سؤال بخصوص بطاقات الصراف (الأهلي و الماستركارد مسبق الدفع)

[QUOTE=Eng.Abdullah;2488949]معلومتك غير صحيحة ..

أنا أحول أون لاين و احط فيها قد ما ابي و مباشرة احصلها في حساب البطاقة اصلاً حسابك الجاري و حساب البطاقة يظهرون قدامك في الشاشة و حط من هنا ينقص من هناك لكن أنا رابط حسابي الجاري بحساب البطاقة من البنك نفسة أما سالفة 12 في الليل هذي من عندك ولا من شركة قالوا لي !

بالتوفيق،،

حياك يامهندس عبدالله
ترى الدعوى وانا خوك ردود ماهي مضاربة وخناق يعني اذا ماتوافقني الراي خلاص انت اللي ماعندك سالفة وانا اللي فاهم كل شي ...
عموما
انا ياطويل العمر عندي 3 بطاقات
1- الراجحي ( فيزا تسوق)
2- الاهلي ( ماستر كارد )
3- بايونير امريكية

اللي استخدمتها الراجحي وبايونير فقط الاهلي ماستخدمتها من كثر ماسمعت عن تعليق العمليات ومايرجع لك المبلغ الا بعد 30 يوم


اذا تبي مقارنة تفضل هذا موضوع في منتدى التجارة الكترونية يتكلم عن البطاقتين


السلام عليكم ورحمة الله وبركاته


هذه مقارنة سريعة بين بطاقة الاهلي الائتمانية مسبقة الدفع وبين بطاقة الراجحي الائتمانية مسبقة الدفع

نوع البطاقة
-بطاقة الاهلي ماستر كارد
-بطاقة الراجحي فيزا كارد

مدة استخراجها واجرائاتها
-بطاقة الاهلي لا يتم تسليمها فوريا عند طلبها تعبي البيانات وتصلك بعد حوالي اسبوع او اقل ان طلبت شحنها شحن سريع مقابل دفع 50 -75 ريال والشحن يتم عادة dhl او aramex مع العلم ان البطاقة تصلك في وقت والرقم السري في وقت اخر ونفس الشئ مع الرقم السري ان اردت منهم شحنه شحن سريع تدفع 50 او بالبريد العادي
بالنسبة للشحن بالبريد العادي اتوقع ياخذ اسبوعين او اكثر
-بطاقة الراجحي تسليمها فور تعبي البيانات وغالبا تستلمها في نفس اليوم من نفس الفرع وبالكثير استلامها يكون باليوم الي بعده
بالنسبة لأجراءات وشروط استخراجها وجود حساب جاري لديك عندهم لا يشترط وجود راتب واعتقد ان لايقل العمر عن 18 ماني متأكد من هالشرط

سعر الصرف للدولار
من خلال ملاحظتي
-بنك الاهلي سعر صرفه غالبا بين 3.80 -3.82
-الراجحي سعر صرفه غالبا بين 3.78-3.79


استلام رسالة من البنك في حال السحب من البطاقة
توفر رسائل قصيرة على الجوال في حالة السحب من البطاقة هذه الخاصية مهمة في حالة لا قدر الله انسرق او سحب مبلغ من بطاقتك بدون علمك تأتيك رسالة فورا لكي تتصرف بسرعة
-الرسائل مفعلة تلقائيا في بطاقة الراجحي الائتمانية اذا سجلت رقم جوالك
-خدمة الرسائل لا تعمل مع بطاقة الاهلي الائتمانية

بالنسبة لسهولة الاستخدام
اعتقد انه الراجحي استخدامها اسهل من الاهلي
بالنسبة للتحويل من الحساب الى البطاقة عادة مايأخذ عدة دقائق الا في حالة تحويلك اثناء وقت التحديث

بالنسبة لقبولها في المواقع
-الاهلي مقبولة في جميع المواقع التي تقبل البطاقات الدولية
-الراجحي بعض المواقع لا تستطيع الشراء بواسطتها لمنعها من اللجنة الشرعية لديهم

تعليق المبلغ
-بطاقة الاهلي 30 يوم حتى يعود المبلغ للبطاقة وهذا نظام الماستر كارد
-الراجحي 15 يوم حتى يعود المبلغ للبطاقة وهذا نظام الفيزا كارد

