-
اسماء مع عناوين جامعات فيها بكالوريس صيدله وتعادل الدبلوم
بسم الله الرحمن الرحيم
السلام عليكم ورحمة الله وبركاته
يا شباب انا حاصل على دبلوم صيدله سنتين ونصف
ولي مدهـ حوالي 8 اشهر ابحث عن جامعه في امريكا
فيها تخصص بكالوريس علوم صيدلانيه
(Pharmaceutical Sciences)
وليس دكتور صيدلي
المهم وانا قاعد احوووس في المواقع الامريكيه
حصلت كذا جامعه فيها التخصص
بعدين رحت شيكت عليهم من موقع التعليم العالي
وحصلت انهم معتمد من التعليم العالي وغير موقوفه
BELMONT UNIVERSITY
http://www.belmont.edu/
CAMPBELL UNIVERSITY
http://WWW.CAMPBELL.EDU
DRAKE UNIVERSITY
http://WWW.DRAKE.EDU
NORTH DAKOTA STATE UNIVERSITY MAIN CAMPUS
http://WWW.NDSU.NODAK.EDU
OHIO STATE UNIVERSITY - MAIN CAMPUS
http://WWW.OSU.EDU
PURDUE UNIVERSITY - MAIN CAMPUS
http://WWW.PURDUE.EDU
SUNY AT BUFFALO
http://WWW.BUFFALO.EDU
UNIVERSITY OF MICHIGAN - ANN ARBOR
http://WWW.UMICH.EDU
UNIVERSITY OF MISSISSIPPI - MAIN CAMPUS
http://WWW.OLEMISS.EDU
UNIVERSITY OF MISSOURI - KANSAS CITY
http://WWW.UMKC.EDU
و يمكنكم يا شباب مراسلة الجامعات بخصوص المعادله
وانا كلمت قريب لي يدرس في امريكا
وسالته عن موضوع المعادله
وقال لي جميع الجامعات الامريكيه تعادل ساعات
بس يختلف من جامعه الى اخــرى بعدد الساعات
والطريقه انه يتم مراسلة جميع الجامعات بالانترنت
والجامعه الافضل في المعادله يتم التسجيل فيها
ولكن الحد الاقــصى في المعادله 80 ساعه
وبشـــرط انه لا تقل درجتكـ المادهـ عن 70 يعني C
هذا ما قاله لي قريبي والله اعلم
يا شباب انا ما ابغى منكم الى
الدعاء في ظهر الغيب
انه ربي يوفقني في اختبار الهيئه السعوديه للتخصصات الصحيه
للــمــرهـ الثالثه في يوم الاربعاء 23\6\2010
والله ولي التوفيق
-
رد: اسماء وعناوين جامعات تعطي بكالوريس علوم صيدلانيه في امريكا
16 مشاهده ولا رد !!!
فين الرود يا شباب ؟
انا توقعت انه الموضوع راح يبسط حملة الدبلوم
انا لي مدهـ 8 اشهر وانا ابحث في هذا الموضوع
لكم ودي
-
رد: اسماء مع عناوين جامعات فيها بكالوريس صيدله وتعادل الدبلوم
مشكور وجزاك ربي خير
ابشوف الجامعات ان شاء الله واراسلهم
واذا كنت مجرب ومراسل احد الجامعات افدنا بااللي قالوه لك يعني من ناحية المعادلة يعادلون ساعات كثير ورسومهم السنوية الخخ
والله يوفقك في الدنيا والاخره وينجحك في اختبارك ويسهل امرك << انقلب عجوز :D
ثاانكس اقين
-
رد: اسماء مع عناوين جامعات فيها بكالوريس صيدله وتعادل الدبلوم
ألف ألف ألف ألف شكر اخوي والله كفيت ووفيت
والله يوفقك في اختبارك ...
-
رد: اسماء مع عناوين جامعات فيها بكالوريس صيدله وتعادل الدبلوم
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة Runo
مشكور وجزاك ربي خير
ابشوف الجامعات ان شاء الله واراسلهم
واذا كنت مجرب ومراسل احد الجامعات افدنا بااللي قالوه لك يعني من ناحية المعادلة يعادلون ساعات كثير ورسومهم السنوية الخخ
والله يوفقك في الدنيا والاخره وينجحك في اختبارك ويسهل امرك << انقلب عجوز :D
ثاانكس اقين
مشـــكـــور ع الـــــرد اللي يــــشرح الصدر
ومشـــكـــور ع الدعاء والله يوفقنا وياكـ ان شاء الله
وانا والله يا خوي ما راسلتهم
وان شاء الله الاربعاء الجاي اخلص اختبار وابدا اراسلهم
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة sabarekho
ألف ألف ألف ألف شكر اخوي والله كفيت ووفيت
والله يوفقك في اختبارك ...
