رد: بعض السعوديين في امريكــا يحسبونهم امريكـــان
ترا عادي وانا اخوك لاتاخذها في خاطرك ...
ترا فيه بعض السعوديين الله يصلحهم يخش فيك ويخش في امورك الشخصيه وينقل كلام عنك ويفضح فيك.. فعشان كذا تلاقي بعضهم مايحب يخش مع اي شخص بسرعه...
والمفروض نحن المبتعثين نكون نعرف حقوق الاخرين من ناحية التعامل يعني مانتعمق في السواليف في الخصوصيه او الحماس الزايد في الصداقه . ولازم يكون هناك احترام وتقدير بين بعض
وبالتوفيق اخوي
رد: بعض السعوديين في امريكــا يحسبونهم امريكـــان
الآية السابعة قوله تعالى : { يأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير } . [ ص: 133 ]
اما بعد
بعض السعودين نظامهم ما ادري وش يبي صراحه مانقول ان امريكا خربتهم بالعكس الغربه تصنع رجال كما هو معروف
لاكن الشرهه على اللي رباهم وعلمهم دروس الغطرسه والدلع اكثر من دروس المرجله والفزعات
وشكرا لكم
رد: بعض السعوديين في امريكــا يحسبونهم امريكـــان
شوفو شباب ليش مايسلم عليك يمكن تقول هذا مو من الناس الي تسلم الا لمن تعرفك صح يعني خويه ولا مايسلم عليك لانه فيه ناس اعرفهم كثير زي كذا واحد يقولي ودي اسلم عليهم بس اخاف مايردون او يعتبروني ودي الزق فيهم او انه يكون صدق معتبر نفسه امريكي وخلاص نسي السلام اما شغل العنصرية فاسالوني عنه حنا 5 طلاب في الكلاس وفيه 3 من جدة وواحد من الدمام وانا بس انا من عيال القبايل ولا قد عشت في مدينة وكلامي مثل مانتو عارفين فالحاصل انه اول مابدينا دراسة جو يسلمو علي الجداويين ويتكلمو معاي فلمن عرفوا اني قبلي وكذا صاروا مايتكلمون معي ابد واذا كانوا يبون يختلفون معي في رأي يكلمو المدرس يكلمني بس فيهم واحد باقي كويس معي والاخ الي من الدمام انا وياه حبايب وانا عندي خويان من جده وعاد الوضع بس الاثنين ذول منفزني ومكرهني في الفصل وسلامتكم بس حبيت اعطيكم قصة ماقبل النوم خخخخخخ
رد: بعض السعوديين في امريكــا يحسبونهم امريكـــان
عبدالرحمن العمري .. فطست ضحك وربي الله يسعدك هههههههههههههههههههههههههههههههههههههههههههههه ..
أخوي صاحب الموضوع أرجوك اجعل اخر اهتماماتك الناس < مثلي ، أحلى مافيني إني ما اهتم للناس واحب نفسي
كل واحد كل وحده كل مبتعث ومبتعثة والله العظيم تصير لهم هذي المواقف ( كلــــــــــــــــــــــــهم ) يعني مو بس انت ، وعلى الطلاب الجدد انصحهم يتابعون مثل ذي المواضيع عشان تتعلم وتعتمد على نفسك وتسوي كل شي بنفسك والله لا يحوجك لأحد ، حاجة الناس شينة
أنا الحمدلله انسان محترم واقدر الي قدامي واحط ع عيني وراسي واحبه مثل اخوي الي من لحمي ودمي والي يصيبه يصيبني مع ذلك صارت لي مواقف ( مال أمها داعي ) من سعوديين والعجب انهم كبار - اربعيني - واعيباه بس ع عقليته
يعني انت جاك يوم طارت فلوسك ع الديبوزت وسكن جديد واثاث ( شي طبيعي ) واهلك ع بال مايحولون لك الفلوس تاخذ يومين يعني رحت لفلان صديقك وقلت له ابي سلف من عندك والراتب اول ماينزل عطيتك فلوسك قال اوكي
وفعلاً اليوم الي وعدته فيه برجعة الفلوس رجعته فلوسه كاملة طيب كذا حلوين صح .. تصدقون صار يتجاهلني ؟؟؟؟؟؟؟؟ ولا يرد السلام علي ؟؟؟ زي الي يقول خلاص مابيني وبينك معرفة مابيك ياخي بلا غثة انقلع طس
ليه طيب ؟؟؟؟ عموما ماطقيت له خبر والله هههههههههههههههههههههههههه بسلامته الله يوفقه بس ليش هالتصرف عيب ياشيبة ؟؟؟
