 70 دولار وممكن تصل لـ 200 دولار هذا إذا مو أكثر .. وهذا بحد ذاته يعتبر شي يكسر الظهر لأن الشخص راح يصرف مصاريف كثيييير وبكل مره يفتح أبلكيشن بجامعه معينه وإحتمال ما يحصل قبول فيها ..!! :blink:
فأنا جبت لكم الطريقه اللي تغنيك عن هالمصاريف وعوار الراس .. وهالطريقه ممكن كثير يعرفونها والبعض ما يعرف عنها أي شي .. فأنا حبيت أطرح هالموضوع وخصوصاً بأني ما قريت موضوع بالمنتدى مشابه لطرحي .. فأعتبرها فرصه لنشر الفائده .. :thmbup:
* أكيد الكل يرغب بالحصول على أكثر من عرض ومن كذا جامعه ..؟ :naughty:
* والكل يرغب في معادلة شهادة الدبلوم أو البكالوريوس أو الماجستير ... إلخ ..؟ :movingtongue:
طبعاً كثير منكم عارف بأن الجامعات الدولية وخصوصاً الأمريكية تتعامل مع شركات معترفه لديها .. وهالشركات تعتبر كليات أو بالأحرى ( المعاهد المعترف فيها لدى الجامعات ) .. لأن كثير يسمع بمعهد الجامعة ..؟ وكثير يرغب بالدراسة لدى معهد الجامعة ..؟ بس مو عاارف هالمعهد هو عبارة عن ايش بالضبط ..؟! :smartass:
راح أذكر لكم اسم هالشركات وتعتبر مقسمه وموزعه في كذا دولة بالعالم بس أنا بتكلم بخصوص أمريكا ..
1) شركة كابلان ( KAPLAN ) .. هالشركة تعتبر ممثله لجامعات الولايات الوسطى والشرقية في أمريكا ..
- هذا موقع الشركة على الإنترنت :
http://www.kaplan.com
- وهذا عنوان الشركة :
Kaplan, Inc. Headquarters888 7th Avenue
New York, NY 10106
212-492-5800
- وهذا الإيميل للمراسلة :
If you are a journalist seeking information about Kaplan, please e-mail: mrelations**kaplan**com
* أرجو ملاحظة إستبدال النجوم بالأداة ( @ ) و ( . ) تجنباً لمخالفة دستور المنتدى في وضع الإيميلات ..
2) شركة ستدي قروب ( STUDY GROUP ) .. هالشركة تعتبر ممثله لجامعات الولايات الجنوبية في أمريكا ..
- موقع الشركة على الإنترنت :
http://www.studygroup.com/
- هذا عنوانهم بالنسبة للولايات المتحده الأمريكيه :
United States Head OfficeSean Hale
Managing Director
Study Group USA
330 Seventh Ave
New York
NY 10001
Telephone: +1 212 497 0050
Fax: +1 212 497 0045
- هذا إيميلهم :
usamanagingdirector**studygroup**com
* أرجو ملاحظة إستبدال النجوم بالأداة ( @ ) و ( . ) تجنباً لمخالفة دستور المنتدى في وضع الإيميلات ..
3) شركة إي أف ( EF ) .. هالشركة تعتبر ممثله لجامعات الولايات الغربية في أمريكا ..
- هذا موقع الشركة على الإنترنت :
http://www.ef.com/
- بالنسبة للعنوان وبقية وسائل الإتصال أرجو زيارة الموقع والذهاب إلى صفحة ( Contact us ) علماً بأن الموقع مدعوم باللغة العربية ..
