فلفل أسود .. مقطوع .. قدر ضغط .. هيل !!

السلام عليكم ورحمة الله وبركاته


خلاص على وشك السفر وحزم الحقائب وكل واحد يفتش في كل مكان عن الي ياخذه وعن الي ماياخذه ..

أنا شخصياً أخذت كل الملابس بلا استثناء
الكتب والمراجع
ومفرش سرير << احس مال امه داعي صح ؟

جيت عند الورطة الحقيقية

وهي الأغراض التالية :
القهوة ( ريحة هلي وجداني )
الهيل
العويدي
التمر
الثلاث الي فوق ماتحلى جلسة الضحى والعصر إلا بها وأتوقع مافي أمريكا منها لذلك أعتقد إنه لازم أجيبها معي من السعودية والله يعين على وزن التمر هو الي بيصكنا بين العيون ..
القسم الثاني والي هو ابي استفسر منه هل أتكلف وأجيبه معي ولا أخليها وبأشتريها من أمريكا ومتواجدة عندهم ؟

1- قدر الضغط ( تس تس )
2- الزنجبيل المطحون
3- القرفة - اعواد ومطحون
4- الليمون الأسود ( يالبيه مع الكبسة )
5- ورق الغار
6- الكمون المطحون
7-المقطوع .. وأتوقع الكثير مايعرفه وهو نوع من البهارات ( البودرة ) يتكون من فلفل وبصل وكركم وحركات كذا .. ناس كثير يسمونه بهارات الجنوب بس هو اسمه مقطوع .. لبى قلبه
8- النخوة
9- الفلفل الأسود


وسلامتكم
هل مثل هذي الأغراض بألقاها في أمريكا ولا أجيبها معي من السعودية ؟ مع العلم إني قريب من دالاس في تكساس
وإذا بغيت أجيبها هل يلزمني تكون في أكياس مختومة ومؤرخة زي ماسمعت ولا الوضع سهالات !
وهل لازم اكتب اسمه عنده زي ماقريت عن وحدة من العضوات والله بلشة كيف اشرح لهم المقطوع ولا الكمون !
ياليت الي عنده تجربة
رأي
مشاركة
خبرة
أي شي
يشارك به عشان يكون مرجع للجميع

واعتذر اذا الموضوع مكرر

تحياتي

ياليت والله يفيدوننا الاخوان والأخوات، أنا إلى اللحين أفكر أخذ معي قدر ضغط وقهوة وتمر ولا لا .

وعليكم السلام ورحمة الله وبركاته

هلا فيك اخوي ..

ماشاء الله عليك ماخليت شي ماجبته معك والله يسهل عليك امورك ويوفقك يارب

..
بخصوص المفرش ماله داعي يا الغالي :) ومتوفره هنا ورخيصه بعد ..

بخصوص القهوهـ والشغلات كللللها الي ذكرتها .. موجودهـ يا الغالي
لان فيه محلات خاصه بالشرق الاوسط وفيها كل شي
بس طبعا راح يكون سعرها غالي مو دبل الي عندنا .. دبل الدبل بعد

..
فالنصيحه الي انا ابقولها لك .. وهي الي انا والله مسويها لنفسي

اغراضك وعزبتك وشغلك الي ماله لزمه .. حطه ع جنب وارسله بالشحن على البريد السعودي .. ماراح يكلفك كثير مقارنه بالي راح تدفعه اذا وصلت وبالقلق الي راح تحصله من اسئله وغيرهـ

..
جهزها يا الغالي عند اهلك واول ماتسافر وتوصل بالسلامه ان شاء الله ارسل لهم العنوان .. وخلهم يرسلونها لك وتجيك زي الحلاوهـ
او اذا قدامك احد ارسلها من الحين وريح بالك

لان داخل امريكا .. الوزن الزائد ياخذ منك تقريبا حوالي 100 دولار ,!!
احسبها من عندك لو ترسلها من السعوديه اقل تكلفه واريح نفسيا لك

