-
بعض السعوديين في امريكــا يحسبونهم امريكـــان
اخـــواني المبتعثين ..
اولا الــسلام عليكم ورحمة الله وبركــاته ..
ثــانيـــا احترامي لكم جميعــا مبتعث ومرافق ..
ثــالثــا لايجي واحد مطفي النور ويعصب علي...... انا صار لي موقف ضايقني وحاب اناقشكم فيه ...
انــا انهيت ولله الحمد فترة اللغة وانتقلت لمدينة جديدة لدراسة الجامعه.
والحمد لله ماتعبت بامور السكن لاني عرفت ان النت ينهي لك نص امورك والا تحتاج بعد الله لاحد .
ولكن مثل ما جميعنا نعرف السعودي الجديد في اي مدينة يفتقد لكثير امور و يحتاج لمعرفة احد الاخوان ينصحه ولو بامور بسيطه ...
الحاصل اخواني :
الاخوان هنا تواصلت مع بعضهم عن طريق موقع مبتعث وقابلتهم والله يشهد انهم ماقصروووووا معي ..
ولكـــن صار لي موقفين ابغى رايكم فيهــــا :
1) الاول : احد الاخوان امس في الشارع سعودي ويعرف اني سعودي مر من جنبي ماسلم ... " ماهي مشكلة هذا نعتبره امريكي عايش في المدينة قبلي ويحق له يتكبر خلونــا نشوف اللي بعده " .
2) الثاني : ساكن معي في نفس المجمع ... يعرف اني سعودي لانه شافني في المسجد وسلم علي .... كــان خلفي يمشي وطالعت فيه وقلت السلام عليكم ... ليته مارد اقول عادي ماسمع ...... " التفت الاخ وراه زي اللي يقول كيف يسلم علي هذا وهو مايعرفني ...
هذا النموذجين ياخوان وش يحسون فيه؟
مــسوين فيها انهم امريكان ومابيحتكون مع السعوديين؟
والا على بالهم ان السعودي بيلصق فيهم ويغثهم؟
طيب السلام ليه مايردونه ؟
والاهم :
ليش بعض قليلين الاصل من السعوديين يتهربون من السعودي الجديد بمدينتهم؟
انــا احمد الله اني اخذت اللغة في المدينة الاولى وعرفت ادبر اموري والا كــان رحت " عشاء ليل على قول الوالد "...
اخـــيرا :
نصيحة لــوجه الله ..
لا تتكبر على مــسلم وتسوي نفسك امريكي .... ترى مالك الا ولد ديرتكــ .....
-
رد: بعض السعوديين في امريكــا يحسبونهم امريكـــان
هذولا طال عمـركـ .. ما يبــغون يردون عليك السلام .. يخـآفون لا يخرب براكتس اللغة حقتهم .. يعني لو رد عليك السلام .. طارت الـ 13 كلمة الانجليزية الي حفظها في اليوم !!
فعلا .. انا اشاركـكـ الرأي والفكــرة .. واتفق معكـ تماما ان هناك عيّنات لا ادري كيف اوصفهم .. هل ضعآف شخصيّة .. ان انهم مبتلون بمرض التوحد .. ان انهم هكذا من ( حالهم في شانهم ) ..
بس ما ننسى ان فيه رجال كفوو يخدمون اخوانهم واخواتهم لوجه الله سبحانه ..
..
-
رد: بعض السعوديين في امريكــا يحسبونهم امريكـــان
ترى مالك الا ولد ديرتك<خلاصة الموضوع
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة عبدالرحمن العمري
هذولا طال عمـركـ .. ما يبــغون يردون عليك السلام .. يخـآفون لا يخرب براكتس اللغة حقتهم .. يعني لو رد عليك السلام .. طارح الـ 13 كلمة الانجليزية الي حفظها في اليوم !!
فعلا .. انا اشاركـكـ الرأي والفكــرة .. واتفق معكـ تماما ان هناك عيّنات لا ادري كيف اوصفهم .. هل ضعآف شخصيّة .. ان انهم مبتلون بمرض التوحد .. ان انهم هكذا من ( حالهم في شانهم ) ..
بس ما ننسى ان فيه رجال كفوو يخدمون اخوانهم واخواتهم لوجه الله سبحانه ..
..
هلا والله ياعبدالرحمن ....
السالفه لو ســالفة براكتس تهووووون ...
ولو سالفة تــــوحد تهووووووووووووووون ...
لكن ذولا جالسين مع السعوديين 24 ســــاعة ..... لكن انت جديد مايردون عليك السلام ههههههههههههههههههههه
-
رد: بعض السعوديين في امريكــا يحسبونهم امريكـــان
هآدآ مرض بس صدقوني سهل علآجو أدي لو كلمتين لهآ وزنهآ تصيب على مخو مآتطلع.
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة الاكتفاء بالمزيد
ترى مالك الا ولد ديرتك<خلاصة الموضوع
عظيم الشكر لروحك اخوي ...
ليتهم يفهموووووووون .
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة really&great
هآدآ مرض بس صدقوني سهل علآجو أدي لو كلمتين لهآ وزنهآ تصيب على مخو مآتطلع.
هلا اخوووي ..
لا ادي لووووو والا يــــدي لي ...
لــكن هالاشكال واضح ان بها مشاكل في التفكير .... اما انهم يشوفون نفسهم افضل من غيرهم لانهم يعرفون الطرق في المدينه ..... او انهم ماهم كووووويسين ....
مشكور عالمرور يالغالي .