سحب المبلغ من البطاقة الائتمانية
- الاهلي يمكنك تحويل المبلغ من موقع الاهلي اون لاين مباشرة من البطاقة الائتمانية الى حسابك او سحبه مباشرة من الصرافة
-بطاقة الراجحي لا يمكنك تحويل المبلغ من خلال موقع مباشر للراجحي لكن يمكنك سحبه من خلال بطاقة الصراف

كشف الحساب للبطاقة
- الراجحي العمليات الشرائية تظهر فور اتمامها في كشف الحساب الخاص بالبطاقة
- الاهلي العمليات الشرائية لا تظهر فورا في كشف الحساب وقد تحتاج الى 24 ساعة لظهورها في كشف الحساب

أخيراً اعترف ..

ومدوخنا من الصبح انا دخلت البطاقة و رفضت و افلااااام طويلة ...

الموضوع ترا سهل قل أنا غلطان و آسف وما عندي خلفية و انتهينا .. و مو لازم تبرر و تلف و تدور و تبلشنا معك..
------------------------------------------------------
تراك طولتها وقل ؟؟؟ واترك عنك المهايطة والتعالى واذا كلمة BOY نغزت بلوفك صنفرها
وانت الصح وانت اللى تعرف فى البطايق والخلفيات وانت كلك فش طع.
والفكرة وصلت لمن هو اهلا لها .. وسلامة عقلك
وعقب بما شئت وكما تدين تدان.

يعطيك ألف عافية يا أخوي.

هذه هي المعلومات اللي كنت أبغاها.

طالما انك جربتها و اشتغلت معاك فخلاص، الموضوع مضمون ان شاء الله.

بس عندي سؤال الله يحفظك، واحد من الشباب قال لي اني اذا وصلت لأمريكا بالسلامة ان شاء الله لازم أسجل بطاقة الماستر كارد مسبق الدفع عندهم في المطار قبل ما أستخدمها في أي حاجة أو بمعنى آخر انو لازم بيانات بطاقتي تتسجل عندهم في النظام. فهل الكلام دا صحيح؟

شكرا لك و كثر الله من أمثالك.

بعد اذنك أولاً لي تعقيب على كلامك هذا : "ترى الدعوى وانا خوك ردود ماهي مضاربة وخناق يعني اذا ماتوافقني الراي خلاص انت اللي ماعندك سالفة وانا اللي فاهم كل شي ..."

و أنا أخوك أنا ادري أن عقليتك ضيقة ولا ما قلت هالكلام ..

الحمدلله الموضوع لا فيه مضاربة ولا في أحد أفهم من أحد قدر ادراك المسؤولية و أنت قلت هذا الكلام لأحد السببين التاليين أو كلاهما
الأول ردي على أبو المبتعثة .
ثانياً ردي عليك .

بالنسبة لسبب الأول أعتقد انه واضح جلياً الغلط و تم الرد و التفصيل فيه .

السبب الثاني وهو الأهم و أعتقد هذا هو السبب من وجهة نظري اللي خلتك تقول كذا

الأشخاص مثلك يتضايقون إذا وجد شخص آخر يصحح له و يقوم يفسر على قد عقليته " هذا مسوي فاهم علي " ..
و أنا متأكد أنك عرفت أن معلومتك غلط وهذا يتضح في ردك الاخير ، وتضايقت بأكتشافك أن معلومتك خطأ و قلت هذا الكلام المحبط
لكن صدقني لا أنا جاي اسوي فاهم عليك و لا خلافة ولا تعتقد ذلك ، الموضوع برمته للفائدة سوا تلك الفائدة منك أنت أو مني أنا ...
و أنا لم اشارك في هذا المنتدى إلا لتبادل الفائدة سوا متلقاة أو مكتسبة ...

المشكلة الاولى خلصنا منها و الحين طلعت لنا بسالفة التعليق اللي ما قد مرت علي ولا قد سمعتها ابداً ولا قد صارت لي ابداً علماً أني استخدم البطاقة من وقت ليس بالقريب و ياليت توضح لنا وش تعني بالتعليق خلنا نستفيد منك.

بالنسبة لاستخدام بطاقة الاهلي و الله ما في اسهل منها و لا أسرع منها قد شفت ..