ولا الثاني مسويلك مطوع ومربيلك هذيك اللحية وبناطيله فوق الكعب وحافظ لك القرآن ماشاء الله عليه الله يزيده ، تصدقون هالإنسان مرمطني تمرمط ماشفته قبل ؟؟؟؟؟ وبدون سبب هذا وهو مطوع شي مؤسف
ويجيك واحد يسلم عليك يشوفك ثقيل ولا خفيف .. اذ شافك ثقيل يمشي وراك وان خذيت وعطيت معه سحب عليك سيفون من جد عندهم انفصام بالشخصية ههههههههههههههههههههههههههه
بس تصدق رغم هذا كله الي يحصلي وبدون سبب تدري وش اسوي ؟ والله دايم اسلم عليهم مصافحة يد بيد وكيف حالك واحوالك ودنياك وبشرني عنك ياغالي يعني عادي ماشفت هم شي الواحد ريح مخه عن التفكير بالمشاكل يعني عني انا رغم تصرفهم الأكثر من سيئ معي الا اني حاسن الظن فيهم ممكن صارت معهم ظروف او شي زي كذا .. المهم كلمة حطها بالك يا اخوي ياحبيبي خلك انسان بيرفكت وحب الكل وقابل الكل بوجه بشوش واسأل عن احوالهم لان بكرة لا مت ( بعد عمر طويل إن شاء الله ) يذكرونك بالخير ويدعون لك .. سلام عليكم
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة حياة صعيبة
في وحدة أعرفها صار لها الأن 5 شهور تقول اول يوم في المعهد تقابلنا عادي والسعوديين عادي وياهلا ومرحبا
ولما سألو انتو من وين والقبيلة طبعا هي ماجت على هواهم تقولي تغيرت النظرة وصارو مايتكلمو معايا وينظرو لها
نظرة احتقار تقولي انا نقلت من اركنساس عشان العنصرية لقيت في تكساس عنصرية بعض السعوديين واضحة جدا
يعني في عنصرية كمان في التعامل مع بعض السعوديين . . .ليه ؟؟
هههههههههه حتى في أمريكا وش قبيلتك !!
يعني مافي فايدة مخهم هذول مارااح يتصلح أبداً حتى لو نسوي لهم فورمات :)
رد: بعض السعوديين في امريكــا يحسبونهم امريكـــان
هههههههههههههههه ماعليه اولا القاء السلام سنه والرد واجب ويمكن ما يعرفون هالحكم وفيه ناس كثير من اللي اتغربوا ورجعوا رجعوا بافكار ياربي لك الحمد من جد تاثروا بالغرب
السعوددين في الخارج ذكروني بالعرب في السعوديه والاندنوسيات برضوا يكرهون بعض عندنا هههههه طبعا مو الكل فيه ناس همهم الاول خدمة الاخر والله يجعل خالص لوجهه الكريم ويجزاهم خير الجزاء
رد: بعض السعوديين في امريكــا يحسبونهم امريكـــان
أختِ حياة صعيبة .. ذكرتيني ب موقف كان عندنا نقاش كلاسي وكل واحد يتكلم عن عاداته وتقاليده انا من مدن الحجاز وفيه واحد من الرياض قال انا ضد كلامه ومش مؤيد انا من الرياض الظاهر انه ذا من قرية او ماشابه !!!
تكفى ي شيخ اقول والله محد درى عنك ياطفل الكرسي هههههههههههههههههههههههههههههههههههههههههههههههههه ه
فقط توضيح واستزادة معلومة ايام الرسول صلى الله عليه وسلم ماذكرت الرياض أو نجد بكبرها يعني فخر على وش مدري !
يثرب - مكة المكرمة = كلها مدن حجازية ومن ايام الجاهلية بعد واحنا الاصل والفصل .. just saying
رد: بعض السعوديين في امريكــا يحسبونهم امريكـــان
الله يشفي بعض الناس للاسف ..
اما انا فللاسف وجدت العكس ..
بنت كانت بتجي هنا وتدور احد يفزع لها وتسال وتدور وانا رديت عليها واضفتها بالمسن وتسال عن كل شي وارد عليها واعطيها اللي تبغى وفجاه سحبت علي ولاعاد ترد علي واسال عنها ولا ترد وبعد فتره الا هي كاتبه في المسن انها في امريكا ومبسوطه والله ياجماعه اكلمها ع المسن ماترد علي بصراحه قهرتني نسيتي كل شي انا ماني بحاجتها ومستغنيه عنها وعن خلقتها بس مااحب اللي ياخذ حاجته ويسحب ع الناس ..
