مساعدة كيف أسحب 35 ألف من بطاقة الراجحي وانا في امريكا ؟؟

أنا من رأيي عط الفلوس أحد تثق فيه ... وإذا وصلت هناك إن شاء الله أفتح لك حساب وخلي أحد يحول لك هالمبلغ على حسااابك أفضل لكـ

فكرتك حلوه ...

لكن مشكلة التحويل من حساب بالسعوديه على امريكي أعرفه انه بياخذ له وقت تقريبا أسبوع ...

وش أسوي في هذا الأسبوع بدون فلوس !! يعني أحط بجيب 5 ألاف دولار احتياطاً ؟؟

اخوي خل بشجيبك الف او الفين والباقي فيزا مسبقة الدفع

الاكتفاء بالمزيد

يعني أطلع فيزا من الراجحي وأحط فيها كل المبلغ ..

طيب لو احتجت اني أسحب بعض المبلغ أقدر استخدم الفيزا في الصرافه وأسحب منها ولا هي مخصصه بس لدفع عن طريق مثلا الفنادق والمحلات العاديه ؟؟

لاتطلع فيزة ولا شيء خذ الامور ببساطة...
اولا الله يسلمك روح وخل بالبطاقة 5000 ريال و2700 دولار كاش معاك
اول ماتوصل ولايتك افتح حساب وارسله على طول لشخص تثق فيه
المهم يروح على حوالات الراجحي ويدفع 75 ريال فقط حوالات وليس البنك نفسه
المهم ثاني يوم عندك وهذي تجربتي...
بنوك امريكا عمولتها من البطاقة السعودية تتراوح من 1 الى 3 دولار فقط...

تقدر تسحبهم اخوي لكن على دفعات , والبنك راح ياخذ حقه من كل عملية راح تسحبها !!

وبخصوص التحويل , هذآ المبلغ كبير , ماهو اشوي راح ياخذون عليك عمولة كبيره حتى في التحويل
افضل تحويل بنكي ويسترون يونيون , لكن ان بتحول عن طريقه لازم يكون اسمك مطابق للآسم الي بالجواز عشان تستلمه من محل صرافة ويسترون يونيون في امريكا , وماتخلا امريكآ عن هذه الشركة ,,

خلي معك فيزا او مستر كارد واسحب وقت الحاجه مثل في المطار انتظار ولا حاجه تمشي نفسك فيها ,,
ولوصلت تقدر تتصرف باكثر من طريقة عشآن تاخذ فلوسك كاملة!
على فكره تحويلات ويسترون وينيون سريعه
يحول لك اي شخص من السعودية ويعطيك رقم العملية او الطلب ,
وتروح فروع ويسترون , وتعطيه الرقم وتعطيه اثباتك مثل الجواز , مطابق للآسم كما قلت لك لزوم يكون مثل الجواز ,
وراح يسلمك الفلوس
طبعاً رسوم ويسترون يونيون , وحده من التحويل فقط يحسمون عمولتهم !
وتقدر تفتح لك حساب لواحتجت حاجة يحولون لك عليه اهلك ,

بالتوفيق !

اهئ اهئ اهئ -_-"

كل واحد يقول طريقة مدري وش الأفضل فيهم :/

طيب لو خليت اهلي يحولون لي على حسابي عن طريق حوالات الراجحي على حسابي الامريكي اذا فتحت هناك .. كم بتكون عمولة البنك من التحويل تقريبا اذا كان المبلغ 35 ألف ريال ؟؟

تحويل الراجحي عمولة كبيره , + تآخير ياخذ اسبوع او اكثر , فمآ انصحك إلا , بحلين يابطاقة البنك وتسحب على كيفك او تخلي مبلغ بسيط في بطاقة الصراف عشان لما تحتاجه تسحبه وتشتري كم حاجة
ويحولون لك الباقي على ويسترون يونيون كامل ,

انا قرآت , رد احد الاخوآن ان ماتقدر تشيل مبلغ كبير معك في الطيارة ومادري هذآ الكلام صحيح ولا , ان كان موصحيح اخذ المبلغ معك كامل ,, ومصروف بالدولار !

شوف أخوي بعطيك نصائح من تجربه !!!؟

إذاك بالحالك ... إصرف 3500 دولار وخلها في جيبك ...
إذا وصلت أمريكا!؟ تكفيك هالفلوس وزيادة طالما إنك مبتعث ... الشئ الثاني هال 3500 بتكفيك الين تستقر امورك ... لأن مكافأة الملحقيه بتكفيك إن شاء الله ... ويمكن ما تحتاج الا 2000 دولار في البدايه عشان تستاجر شقه و و و و الخ ... وإذا كنت تبغى تسحب فلوس تقدر تسحب من محلات ول مارت Wal Mart ما يقارب 800 دولار دفعة وحدة , ولكن ترى البنك اللي تسحب منه بأمريكا يأخذ منك عموله في حدود 3 دولار بينما بنك الراجحي راح يأخذ 50 أو 60 دولار "ماني متأكد والله", و 800 هي 3000 ريال سعودي ... على العموم شوف خل فلوسك السعوديه في نفس حسابك السعودي وتوكل على الله ... ولكن فيه نقطه مهمه جداً جداً وهي كالتالي:
لازم تروح للمحكمة وتوكّل أحد من أخوانك أو أصدقائك اللي تثقك فيهم وذلك بالسحب من حسابك الشخصي في بنك الراجحي ... عشان لو لا قدر الله ضاعت صرافتك وتبغى تسحب فلوس !! تسوي تلفون بس والشخص اللي وكلته يسحب فلوس من حسابك ويرسلها لك بعد ما تفتح حساب هنا بأمريكا ^_^

على فكرة !!! وهذي أهم وأكبر فكرة !!! رح للبنك الاهلي وطلع بطاقة ماستر كارد مسبقة الدفع و حط فيها 8000 ريال سعودي ,,, وإذا ما يمديك تستلم الماستر كارد حقت الاهلي ,, رح لبنك الراجحي وطلع فيزة لأن الفيزة ببنك الراجحي تاخذ نصف ساعه فقط وحط فيها 1000 ريال

صدقني لأمور بسيطه جداً ... لا تقلق ولا تشيل هم ... بس اسمع نصائحي

تحياتي لمن يقرأ الآن