تدري قبل يومين مشيك على الاون لاين حق الاهلي سعر الصرف بـ 3.754000 صحيح انها توصل لـ 3.85 لكن هذا يعتمد على العملة و السوق نفسة حتى الراجحي نفس الوضع و ممكن العن ..

ودي،،

الله يعافيك ..

بأذن الله الموضوع مضمون ولا يحتاج تشيل هم أخوي و إن شاء الله نكون عند حسن الضن وأنا أشكرك على الثقة..

توصل بالسلامة و هذا كلام غير صحيح أخوي توكل على الله ولا يحتاج تسجل ولا شيء

بالتوفيق لك،،

عشان اخلي مسؤوليتي

العيب الوحيد اللي شفته في البطاقة أن كشف حساب البطاقة على الاون لاين لا يتحدث بسرعة يعني بعد يومين ثلاثة عشان تحصل العملية اللي سويتها مدرجة في كشف الحساب على الاون لاين .

ولا ننسى جميعاً المعيار الثنائي اللي يخولك بالدخول على حسابك الأون لاين وهو أهم شيء في السالفة كلهااا و أنا شرحتة سابقاً وهذا لجميع البنوك السعودية رجاءً لا أحد ياكل المقلب مثل الشباب اللي عرفتهم ..

بالتوفيق للجميع،،

يعطيك العافية أخويEng.Abdullah
بس حبيت أستفسر وين شرحته؟
هل بإمكانك إعطائنا رابط مباشر لمشاركتك اللي شرحت فيها المعيار الثنائي

وجزا الله الجميع خير الجزاء

ED.Abdullah

الناس ضيقة العقلية وحضرتك واسع ال. عجبى؟ تركت مقولة الامريكى قلى وقلت للامريكى
وشكل الامريكى ما أملا عليك جديد. وراجع ردودك بأى عقلية تراها بعقليتك او بعقلية الامريكى
وكيف بعض المحلات فى امريكا من الاساس ماتقبل كاش شكلك عايش فى قرية زنوج وأثرت على
العقلية الواسعة. عندكم كنتاكى وصراف الراجحى او الاهلى هناك وجاكم مطر. .. شلولق

السلام عليكم
انا أستخدم بطاقة الراجحي مسبقة الدفع اللي اسمها تسوق ( فيزا ) و استخدمتها لدفع رسوم السيفيز و حاليا لما افلس نهاية الشهر ( لان مكافأة الملحقية لا تكفيني مع اطفالي : ( استخدم بطاقة الراجحي في الشراء من المحلات مثل وول مارت و محطات الوقود و كذلك بالصرف من مكائن الصرف الآلي - يعني كاش - . و على كل عملية ياخذون 21 ريال تقريبا لكل 500 دولار ( يعني سعر صرف الدولار اذا ما كنت غلطان 3.87 او 3.78 والله ماني متاكد 100% ) لكن بما انها تفك ازمة ما عندي مشكلة لا بالـ21 ريال و لا بفرق سعر الصرف و اللي أظنه قليل جدا ..
ملاحظة :انا اشحن بطاقة تسوق الراجحي عن طريق موقع الراجحي اون لاين اول من حسابي الجاري لحساب البطاقة و تجيني رسالة على جوالي السعودي لاني مفعل التجوال الدولي و استلام الرسائل و المكالمات مجانا ( موبايلي و تجوال عن طريق شبكة تي موبيل )

أفضل طريقة هي انك تحجز كل الفنادق عن طريق النت يعني تكون دفعت جزء من المصاريف في امريكا و يكون معك مبلغ كاش 1000 - 2000 دولار تقريبا ( يعتمد على الولاية اللي تروح لها و هل انت لوحدك ) و كذلك لا تنسى تجيب معك بطاقة مسبقة الدفع سواء الراجحي او الاهلي للطوارئ و اول ما تجيك فرصة افتح حساب في اي بنك امريكي ( يفضل بنك اوف امريكا ) و اودع المبلغ اللي معك في الحساب و استخدم البطاقة الامريكية و لا تقرب البطاقة السعودية الا في ظروف الطوارئ

[QUOTE=Eng.Abdullah;2494123]

بعد اذنك أولاً لي تعقيب على كلامك هذا : "ترى الدعوى وانا خوك ردود ماهي مضاربة وخناق يعني اذا ماتوافقني الراي خلاص انت اللي ماعندك سالفة وانا اللي فاهم كل شي ..."