أتوقع فيه شركات دوليه ثانيه غير هذي :g: لكن أنا بصراحه ما يحضرني إلا هالثلاث الشركات لأنها تعتبر الأشهر والأقوى سمعه لدى الجامعات وخصوصاً الأمريكيه .. :sneaky:
وأنتم ما عليكم إلا إنكم ترسلون صور من الشهادات مترجمة وجواز السفر من خلال إرفاقها على ( ديكومنت ) وإرسالها لأي شركة تناسبكم في الدراسة .. طبعاً أهم شي تذكر بالإيميل اللي بترسله لهم بإنك ترغب بمعادلة الشهادة إن وجدت وبإنك تبي تدرس بولاية قليلة التكاليف وتعطيهم خبر بأنك دارس على حسابك الشخصي لأنهم ممكن يسوون لك تخفيض ( ديسكاونت ) :thumbsupup:
وفي خلال 5 أيام - 7 أيام راح يجيك الرد على الإيميل وراح تحصل بأنهم ارسلوا لك عرض أكثر من جامعة :mail2: .. وقتها ما عليك إلا إنك تختار الجامعة اللي تناسبك عروضها وولايتها وتتوكل على الله وتدخل على موقعهم وتعبي الأبلكيشن حقهم وتنتظر اسبوعين لـ ثلاث ويجيك القبول النهائي من الجامعة اللي هو الـ I-20 :vertag:
وهالطريقة بصراحة راح تغني الكثير عن دفع رسوم الأبلكيشن لأكثر من جامعة والإرساليات لكل جامعة ووجع الراس .. وأنا شخصياً متبعها ومرتاح كثيير :sweatdrop:
* ملاحظه : هالشركات ترسلك قبول الجامعات المشروط المبدئي وهو يعتبر عروض جامعيه .. ومالهم أي علاقة بالقبول النهائي
أعتذر على إطالتي بالموضوع .. بس حبيت أشرح وأشخمط شوي .. لأني انقطعت عنكم فتره والآن رجعت والله يديم التواصل بيننا إن شاء الله :group:
أخوكم / ميدو الكون :shades:
ملاحظة جداً مهمه : أرجوا من قارئ الموضوع قراءة المشاركات بالأسفل .. راح يستفيد أكثر إذا كان ما زال فيه غموض أو نقطة يود معرفتها :)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
جزاك الله خير الجزاء أخي الكريم ميدو .. بس هل هي مجانية ؟؟؟
هل تأخذ تلك الشركات رسوم على الخدمة ؟؟؟
دمت بصحة وعافية ..
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
الله يجزاك خير على الموضوع المميز والاكثر من رائع والله انت من الاشخاص الى يرفعون الرأس في مساعد اخوانهم الطلبة وهذا المجهود دليل على ذلك.............
ولكن اخي العزيز السؤال هنا هل تعاملت معهم انت؟ واشرح لنا بالتفاصيل كيف كان تعاملهم معاك؟
بالتوفيق لك ......................... اتمنا تثبيت الموضوع......
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة prestige10
يعطيك العافية
ومشكووور
مروري............................................. .prestige10
الله يعافيك اخوي .. أسعدني مرورك :)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة قائد النجاح
جزاك الله خير الجزاء أخي الكريم ميدو .. بس هل هي مجانية ؟؟؟
هل تأخذ تلك الشركات رسوم على الخدمة ؟؟؟
دمت بصحة وعافية ..
اللهم آمين ..
عزيزي بالنسبة للشركات هذي هي تعتبر المعاهد اللي تكون تابعه للجامعات للمعلومية .. بس كثير مو عارفين هالشي .. طبعاً أنت ترسل أوراقك لهم على ديكومنت وشرح بالرسالة على إيميلهم .. وفي خلال 5 - 7 أيام راح يرسلون لك الرد وفيه عرض من أكثر من جامعة على حسب إختيارك للشركة ..
فمثلاً أنت لما تراسل شركة كابلان وهي الممثله لجامعات الوسط وشرق أمريكا .. راح يعرضون أوراقك وشهاداتك على الجامعات بنفس هالمنطقة وعلى حسب مؤهلك ومعدلك راح يجي لك أكثر من عرض جامعي .. وقتها ما عليك إلا إنك تختار العرض المناسب وتعبي الأبلكيشن الخاص بالجامعة على موقع الجامعة وتدفع رسوم التسجيل .. وبكذا يكون افتكيت من عوار الراس والصرفيات اللي مالها داعي ..
بالنسبة للمراسلة عبر الإيميل أو عن طريق الفيديكس على عنوان الشركة .. وما يحتااج تدفع رسوم وكلام فاضي :)
That's good news sir ;)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة Bandar_VIP
الله يجزاك خير على الموضوع المميز والاكثر من رائع والله انت من الاشخاص الى يرفعون الرأس في مساعد اخوانهم الطلبة وهذا المجهود دليل على ذلك.............
ولكن اخي العزيز السؤال هنا هل تعاملت معهم انت؟ واشرح لنا بالتفاصيل كيف كان تعاملهم معاك؟
بالتوفيق لك ......................... اتمنا تثبيت الموضوع......
