فضيت اليوم قلت أكتب هذي القصة عشان تستفيدوا
وهي قصص كثيرة يمكن ثلاث وكلها على موضوع الموية
حتى عرفت إن هذا جزء من عاداتهم
بداية القصة ..
طبعا أنا ساكن بشقة لوحدي بمدينة سياتل ..
والعمارة أربع أدوار يعني تقدر تقولوا 40 شقة بالعمارة
المهم أنا بالدور الثاني وتحتي طبعا مستأجر مثلي..
طبعا بأول أيام ما سكنت يمكن بأول شهر..
المهم كان فيه تسرب بمغسلة الحمام تنقيط بسيط وما أهتميت وينزل على بلاط الحمام
المهم يومها خذيت شووور ولا كان فيه ستارة البانيو عشان ترد المويه
واجتمع التنقيط مع موية الشور على البلاط
المهم طلعت وكان فيه مويه كثيرة وما اهتميت ..(ياما تصير عندنا عادي بالبيت بالسعودية ههه)
ورحت للمكتبة أشتري كتب لأني كنت ببداياتي بالمعهد أول شهر
شوي ويجيني اتصال من صاحبة العمارة
قالت فيه مويه تنزل على اللي المستأجر اللي تحتك
وقالت لي ترا فتحنا شقتك وأنا بشقتك حاليا ومعي السباك..
قلت مو بكيفكم لازم أخذتوا إذن..على بالي..مع إني أعرف إنهم ممكن يفتحوا
بس عشان أتفادى وأغطي الموقف..قالت أنا أنتظرك لازم تجي
المهم رجعت ولما وصلت أنواع العصبية والتهزيء بس أنا عذرتها لأنها حرمة كبيرة
قالت السباك شفط المويه اللي إرتفاعها ثلاث سم بحمامك (ههه) وصلح التسرب بالمغسلة
قالت أنا أخذت صور لشقتك وبرسلها للمديرة ويمكن تغرمك على اللي سويته (طبعا بس تهديد)
المهم حاولت أرقع الموقف قلت حمامكم لازم يكون فيه مجاري تأخذ المويه برا زي عندنا بالسعودية
قالت هذاك نظامكم حنا ما عندنا هالنظام بأمريكا ..
أي قطرة مويه لازم تمسحها سواء بالمطبخ أو بالحمام.
وأي تسرب للمويه سواء بمغسلة الحمام أو المطبخ ضروري تبلغنا فورا
لأن المويه مالها مجال تروح وتنزل على اللي تحتك
وتدمر بالمبني.. وإلا بيكون لي تصرف ثاني (وخذ يا تهزيء)
المهم وتعطيني درس قالت ترا حطينا لك ستارة البانيو
إذا تبي تأخذ شور لازم تسكر عشان ما تطلع المويه
قلت خلاص فهمت لا بركة فيكم ..
كانت تحس وقتها إني إنسان متخلف وما أفهم وعلى بالها هي اللي بتعلمني الحضارة
مالت عليهم ..
مع إن وقتها كان عندي لغة و أقدر أرد عليها بس ما حاولت أكبر المشكلة أكثر مما كانت عليه
أعذروني على الإطالة وأتمنى تستفيدوا
لأن القصد مو جهل منا إنما القصد هو إختلاف بالعادات والثقافة..
لو صار وقت بحاول أكتب لكم قصة ثانية
....
$$ أبو نورة $$ December 25th, 2010, 11:57 AM
7 " ياسلام على هالنصايح وهالموضوع الخفيف
بس سؤال / أقدر أستأجر مع عائلة بعقد لمدة 3 شهور ؟
delibo December 25th, 2010, 02:26 PM
7 " مشكوررررر الله يوفق الجميع
يــــــارا December 25th, 2010, 03:42 PM
7 " مررررررررره حلوه هالمعلومات
اتوقع انقذتونا من مشاكل كثيره كانت بتصير لنا واحنا مو قاصدينها
sko0o0n December 25th, 2010, 03:56 PM
7 " الله يعين مشكور ع الموضوع الرائع
hamza alsharif December 26th, 2010, 12:56 PM
7 " طيب اخوي العالي عندك فكره عن العوائل في شيكاكوا وياليت احده عنده خبر بهذا الخصوص
mohammed alfadel December 26th, 2010, 09:15 PM
7 " 
LinkBack URL
About LinkBacks
...ننتظر قصتك أخوي أبونورة ...
