وعليكم السلام ورحمة الله وبركاته...
بالنسبه للمعاهد اللي ذكرتيها:
اختصارا راح اختار 3 منهم..واعطيكي معلومات بسيطه عن تكلفة الدراسه فيهم وبعض الاسعار التقريبيه للسكن حولينهم.
التقييم:
المعاهد اذا ماكانت تابعه لجامعه ، صراحه صعب جدا تقييمها.. لانه حسب مااعرف مافي تثقييم معين لهذه المعاهد.. بعكس لو كانت تابعه لاحد الجامعه وقتها تقدري تشوفي تقييم الجامعه وراح تعرفي تقريبا مستوى المعهد على اساسه..
بالنسبه لمعهد EC:
طبعا لهم فروع متعدده في ، والاسعار مختلفه اختلاف بسيط من مدينه/ولاية لاخرى. اعتقد افضل شئ اني اعطيك جدول بجميع الاسعار في كل المناطق واترك لكي الحريه في الاختيار والمقارنه. لذلك، هذه الصفحه فيها جميع المعلومات اللي تحتاجيها بخصوص الاسعار في جميع فروعهم في انحاء العالم ، وكمان بعض الاسعار الاخرى مثل السكن وغيره. اضغطي هنا.
اسعار السكن القريبه من معهد EC, Boston:
الاسعار التقريبيه ل 3 غرف نوم وصاله وحمام الله يكرمكم من 1700 الى 2300 دولار، والمساحات من 800 الى 1100 قدم مربع.
بالنسبه لمعهد ELS Cambridge:
طبعا هذه كمان سلسله معاهد كبيره منتشره في مدن كتير حول العالم..لنفس السبب اللي فوق، راح اعطيك تفاصيل الاسعار لهذا المعهد خصيصا. هذه الصفحه فيها تكاليف الدراسه ووقت بداية الدراسه وغيره من المعلومات اللي ان شاء الله تكون مفيده. اضغطي هنا.
اسعار السكن القريبه من معهد ELS Cambridge:
الاسعار مشابهه لاسعار معهد EC, Boston واعتقد كمان الاتنين قريبين من بعض.. بينهم امتداد نهر اسمه Charles River Basin.
بالنسبه لمعهد ELC, Boston:
اعتقد هذا المعهد الاصغر بين المجموعه اللي اخترتهم .. فقط لهم فرعين.. بوسطن ولوس انجيليس. لكن كاتبين انهم في هذا المجال من عان 1978. على اية حال، هذه الصفحه فيها معلومات مفيده بخصوص الاسعار وتاريخ بداية الدراسه والبرامج المتوفره وغيره.. اضغطي هنا.
اسعار السكن بالقرب من ELC, Boston:
صراحه برضوا حتى هذا المعهد قريب من باقي المعاهد، ولذلك الاسعار اعلاه كمان تقريبا تنطبق على هذا المعهد..
الموقع:
عشان تكوني في الصوره وتعرفي اللي بتكلم عليه.. هذا الموقع من قوقل فيه احد المعاهد الثلاثه.. واحد راح يكون فوق امتداد النهر والاتنين الباقين تحت (جنب علامة الحرف A). اضغطي هنا.
معلومه:
المدينه بصفه عامه تعتبر غاليه ، يمكن لاحظتي هذا الشئ من اسعار السكن.لكنها كويسه وامان ان شاء الله. لكن خلي في بالك هذا الشئ.. تكلفة المعيشه راح تكون مرتفعه بالمقارنه باماكن اخرى في امريكا..
المصادر:
- www.ecenglish.com
- www.els.edu
- www.elc.edu
- www.rent.com
اتمنى لكم التوفيق ولجميع المسلمين ... اللهم امين..