-
رد: بعض السعوديين في امريكــا يحسبونهم امريكـــان
السلام عليكم ..
انا والله باقي ماسافرت ويارب ما نشوف هالاشكال....الله يهديهم بس ...
-
رد: بعض السعوديين في امريكــا يحسبونهم امريكـــان
يمكن يقول هذا جديد وبيغثني ومايبي يساعد احد .
لو هو يتذكر اول ايامه بامريكا كيف يبي احد يساعده ويمشي اموره ... مع انه سلام ، رد السلام وخلصنا ...
لكن الله يهديهم وربي ييسر امورنا .
-
رد: بعض السعوديين في امريكــا يحسبونهم امريكـــان
في وحدة أعرفها صار لها الأن 5 شهور تقول اول يوم في المعهد تقابلنا عادي والسعوديين عادي وياهلا ومرحبا
ولما سألو انتو من وين والقبيلة طبعا هي ماجت على هواهم تقولي تغيرت النظرة وصارو مايتكلمو معايا وينظرو لها
نظرة احتقار تقولي انا نقلت من اركنساس عشان العنصرية لقيت في تكساس عنصرية بعض السعوديين واضحة جدا
يعني في عنصرية كمان في التعامل مع بعض السعوديين . . .ليه ؟؟
-
رد: بعض السعوديين في امريكــا يحسبونهم امريكـــان
الله يذكرك بالخير ذكرتني بواحد مسوي نفسه امريكي ونص
مربي شعرة وملابس الله لايوريك ولا يعرف الا (واتس اب) له عشره شهور بامريكا وباقي ليفيل 2
كنت اشوفة كل يوم الله يستر علية ملقوف شوي ويطيح يوم بيد 2 سكارى وهاتك تكفيخ اليوم الثاني لقيته تقوم منفوخ وجهه على قولة المصريين ( كاوتش)
بعدها الرجال هجد وعرف ان الله حق ورجع لربعه يسولف ويتكلم
طيب من الاول يالكحلي
( عموما الزبدة كل واحد حر لكن ماتصير لهذه الدرجة اشوف سعوديين ولا اكلمهم انا شفتهم على الخط في يوتا ونزلنا وسلمنا عليهم خل عاد معي ولا اكلمهم
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة حياة صعيبة
في وحدة أعرفها صار لها الأن 5 شهور تقول اول يوم في المعهد تقابلنا عادي والسعوديين عادي وياهلا ومرحبا
ولما سألو انتو من وين والقبيلة طبعا هي ماجت على هواهم تقولي تغيرت النظرة وصارو مايتكلمو معايا وينظرو لها
نظرة احتقار تقولي انا نقلت من اركنساس عشان العنصرية لقيت في تكساس عنصرية بعض السعوديين واضحة جدا
يعني في عنصرية كمان في التعامل مع بعض السعوديين . . .ليه ؟؟
عنصرية قبايل عاد!!!ويسالون من اول يوم!كان انتظرو التعريف بالنفس بالكلاس من باب الذوق يعني!!
اصلا المفروض من لما سالو وش قبيلتك قامت حتى لو انها من اعرق القبايل
-
رد: بعض السعوديين في امريكــا يحسبونهم امريكـــان
وش نظامهم وش يحسون فيه
من جد لو شفنا الجنسيات الثانيه ادا كانوا بالغربه تلاقيهم قلوبهم ع بعض عندك مثال الهنود والمصاريه ...... والخ
تلاقي الواحد يخاف ع الثاني ...
وهذا مايرد السلام سلامااااات .... كان قلت له رد السلام واجب قسما تلاقيه يلقط وجه ..
ان شاء الله ما اقابل هالاشكال
استغفرالله العظيم واتوب اليه
-
رد: بعض السعوديين في امريكــا يحسبونهم امريكـــان
كل جهه تسب الثانيه .
ابو سعوود ههههههههه
الامراض لاقينها قدامنا .. بس الحمدلله شباب المدينه اللي انا فيها رجاجيل مو ذكور .
عاد لا تدقق يا صاحب الموضوع .. خلك بحالك .
حاولوا تتعودون على الحريه الشخصيه . افزع لك ما افزع لك ارد عليك ما ارد عليك شي راجع لي .
لا تحسب ان كل الاوادم مثل بعض .
لا تبعد برى هنا بالمنتدى واحد سب قبيلتي ههههههههه وما يدري اني منها عاد هو يبغى مصلحه يعني متى ما بغوا منك شي طال عمرك صاروا
حلوين معاك *_^
شعب متناقض .
اسحب على ابو سعوود وخلك بدراستك .. والله لا يحدنا على احد
واللي يقول ما لك الا ولد ديرتك ما اعتقد انه ضروري هالمثل .. وشبعنا امثال مغبره
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة اكرون
كل جهه تسب الثانيه .
ابو سعوود ههههههههه
الامراض لاقينها قدامنا .. بس الحمدلله شباب المدينه اللي انا فيها رجاجيل مو ذكور .
عاد لا تدقق يا صاحب الموضوع .. خلك بحالك .
حاولوا تتعودون على الحريه الشخصيه . افزع لك ما افزع لك ارد عليك ما ارد عليك شي راجع لي .
لا تحسب ان كل الاوادم مثل بعض .
لا تبعد برى هنا بالمنتدى واحد سب قبيلتي ههههههههه وما يدري اني منها عاد هو يبغى مصلحه يعني متى ما بغوا منك شي طال عمرك صاروا
حلوين معاك *_^
شعب متناقض .