اللهم آمين .. أشكرك أخوي بندر على الإطراء المُخجل والمُلج للروح :)
أنا تعاملت مع شركتين اللي هي KAPLAN وشركة STUDY GROUP وبإنتظار العروض الجامعية منها .. ولاحد ينسى هالنقطة رجاءاً : هالشركات تعرض أوراقك على كذا جامعة وتجيب لك قبول مبدئي أو عروض جامعيه وأنت تختااار الأفضل والمناسب لك وما يجيبون لك قبول نهائي من الجامعة .. ويعتبر مخاطبة هالشركات مع الجامعات على حسب مؤهلك وتخصصك اللي ترغبه ..
أتمنى وفقت بالشرح وأعذرني إذا قصرت
وإذا تحتاج شي بخصوص هالموضوع أنا حاضر :)
ودي ;)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
موضوع مفيـــــد جدا
جزاك الله الف الف خير اخوي
بالتوفيــــــق للجميع
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة MeDoOo Al KoOoN
اللهم آمين .. أشكرك أخوي بندر على الإطراء المُخجل والمُلج للروح :)
أنا تعاملت مع شركتين اللي هي KAPLAN وشركة STUDY GROUP وجاني عروض جامعية منها في خلال أسبوع .. ولاحد ينسى هالنقطة رجاءاً : هالشركات تعرض أوراقك على كذا جامعة وتجيب لك قبول مبدئي أو عروض جامعيه وأنت تختااار الأفضل والمناسب لك وما يجيبون لك قبول نهائي من الجامعة .. ويعتبر مخاطبة هالشركات مع الجامعات على حسب مؤهلك وتخصصك اللي ترغبه ..
أتمنى وفقت بالشرح وأعذرني إذا قصرت
وإذا تحتاج شي بخصوص هالموضوع أنا حاضر :)
ودي ;)
انا ماشكرتك من الباب للطاقة انا شكرتك على مجهودك الى بصراحة تشكر عليه بكل صدق >>> http://www.mbt3th.us/vb/imgcache/63611.pngFive Stars
بجد انك كفيت وفيت يالغالي والله يسعدك .... تسلم ما أبي غير سلامتك وشد حيلك في الدراسة http://www.mbt3th.us/vb/imgcache/63612.png
تحياتي لك .....
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
الله يحرم ايديك عن النار كفيت و وفيت
معلومة خطيرة كنت افكر هالعرض للي يدرسون في المعهد فقط
والله شئ جميل ارسل اوراقي و تجيني العروض واااو
بحس اني خطيرة و احتمال اكبر راسي ! :D
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة creamcrameal
الله يحرم ايديك عن النار كفيت و وفيت
معلومة خطيرة كنت افكر هالعرض للي يدرسون في المعهد فقط
والله شئ جميل ارسل اوراقي و تجيني العروض واااو
بحس اني خطيرة و احتمال اكبر راسي ! :D
أجمعين يارب .. أبد ما سويت إلا الواجب وأنا أخوك ..
بالنسبة للكلام اللي قلته صحيح .. ترسل أوراقك لهم على ديكومنت عن طريق الإيميل وتنتظر الرد وما يطولون عادةً بالرد .. ويجيبون لك العروض اللي تناسب تخصصك ومعدلك وأوراقك تكون مبدئياً عند الجامعات .. أنت ما عليك إلا تختار وتتوكل على الله ..
وبالتوفيق إن شاء الله :)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
الله يعيطيك الف عافية
معلومات رائعة ومفيدة
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
وااو جدا رائع...
> تمت اضافة الموضوع الى المفضلة http://www.mbt3th.us/vb/imgcache/63614.png
الف شكر لك اخوي على المعلومات المفيدة بارك الله فيك وجزاك كل خير..
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة صمت الزهور
اللهم آمين الجميع يارب :)
مما يسعدني ويشرفني إفادة وخدمة أعضاء هالمنتدى اللي حبيته فوق ما تتصورين .. أحس كأننا عائله في بيت واحد وربي ..
أسعدني مرورك العطر خيتوو ..
ولا تحرمينا من طلتك
دمتي بود :)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
يعطيك الف عافية على الموضوع الرائع
بالتوفيق يارب
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
مرة ثاااانكس الله يعطيك العافية :)
:kitty:
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
الله يوفقك يااخوي..
بس حبيت اسالك ايش رايك في معهد EF؟؟
انا انقبلت فيه فرع سياتل ..بس يسبونه الناس .. وش رايك الشخصي فيه ؟
او حسب ماسمعت فيه؟؟
انتظرك..