و أنا أخوك أنا ادري أن عقليتك ضيقة ولا ما قلت هالكلام ..

مشكلتك مشكلة انت الله يجزاك خير على قولة الشوام مصدق حالك وعقليتك اكبر من مساحة كندا خلاص ارتحت وفاهم وابو العريف والدليل مواضيعك وردودك فاهم في القانون الامريكي وتعطي رايك في كل شي محاكم وسكن وقانون وهجرة ومعيشة وكل شي وانت باقي ماكملت سنة اجل لو كملت 3 سنين وش بتسوي اتوقع بتحط لك قناة فضائية

الحمدلله الموضوع لا فيه مضاربة ولا في أحد أفهم من أحد قدر ادراك المسؤولية و أنت قلت هذا الكلام لأحد السببين التاليين أو كلاهما
الأول ردي على أبو المبتعثة .
ثانياً ردي عليك .

بالنسبة لسبب الأول أعتقد انه واضح جلياً الغلط و تم الرد و التفصيل فيه .

واين الغلط مو انت اللي تقول هذي السالفة من راسي واخيرا اعترفت بمسالة تحديث العمليات بعد 12 بالليل

السبب الثاني وهو الأهم و أعتقد هذا هو السبب من وجهة نظري اللي خلتك تقول كذا

الأشخاص مثلك يتضايقون إذا وجد شخص آخر يصحح له و يقوم يفسر على قد عقليته " هذا مسوي فاهم علي "

ياليتك تقول الكلام هذا لنفسك لنك يالحبيب ماكملت 6 اشهر وحاط نفسك اللي تفتي وتشيل وتحط وانت الله العالم باقي ماتجاوزت اللغة ومشغل نفسك بامور وكل موضوع تدخل فية لازم انت اللي صح والباقين خطا

و أنا متأكد أنك عرفت أن معلومتك غلط وهذا يتضح في ردك الاخير ، وتضايقت بأكتشافك أن معلومتك خطأ و قلت هذا الكلام المحبط
اذا توك تعرف هذي البطاقات انا اعرفها يامهندس عبد الله وانت باقي على مكافاة جامعة سعود ومعلوماتي متاكد منها ...

لكن صدقني لا أنا جاي اسوي فاهم عليك و لا خلافة ولا تعتقد ذلك ، الموضوع برمته للفائدة سوا تلك الفائدة منك أنت أو مني أنا ...
و أنا لم اشارك في هذا المنتدى إلا لتبادل الفائدة سوا متلقاة أو مكتسبة ...

المشكلة الاولى خلصنا منها و الحين طلعت لنا بسالفة التعليق اللي ما قد مرت علي ولا قد سمعتها ابداً ولا قد صارت لي ابداً علماً أني استخدم البطاقة من وقت ليس بالقريب و ياليت توضح لنا وش تعني بالتعليق خلنا نستفيد منك.

روح منتديات البوابة الرقمية وراح تستفيد ترى مو عيب اذا ماتعرفها وانت تدعي معرفتك بكل شي عن هذي البطاقة

بالنسبة لاستخدام بطاقة الاهلي و الله ما في اسهل منها و لا أسرع منها قد شفت ..

تدري قبل يومين مشيك على الاون لاين حق الاهلي سعر الصرف بـ 3.754000 صحيح انها توصل لـ 3.85 لكن هذا يعتمد على العملة و السوق نفسة حتى الراجحي نفس الوضع و ممكن العن ..

ودي اصدق بس قوية اذا الصرف يعتمد يوميا على سعر غير ثابت


الخاتمة :

نصيحه لله ترى من ادعى المعرفة بكل شي ترى يسمونه فيلسوف ومهايطي وانت بين عليك متحمس ودك تخدم الناس بس تمشي 180 وانا اخاف عليك من السرعه اللي انت تمشي فيها اخاف تصدم بعمود والاكنب عموما يامهندس عبدالله خلك بدراستك وهي الشي اللي جيت من اجله اما كل موضوع تدخل فية بتتناحر مع الناس هذي مشكلة ووراها عقد نفسية مايلقى الواحد مكان يفرغها الا هنا بالمنتديات ارجع لردودك بكل المواضيع اللي شاركت فيها وتعرف مو معقول ولاتدش العقل كل الناس على خطا وانت الصح