عاد انت اخبر بنفسك
هذي نصيحه اعجبتك الحمدلله ما اعجبتك كبها بحر ^_^

وتوصل بالسلامه يارب

عبدالله الجاسر هلا بك والله ومشكور على المشاركة

Next
لبى قلبك وشورك
مشكلة البريد وأنا خوك هو إنه أغلى رحت قبل البارح اسأل عن الأسعار قالوا لي
30 كيلو لأمريكا بـ900 ريال ولازم كل قطعة ماتتعدى 30 كيلو !
وسمعت إن الطيار ياخذ عالكيلو 10 أو 11 ريال بس ماتأكدت بنفسي !
الشحن فكرة حلوة وهي أقرب شي ببالي فعلاً صح غالي بس زي ماقلت أضمن لي وأفضل من إني اروح أمريكا ويدبلون دبل الدبل علي ومادري عن الخامة كويسة ولالا أصلاً !
عموماً مشكور مشاركة فعلاً مفيدة
وننتظر رأي بقية الإخوان

والله كل الاغراض اللي ذكرتها أنا إن شاء الله بآخذها معي

ولكن يلزم إنها تغلف ويكتب عليها المنتج وتاريخ البداية والنهاية
والرفاعي يقوم بهذي المهمة

ماعدا المفرش

وهذا اللي أحترت فيه
ولكن نكست رد علينا


كيف أمورك يانكست

لازلت حافظ رسالتك في جوالي
الله يوفقك ويوفق جميع المسلمين

اقتباس:

---

المشاركة الأصلية كتبت بواسطة alhaime

والله كل الاغراض اللي ذكرتها أنا إن شاء الله بآخذها معي

ولكن يلزم إنها تغلف ويكتب عليها المنتج وتاريخ البداية والنهاية
والرفاعي يقوم بهذي المهمة

ماعدا المفرش

وهذا اللي أحترت فيه
ولكن نكست رد علينا


كيف أمورك يانكست

لازلت حافظ رسالتك في جوالي
الله يوفقك ويوفق جميع المسلمين

---

هلا وغلا
هلا والله بالغالي ..
هلابك وكيفك وكيف امورك يابعدي .. عساها تساهيل يارب ؟

انا ابشرك كل شي تمام ومامن خلاف الحمدلله وامريكا مانقصها الا طلتك يا بعدي ما ابي اطول في موضوع الرجال بينا رسائل ان شاء الله

..

وبخصوص الارسال .. لاتاخذ الله يهديك الممتاز :) خذ الي اقل منه ان امكن
او عندك خطوط الطيران خابرهم يشيلون في طياراتهم :fireman:

والله يا الغالي انه اصرف لك
يا اخي ابقولك شغله

انا لما طلعت من واشنطن ع الولايه حقتي ياهم سوو لنا تفتيش ياهو تفتيش وخل عنك انواع البهذله
والشنطه الي شاحنها محيووسه حوس ومبعثره
وفيه عيال لاقين شناطهم مكسوره .!!
فتخيل عاد وانت مدخل عليهم زعفران .!!!!

الله يسهل امرك ..

السلام عليكم جميعا
يالاخو (طرفي )هاك العلم ههه
بلاشحن بلا ورعنه وخوف ودلع ورعان
انا كنت والله خايفه بس خوفي ذا مااغناني عن اني اخذ هالاشياء ذي اللي ذكرتها لمن سافرت الاسبوع اللي راح لان امي قالت تكفين يابنتي اخذيها
اخذتها كلها ماعدا قدر الضغط نسيته هههه -بليزز جيبيلي معك واحد -
شف ياطويل العمر انا ومرافقي لنا 4 شنط خليته ياخذله شنطه به اغراضه وانا كذالك
طبعا يبقئ لك شنطتين وش سويت انا هنا قمت انا ياطويل العمر وامليه اكل طبعا معك ميزان بالبيت لايتعدى 23 خلها بشنطه شوي صغيره عشان العفش مايكركب واقسم بالله مااحد فتح فمه00 جايبه اكل عيشتكم ماتنوكل 00حتى جبنكم به خنزير وع وع وع وع حتى جبت تمر معي ماهو مكتوب عليه الانتهاء والانتاج يابن الناس وربي سهاله
وجبت زيت شعر لاحتى حطيته بعلبه ثانيه موعلبته من زود الحرص والله محد درى عني
اقول لاتروعون الناس خلوهم يجيبون اللي يبونه
واقسم بالله حتى التفتيش اللي يقولونه ماصار معي وربي مااخذت بالتفتيش الا ثواني وانا طالعه واقول لمرافقي لاتفرح حبيبي بيجينا تفتيش يقولي يابنت خلاص قلت لا فيه غرفه بيددخلونا فيها ووووووو وطلع ماعندك احد --وربي مافيه احلى من تفتيشهم يالله لك الحمد0000
انا مااقول ان الربع كذابين بس الله ولي التوفيق والله لو دريت ان تفتشهم كذا كان جبت معي ساكتون هوااااا عندهم طيور خياليه-- هههههه
ماعلينا يابن الناس اذا كان فيه تفتيش فالناس اللي بيتفتشون همه اللي كاتبين عند الجمارك مامعاهم فووود اكل يعني -- اتوقع هيك احنا كاتبن يس معانا فووود فتحت شنطه وحده بس عند الدخول لامريكا والله حتى مااخذت ثانيه وسكرت قلت تعبتي نفسك 00ولاصار شي بالعكس مرت امرنا بسهاله فوق الخيال
يعني تعوذ من ابليس واخذ معك كل شيء والله ان ريحت اكلهم هنا تعورك ببطنك قبل مايوجعك راسك تتخيل ان اكلهم كله خنزير ولا رحت اسألهم قلت وش عندكم لحوم ثانيه غير الخنزير للبرقر مالقيت عنهم دجاج قالت لحم دوووق =كلب ياحظي قلت الله بس 000000 يخارجنا
***طيب لوشحنتها طول ذا المده ماتبي قهوه تلذذبها شوي؟؟تصبيره يعني الين يجيك الشحن --
يالله الخيار خيارك ماكل مايقال ستراه ا\\\\\\\\\\ أنتبه على عمرك من الجوع ايه تراني حملت معي جبن لاتنسى الجبن
يالله بالتوفيق للجميع