الله لايبلانا مابلاهم بس يعلم الله ان الواحد مايساعد الا لحتساب الاجر مو عشان خاطر احد لكن الجحده مو زينه ..
الله يجعلنا في عون عبيده دائما وابد ويسخر لنا خيرة خلقه ..
رد: بعض السعوديين في امريكــا يحسبونهم امريكـــان
ايييييييييييه
الله لنا الله لنا
ماعليك من هالشكليات وعلى قولت ماجد المهندس
بعد ماربك انطاك علي قمت تتكبر وانا من اهل ديرتك
الي يتكبر على الناس هم دنياا تذله
الاغنية هذي ترركب عليهم ميه ميه
الله لايورينا هالشكليات
ومشكور على موضوعك ياكبتن
رد: بعض السعوديين في امريكــا يحسبونهم امريكـــان
خلونا من الي مايعطون وجه .. في ناس تطالع فيها .. تقولك وش عندك تطالع .. يلعن ابو شكلك دامك ماتبي احد يطالعك وش جايبك هنا !!!!
ولا ا ذا شافك تبتسم .. يقولك وش عندك تبتسم .. يلعن ابو شكلك دامك تحب التكشير و متعود على التكشير وش جايبك في دولة تحب الابتسامه .. يعني خلك مبتسم بس اذا شفت سعودي لا تبتسم لانها اهانه له !
الحمدلله والشكر
شكرا صاحب الموضوع
رد: بعض السعوديين في امريكــا يحسبونهم امريكـــان
كان رديت عليه لانالابتسامه صدقه
ترا هالعباره تذبحه وان لقيته كابر لان الله يايدك دامك ذكرته
رد: بعض السعوديين في امريكــا يحسبونهم امريكـــان
ممكن ممكن يكون شايف نفسو او منتا عاجبو
رد: بعض السعوديين في امريكــا يحسبونهم امريكـــان
السعوديين اغلبهم كذا ماباقول الكل علشان لا احد يهاوشني
انا معاي في الكلاس السعوديين اخلاق مافيه
الاجانب يعاملوني احسن معاملة كان من دولة عربية ولا اجنبية
بس السعوديين الي يقول ماخذها من عندهم شي والحمدلله لا عندي لقافه ولا شي وفي الكلاس مااتكلم الا وقت الاجابة
المحترمه يحتقروها على قولت الاخ عندهم انفصام في الشخصيه
رد: بعض السعوديين في امريكــا يحسبونهم امريكـــان
عندي وجهة نظر,,,,لاوالله مووجهه وحده الا وجهات نظر *وأرجو أن تتقبلوها*
1- صاحب الموضوع جاي وبكل احترام يطرح وجهة نظره ومشكله مر فيها وماتعدى ع احد بداية موضوعه.. وله الأحقيه بوضع موضوع في المنتدى ويحاور ويناقش فيه
يعني المنتدى مفتوح للجميع.....وموضوعه مافيه لافتنه طائفيه ولا يسبب مشكله.. (يعني ماله داعي اي احديقول موضوعك بلا فائده وكلام يكسر بالنفس ويسدها ووووووإلخ)
2-الشخص بغربه والنفسيه يالله ماشي حالها ويبغالها ضبط... واخونا جاي يفضفض هنا...
3-ماأجمل الرد بذوق ومنطق *والحياه حلوه والتفاهم أحلى * ...
4- من ناحية السلام صدق معظم الأعضاء الناس هنا بالسعودية تسلم ونادرا ماتلاقي الرد... ياأخي درست 16 سنة مع وحده وكنا شله5اخوات ولا أروع بعد التخرج
بشهور ولاكأنها تعرفنا ... ههههه يعني جوات السعودية وبراتها الناس وحده وهذا راجع لنفسيات ...
الناس اجناس
في ناس ماتحب تعاشر احد
في ناس وحده ونصف ساعه كذا وساعه كذا..>>*انفصام بالشخصيه*
في ناس وفاء ولا أروع وتحب الخير لغيرها مثل نفسها....