اسحب على ابو سعوود وخلك بدراستك .. والله لا يحدنا على احد
واللي يقول ما لك الا ولد ديرتك ما اعتقد انه ضروري هالمثل .. وشبعنا امثال مغبره
اخــوي الفاضل ..
اولا حيــاك الله ..
ثانيـــا : انا ماتكلمت عن حرية شخصية والا طــالبت هالاشكال بشي ..
السلام رده واجب امــا السوالف والفزعات ماهي بواجب ...
ثالثا : اسحب على ابو سعود !!!!
ياخي احنــا بغربه .
احد الاخوان قبل فترة جاته ازمه صحية وتنوم بالمستشفى 4 ايام ماوقف معه الا السعوديين .
تخيل نفسك في محله من بيوقف جنبك وانت بغربه .
انــا ماقول اسحب على دراستك واجلس مع السعوديين وطلع مع السعوديين ..
انـــا اقوووووووول سلااااااااااااااام الله رده ...
موفق اخووووي والله يعطيك العافيه...
-
رد: بعض السعوديين في امريكــا يحسبونهم امريكـــان
سم يا خوي تراي أنا اللي ناظرت فيك ولا رديت السلام ..فيه شي وش تبي؟
يا خوي وش أسوي وجهك موب زين ويجيب المرض؟؟
هههههههههههه.. دعابة وأمزح معاك ..
والله وأنا أخوك هذولا ناس عايشين في وهم التطور ووهم التقدم وممكن يتخلى عن أشياء أهم من رد السلام بحجة " الى متى التخلف!!" وهو في الاصل شخص مسكين وضعيف وعنده نقص ويحاول يعوض هالنقص ويضحك على نفسه ويرفع من نفسه باسم التطور والتقدم " الشاااااطح" .. عندنا مشكلة التقليد هذي ما أدري الى متى ..للاسف البعض من السعوديين يفقد شخصيته بسهولة .. وممكن يتخلى عن بعض أمور دينه في سبيل أن ينتحل شخصية الانسان الراقي المتطور, وليته تطور على سنع !!
تحياتي لك..
الله يهدي شبابنا وبناتنا يا رب
-
رد: بعض السعوديين في امريكــا يحسبونهم امريكـــان
اخوي الله يسلمك ..... كل أناء بمافية ينضح .... وش تبي من هذي الاشكال و الي اقلها مايرد السلام هذااااا مافية خير
وطبعا انا برد الى الاخت الي ذكرت العنصرية بنفس الكلام
لاكن اتمنى منك اخي الكريم ان مايعدونك و ساعد الناس و وقف معاهم ولاتنسى ان تحتسب الاجر عند ربك
بنسبة لعذي الاشكال الله لا يعرفنا عليهم مو كفاية هم عندنا بالسعودية لا ولحقينا بامريكا
-
رد: بعض السعوديين في امريكــا يحسبونهم امريكـــان
مرحبا اخوي والله انك صدقت انا لسا جديد بامريكا لكن يوم كنت في كندا ياشيخ يتضاربو بيناتهم اخر الليل وتسلم ماحد يرد يعني تحس ان لو تسلم علي امريكي اقل شي راح يقولك وس اب
ام السعوديين مايردون البعض منهم وليس الجميع
لكن هذه النوعيات تعاني من انفصام بالشخصيه انه خلاص في امريكا وعارف لك كلمتين سوي حاله الامريكي
بالتوفيق ووسع صدرك
-
رد: بعض السعوديين في امريكــا يحسبونهم امريكـــان
بهذي الحركة اللي سواها معك
لا تقله شي بس قله "شكرا لانك وفرت علي اكتشاف شخصيتك" وروح بحالك
-
رد: بعض السعوديين في امريكــا يحسبونهم امريكـــان
هههههههههههههههههههههههااي
ذكرتني اول يوم بالمعهد مريت من جنب شلة شباب وسلمت عليهم يمكن رد واحد من بينهم وفي قلبه هههههههههااي الباقين ساحبين
وصلت للاستقبال عشان اقدم اوراقي واضبط عمدي ف ما ادري شقول ، ف فريت داخل المعهد ادور سعودي عشان ينبهني وش اسوي في المعهد ومشكور والوجه من الوجه ابيض
كل ما امر بين السعوديين وانا اناظر لهم ادور واحد يبتسم شي ب اسئله كيف انزل اوراقي وضاربين ثقل
ادور ادور ماحصلت ، قلت مافيه الا برد وجهك ي حسين و اشوف واحد بعيد وقمت اآشر له واجيه قلت يابوي انا جديد هنا وعلمني بس وين اروح
قال الحمد لله على السلامه ، متى الوصول ونسولف لين ماوصلنا للاستقبال ويكلمهم لي ويضبط اوراقي وقال اي شي تحتاجه انا حاضر
من بعد ما اخذت اختبار تحديد المستوى وانا امر من بين السعوديين يعني خلاص صرت منهم بضرب ثقل من المطاحيس اللي يقالي اني في المستوى السادس او العاشر ما ابياحتك مع الجدد واقروش مخي
عقب شهر جو طلاب سعوديين وقفت معهم ولله الحمد ونيتي صافيه
عسى ربي يجززانا الف خير
اما اللي مايسلم هذا اغسل يدك منه دور اللي وجهه بشوش وسلم عليه هع
-
رد: بعض السعوديين في امريكــا يحسبونهم امريكـــان
انا لي تعليق على موضوعك اخي العزيز
من ناحية انك تسلم عليه ولا يرد عليك السلام ،، انا متفهم نقطتك و معك في انه غلطان ما رد عليك السلام ولكن يا اخي العزيز هل في السعوديه تسلم على كل من يمر قدامك؟ بالتأكيد لا!
