ضروري وعاجل بليززز :( ... مشكله تغير المعهد بعد صدور الفيزا ؟؟؟

الله يعينك ويسهل امررك ..

ماعندي خلفيه صراحه بس المعروف انه لازم يتطابق الاي توني مع اسم المعهد في الفيزا

مشكورين ..
انا عارفه انه لازم تطابق ولكن اسال عن كيفيه تغييره هل اخذ موعد بالسفاره ولا كيف ؟

في موضوع يحل مشكلتك لكن والله مني عارف كيف اجيبو دوريلو بين المواضيع ان شاء الله تلاقيه ...

المطلوب أن تتقدمي بطلب جديد إلى السفارة لكن قد تواجهك مشاكل.
والحل الأمثل أن تسافري إلى أمريكا وتدرسي المدة النظامية المقررة ثم تتحولي إلى جامعتك.
حل آمن ومريح، ويكفيك مشاكل أنت في غنى عنها.

تنويه: قرأت لبعض المبتعثين أنه قام بالتحويل بعد أسبوع من الدخول.

مراحب اخوي شكرا مره والله على الرد والروابط قريتها كلها وتجارب الاخوان
مالقيت ولا احد اخذ موعد فيزا جديد او اصدر فيزا جديده
فمدري ليه تقول انه موب امن !!
انا مقدر ادرس بنفس المعهد القديم لانه الفتره قليله جدا بين معهدي القديم وقبول الماستر بالجامعه الجديده
واحتاج وقت ارتب نفسي والسكن وكذا

فمقدر ادرس بالقديم
بس فيه ناس حولو زي ما تقول من الدخول
بس هل تتوقع هذه الطريقه امنه !! ولا تعتبر هي من المخالفات للقوانين وكذا ؟ مدري مره خايفه اتوهق

إذا لديك متسع وقت فالأفضل أن تكتب رسالة موجهة للسفارة بخصوص اصدار تأشيرة جديدة، تشرح ظروفك، خروجاً من الالتباس.

طريقة التحويل قانونية طبعاً، لكن ربما لا تتيسر على كل حال.

الكلام هذا غير صحيح ابدا

انا الان لي في امريكا عشرة ايام

وفيزتي على اركانساس ستيت يونيفيرستي والايتوني من جامعة سان دييغو

ولا احد قالي شي ابدا بالمطار

يااخوان الموضوع بسيط جداجد

انا شخصيآ مريت في نفس المشكله وكنت متخوف بشكل كبير جدا وكتبت مواضيع ولكن بدون فائده

وكانت مشكلتي انه جاني قبول من جامة اركنساس ستيت يونيفير ستي وقدمت على السفاره على هذا القبول

وطلعت فيزتي على اركنساس

وبعد فتره قررت اني اغير الجامعه . وحصلت على قبول في جامعة سان دييغو ستيت يونيفرستي

والمشكلة اللي كنت اعانيها انه فيزتي على اركانساس والجامعة اللي انا بدرس فيها سان دييغو وماكان فيه وقت اني اغير الفيزه

وراسلت جامعتي الاولى وقلتلهم انا ماراح ادرس عندكم بس فيزتي عليكم وش الحل ؟؟؟

قالي مدير ادارة الهجره بجامعة اركانساس اللي فيزتي عليها: اذا انت بديرتك والى الان مادخلت امريكا قدم الايتوني حق

الجامعه اللي بتدرس عليها يعني قدم ايتوني سان دييغو.

قلتله طيب الفيزه على اركانساس قالي بالحرف الواحد اذا فيزتك سارية المفعول والايتوني

ساري المعول ماحد يقدر يقولك شي

وانا الان في سان دييغو صارلي اسبوع بالظبط وفيزتي على اركنساس

وبالمطار قدمت للجوازات ايتوني حق سان دييغو وفيزتي على اركنساس ولااحد قالي شي ابدا


وبالتوفيق

انا اعرف شباب جايين بقبول معهد وطلعوا عليه فيزا واول ماوصولوا هنا درسوا في معهد اخر

تحويل فقط لاغير