*وأجمل حل أخدم غيرك وقم بالواجب وماأمرك به دينك من سلام وخدمة الغير والنصح وغيره كثير ....- واذا صادفك تصرف ضايقك طبق المثل*
<طنش عش تنتعش>
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة Plato
وبيني وبينك انا احس انك فاضي وتلاحق السعوديين ردوا عليك ولا ماردوا عليك ،،
ياخي بعض الناس وصلت إلى امريكا وباقيه تدور ورا السعوديين ،، واللقافه ايضا ،،
عذرا ياصاحبي ،، بس موضوعك ماله فايده ،،
اختيار الكلمة الطيبة ذوق وصنعة البعض منا لايتقنها:o
و مساعداتـك الاخوية للطلاب "منـّة " لافائدة منها حين ذكرتها انفاً:(..
حين يقدر الله وفاتك فلن يصلي عليك ويدعوا لك بصلاتهم الا هؤلاء الذين يلاحقونك وقد اشغلوا بالك عن امريكا العضيمة :)،،
وعلينا ان نعلم بان ا"لامر بالمعروف والنهي عن المنكر" واجب على كل مسلم كل بمقدرته بالحكمة و الموعضة الحسنة
ونحن هنا بعضنا لبعض لنتعاون ولنرتقي بالامة ولبّ الموضوع نقول :
قال عليه الصلاة والسلام: { خمس تجب للمسلم على أخيه: رد السلام، وتشميت العاطس، وإجابة الدعوة، وعيادة المريض، وإتباع الجنائز } [رواه مسلم].
قال عليه الصلاة والسلام "لا يدخل الجنة من كان في قلبه مثقال ذرة من كبر"
اسال الله لنا ولكم التوفيق وسهل الله دروبكم لمايحب ويرضى واعانكم بدراستكم ولطف بكم بالغربة .
رد: بعض السعوديين في امريكــا يحسبونهم امريكـــان
هذول الله مبتليهم اقسم بالله قابلت واحد يقول انا باللغه حتى قران ماابي اقرا لااني ابي بس كل شي انجليزي ..هذول عينات مرضانه
رد: بعض السعوديين في امريكــا يحسبونهم امريكـــان
^
^
والله ياعزيزي حاولت اني افهم أو استنبط من كلامك الطويل كلام موجه لي أو رد علي لكن مالقيت ،، أتوقع انك اقتبست ردي للصوره فقط ،،
على العموم انا باطلع من هالموضوع لأني أعتقد ان ماله فائده ولا زلت اكرر ذلك ،،
سلّم عليك ولا ماسلّم عليك بسلامته ،،
بعدين لو يجونك ويلاحقونك في كل مكان قلت ليه السعودييه ملاقيف !
احسن شي ان الحكومه تخصص طالب سعودي واحد فقط لكل مدينه في امريكا ولا يسمحون للطلاب بزيارة المدن الاخرى عشان يعيشون السعوديين لحالهم ولا يقولون سلموا علينا ولا ان السعوديين في مدينتي ملاقيف وكفى الله المؤمنين شر القتال ،،
رد: بعض السعوديين في امريكــا يحسبونهم امريكـــان
الكلام موجه للجميع اخي الغالي لك ولـغيرك من الطلاب الاعزاء
وكلمة " ملاقيف " ويلاحقون " ترا مو طيبة ابدا
احترمك واقدرك على راسي وجهة نظرك ولكن الموضوع فيه نصح وارشاد للجميع
مو معنى اني اسلم عليك صرت "ملقوف" وغير محترم !!
مو معنى اني اردت منك مشورة او مساعدته اصبحت "الاحقك" ولست مهذب !!