من ناحيتي الشخصيه ، لمن سعودي ما اعرفه و يسلم علي ارد عليه السلام و لكن بخاطري اقول ان شاء الله ما يكلمني لاني ما ابي اتعرف على سعوديين كثير. هذا كل مافي الموضوع
و بالنسبه للطلاب الجدد انا اساعدهم اذا طلبوا مني حاجه لكن ما اجي و اتعرف عليهم عشان ما اتورط بعدين. و ممكن احصل اسئله من بعض الاعضاء يقولون اول ما جيت كندا انت كنت محتاجهم و و و . كلامكم صحيح يا اخوان لكن مو كل سعودي احتاج غيره في تدبير امور حياته في البدايه. شخصيا، الحمدلله ما احتجت لاي فرد سعودي للمساعده و لغتي الانجليزيه كانت ممتازه و لله الحمد.
و بالتوفيق لنا جميعا،،
-
رد: بعض السعوديين في امريكــا يحسبونهم امريكـــان
وبيني وبينك انا احس انك فاضي وتلاحق السعوديين ردوا عليك ولا ماردوا عليك ،،
ياخي بعض الناس وصلت إلى امريكا وباقيه تدور ورا السعوديين ،، واللقافه ايضا ،،
عذرا ياصاحبي ،، بس موضوعك ماله فايده ،،
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة Plato
وبيني وبينك انا احس انك فاضي وتلاحق السعوديين ردوا عليك ولا ماردوا عليك ،،
ياخي بعض الناس وصلت إلى امريكا وباقيه تدور ورا السعوديين ،، واللقافه ايضا ،،
عذرا ياصاحبي ،، بس موضوعك ماله فايده ،،
يفضل لو بقيت ساكتاً
الرجل يناقش قضيه وانت ترد عليه زي كذا
..
سبحان الله اللي لغته قويه " يسحب على السعوديين اول مايجي لامريكاً مثلاً
واللي محتاج مساعده اخويه قبل ماتكون صداقه او مساعده فقط ووجه من الوجه ابيض
يتلحط ويتجربع وينقهر من هالعينات ومايفكر الا مين اللي بيحسسني انه اخوي ويساعدني دون ان يبان في وجهه انه انكب معي
ذكرتني مره نشبت لسعودي انه يفزع لي بشغله ، حسيت انه ماوده واني نكبته ، لاكن ولله الحمد ماراح الا وخلصت مشكلتي
-
رد: بعض السعوديين في امريكــا يحسبونهم امريكـــان
ماقوووول الا انهم ناس مريضه بجد وللاسف كثير منهم لاسافرو هناك نسوا دينهم وعاداتهم واخلاقهم اللي تربو عليها
الله يعينك ياخوي على هالاشكال وان شاء الله ماتحتاج لهم ولا يوم من الايام
يعني معقوله سعودي او سعوديه برااشوفهم ولا اسلم عليهم او ماساعدهم بشي
وش بقى اجل
الناس للناس والكل بالله ....... والسلام سنه ورده واجب
>>>جاري ابتعاثي لامريكا في المرحلة السابعه ماستررر >>>دعواااااااااتكم لي :)
وان شاء الله ماقابل هالفئه من الناس ياخوي:D
-
رد: بعض السعوديين في امريكــا يحسبونهم امريكـــان
توني كنت راح انزل موضوع بس سبقتني من جد وش يحسون فية السلام لله
وخاصة ىالقدامة يشوفك يقول في نفسة هذا يبي اشياء كثيرة ويحسبك راح تتلصق فية رغم الحمدلله مبتعث والانترنت ماهو مقصر وجزاهم الله خير
رغم اني متاكد انهم الي سبقونا اتخذو كل معلوماتهم من مبتعث ولما اشتاد ساعدهم رماني ,,دخلة قوية
-
رد: بعض السعوديين في امريكــا يحسبونهم امريكـــان
أنا من رأيي أشوف أن بعض السعوديين هنا صاروا تسلم علينا غصبن عنك بالطيب بالقوة..حتى لو كانت عندك مشاكل الدنيا..
أولاً يا أخي لازم تفهم أن السلام سنة ورده واجب..وإفشاء السلام يفضي المحبة بين الجميع..
يعني أنا لازم أسلم على كل واحد أقابله كل ساعه في القطار ولا مطعم ولا أي مكان..أنا ودي والله لكن أحيان التفكير يكون بعيد..
الموقف الأول يخوي يمكن كان مشغول يفكر في شيء.. أنت تطالع فيه وهو يطالع فيك وعقله في وادي..
أحيان تصير معي أمر وأنسى أسلم على واحد أو مجموعة لأن بوسطن فيها كثير سعوديين..
وبعدين بالله عليك تذكر أنك كنت تسلم على كل واحد تقابله في السعوديه.. حتى الطلاب في الحرم الجامعي وهم طالعين تسلم 24 ساعه..
حتى هنا بعض العرب أشوف بعض السعوديين يتجنبون الهرج معهم ولهم عذرهم عاد..
لازم تفهم أن مش كل واحد مر من جنبك ما سلم عليك متكبر عليك..
أما الموقف الثاني فهذا رده يدل على أخلاقه وتربية..
وبالتوفيق ياحبيبي وإن شاء الله أشوفك عشان نسلم سوياً على بعض :D
-
رد: بعض السعوديين في امريكــا يحسبونهم امريكـــان
اشكــر كـــل من رد آخواني الافاضل ..