اللـــــــــه يسلمكـ اخــــــــــــوي
اللهم اميـــــــــن
الله يوفق الجميــــــــــع ان شاء الله
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة Golden Eagle
جـزاكـ الـلـه خيـر
اللهـــــــم امـــــــــين
شكــــرا ع المــــرور
-
رد: اسماء مع عناوين جامعات فيها بكالوريس صيدله وتعادل الدبلوم
ما قصرت اخوي
بس بسئل
هل فيه فرق في التوظيف في السعودية والراتب بين خريج pharm.D وخريج pharmaceutical sciences ؟*
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة PINK
ما قصرت اخوي
بس بسئل
هل فيه فرق في التوظيف في السعودية والراتب بين خريج pharm.D وخريج pharmaceutical sciences ؟*
الله يخليك اختـــي مشكور ع المرور
ايه نعم فيه فرق pharm.D = ماجستير pharmaceutical sciences
بالنسبه pharmaceutical sciences يتم توظيفه على الكادر الصحي صيدلي
وبالنسبه pharm.D يتم توظيفه على الكادر الصحي صيدلي اول
بالنسبه لماجستير pharmaceutical sciences يتم توظيفه على الكادر الصحي صيدلي اول
-
رد: اسماء مع عناوين جامعات فيها بكالوريس صيدله وتعادل الدبلوم
تم اضافة جميع الجامعات التي تعطي بكالوريس علوم صيدلانيه في امريكا
وتم التاكد من اعتمادها من التعليم العالي السعودي
لكي تعم الفائدهـ للجميع
-
رد: اسماء مع عناوين جامعات فيها بكالوريس صيدله وتعادل الدبلوم
تم اضافة جميع الجامعات المعتمده و الغير موقوفه
الي تعطي بكالوريس علوم صيدلانيه في امريكا
في نفس الموضوع السابق وتم التاكد عليه منها
عن طريق موقع التعليم العالي
وترى الموضوع موضوعك
يعني نستقبل ارائكم واستفساراتكم في نفس الموضوع
نفـــيد ونــســـفيد
واتمنى انه موضوعنا يصير مرجع لكل خريج دبلوم صيدله
^^^^^^
جزاك الله خير وانا اول مااتجاوز الهيئة ان شاء الله اببدأ اراسلهم واقدم اوراقي
الله لايهينك
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة Runo
تم اضافة جميع الجامعات المعتمده و الغير موقوفه
الي تعطي بكالوريس علوم صيدلانيه في امريكا
في نفس الموضوع السابق وتم التاكد عليه منها
عن طريق موقع التعليم العالي
وترى الموضوع موضوعك
يعني نستقبل ارائكم واستفساراتكم في نفس الموضوع
نفـــيد ونــســـفيد
واتمنى انه موضوعنا يصير مرجع لكل خريج دبلوم صيدله
^^^^^^
جزاك الله خير وانا اول مااتجاوز الهيئة ان شاء الله اببدأ اراسلهم واقدم اوراقي
الله لايهينك
مشكور اخوي runo على المرور والله يوفقنا وياكـ ان شاء الله
-
رد: اسماء مع عناوين جامعات فيها بكالوريس صيدله وتعادل الدبلوم
يعطيك العافيه يالغالي .. بس أنا انلحس مخي :1eye: ؟
,
لازم أنجح في اختبار هيئة التخصصات عشآن أبتعث أكمل دراستي ؟؟
أشوف الأغلبيه يقولون بنراسل الجامعات بعد ما ننجح في اختبار هيئة التخصصات
أنا ما فكرت أختبر , أبروح أكمل مباشره
-
رد: اسماء مع عناوين جامعات فيها بكالوريس صيدله وتعادل الدبلوم
الف شكر اخوي على المجهود المبذول
انا حصلت على التصنيف من الهيئة السعودية للتخصصات الصحية
وانشاءالله بتحصلو عليها بعد ... بس الهمه منكم والله يكرمكم
سؤالي هل التخاطب مع الجامعة صعب ولا سهل
تقبل مروري .
-
رد: اسماء مع عناوين جامعات فيها بكالوريس صيدله وتعادل الدبلوم
اسأل الله لكم التوفيق
موقع الملحقية يدعم البحث ايضا
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة Abu Heif
الف شكر اخوي على المجهود المبذول
انا حصلت على التصنيف من الهيئة السعودية للتخصصات الصحية
وانشاءالله بتحصلو عليها بعد ... بس الهمه منكم والله يكرمكم
سؤالي هل التخاطب مع الجامعة صعب ولا سهل
تقبل مروري .