^
^
^

ياساتر .. وش بقيتي في السعوديه .!!!؟


شوفي اختى .. هما قالوها لي الشباب اكثر من مرهـ بس توني اتأكد من هالمعلومه ان الي معه مرافقه تمشي امورهـ وما يعقدونها معه

..
بخصوصنا حنى يا العزابيه ومو انا لحالي
انا لما جيت كان معي 14 سعودي غير الي قبلي وغير الي جايين بعدي
كلللللهم تعرضو لتفتيش
متى تم التفتيش
بعد ما خلصنا من واشنطن وكل واحد حرك على ديرته هنا تم التفتيش
طبعا انت دام شغلك سليم ماعليك من سالفة التفتيش ..
لاكن اني اقولك مافيه شي .. لا والله الا فيه تفتيش وتفتيش ماهو بسيط
والامر عادي دام امورك كلها تمام
ماراح يقدرون يسوون لك اي شي دام امور تمام

..
اما على الاكل والعيشه عندهم ..
الدوله نصارنيه ويغلب عليها النصرانيه
والله جل وعلي يقول ( وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ )
طبعا غير ماهو معروف من لحم خنزير ولحم ميته وخلافه
وكذالك في امريكا يوجد اليهود .. وهذي انا اشوفها ميزهـ حسنه من ناحية الاكل
لان اليهود اكثر تشدد في الاكل .. فالمعروف عنهم انهم يقومون بنحر الذبيحه
وكذالك لا يأكلون لحم خنزير ولا اي شي يدخل الخنزير فيه

فعلشان كذا فيه كثير كثير من الاطعمه والمنتجات تراعي هذهـ المسأله
فالمنتج الي تحصل عليه حرف K او حرف U هذا يصلح لـ اليهود وهو يصلح لنا ان شاء الله
فالقصد من هذا كله .. ان مسألة الاكل هنا الحمدلله متوفرهـ فمايحتاج تتعبون انفسكم كثير

طبعا هي تقبى حريه شخصيه وقناعه وكل شخص حر في مايختار
: )

قدر الظغط موجود ما تحتاج تثقل على عمرك .. بس اغراض القهوة لا تنسها .. والله لي شهرين احوس ادور قهوة اللي انت خابرها والله ما لقيتها .. قاعد اشرب من القهوة التركية والعب على عمري فيها ..
شي ثاني اشتقت له .. بخور وعود والله تعطي الشقة جو خيال مجرد اقتراح

بالتوفيق وتوصل بالسلامة

وعلى فكررة في الـ I94 اذا كتبت انه ما عندك شي محد حولك ولا حد يفتح الشنطة ..