ولكن ... لي ملاحظه على بعض الردود ..
في عدد من المواضيع ليس موضوعي فقط اشاهد رد يقول " موضوعك عديم الفائده " ومن هالكلام .
سبحان الله .
ياخي لاتفتح الموضوع طالما انك تبحث عن شي يفيدك شخصيا.
انا هنا طرحت موضوع للنقاش لا سمع راي الغالبيه حتى اعرف ماهي وجهات النظر ..
تمنيت اسمع وجهات النظر حتى نفهم ماهي توجهات الاغلبيه ..
آطرح رايك ياخي باحترام وحتى لو تشوف ان وجهة نظري خاطئه 100 % ضع وجهة نظرك والله يستر عليك ..
ولكن ....... لا تتعرض لشخصي او تتدخل بما لا يعنيك فالسب من خلف الشاشات والتلفظ بما يبدو لكن انه رجوله ليس من اخلاق الرجال ...
نــحن هنـــا نسمع للاراء جميعها الصح والخطاء حتى نستفيد ويستفيد القادمون من بعدنـــا ...
اهــلا وسهلا بالجميع والله يوفقكم جميعا للخير.
-
رد: بعض السعوديين في امريكــا يحسبونهم امريكـــان
اخوي انا والله نفس الشعور ورديت فوق لكن حبيت ارد علي الاي يقول حريه انا عارف كل شخص حر ويسوي الاي يبي لكن ياخي رد السلام واجب
وماتوصل الي هذه الدرجه وبعدين العنصريه ياخي الشعب البريطاني مو عنصري اكثر من السعوديه صدق الاي قال ذا الكلام
يعني اقل شي هم مو مسلمين لكن عنصريين علي العرب والمسلمين
ام احناء السعوديين فالبعض عنصري علي ابن بلده والمسلم وانا اقصد بكلامي هذا البعض ماهو الكل
مشكور ياصاحب الموضوع والله يعطيك علي قد نيتك واهنيك علي غيرتك
-
رد: بعض السعوديين في امريكــا يحسبونهم امريكـــان
الحمدلله على كل حااال
والله البارح كنت اسولف مع واحد اجنبي هنا في امريكا .. ابي امارس اللغه .. مع اني اجيب العيد
والله العظيم انه يحذرني من السعوديين .. يقول بينهم عداوه وحسد وبغضاء ومشاكل ... تشوفهم قروباات بس النار بينهم
قسم بالله حقدت عليه هههههههه .. بس فعلا انا في مدينة الله لايوريك فيها من هالسعوديين .. وربي يكرهونك عمرك .. تحس انك جاي تاكل من فلوسهم .. وتشوف الحسد بينهم والحقد والمشاكل ..
انا الحمدلله اجامل فيهم ... مع ان ثاني اسبوع في كلاس اللسننق والسبيكنق .. احاول اتكلم مع الاستاذ .. وطبعا بحكم اني جديد في امريكا .. ويطير في وجهي سعودي لابس شورت والشعر كدش والهيدفوون في اذنه والبلاك بيري في يده ههههه شكله حفله ... استغفرالله .. المهم يقول لي انت ياخوي .. لاتتلكم بليييز .. لغتك والله مكسره ولاتعرف تتكلم .. لاتقروشنا وتضيع الوقت بالكلاااس
انا سكت ولارديت عليه .. قلت ابشر .. بحكم اني ماعرف احد بالمدينه ولا بالكلاااس وهم من فتره مجوديين <--- طبعا الاحرااااج
طبعا على موضوعك السلااام ورده .. الحمدلله جاري صيني .. المهم صار بيني وبينهم السلام عليكم .. وعليكم السلاام ( طبعا قال علمني عربي .. قلت هذا اول كلام عربي لازم تعرفه وكل ماتشوف عربي مسلم او اجنبي مسلم قول له السلام عليكم )
ماقول غير الله يكتب لنا الي فييه الخيررر ويوفقنا ان شاء الله
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة speak
يفضل لو بقيت ساكتاً
الرجل يناقش قضيه وانت ترد عليه زي كذا
..
سبحان الله اللي لغته قويه " يسحب على السعوديين اول مايجي لامريكاً مثلاً
واللي محتاج مساعده اخويه قبل ماتكون صداقه او مساعده فقط ووجه من الوجه ابيض
يتلحط ويتجربع وينقهر من هالعينات ومايفكر الا مين اللي بيحسسني انه اخوي ويساعدني دون ان يبان في وجهه انه انكب معي
ذكرتني مره نشبت لسعودي انه يفزع لي بشغله ، حسيت انه ماوده واني نكبته ، لاكن ولله الحمد ماراح الا وخلصت مشكلتي
إذا كنت تقصدني بكلامك ،، أنظر الى مشاركاتي ،، وانظر الى ملتقى امريكا للإستفسارات اغلب الردود تكون ردودي ،،
عزيزي بغض النظر عن كلامك ،،
شيء عجيب فعلاً ،،
الحين اغلب اللي تبي تروح لأمريكا تلقاه أول شرط يقول ابي ديره مافيها سعوديين ،، واذا راح قال ليه السعوديين متكبرين ،، وحتى لو راح لمدينه مافيها الا هو قال ياخي والله نفسيه قاعد لحالي بين هالأمريكان ابي سعودي اتكلم معه !