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
بارك الله فيك أخوي ميدو الكون
وكثر من امثالك والله يوفقك
عندي سؤال واحد بس!
- هل يوفرون لي قبول مشروط
بإنتهاء اللغة أدخل الجامعة بدون
توفل وآيلتس و ..؟؟؟
- بمعنى هل يجيبون لي قبولات
في جامعات بهذا الشرط!!
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
مجهود رائع تشكر عليه ...
بس وانا اخوك لي تجربة مع مراسلة الجامعات لاحضار قبول لواحد من الشباب ...
وكل ماراسلت جامعة وقلتلهم ابي ارسل الاوراق بالايميل قالوا لا لازم ترسلها بريد paperwork ...
والجامعات هي :
North Dakota state university
ًًWestern Kentucky university
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
على طووووووووووووووول على المفضله
الله يعطيك الف عافيه ويجزاك خير
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
تسلم ياميدو
والله يعطيك العافية ويفتحها بوجهك فين مارحت
ويسهل لجميع المبتعثين..,,,,,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة S3ED
- هل يوفرون لي قبول مشروط
بإنتهاء اللغة أدخل الجامعة بدون
توفل وآيلتس و ..؟؟؟
- بمعنى هل يجيبون لي قبولات
في جامعات بهذا الشرط!!
نفس السؤال بعد اذن صاحبه
سؤال في مكانه
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
طيب واللي عندهم مشاكل بالمعدل ؟ اخاف مثل الشركات اللي توفر قبول وتعطي وعود. وفي النهاية يقولون لازم معدلك يكون مرتفع. وكنك يبو زيد ما غزيت
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
وفقك الله أخي الكريم
ويسر أمرك ونفعك ونفع بك..
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
مرررررررررة شكراً على هذا الموضوع الاكثر من رائع
ولك عشرة نجمات عليه **********
تم الحفظ في المفضلة
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
سلمت يداك على كتابة هذه السطور المفيده
جزاك الله كل خير
اسأل الله ان يوفقك في حياتك وييسر لك جميع امورك
عندي سؤالين لو تكرمت
هل يلزم معادلة الشهادة قبل التعامل معهم ؟
هل معادلة الشهادة افضل اثناء تواجدي في امريكا ام قبل ؟
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
رااائع جداً ..ويعطيك الف عافيه اخوي .
موضوع مميز وبقوة .
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اخي يعطيك العافيه ومجهود رائع و مميز جعلها في موازين حسناتك
بس سؤال انا دخلت على موقع FE صح بالعربي ورحت للاتصال بهم بس معرفت بعدين وين اروح لانه حاطين اكثر من ايميل و اكثر من برنامج ما عرفت اختار اي برنامج او ايميل(بين وبينك شكلها شركه تعليميه تقدم دورات)
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة أم معتز
الله يوفقك يااخوي..
بس حبيت اسالك ايش رايك في معهد EF؟؟
انا انقبلت فيه فرع سياتل ..بس يسبونه الناس .. وش رايك الشخصي فيه ؟
او حسب ماسمعت فيه؟؟
انتظرك..
صبآـآح الخير أختي أم معتز :)
ألف مبروك قبولك في المعهد وعقبال التخرج إن شاء الله ..
بالنسبة لمعهد EF هو عبارة عن الشركة الممثله والمتعاقدة مع جامعات الولايات الغربية لأمريكا .. الشركة تعتبر قوية وممتازه ولكن معاهدها تختلف من مدينة لمدينة ومن ولاية لولاية .. يعني على حسب المدرسين وطريقة تدريسهم للمناهج .. مدينة سياتل بولاية واشنطن ممتاز جداً على حسب ما سمعت .. ولكن مدينة سياتل بصفه خاصه وولاية واشنطن بصفة عامه تعتبر غالية التكاليف وطقسها بااارد جداً ..
موفقه أختي أم معتز :)
دمتي بود ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة S3ED
بارك الله فيك أخوي ميدو الكون
وكثر من امثالك والله يوفقك
عندي سؤال واحد بس!