اقتباس:

---

المشاركة الأصلية كتبت بواسطة مهوهه

السلام عليكم جميعا
يالاخو (طرفي )هاك العلم ههه
بلاشحن بلا ورعنه وخوف ودلع ورعان
انا كنت والله خايفه بس خوفي ذا مااغناني عن اني اخذ هالاشياء ذي اللي ذكرتها لمن سافرت الاسبوع اللي راح لان امي قالت تكفين يابنتي اخذيها
اخذتها كلها ماعدا قدر الضغط نسيته هههه -بليزز جيبيلي معك واحد -
شف ياطويل العمر انا ومرافقي لنا 4 شنط خليته ياخذله شنطه به اغراضه وانا كذالك
طبعا يبقئ لك شنطتين وش سويت انا هنا قمت انا ياطويل العمر وامليه اكل طبعا معك ميزان بالبيت لايتعدى 23 خلها بشنطه شوي صغيره عشان العفش مايكركب واقسم بالله مااحد فتح فمه00 جايبه اكل عيشتكم ماتنوكل 00حتى جبنكم به خنزير وع وع وع وع حتى جبت تمر معي ماهو مكتوب عليه الانتهاء والانتاج يابن الناس وربي سهاله
وجبت زيت شعر لاحتى حطيته بعلبه ثانيه موعلبته من زود الحرص والله محد درى عني
اقول لاتروعون الناس خلوهم يجيبون اللي يبونه
واقسم بالله حتى التفتيش اللي يقولونه ماصار معي وربي مااخذت بالتفتيش الا ثواني وانا طالعه واقول لمرافقي لاتفرح حبيبي بيجينا تفتيش يقولي يابنت خلاص قلت لا فيه غرفه بيددخلونا فيها ووووووو وطلع ماعندك احد --وربي مافيه احلى من تفتيشهم يالله لك الحمد0000
انا مااقول ان الربع كذابين بس الله ولي التوفيق والله لو دريت ان تفتشهم كذا كان جبت معي ساكتون هوااااا عندهم طيور خياليه-- هههههه
ماعلينا يابن الناس اذا كان فيه تفتيش فالناس اللي بيتفتشون همه اللي كاتبين عند الجمارك مامعاهم فووود اكل يعني -- اتوقع هيك احنا كاتبن يس معانا فووود فتحت شنطه وحده بس عند الدخول لامريكا والله حتى مااخذت ثانيه وسكرت قلت تعبتي نفسك 00ولاصار شي بالعكس مرت امرنا بسهاله فوق الخيال
يعني تعوذ من ابليس واخذ معك كل شيء والله ان ريحت اكلهم هنا تعورك ببطنك قبل مايوجعك راسك تتخيل ان اكلهم كله خنزير ولا رحت اسألهم قلت وش عندكم لحوم ثانيه غير الخنزير للبرقر مالقيت عنهم دجاج قالت لحم دوووق =كلب ياحظي قلت الله بس 000000 يخارجنا
***طيب لوشحنتها طول ذا المده ماتبي قهوه تلذذبها شوي؟؟تصبيره يعني الين يجيك الشحن --
يالله الخيار خيارك ماكل مايقال ستراه ا\\\\\\\\\\ أنتبه على عمرك من الجوع ايه تراني حملت معي جبن لاتنسى الجبن
يالله بالتوفيق للجميع

---

ههههههههه الله يسعدك ويوفقك
ترا لحم الدووق مو كلب .. هو نقانق ويسمونها Hot Dogاو بس Dogواغلب الاحيان تكون خنزير بس فيه منها لحم بقري ..
واي شي مكتوب عليه kosher ابلعيه وانتي واثقة

اغراض القهوة جيبها معك
لكن قدر الضغط مايحتااااااااااااااج متوفر هنا والحمدالله
بس اهم شي التمر صحيح فية تمر هنا لكن و لو مو زي تمرنا الاصلي

خلاص رتبنا الأمور وغلفنا وضبطنا كل شي


مابقى إلا ننتظر يوم السفر


الله ييسر علينا وعليكم

علـــى كـــذا مــاراح يبقــى شـــيء ببيتنــا الغالــي!!
خصوصـــا المطبـــخ,,,
بخلي سفرتي على اخـــر الشهر علشان يكون المطبخ مليااان واخذ اللي ابيه,,هههه


مروري

كفو يالذيب ماعليك من أحد ..
أهم شي القهوه والهيل والتمر .. اعتقد مافي احد يستغني عنهم !!