يعني بالعربي ،، ماعرفنا لكم ،، وانا سبق قلتها ولازلت اقولها أحنا شعب مــــتــــــذمــــر مايعجبنا العجب ولا الصيام في رجب ،، نبي كل شي على كيفنا ،، وأي واحد عنده وجهة نظر لازم يمشيها غصب ويقنع الطرف الثاني بالقوه!
طيب حتى لو ماسلموا عليك او تثاقلوا ،،
انا اذكر قصه ،،
اول ماوصلت لمدينتي وفي الجامعه لقيت 2 سعوديين في مواقف السيارات ،، سلمت عليهم ولا ردوا ،، وقمت سحبت عليهم وقلت هذولا مو كفو احد يسلم عليهم وسكت ،، ومشيت ولا زلت اكرههم وكل ماشوفهم اسحب عليهم ،،
لكن بعد مده ،، تعرفت عليهم عن قرب وعرفت أنهم من افضل السعوديين في المدينه والآن هم من اصدقائي المقربين هنا ،،
اضف الى ذلك ،، قليل جدا جدا اللي تسلم عليه ومايرد قلييييييييل وبقوه ،، ولكن ان نتحدث عن اقليات ونترك الغالبيه بذلك نشوه صورة الغالبيه وهذا الذي لا أريده ولا نريده !
-
رد: بعض السعوديين في امريكــا يحسبونهم امريكـــان
والله ياكثرهم
خاصة شباب الكدش لادين ولا تربية
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة Plato
إذا كنت تقصدني بكلامك ،، أنظر الى مشاركاتي ،، وانظر الى ملتقى امريكا للإستفسارات اغلب الردود تكون ردودي ،،
عزيزي بغض النظر عن كلامك ،،
شيء عجيب فعلاً ،،
الحين اغلب اللي تبي تروح لأمريكا تلقاه أول شرط يقول ابي ديره مافيها سعوديين ،، واذا راح قال ليه السعوديين متكبرين ،، وحتى لو راح لمدينه مافيها الا هو قال ياخي والله نفسيه قاعد لحالي بين هالأمريكان ابي سعودي اتكلم معه !
يعني بالعربي ،، ماعرفنا لكم ،، وانا سبق قلتها ولازلت اقولها أحنا شعب مــــتــــــذمــــر مايعجبنا العجب ولا الصيام في رجب ،، نبي كل شي على كيفنا ،، وأي واحد عنده وجهة نظر لازم يمشيها غصب ويقنع الطرف الثاني بالقوه!
طيب حتى لو ماسلموا عليك او تثاقلوا ،،
انا اذكر قصه ،،
اول ماوصلت لمدينتي وفي الجامعه لقيت 2 سعوديين في مواقف السيارات ،، سلمت عليهم ولا ردوا ،، وقمت سحبت عليهم وقلت هذولا مو كفو احد يسلم عليهم وسكت ،، ومشيت ولا زلت اكرههم وكل ماشوفهم اسحب عليهم ،،
لكن بعد مده ،، تعرفت عليهم عن قرب وعرفت أنهم من افضل السعوديين في المدينه والآن هم من اصدقائي المقربين هنا ،،
اضف الى ذلك ،، قليل جدا جدا اللي تسلم عليه ومايرد قلييييييييل وبقوه ،، ولكن ان نتحدث عن اقليات ونترك الغالبيه بذلك نشوه صورة الغالبيه وهذا الذي لا أريده ولا نريده !
اخــوي الفاضل ..
تقبل ردي عليك بصدر رحب وضع في بالك اني لا اعلم عنك الا اسمك المستعار والا اكن لك حقد والا عداوة ..
ولكن مريت على موضوعين اليوم ووجدت ردك عليهم " موضوع ماله فائده " !!
ياخي الكريم اخوانك وضعوا مايهمهم ومايشعرون فيه .
من الصعب ان يكون كل موضوع يهم جميع الطلاب ..
ولكن ياخي الفاضل مثل هالردود تثير المشاكل .
من ناحية مثالك واللي صار مع هالسعوديين الاثنين ..
انا ياخي لو كنت محلك ماعاد عطيتهم وجه ..
لان هالاثنين تصرفهم معك يدل على ان تعاملهم واخلاقهم سئية .
تعامل الشخص مع غيرك سيكون هو تعامله معك بيوم من الايام ..
عموما اخوي انا ذكرت في اول الموضوع ان الغالبيه ماقصروووا معي واثنين بس اللي تصرفوا هالتصرف الشـــاذ ,,,
وفقك الله ووفق الجميع للخير ..
-
رد: بعض السعوديين في امريكــا يحسبونهم امريكـــان
^
^
عزيزي ولد ابوهـ
الموضوعين بصدق لا ارى فيها فائده لاسيما ان اغلب متصفحي المنتدى من الباقين في السعوديه وهذي ماتزيدهم الا تشاؤم وخوف ولاتمت بالحقيقه بشكل كبير ولاتمثل الواقع ابدا ،، فمتصفحي المنتدى الي سبق واخبرتك عن وضعهم باللغه العاميه (بيلقونها من وين ولا من وين) ناس تحذر من السود ،، وناس تحذر من المجرمين ،، وناس تحذر من بعض السعوديين ،، كيف ستكون وجهة نظرهم وموقفهم ،، الله لايضعني بمواقفهم ،،
-
رد: بعض السعوديين في امريكــا يحسبونهم امريكـــان
بكذا خوفتوني من عنصرية اهلنا ضد بعضنا
وانا ادعي يارب الاقي سعودين مو لاجل يخدموني ولا انشب لهم لاجلللل احس اني بين اهلي وارتاح واااطمئن
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة 996
الحمدلله على كل حااال
والله البارح كنت اسولف مع واحد اجنبي هنا في امريكا .. ابي امارس اللغه .. مع اني اجيب العيد
والله العظيم انه يحذرني من السعوديين .. يقول بينهم عداوه وحسد وبغضاء ومشاكل ... تشوفهم قروباات بس النار بينهم
قسم بالله حقدت عليه هههههههه .. بس فعلا انا في مدينة الله لايوريك فيها من هالسعوديين .. وربي يكرهونك عمرك .. تحس انك جاي تاكل من فلوسهم .. وتشوف الحسد بينهم والحقد والمشاكل ..