- هل يوفرون لي قبول مشروط
بإنتهاء اللغة أدخل الجامعة بدون
توفل وآيلتس و ..؟؟؟
أكيد عزيزي هالشركات هي تعتبر نفس المعاهد المتعاقدة مع الجامعات وتعتبر الممثله لها .. أنت أرسل أوراقك لهم وأذكر رغباتك والشركة بدورها راح تعرض أوراقك على أكثر من جامعة واللي تتناسب مع رغباتك وتجيب لك عروض منها .. وبعد ما يرسلون لك العروض ما عليك إلا تختااار الجامعة المناسبه لك عروضها وتتوكل على الله وتعبي الأبلكيشن الخاص فيها على الموقع وراح يجيك القبول النهائي المشروط مع قبول من نفس المعهد اللي راسلته أنت أو الشركة المتعاقدة مع هالجامعات بالأحرى :)
- بمعنى هل يجيبون لي قبولات
في جامعات بهذا الشرط!!
صبآـآح الخير أخوي سعيد :)
أشكرك على مرورك العطر والإطراء المُخجل صراحةً ..
دمت بود ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
مجهووود راائع والله
شكرا لك ويعطيك العااااافية ..
وبالتوووفيق ..
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
شكرا لك عزيزي ميدوا
هل يجب ان ارسل لهم ايضا شهادة بنكية ؟؟
ام فقط الوثيقة والسجل الاكاديمي ؟؟
تقبل خالص ودي
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة Abadi 177
مجهود رائع تشكر عليه ... بس وانا اخوك لي تجربة مع مراسلة الجامعات لاحضار قبول لواحد من الشباب ... وكل ماراسلت جامعة وقلتلهم ابي ارسل الاوراق بالايميل قالوا لا لازم ترسلها بريد paperwork ... والجامعات هي : North Dakota state university
ًًWestern Kentucky university
صبآـآح الخير أخوي عبادي :)
ولو نعين ونعاون وانا اخوك ..
بالنسبة لهالجامعات ما عندي أي خلفية عنها صراحةً .. لكن بقولك على شغله .. ألا وهي إن بعض الجامعات تطلب إنك ترسل النسخ الأصلية للشهادات على عنوانها .. والبعض يطلب تعبي الأبلكيشن على موقعهم ON LINE ..
طالما طلبوا إرسال الأوراق أنا من رأيي تتوكل على الله وترسل أوراقك لهم بس أهم شي تكتب عنوان المنزل كاملاً وتدفع الرسوم المطلوبة إذا وجدت .. وهم راح ينظرون للأوراق ويرسلونها لك على فيديكس أو DHL مع القبول النهائي المشروط :)
موفق أخوي ..
ودي ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
ارجوا من المشرف تثبيت الموضوع
مشكور اخوي الله يجزاك خير ويوفقك حنا من زمان نبي مثل هالمعلومات
بس عندي شي ثاني بعد تعبئة الابلكيشن للجامعه الي ماعنده بطاقة فيزا او ماستر كرد كيف يدفع رسوم الابلكيشن هل فيه حواله
بالنسبه للي عندوا شهادة دبلوم وش يرسل لهم هل يرسل لهم شهادة الدبلوم مع الثانوي او الدبلوم فقط
وبالنسبه للمعادله هل هم يرسلوا الاوراق للمعادله ام حنا نرسلها لشركة wes للمعادله
الله يستر عليك
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة Mr.Nabil
شكرا لك عزيزي ميدوا
هل يجب ان ارسل لهم ايضا شهادة بنكية ؟؟
ام فقط الوثيقة والسجل الاكاديمي ؟؟
تقبل خالص ودي
صبآـآح الخير أخوي نبيل :)
بالنسبة لسؤالك .. لا ما يحتاج ترسل لهم الشهادة البنكية أبداً ..
وفيه شغلة اسمها الـ Fees ألا وهي إنك تدفع رسوم المعهد للشركة والسكن المناسب اللي تختاره عن طريق الموقع وبالمده اللي تبيها أنت سواءاً 4 شهور أو 6 شهور .. وهذي الشغلة للمعلوميه تغنيك عن الإثبات المالي لأنك تعتبر غطيت تكاليف المعهد والسكن مسبقاً وضمنوا حقهم :)
بالتوفيق عزيزي ..
دمت بود ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة المضلوم
ارجوا من المشرف تثبيت الموضوع
مشكور اخوي الله يجزاك خير ويوفقك حنا من زمان نبي مثل هالمعلومات
بس عندي شي ثاني بعد تعبئة الابلكيشن للجامعه الي ماعنده بطاقة فيزا او ماستر كرد كيف يدفع رسوم الابلكيشن هل فيه حواله
بالنسبه للي عندوا شهادة دبلوم وش يرسل لهم هل يرسل لهم شهادة الدبلوم مع الثانوي او الدبلوم فقط
وبالنسبه للمعادله هل هم يرسلوا الاوراق للمعادله ام حنا نرسلها لشركة wes للمعادله
الله يستر عليك
صبآـآح الخير أخوي المظلوم :)
أشكرك جزيل الشكر على الإطراء ..