لا تنسون الروثانا والسكرية < يا حبي لها

علبوها وخزنوها وخذوها معكم

لان رمضان قريب

عاد افلقني اذا تتهنى بفطورك بدون الرطب

والله ماندري ناس تقول خوذوا وناس لا
انا باخذ قهوة وهيل اهم شي
ويمكن اخذ معمول وكعك وبسكوووت
الله يستر والله مرافقي بيموت جوع من جد لاطبخ ولاهم يحزنون
المشكلة مو الحين المشكلة برمضان والله العظيم بندج دجة

اقتباس:

---

المشاركة الأصلية كتبت بواسطة shine star

والله ماندري ناس تقول خوذوا وناس لا
انا باخذ قهوة وهيل اهم شي
ويمكن اخذ معمول وكعك وبسكوووت
الله يستر والله مرافقي بيموت جوع من جد لاطبخ ولاهم يحزنون
المشكلة مو الحين المشكلة برمضان والله العظيم بندج دجة

---

معمول و كعك وبسكوت!!!!!!!!!!!

^^^^^

ايو والله ياخوي اذا قصدك موجودات هناك مااضمن كل شي بة خنزير او زيت خنزير

وانا مااعرف اطبخ يعني اكل ذول لين الله يحلها واشوف مطعم عربي هناك عشان ياخذ اخوي منة

سلام عليكم
انا ابجي ان شاء الله في بداية الصيف وبجلس حق 3 اشهر .. هل يحتاج اجيب معي الاغراض هذي لان في الفترة هذي فيها شهر رمضان

كيف اصوم بدوم مااتسحر كبسة ههههههههه من جد صوم بدون كبسة ماينفع

ياجماعه في الـ I94 لازم نكتب مسميات الاشياء اللي معانا ولا ايش :(

انا ناوي اجيب معي حفرة مندي
هههههههههههههههههههههههههههههههههههههه

ما شاء الله اخذتو السعودية كلها
على فكرة كل شيء موجود في امريكا

اقتباس:

---

المشاركة الأصلية كتبت بواسطة 3SL

ياجماعه في الـ I94 لازم نكتب مسميات الاشياء اللي معانا ولا ايش :(

---

هو بس خيار واحد مكتوب هل معك اكل فواكهه اكتب يس
خلك صويدق تلاى والله مااحد درى عنك في التفتيش اغراضك

اقتباس:

---

المشاركة الأصلية كتبت بواسطة بروس امباير

انا ناوي اجيب معي حفرة مندي
هههههههههههههههههههههههههههههههههههههه

---

حلوة ههههههههههه بس اخوي مدري بيوت الامريكان هل عندهم حوش صغير عشان تسوي حفرة المندي

بحول Vegetarian عشان الكحول والخنزير بس على الله تسلم منها ..

بالنسبة لطعام اليهود kosher ممكن يحتوي على liquor نوع من الخمور ..

مشكورين ياجماعة الخير


عن نفسي قررت آخذ هذه الأشياء معي كلها على الأقل تمشي أموري أول 3 شهور وبعدها الله يعين أحاول اتعرف على الأماكن هناك
ألقط لي مواعين عربية
وبعض الأشياء الخاصة
وأطيح لي على محلات الهنود أشيل منها البهارات !

لكن زي ماقلت العقبة الي بتواجهنا هي الشحن

بالتوفيق للجميع ومشكورين عالمشاركة

اقتباس:

---

المشاركة الأصلية كتبت بواسطة طرقي أمريكا

مشكورين ياجماعة الخير


عن نفسي قررت آخذ هذه الأشياء معي كلها على الأقل تمشي أموري أول 3 شهور وبعدها الله يعين أحاول اتعرف على الأماكن هناك
ألقط لي مواعين عربية
وبعض الأشياء الخاصة
وأطيح لي على محلات الهنود أشيل منها البهارات !

لكن زي ماقلت العقبة الي بتواجهنا هي الشحن

بالتوفيق للجميع ومشكورين عالمشاركة

---

قدع =جدع
=عفيه ع الشاطر
بالله جيبلي معك ساكتون والله مشتهيه القنص ----.,’ندمت اني ماجبته هههههههههه
يعني اعقلها وتكل وان شالله تتيسر
ترا والله كنت خايفه اول بس عادي الوضع طبيعي ولمن تعرفت على سعوديات لقيتهم جايبين هذي الاغراض
ايززززي

هههههههههههه سلام سوري على ضحكي بس بصراحة عجبني الاهتمام الزائد

اقولك شي انا شايلة هم حجة مهمه جدا انا إنشاء الله جية على 8 او 5 رمضان فهمي الوحيد هو
الشوربة و السمبوسك هههههههه حلها يعم انت على الاقل تبغى شي ناشف انا ايش اسوي في دي ولا تتوقع يحلى فطور رمضان من غيرها إهي إهي ........

