حوار خلال كم استطعت تعليم اللغه الانجليزيه

السلام عليكم اخوي

موضوعك جميل

لكن بقولك اللي شفته قدامي

انا ساكن مع عائلة وكان فيها واحد ياباني كان يقولي اول ما جاء امريكا مايعرف الا yes and no غيره مايعرفه ع الكلام اللي يقوله لي لمدة شهر

وهو مايفهم ويتواصل مع العائلة بالترجمة ولا بالاشارة ويقول بعد شهر

بديت اتحسن لكن ما اتكلم ياباني ولا اقرا ياباني ولا اجلس مع يابانيين و حاشر نفسه بقوة عشان يتعلم اللغة ويحفظ ويسمع ويقرا بالانقش ويماشي الاجانب بكثرة وبعد 6 اشهر لغته ممتازة

فهو على الشخص اذا كان متهوي والله انه راح يجيب اللغة في 6 شهور واذا يبي ياخذ راحته راح يجيبها بمدة اطول

عشان كذا تعلم اللغة ماله مده لكن هو ع الشخص .

والله يوفقنا وياك و الجميع يارب

انا رأي يختلف لما تبي تدرس ماجستير او بكالريوس او دكتوراه صعوبة الدرجة العلميه المطلوبه لدخول الجامعه ، وحسب التخصص الي تبي تدرسه الطب اصعب من الاجتماعيات مثلا ، لكن بالعاده تقدر تقول الكل يبي يتعلم اللغه ويفهم الي صاير قدامه من فلم او محاضره علميه وتدخل الجامعه بكالريوس بعد سنه او بالكثير سنه ونص وبعض الاحيان تكفي للماجستير هذا لو كنت ميح مره باللغه .

بسم الله الرحمن الرحيم
صراحه انا اشوف علي حسب همة الشخص اذا كان يحب اللغة ولا لا والله اذا كان يحب اللغة ما يتعدى ثلاث شهور الاوهو يتكلم مظبوط

انا لي في امريكا قريب 10 سنين و لسة عندي ضعف. لكن بلا شك سنة وحدة تكفي الواحد ليمشي اموره بسلاسة. انصحكم بالقرائة لان بدونها الغة تظل ضعيفة و تنقصها المفردات حتى لبعد ميت سنة.

انا ودي ادرس لغة بس مو عارف كيف اتمنى تعلموني جزاكم الله خير

انا خمس شهور ...
يس .. ونو .. لا وعندي شيء مره ينفع للتسليك .. ياه .. << بس كله مني انا ما ادرس ..
نصيحه لا تضيع الوقت وتندم زيي ..

يسعدلي ايامكم جميعاً
ويوفق الكل مبتعث او غير مبتعث
وفيه ردود حلوة وتشجع وفيه ردود ماينرد عليها
وفيه البعض يقول لاتمشي مع بني جنسك ؟؟؟
كل هذي الواحد ينجبر عليها لكن مو لدرجة 24 ساعة طالع ع الاقل اترك لك 6 ساعات باليوم مقسمة مذاكرة من الكلمات والقواعد والكتابة
الدعوة بسيطة والواحد حسب نيته
تجربتي انا طلعت من الثنوية عندي كلمات لكن القواعد كانت عائق الحين اصنف نفسي مستوى ثالث
الواحد اذا شد حيله ودرس بتركيز راح يتعلم اي شي يبغاه واذا بدون تركيز بيتعلم لكن شي بسيط ويمشي الحال
التحطيم والتذمر ممنوع راح اعطيكم تجربتي بعد وصولي امريكا...
ورجاء لاحد يقول لاتماشي سعودي ماتدري ان السعودي يطلع افضل منك باللغة وجايز تتعلم منه لانك طالع لهدف وهو تعلم اللغة
والكل يتساعد لان سمعت البعض لاطلع مايتعرف عليك حتى لو انك جارهـ والبعض يهرب منك فسبحان الله
وتذكرو قول الرسول صلى الله عليه وسلم(خير الناس انفعهم للناس)
والانسان يكون مؤمن ويكون مبتسم دائماً لان هذي الاشياء يحبها الله فنكون عون لانفسنا ولغيرنا...

آخوكم:Abdullah

من تجربة لقريب لي من الاحتكاك مع اجانب ولطبيعة عمله تعلم بسهوله ولا بلبل بسم الله عليه ( في السعودية يعني ماسافر للخارج)
فما بالك للي يحتك بالخارج

أن شاء الله قريب اسافر مع أأخوي ولغتي جيده لكن في تخصصي ماش مااعرف اتكلم
اما اخوي هو يعطي نفسه صفر لكني اتفاجأ ان عنده مخزون من الكلمات اللي مااعرفها
وهو احتك في فتره مع شوي اجانب فتلم له كلمتين فأتوقع لو سافرنا انه رح ينجز شي حلو والله يكتب اللي فيه خير لنا وللجميع اللهم آمين

الله يعين على اللغه والله اني شايل همها

والله طـال عمـرك على حسسب الدلوخ الي مععك فالمعهد لا صصارو زلايب ونششبات قسسسمنبلاه ماتتعلم الا قـوة عـربـي

يـعني زيي انـا احسس اني ما بديت اتعلمم الا بعددد مارفسست الطعوسس الي اعرففهم