التخاطب السهل الصعب
يبغاله شوية انقليزي او عن طريق مكتب
و يبغاله طولت بال
بس غالب الردود ماتكون مبشره بالخير
اعرف واحد راسل 5 جامعات وباقي قاعد يرسل
لانه للاسف اغلبهم كانوا فارما دي
واعرف واحد قالوا عادلنا لك 30 ساعه
ويوم راح الجامعه نقصوا عليه في الساعات وخلوها له 13 ساعه
تخصصه اشعه والجامعه ساوث الاباما ولاية الاباما مدينة موبيل
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة عبدالله محمد السبيعي
يعطيك العافيه يالغالي .. بس أنا انلحس مخي :1eye: ؟
,
لازم أنجح في اختبار هيئة التخصصات عشآن أبتعث أكمل دراستي ؟؟
أشوف الأغلبيه يقولون بنراسل الجامعات بعد ما ننجح في اختبار هيئة التخصصات
أنا ما فكرت أختبر , أبروح أكمل مباشره
والله يا بعدي امريكا في التخصصات الصحيه المعادله فيها معقده بشكل كبير
والموضوع مرجع لي ولك ولكل الشباب
اي احد عنده اضافه لا يبخل علينا
وان شاء الله بنستفيد من تجارب بعض
-
رد: اسماء مع عناوين جامعات فيها بكالوريس صيدله وتعادل الدبلوم
الله كريم الله يسهل للجميع يارب
شكرا على المشاركه بطرح الموضوع
-
رد: اسماء مع عناوين جامعات فيها بكالوريس صيدله وتعادل الدبلوم
-
رد: اسماء مع عناوين جامعات فيها بكالوريس صيدله وتعادل الدبلوم
السلام عليكم اخ عبدون كيف حالك ان شاء الله انك تمام
ويارب تكون عديت بأختبار الهيئة
حبيت اسألك بس
في موضوعك الجامعات الامريكية اللي تعطي كورسات صيدلة وتعادل المواد
هل هي الجامعات الوحيدة في امريكا اللي تعادل ؟ يعني راسلت او استفسرت عن باقي الجامعات اللي تعطي كورسات صيدلة وقالوا لا مانعطي او ان هذي الجامعات افضل ماحصلت او هي الوحيدة اللي بحثت فيها واستفسرت عليها ..
لأن لقيت جامعات كثير تعطي كورسات بكلوريوس صيدلة
ابشرك الحال ولله الحمد
و للاسف لم اجتاز اختبار الهيئه
و ياريت بس لو كان سؤالك في نفس الموضوع
عشان تعم الفائده للجميع
وجواب سؤالك موجود في نفس الموضوع
بس اوضح لك
فيه جامعات كثير في امريكا تعطي بكالوريس صيدله
بس مو معتمده في التعليم العالي السعودي يعني ما تنفع واستبعدتها
فيه جامعات كثير تدرس فارما دي
والفارما دي حسب سؤالي و مخاطبه بعض الاصدقاء
ما تعادل وتبدا من جديد والقبول فيها جدا صعب
نسبه ثانوي وتدرس كورس لمدة سنتين وتجيب معدل و ... سالفه طويله واسبعدتها
الجامعات اللي ذكرتها في الموضوع حسب بحث واستفسار
تعطي بكالوريس صيدله
ومعتمده من التعليم العالي السعودي
وامكانيه المعادله في الساعات لكن تختلف من جامعه الى اخرى
وغالبية الجامعات تعطي معادله ولكن عند الوصول للجامعه
اتمنى انك تبدا في موضوع المراسله ومخاطبة الجامعات
وحاول انك تخلص امورك خلال الشهر هذا
لانه بداية الكورس في 23\8\2010
يعني تقريبا في 10 رمضان لازم تكون في امريكا
وان شاء الله تلحق المكرمه الملكيه في رمضان وتنضم ع البعثه
-
رد: اسماء مع عناوين جامعات فيها بكالوريس صيدله وتعادل الدبلوم
الله يختاااااارلك الخير يارب ان شاءالله
-
رد: اسماء مع عناوين جامعات فيها بكالوريس صيدله وتعادل الدبلوم
بالتوفيق اخوي ....
