بعد أن قضيت الشهور في أمريكا ما رأيك؟

الطيور على أشكالها تقع ..

أتعلمون أعزائي الأعضاء ؟ .. إنها الاهتمامات ...

فإذا كان العقل مشغول باهتمامات سامية للدين والوطن والأهل فإنه لن يتجرأ بالتفكير في :
آآه ... كيف أقص شعري ؟
آآه ... كيف أجذب البنات ؟
آآه ... كيف ألبس ... السروال ... ؟ ( أكرمكم الله)

يعني : ليس فقط مجاهرة بالمعصية أمام الناس .. بل .. وتحليل ما حرم الله ..

( غيرفرند .. عادي .. حرية شخصية )

بالعربي : نريد أن نثبت لهم أن دين الإسلام صالح لكل مكان وزمان ...

هلا اخوي


للاسف الاشياء هذي موجوده في السعوديه بشكل اسوء

هي حريه شخصيه في الاخير...الخلل في التربيه هنا. على قوله خوينا الي فوق...الرجال رجال...ممكن انك تروح وتستفيد من البلد وتنبسط وتتعلم لكن يكون لك شخصيه وهويه معينه! هذي تنبنا في البيت لا امريكا ولا غيرها يغيرها...والي بيسفتيد من فتره دراسته في امريكا بيجد كل الوسائل, والي مهوب كفو وش نسوي فيه عاد..برنامج خادم الحرمين ضخم جدا وصار فيه اخطاء معينه وضحت نتايجها في المخالفات والقضايا الي اثيرت عى بعض الطلبه.

كلام سليم عبدالله

والله العظيم شيء محزن جدا اللي يصير كذا

كلام يقهر من جدا ,, هو صحيح كل شعب ودولة فيها الصالح والطالح بس حنا بالسعوديه مانبي هذا الشيء يصير عندنا والله شيء محزن من جد

ياليت التعليم العالي يعقدون مرره وحده بس اجتماع من اجتماعاتهم تحد من هذي الاشياء

وتضع لوائح وعقوبات عليها

تشكرين اختي مسافره على ردك

الله يصلح الحال بس

هههههههههههههههههه ضحكتوني وانا علي اختبار

مدري وش فيكم شابين علي الشباب ما اشوف احد جاب طاري البنات والا صح كلهم بعباياتهم ولا يروحون ولا يطلعون جالسين بالبيت ولا يتكلمون مع الشباب وكل وحده بالبريك ماسكه المصحف وتهلل وتستغفر ....... الخ

بصراحه الي يشوف موضووعكم يقول ان الشباب والبنات بالسعوديه من البيت للدوام للمسجد

واشوف من كل كلامك ما ذكرتو الا الجانب السيئ يعني فيه ناس كانو مخربينها بالسعوديه ويوم جو امريكا تطوعوو وفيه ناس كانو ما يدلون المسجد بالسعوديه وجو هنا وحافظو على الصلاه الله يثبتهم

بصراحه من وجهه نظري الوضع بامريكا نفس السعوديه يعني بالسعوديه ما فيه ولد (ما يكلم بنت الا من رحم ربي وهذا نادر) يعني هنا لو يتعرف على قيرل فرنت عادي بالعكس هنا يستفيد منها اكثر يسولف معها ويخربط الين يتقن اللغه خخخخخخخخ

واما من ناحيه اللبس اشوف ان لبسهم جدا عادي مره مره يمكن الي بالسعوديه لبسهم اسوء من الي هنا ونادر الي يحطون سلاسل وبالنسبه الخواتم انا اعرف مطاوعه بالسعوديه يلبسونها

وبالنسبه للشراب و .... هذا يعتمد على الشخص وقناعته ولا انت محاسب معه ولا انت مسؤوال عنه


والي ارجو منكم ( حدثو العاقل بما يعقل ) وابعدو البهارات والزيادات الي مالها داعي

ودي اتكلم بس حبيت اختصر

هذا رايي الشخصي تقبلو تحياتي

ردود واضحة ونقاش وآراء مختلفة وجميلة من قبل الأعضاء..

شكرا لكم تواصلكم

أمريكا ترتيبها 46 في سلم الثقافة Literacy و 30% من الشعب ما تخرج من الثانوي
الأسئلة المطروحة منك لا تعكس موضوع الي أنت كاتبه.

لقد رأيت جميع أنواع الأمريكان: العنصري ، المسيحي ، المسلم ، اليهودي ، وجميعهم كانوا أفضل من الزملاء السعوديين.

أنا يؤسفني أن الأصدقاء العرب عمرهم ما دقوا علي وقالوا بنتعشى وللا بنروح كوفي وللا عندنا بارتي ، بس اليهود يزوروننا ونجلس معاهم ونحتفل معاهم. أرى ترابط بين اليهود وأشوف تلاحم فيما بينهم سواءا كانوا أشكانازي وللا سفردي ، لكن ليس العرب أو المسلمين. المسلم لا شاف معاك قارورة خمر أو قلت له إنك كنت في بارتي أعرض عنك ، اليهودي يقول لك: إيش؟ محمد إيش كان يقول عن الخمر؟ ==> عجيب صح؟

أنا ما أدري تقصد بهالموضوع اللي نشوفهم حولنا وللا إيشلون؟ لأنه ترى أمريكا كبيرة فيها الليبرالي وفيها المتحفظ.

تصدقون عاد أمريكي أبيض أعرفه: يمينه فيها كأس الويسكي واليسار فيها المصحف بالإنجليزي... يقول أنا قبلت الإسلام ولكن أحاول أترك الشرب.