رور .....

ول . . كل هذا بتخذوونه ماخليتو شي


ماشاء الله عليكم

ههههههههه
اماموضوع فله
بصراحه احنا تفتشنا تفتيش وكانت معي زوجتي

بس وقتها كانوا معصبين علي الكل بعد سالفه النيجري

حتي بغوا ياخذون مجوهرات زوجتي بس عدت الحمدلله

وكنا كاتبين علي كل كيس اسم اللي فيه بالانقليزي ولاتاريخ انتها ولاانتاج كله من العطار وشغل الوالده الله يحفظها

ايه انا ماادري ليش مكبرين الموضوع
لازم تاريخ انتهاء وصلاحيه وكلام فاضي
اهم شي يكون مطحون عشان يظمنون انك ماراح تزرعينه هناك --مجرد توقع

حبيت اسألكم عادي آخذ فحم معي على اساس البخور والعود او في إشكاليه وهل متوفر عندهم او لا؟

وربي يوفق الجميع

مشكورين اخواني وأخواتي

بدأت الآن أسأل عن الشحن وأسعاره وجمعت معلومات جيدة والبارح نزلت موضوع فيه تفاصيل الأسعار وجلست اكتبه وانسقه يمكن ساعتين لكنني تفاجئت بأنه انحذف بعد خمس دقايق !
ليه طيب يمكن يتعذر الي حذف الموضوع إن فيه موضوع عن أسعار أوزان الأمتعة بس مافيه أسعار الشحن فليش التضييق على الأعضاء وتخليهم يجلسون يدورون لكل معلومة في كل موضوع ؟
ترى ورق المنتدى ببلاش والحبر ببلاش !
شي غريب فعلاً

عموماً أشكركم جميعاً على مشاعركم على الجياشة وعن نفسي قررت بإذن الله اصطحب كل الي قلته بالموضوع وزيادة

حروف دفينة عاد فحم تشحنينه !
ليه عسى ماشر ؟ ترى رايحة أمريكا منتي رايحة للبر :)
الدولة هناك عندهم مناجم فحم وتبي تجيبين فحم ؟

بالتوفيق للجميع

كل شي موجود هناك
اذا و لا بد
خذ معك القهوة و التمر و المقطوع ( شكله من بيشة )
و النخوة

لكن باقي البهارات موجودة في كل مكان


موصولين بسلامة الوصول ان شاء الله
و بالتوفيق و السهالة لكل من شهد أن لا إله إلا الله و أن محمدا رسول الله
و الدليل انها موجودة في كتب الطبخ الأمريكية يستخدمونها كثييييييييير

اهم شي القهوه والهيل والتمر بس

والباقي ماله داعي

على طاري الليمون الأسود (اللومي)
في عام 2005 مسكوا ولد خالتي وصارت دربكة يحسبون اللومي متفجرات
مايعرف لغة اخينا بالله
وش سوا؟
اكل اللومي قدامهم وقام يقرضة تقريض
بعد كذا دخلوه :D

الله يوفقك
بس ضبط لك بأمريكا حفرة مندي وازبط لك احلى طبخة

^^^^^

ههههههههههههههههههههههههههههههه

كيف كان طعمه خخخخخ

^^^
صار مدمن
احس انه الحين لاصار يفكر ومحتار في موضوع يجلس يقرض في ذا اللومي

تطنزت فيه والله يستر لاتجي فيني الحركة
اذا اشتبهوا بحاجة معي احتمال اكل اغراضي

^^^^

هههههههههههههههههههههههههههههههههههههههههههه

هههههههههههههههههههههههههههههههههههه

لا تنسى تعطينا تقرير مفصل بطعم كل غرض خخخخ

اقتباس:

---

المشاركة الأصلية كتبت بواسطة د.ملحط

^^^
صار مدمن
احس انه الحين لاصار يفكر ومحتار في موضوع يجلس يقرض في ذا اللومي

تطنزت فيه والله يستر لاتجي فيني الحركة
اذا اشتبهوا بحاجة معي احتمال اكل اغراضي

---

ياللهول !!!

اشوا انك نبهتنا

كنت بجيبه معايا .............. بطلنا

اما اكل ليمون ناشف واقرضه ؟؟؟

يعني ما تصير الكبسة من غيره ... ننشف ليمون هناك وانتهينا .........اشوا والله اني عرفت

مشكووووووووووور