شباب الله لايهينكم انا عرضت علي سيارة امبالا
وبصراحه مادري عنها هل احد استخدمها كيف وضعها وكيف استخدامها وهل هي تستهال اللي يشتريها ويقتنيها على العلم انها 6 سنلدر وبصراحه خايف من البنزين خبركم فيه غالي مره
ابي احد جرب السياره يعطيني رايه فيها هل هي افضل ولا كامري ولا اكورد
جدا ممتازه ... انا عجبني فيها تصميمها من الداخل مره وسيعه ...
اما من ناحية البانزين فهي على حسب الولايه اللي انت فيها ..
صرفيتها معقوله بالبانزين .. ولو تعمل مثل عبها اول مره فل ولا تخليه ينزل عن النص وراح تلاقي انها ماراح تصرف كثير ..
لان صرفية البانزين خصوصا بهالسياره على حسب استخدامي من يوم يوصل للربع وهو يسحب سحب مو طبيعي ..
لكن مادامه فوق النص فالصرفيه فيها معقوله مره ..
هذا والله اعلم .. ( على فكره نظام الساوند سيستم تبعها خبال ههههه )
أنصحك بالاكورد أولاً وهي أغلى بكثير من الكامري وسعرها فيها واستهلاكها للبنزين أقل من الكامري بمراحل
الكامري كانت إقتصادية لكن في الأونه الأخيره تغيرت وتفوقت عليها الهوندا بمراحل
الامريكي ليس سيء لكن سعره ينزل بسرعه بعكس الكامري والهوندا وأيضاً يستهلك الوقود بشكل كبير وجودته ليست بجودة الياباني بشكل عام
ابعد عن اي سيارة فوق الـ 4 سلندر ، و صدقني بتكون لعنة في هذه البلد لان كل شي بفلوس ماعندهم شي لوجه الله !!
الاكورد ممتازة جدا سواء 4 او حتي 6 سلندر لانها مزودة بنظام التحكم بضخ الوقود الي وظيفتة التقليل من استهلاك الوقود ، يعني انت لما تمشي بالسيارة مشي عادي ، اقصد داخل البلد المكينة راح تشغل 3 سلند بس من اصل 6 سلندر !! و اما تدوس شوي بتشغل لك 4 و هكذا ، لكن بتعطيك العزم الكامل سواء 3 او 4 من اصل الـ 6 !! << صدقني H الهوندا بيجري فيني مجرى الدم هههه << تصحيح ماعنده هواية غير هوندا و التصوير و مبتعث
اما الكامري .. بلاش تخدع نفسك فيها ترا ورق ، مع اهل هفة هوا تشوفها ترقص بالطريق !! << يامن شرالة بحلالة عله
انا جربت الامبالا السياره حلوه وراسية بالخط وأريح من الاكورد والكامري
لكن تصرف اكثر
وعزل الهواااء لك عليه
وانا الصراحه كنت حاط عيني عليهااا لكن غيرت نظرتي بقولك الاسباب
بعثتي تنتهي خلال 2014م حلو فلو اخذت سياره حلوه ادفع فيها مبلغ وقدره فوق 15000 دولار بس اشحنها بعد ما تنتهي دراستي للسعودية
يعني لازم اخذ موديل السنه او السنه اللي قبلها عشان اقدر ادخلها للسعودية .
والخيار الثاني : اخذ سياره تمشية حال وقديمه سعرها تحت 5000 دولار ويمكن اتوفق فيها ويمكن كل شوي رايح ورشه واخسر دبل سعرها وبالاخير ابيعها بخساره
May 15th, 2011, 10:50 AM
السلام عليكم ورحمة الله وبركاتهشباب الله لايهينكم انا عرضت علي سيارة امبالا
وبصراحه مادري عنها هل احد استخدمها كيف وضعها وكيف استخدامها وهل هي تستهال اللي يشتريها ويقتنيها على العلم انها 6 سنلدر وبصراحه خايف من البنزين خبركم فيه غالي مره
ابي احد جرب السياره يعطيني رايه فيها هل هي افضل ولا كامري ولا اكورد