رسالة اخوية للبنت السعوديه

والله البنات السعوديات اللي معنا في الجامعه معنا محتشمات ومحافظات على الحجاب رغم نظرة الاستغراب من قبل الامريكان لكن انا بصراحه يسعدني اني اشوف السعوديات بهذا التحشم والعفه الله يوفقهم لما يحبه الله ويرضاه
لكن الحمدلله ماشفت العينات اللي يكشفون ويتبرجون عندنا بالاخص في المدينة اللي انا فيها

أختي الكريمة صاحبة الموضوع

جزاك الله خير على موضوعك أولا.

ثم إني بكلامي على الصورة اللي حاطتها،، والله ما قصدت إلا إن نصيحتك تكون كاملة مكملة.. ولم أقصد التنقيص منها،، فأنت خير ممن لم ينصح..

الشيء الآخر -وللتوضيح- فأتمنى إني وإياك والقارئين يحاولوا يتوصلوا للغرض والحكمة من الحجاب....

أنا اعتقادي إنها مسألة تعبدية ولحجب الفتنة بجمال المرأة عن الرجال.. وهذا الشيء حاصل بالصورة اللي إنتي حاطتها..

عشان كذا، كيف تطلبين من البنات الحجاب عشان يبعدوا عن الافتتان بهن، ومع ذلك حاطة صورة (فاتنة)؟؟؟!!!

طيب.. أبذكر قصة سريعة وأتمنى تربطوها مع النقاش في هذا الموضوع الجميل.

في إحدى المدارس وفي الطابور الصباحي وفي أثناء قراءة القرآن في الإذاعة، صاح أحد المعلمين بالطلاب: اسكتوا واسمعوا القرآن، حرام الكلام عند قراءة القرآن.. (كلام حلو..صح؟؟)

بعد شوي: جاء معلم آخر وسلم على هذا المعلم الناصح، وبدأوا في السواليف ... وهذا في أثناء قراءة القرآن، وأمام نظر الطلاب المنصوحين قبل شوي..

بالله عليكم وش بيقول الطلاب ويفكروا فيه؟؟؟!!!

أترك التعليق لكم،، والعفو والسماح من صاحبة الموضوع..

اشكرك اختي على طرح هذا الموضوع،،،

أخ مبتعث التربية اعجبني ربطك بالمثال،،،

شكرا للجميع،،،،

الله يجزاكم خير

...................




وغيرنا لكم الصوره
<<<اتمنا مافيها شي بعد الصوره -_-

الله يخليييلك امك

ويفرجلي يارب

اشكرك اختي كثير على هالموضوع
وجزاكم الله خير على غيرتكم على دينكم
في جعبتي كلام كثير ان منقبة كما انا بدولتي
والله ثم والله اني مالقى الا الاحترام من كل الشعب الامريكي القى نظرات الاستغراب في عيونهم لكن ماهمني احد انا لبسته طاعة وعبادة والله بايجرني عليه
ايام مرة علي خايفة وابكي لمن احد يقولي دينك مجنون لدرجة وحدة قالتلي انا مااحب دينك ولااحب اتكلم معك
صراحة بكيت لمن رجعت البيت ودعيت ربي بانه يرزقني الصبر والقوة والسكينة
رجعتلي هالعجوز تقولي ليه انتي تلبسينه منتي حرانة الجو مرة حر
قلتلها احنا المسلمات جميلات بالحجاب ولو بشيله ماصرت حلوة والاسلام من تعاليمه الحجاب وتغطية الوجه لحكمة بسيطة انا زي الجوهرة غالية مو كل من هب ودب شافني قالت شي جميل بس ممكن مااتزوج البنت لان محد يشوفها قلت شوفي انا واثقة ان ربي اذا حسيت بالحر بيرزقني هواء او اي شي يخفف علي الحر لان ربي يسمعني في كل وقت والبنت مكتوب في كتابها اذا بتتزوج ولا لا وشوفي بنات بلدك تلقين اللي للان ماتزوجت ماله دخل الغطاء
والله قالتلي بنتي معجبة كثير بالمسلمات تقول يعجبني حبهم الشديد لربهم وانها تاركه كل شيء يامرها فيه ربها وتطيعه وهي مبسوطة
ولا ازيد على كلام الغير لكن كوني سبب في ان غيرك تتحجب وتترك هالخوف اللي بداخلها وماتنغر بهالدنيا ناظري لربك لان هو القوي ومخلوقاته لاتساوي شيء عند قوته
احتسبي الاجر وتذكري انها عبادة وليست عادة
اسفة على الاطالة

فري دم اوف ذا لرجن !!

دائما نسمع هالكلمة بامريكا عموما!! اذا لناخذها لصالحنا مكسب..

وارجوا من اخواتنا افشاء النصيحة لاخواتهم بحكمة ومحبة واسلوب لين

اخلص واطيب التحايا الى اشرف النساء المتمسكات بدينهم

الله يوفقك اختي