المسلمين كـ الجسد الواحد اذا اشتكى منه عضوا تداعى له باقي الجسد بالسهر و الحمى .... او كما قال الرسول اللهم صلي وسلم عليه
ولاننسى "الدين النصيحة"
تقبلني عزيزي ،،
رد: بعض السعوديين في امريكــا يحسبونهم امريكـــان
ف الكلاس ،، عرفت السعودي اللي يسلك لي واللي يمشي معاي ونيته صافيه
والان فرقت بين اللي يكلمني من طرف خشمه واللي يتنحش مني واللي يتقرب مني
ف انا ولله الحمد ابتسامتي على محياي دائماً ومحبوب ،،
صحيح فيه نوعيه سيئه جداً جداً
وهو ذاك الشخص اللي سلمت عليه قبل اسبوع ونص يمكن لاني مريت من جنبه وانا متعود اسلم ،،
وقبل يومين كنت امشي حول المعهد مع بنت ،، ف قابلته بعد البريك جاء ناداني ( هيه هيه ) مع انه ما يعرف اسمي قال بتغدى معاك قلت حياك الله وانا انبسطت صراحه قلت يالله مشينا
فقال طيب المزه اللي معاك تنتظرك < عاد البنت هذه اول مره اقابلها
والله وقفت اناظر له مدري وش ارد عليه صراحه ، بغيت اقول وش هالميانه حتى اسمي ماتعرفه ههههههااي ، والحمد لله جاء صاحبي واخذني ومشيت وانا انقهرت منه
ومع هذا تغديت معه :S
الحمد لله الان صرت استقبل بعض الطلاب اللي جايين من المملكه واضبطهم هنا قبل لا يطلعون لولايتهم
من احسن الشرائح و واحسن الاماكن للتمشيه و اوديهم الاسواق ونمر البنك ونفتح حسابات ،، وكل هذا لوجه الله ،، نبتغي الاجر
مع العلم فقط لي شهرين ف امريكا ف بديت اعرف كيف اسنع نفسي
اما بخصوص السلام
فرده واجب ،، لاكن الخوف بعد رد السلام بفتره
كل شي عادي اسنع الشباب واخلص اوراقهم واضبطهم ( يعني شي خيري ) اما اللي يسئلني عن الكلوبات وهالاشياء ف والله ان اقل شي يستاهله تعطيه ظهرك وتمشي
رد: بعض السعوديين في امريكــا يحسبونهم امريكـــان
يارب يطيح بيدي واحد من هالأشكال وربي لأخليـــــه يتمنى أنه رد السلام علي ......
البنقالية بالسعودية يسااااعدون بعض .. وحنا أعوذ بالله أعداء بعض في الخارج
يا أخي مالك إلا ولد ديرتك وبغض النظر عن نوع االمساعدة (( معنوية - مادية )) ولد ديرتي ويستااااااهل ومو طالع لأمريكا عباااااطة
رد: بعض السعوديين في امريكــا يحسبونهم امريكـــان
صدقتي ديما ياشين الجحده ولا تحصلينه وقت الحاجة مررررة اسلوب ماشاء الله عليه او عليها وبرستيج وحركات يوم ياخذ حاجته مرة لا له حس ولا خبر ههههههههههههههههههههه
برضه بتكلم عن السعوديات .. هو بشكل عام والله المتزوجين اخلاقهم ( اوكـــــــــــي ) ومحترمين وناس ذوق سواء الرجال منهم ولا البنات .. يعني قابلت كم سعودية الله يصلحها مسوية دنيا عبدالعزيز ولا ذيك مسوية ميغان فوكس ع غفلة ولا اشوريا خان الله يهديها بس المدرس حطنا مع بعض اشوفها ساكتة ومكشرة ياويلي بتاكلني وش سويت انا طيب ؟ هههههههههههههههههههههههههههههههه ليه انتم كذا تكفون عدلوا اخلاقكم.
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة خربز ب حليب
صدقتي ديما ياشين الجحده ولا تحصلينه وقت الحاجة مررررة اسلوب ماشاء الله عليه او عليها وبرستيج وحركات يوم ياخذ حاجته مرة لا له حس ولا خبر ههههههههههههههههههههه
برضه بتكلم عن السعوديات .. هو بشكل عام والله المتزوجين اخلاقهم ( اوكـــــــــــي ) ومحترمين وناس ذوق سواء الرجال منهم ولا البنات .. يعني قابلت كم سعودية الله يصلحها مسوية دنيا عبدالعزيز ولا ذيك مسوية ميغان فوكس ع غفلة ولا اشوريا خان الله يهديها بس المدرس حطنا مع بعض اشوفها ساكتة ومكشرة ياويلي بتاكلني وش سويت انا طيب ؟ هههههههههههههههههههههههههههههههه ليه انتم كذا تكفون عدلوا اخلاقكم.
اخي بالنسبه للتكشيره فهي معي والله ..
بس ووالله ياخي وبدون زعل او عصبيه من احد الشباب السعوديين , انتم مو متعودين تكلمون البنات ولو البنت تكلمت معهم وضحكت معاهم حتى لو باادب ينظرون لها نظره مو حلوه ويعتبرونها ماش ..
فالتكشيره والله ليست سوى احترام للذات وحفظ لها من سلاعة البعض من شبابنا الكرام ..
طبعا انا مااويد الضحك والتمسخر سواء مع السعودي او غيره لكن انا اتكلم عن الكلام العام والسواليف العامه ..