بالنسبة لتعبئة الأبلكيشن للجامعة على الموقع ON LINE لازم تدفع الرسوم المطلوبة بالفيزا أو الماستر كاارد .. لكن إذا فيه طريقه أخرى ما أعرفها ممكن أحد الأخوان يفيدك فيها ..
بالنسبة للشهادة الجامعية اللي تملكها وترغب بمعادلتها .. إذا كانت دراستك باللغة العربية أو معدلك الأكاديمي من 5 .. أعتقد انه لازم ترسل أوراقك لشركة wes لمعادلة الشهادات لجعل المعدل من 4 وهي النسبة المطلوبة للجامعات .. وما تعتبر كل الجامعات تشترط معادلة هالشركة .. بعض الجامعات تقدر تعادلك بدون معادلة الـ wes ..
موفق أخي ..
دمت بود ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
الله يعطيك العافيه موضوع اكثر من رائع
بس بسألك حتى المبتعثين الي على حساب الوزارة ممكن يستخدمون هالطريقه؟؟؟؟؟؟؟
يعني انا عندي قبول معهد لغة ممكن اراسلهم يجيبون لي قبول جامعي ولا لازم ادرس اللغه عندهم؟؟؟؟
شاكره لك تعاونك
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة التائه
سلمت يداك على كتابة هذه السطور المفيده
جزاك الله كل خير
اسأل الله ان يوفقك في حياتك وييسر لك جميع امورك
عندي سؤالين لو تكرمت
هل يلزم معادلة الشهادة قبل التعامل معهم ؟
بعض الجامعات تطلب معادلة الشركات مثل شركة wes والبعض لا يطلب .. أنت أرسل شهاداتك مترجمة لهم وإن شاء الله ما يحتاج معادلة جهة أخرى ..
هل معادلة الشهادة افضل اثناء تواجدي في امريكا ام قبل ؟
الأفضل تعادل من هنا وتجيب قبول مشروط وترتاح من المرمطه هناك .. بس إذا لك رغبة بالمعادلة من أمريكا توكل على الله ما عندك أي مشكله
صبآـآح الخير أخوي التائه :)
اللهم آمين ..
دمت بود ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
اقتباس:
المشاركة الأصلية كتبت بواسطة شهرزادي
الله يعطيك العافيه موضوع اكثر من رائع
بس بسألك حتى المبتعثين الي على حساب الوزارة ممكن يستخدمون هالطريقه؟؟؟؟؟؟؟
يعني انا عندي قبول معهد لغة ممكن اراسلهم يجيبون لي قبول جامعي ولا لازم ادرس اللغه عندهم؟؟؟؟
شاكره لك تعاونك
صبآـآح الخير أختي شهر زادي :)
الله يعافيك إن شاء الله ..
بالنسبة لسؤالك .. أي نعم تقدرين تراسلينهم وهم يعتبرون المعاهد الملحقة لنفس الجامعات على حسب التقسيم المذكور في موضوعي .. ولكن أذكري لهم بالإيميل بإنك ترغبين بدراسة الباكالوريوس وتريدين قبول مشروط وتذكرين بالإيميل بإنك دارسة على حساب الحكومة ولديكِ ضمان مالي من الوزارة ..
وبالنسبة لدراسة اللغة في المعهد فهو شرٌ لابد منه :dry: .. والقبول اللي راح تحصلين عليه من الجامعة راح يعتبر قبول مشروط لحين إجتيازك لمرحلة اللغة ..
موفقه أختي ..
دمتي بود ,,
-
رد: لكل من يريد التقديم على أكثر من جامعة وهو مرتاح .. أو يرغب في معادلة الشهادات
جــزـآك الله ـآلف خيـر ـآخوي
افدتنـــآ كثير والله
اسمـح لي بسـؤال لاهنــت ..
هل هذي الشركات ترشح لي الجامعات على حسب التخصص اللي اطلبه؟
او ترشح لي الجامعات فقط على حسب معدلي؟
مع جزيــل الشكـــر ..