بس لاهنت الجامعات اللي ذكرتها .. بس تعادل دبلومات صحيه
لان معاي دبلوم مهني
-
رد: اسماء مع عناوين جامعات فيها بكالوريس صيدله وتعادل الدبلوم
الله يجزاك خير ويجعله في ميزان حسناتك
-
رد: اسماء مع عناوين جامعات فيها بكالوريس صيدله وتعادل الدبلوم
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة عبدون
الله يخليك اختـــي مشكور ع المرور
ايه نعم فيه فرق pharm.D = ماجستير pharmaceutical sciences
بالنسبه pharmaceutical sciences يتم توظيفه على الكادر الصحي صيدلي
وبالنسبه pharm.D يتم توظيفه على الكادر الصحي صيدلي اول
بالنسبه لماجستير pharmaceutical sciences يتم توظيفه على الكادر الصحي صيدلي اول
هلا عبدون يااخي مافهمت :/ !
مدامك تقول كلهم ماجستير فارمسيتكل سانيس وش الفرق بين اللي تحته خط ://: !
وباالنسبة لبطاقة تصنيف الهيئة هل هي مهمه اذا جيت اقدم ع الجامعات او مايعترفون فيها ولاتهمهم !
-
رد: اسماء مع عناوين جامعات فيها بكالوريس صيدله وتعادل الدبلوم
السلام عليكم ورحمة الله وبركاته
أخ عبدون يعطيك العافيه وماقصرت على البحث و على الموضوع الأكثر من رائع ولا هنت ولاهانوا الأخوان المشاركين
أنا معي دبلوم سنتين ونص تخصص صيدلة ولله الحمد ناجح في الهيئة لكن من فترة وأنا في رأسي فكرة إن أخرج لأمريكا على حسابي الخاص وأكمل دراستي وألحق نفسي بالبعثة المهم كلمت أحد المكاتب عندنا في السعودية على شان يشوفلي قبول في أحد الجامعات
وطلب مني بعض الأوراق :-
صورة طبق الأصل من شهادة الثانوية العامه
صورة طبق الأصل من حسن السيرة والسلوك الثانوية العامه
صورة طبق الأصل من شهادة التخرج
صورة طبق الأصل من السجل الأكاديمي
وضمان بنكي بمبلغ لا يقل عن 100000 ريال سعودي
ومبلغ 1500 ريال رسوم تسجيل
وقالي المكتب إنك ماتلحق على الدراسه اللي في سبتمبر ( ؤمضان ) على شان الفيزة يبغالها وقت وأحسن حل إن تبدأ دراسك في يناير ( محرم )
السؤال أخ عبدون هل الفرق في الأشهر كالدراسه في شهر سبتمبر ( رمضان ) أو في يناير ( محرم ) له تأثير على إلحاقي بالبعثة ؟
-
رد: اسماء مع عناوين جامعات فيها بكالوريس صيدله وتعادل الدبلوم
تكفون ياشباب انا معايا دبلوم تقنية كهرباء المعدل مقبول 2.60من5 هل تتعادل ساعاتي يعني في جامعات تعادلها اذا يوجد كم سنة يبغالي علشان اخذ البكلاريوس
-
رد: اسماء مع عناوين جامعات فيها بكالوريس صيدله وتعادل الدبلوم
اتوقع انك انت راح تبدأ سنة لغة بعدين تدرس التخصص لذلك ماااتوقع معاهد اللغة يتقيدون بموعد معين
وباالنسبة للـ 1500 هذي رسوم للمكتب او للجامعة ؟ وهل تشمل الرسوم الفيزه ؟
واشوف الاخوان بقسم الدارسين ع حسابهم يقولون المكرمة الى رمضان لكن بعدها ماادري
وياليت تعطينا عنوان المكتب
والله يوفقك
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة انشاء الله خير
تكفون ياشباب انا معايا دبلوم تقنية كهرباء المعدل مقبول 2.60من5 هل تتعادل ساعاتي يعني في جامعات تعادلها اذا يوجد كم سنة يبغالي علشان اخذ البكلاريوس
بالنسبة لمعادلة الساعات يعادلون المواد بشرط : ـ
1/ ان تكون ساعات المواد في السجل الأكاديمي الدراسي زي عدد الساعات في الخطة الدراسية للجامعه
2 / اهم شي سمعت انه ماتزل المواد عن تقدير C اللي هو جيد
أتوقع هذولا اهم نقطتين عشان تتعادل المواد
بالنسبه لكم يبغالك هذي على حسب عدد ساعات الخطة الدراسية للجامعه