انا الحمدلله اجامل فيهم ... مع ان ثاني اسبوع في كلاس اللسننق والسبيكنق .. احاول اتكلم مع الاستاذ .. وطبعا بحكم اني جديد في امريكا .. ويطير في وجهي سعودي لابس شورت والشعر كدش والهيدفوون في اذنه والبلاك بيري في يده ههههه شكله حفله ... استغفرالله .. المهم يقول لي انت ياخوي .. لاتتلكم بليييز .. لغتك والله مكسره ولاتعرف تتكلم .. لاتقروشنا وتضيع الوقت بالكلاااس
انا سكت ولارديت عليه .. قلت ابشر .. بحكم اني ماعرف احد بالمدينه ولا بالكلاااس وهم من فتره مجوديين <--- طبعا الاحرااااج
طبعا على موضوعك السلااام ورده .. الحمدلله جاري صيني .. المهم صار بيني وبينهم السلام عليكم .. وعليكم السلاام ( طبعا قال علمني عربي .. قلت هذا اول كلام عربي لازم تعرفه وكل ماتشوف عربي مسلم او اجنبي مسلم قول له السلام عليكم )
ماقول غير الله يكتب لنا الي فييه الخيررر ويوفقنا ان شاء الله
إذا كنت تسأل عن شيء وجيه ونيتك طيبة وتريد تتعلم صحيح ، وتسأل عن أمور مفيدة أيضاً..
فهذا شيء يقهر بجد إنه أحد يقولك هالكلام..
قوله يا طعس أنا جاي أتعلم ماني جاي أهايط وأسوي نفسي فاهم في كل حاجه..
إذا لغتي مو عاجبتك طس دور لك كلاس ثاني ، داخل كلاس عشان حضرتك تمشي وغيرك يغرز ، وإذا لغتك ممتازه رح لكلاس ممتاز زيك يا متخلف..
هالكلام ما يقوله إلا واحد عقيلته من جنبها..
المجامله يا حبيبي ماتنفع ، هذا ما يعرف الإحترام..
يعني تخيلوا بالله يقول اسكت لا تتكلم بالكلاس..؟ وش قلة التربية هذي..؟
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة Plato
^
^
عزيزي ولد ابوهـ
الموضوعين بصدق لا ارى فيها فائده لاسيما ان اغلب متصفحي المنتدى من الباقين في السعوديه وهذي ماتزيدهم الا تشاؤم وخوف ولاتمت بالحقيقه بشكل كبير ولاتمثل الواقع ابدا ،، فمتصفحي المنتدى الي سبق واخبرتك عن وضعهم باللغه العاميه (بيلقونها من وين ولا من وين) ناس تحذر من السود ،، وناس تحذر من المجرمين ،، وناس تحذر من بعض السعوديين ،، كيف ستكون وجهة نظرهم وموقفهم ،، الله لايضعني بمواقفهم ،،
اخــوي الفاضل ..
لا نريد ان نكون مثل المسؤلين اللي يزورون الحقائق ليرضى عنهم من هم اعلى منصب ..
ومن هم في السعودية هم اخوان لنا واجبنا اننا ننبهم من السود والمجرمين والسعوديين وغيرهم ...
هم اخوان لنــا ونحب لهم مانحب لانفسنا ..
من موضوعي ذكرت لهم اني اتكلم عن شخصين لا اكثر " والخير في امة محمد إلى قيـــام الساعة "..
قد يكون للموضوع جانب إيجابي ياخي :
في كل مدينة في امريكا طالب متعاون مع الملحقية لمساعدة الطلاب الجدد ..
عندما يصل الطالب الجديد الملحقية بامكانه طلب الملحقية ان تتصل بطالب في مدينته يوفر المساعدة له ويساعده في إيصاله للفندق ومساعدته في البحث عن فندق ومن هالكلام ..
وهالطلاب المتعاونين هم رجال دفعتهم رجولتهم واخلاقهم ومجانا لايبغون بذلك الا الاجر ...
واليوم في صفحة سعوديين في امريكا طلب لتسجيل طلاب متعاونين من جديد بسبب تخرج اكثر المتعاونين القدامى وبامكانك النظر في الموضوع ...
لذلك من هذا الموضوع قد يستفيد الطالب الجديد ويطلب من الملحقية ان تتصل بالاخ الموجود في مدينته لخدمته حتى لايقع في مثل حظي وحظك اللي ذكرت وذكرت انت في تجربتك مع اللي ماردوا عليك السلام ...
انا هنا لم ابغي تعكير جوء الطلاب الجدد بقدر ما حبيت نقل تعامل القله من السعوديين ..
وبعد ماحصلت على جميع التجارب التي اثبتت ان هالقله منتشره بيننا " انصح الطلاب الجدد بالحصول على ارقام المتعاونين في مدنهم عن طريق الملحقية وهذا افضل لهم "
والله يوفق الجميع لما يحبه ويرضاه ..