فمثلا ً لو كان الخطة الدراسيه لقسمك هي 150 ساعة وعادلوا لك تقريبا 30 ساعة راح يبقى 120 ساعة وهذي راح تدرسينها عاد انتي وشطارتك يعني كل مازتي عدد الساعات كل ماخلصتي بسرعه والمهم مو متى نخخلص المهم ايش الفائدة الي طلعنا فيها بعد مانخلص
-
رد: اسماء مع عناوين جامعات فيها بكالوريس صيدله وتعادل الدبلوم
اقتباس:
المشاركة الأصلية كتبت بواسطة Runo
اتوقع انك انت راح تبدأ سنة لغة بعدين تدرس التخصص لذلك ماااتوقع معاهد اللغة يتقيدون بموعد معين
وباالنسبة للـ 1500 هذي رسوم للمكتب او للجامعة ؟ وهل تشمل الرسوم الفيزه ؟
واشوف الاخوان بقسم الدارسين ع حسابهم يقولون المكرمة الى رمضان لكن بعدها ماادري
وياليت تعطينا عنوان المكتب
والله يوفقك
حلو كثير على كذا مو مهم امتى ادرس المهم اني اضم نفسي بدري
1500 هذي رسوم تسجيل خاصة بالمكتب ( رسوم تسجيل فقط ) اما الفيزة يبغالها موال ثاني
ان شاء الله يارب نتوفق ونضم للبعثة
وهذا العنوان وماطلبت شي ياطويل العمر
موقع مرازي للخدمات التعليمة
http://www.mrzai.com/Contents.aspx?ln=ar
وإن شاء الله تعم الفائدة للجميع
-
رد: اسماء مع عناوين جامعات فيها بكالوريس صيدله وتعادل الدبلوم
^^^^^^^^^^^
مو شرط يكون كلامي صحيح بس اسأل المكتب
واذا أستجد معك شيئ "جاك قبول ، ابتعثت ، خلصت الفيزه الخخ "
ياليت تفيدنا باالجامعة وكم عادلوا لك وخطواتك الخخ عشان يستفيدون منها الاخوان
والله يوفقك
-
رد: اسماء مع عناوين جامعات فيها بكالوريس صيدله وتعادل الدبلوم
من عيني هاي قبل هاي
الله يوفقنا جميعا ً لما يحب ويرضى
وادعوا لي بالبعثة وبالألحاق بالبعثة
وان شاء الله اتوفق في جامعه تعادل كويس وفيها علم كويس
-
رد: اسماء مع عناوين جامعات فيها بكالوريس صيدله وتعادل الدبلوم
^^^^^^^
لبى عيونك
امين والله يوفقك وتلتحق بسرعة وتتوفق دنيا وآخره ويسهل لك امورك كلها
-
رد: اسماء مع عناوين جامعات فيها بكالوريس صيدله وتعادل الدبلوم
يا شيخ روح الله يوفقك دنيا وآخره ويوفقك وين ماتروح
اانا نفس تخصصك صيدلة دبلوم عالي لكن باقي لي المستوى الخامس ان شاء الله بعد عيد الفطر أخلصه واطبق 6 شهور وكنت متضايق ان امريكا مافيها بكالوريس صيدلة وكنت مخطط على أستراليا لكن بعد ما اتوظف ابطلب ابتعاث عن طريق عملي بس بعد ماشفت موضوعك ياشيخ فرحت وانتظر بس اخلص في اقرب وقت
الله يفرحك مثل مافرحتني :group:
-
رد: اسماء مع عناوين جامعات فيها بكالوريس صيدله وتعادل الدبلوم
الله يفرح قلوبكم جميعا ً ويوفقكم لما يحب ويرضى
والفضل لله ثم للأخ عبون ماقصر وجزاة الله عنا كل خير
-
رد: اسماء مع عناوين جامعات فيها بكالوريس صيدله وتعادل الدبلوم
-
رد: اسماء مع عناوين جامعات فيها بكالوريس صيدله وتعادل الدبلوم
جزاك الله خير ، اللهم بارك في عمله
-
رد: اسماء مع عناوين جامعات فيها بكالوريس صيدله وتعادل الدبلوم
الله يوفق الجميع لما يحبه الله ويرضاهـ
الله يسهل امورنا جميـــــــع
والموضوع مرجع لكل فني صيدله
واللي عنده اي معلومه رجاء لا يبخل علينا
وانا ان شاء الله ناوي اطلع امريكا بقبول مشروط اي جامعه
وانا في معهد الانقليزي اسال واستفسار في امريكا براحتي
اما قعدتي في السعوديه مالها فايدهـ
والله يوفق الجميع
-
رد: اسماء مع عناوين جامعات فيها بكالوريس صيدله وتعادل الدبلوم
^^^
بشر اخوي عبدون وش صار على اختبار الهيئة وكم جبت فيه وهل هو صعب؟؟؟؟ عطنا كل التفاصيل