-
رد: بعض السعوديين في امريكــا يحسبونهم امريكـــان
اخوي 996
انت هنا تتعلم ..
وتركت اهلك لتتعلم .
فلا تدع لهالاشكال فرصه لتعكير هدفك ...
لو كــان افضل منك مــاكان جالس في نفس الكلاس اللي انت فيه ...
تعلم من اخطائك والا تستحي ..
وصدقني اكثر الكلمــات اللي راسخه في ذهني هي اللي كنت اخطي فيها ولكن لا تهمني ضحكة جـــاهل .
موفق والله ييسر للجميع .
-
رد: بعض السعوديين في امريكــا يحسبونهم امريكـــان
في مبتعثين ما يحبون يتقربون بالسعوديين لا من قريب ولا من بعيد ,, لان بعضهم يمكن يقول اولهاا سلام اخرها جلسات شاي و فصفص
و اذا عالسلام ياخي حتى بالسعوديهـ , تدخل اغلب المحلات تسسلم و يسحبون عليكـ ,,
فـ خلك بدراستكـ وانا اخوكـ ,, خل السعوديين في حالهم ,, و ما اقصد انك ما تسلم بالعكس
بالتوفيق لك
-
رد: بعض السعوديين في امريكــا يحسبونهم امريكـــان
اقتباس:
المشاركة الأصلية كتبت بواسطة د حـ ـمـ g g g ن
في مبتعثين ما يحبون يتقربون بالسعوديين لا من قريب ولا من بعيد ,, لان بعضهم يمكن يقول اولهاا سلام اخرها جلسات شاي و فصفص
و اذا عالسلام ياخي حتى بالسعوديهـ , تدخل اغلب المحلات تسسلم و يسحبون عليكـ ,,
فـ خلك بدراستكـ وانا اخوكـ ,, خل السعوديين في حالهم ,, و ما اقصد انك ما تسلم بالعكس
بالتوفيق لك
هههههههههههههههههههههههههههههههههههههههه
امـــا فصفص في امريكـــا ههههههههههههههههههههه.
موفق اخوي واشكرك عالمرور.
-
رد: بعض السعوديين في امريكــا يحسبونهم امريكـــان
انا من اللي اشوفه .. انك أحيانا تعذره وأحيانا تلومه
ومن تجارب الطلاب السابقين
بالنسبة للطلاب الجدد بعظهم نكبات ... عادة بكل ولاية يوجد نادي سعودي وكثير من الطلاب اللي لهم فترة يعملون اشياء تطوعية مثل فتح موقع على الانترنت للاجابة على استفسارات الطلاب القاديمن للولاية واستقبال الطلاب في المطار واستخراج شريحة جوال وفتح حساب بنكي والمساعدة في الحصول على سكن مؤقت او دائم
انا كطالب لي اكثر من سنه في امريكا واقدم هالخدمات انا ومجموعة من الطلاب ايضا للطلاب الجدد ... بعد فترة يمر من جنبي الطالب وهو اللي يسحب علي مو انا اللي اسحب عليه ... وهو اللي ما يسلم علي مو انا اللي ما اسلم عليه
وعذرا على هالكلام
اللي يجيك يتصل عليك بعد يومين ويقول وين احسن بار وين احسن مرقص سلامااااااااااااااااااااات ياعمي ... يكفي الواحد شايل ذنوبه وبعد تبيني ادلك على طريق الشر
واللي يسألك كيف اشبك بنات وكيف اخقق البنات ... يااخي والله عيب ... لا تسوي فيها تمون وتقول الوضع شبابي ... لا ياحبيبي احترم نفسك
اللي يمتحنك شوف هذي السعودية وش لابسه شوف هالشباب وش يقولون شوف هالبنت اللي مرت قدامنا .. والله امس وحده طالعت فيني وابتسمت
وبعدين توك جاي اسأل اسأله زي الناس قولي كيف استخدم الباص وين افضل مكان للسكن وين المحلات اللي اسعارها رخيصه كيف نظام المعهد
واللي يجي يسألك والله نزلي حرمان وش اسوي بالله ساعدني ... اقوله ليش طيب ... يقولي ماادري ... ما تدري والله من كثر الغيابات يالطيب
واللي جالسلي 8 شهور ما يعرف حتى ما يعرف يطلب من مطعم ... يقول لاخوياه بالله اطلبولي
طبعا مواقف كثيره لا داعي لذكرها
مثل هذي العينات سببت تباعد بين بعض الطلاب لانه قد يأثر عليك
فأنت كطالب جديد قد تتوقع انه نوع من انواع التكبر
وانا كطالب قديم اتوقع انك بتجي وتطلب مني اشياء غير لائقة او غير مفيده
فالحقيقه اني مو متكبر والحقيقه انك قد تكون فعلا تحتاج للمساعده ... ولكن هناك عينات خربت على الكل ... وانا ما اعلم الغيب ولا ادري هل انت منهم او لأ ... فيحصل نوع من انواع التنافر
بالنسبة للسلام ... ياعمي يوم كنت في الرياض وأسلم أحس اني سويت شي غلط ... ودي اروح واقوله والله اني اسف اذا سلمت عليك ... تجي انت وتقولي ما احد يرد السلام عليك وانت بامريكا وسع صدرك
بالنسبة لنفسيات الطلاب
انا اعترف انه في عينات من الطلاب سواء طلبة ماجستير او بكالوريوس سيئين جدا بكل ما تحملة الكمة من معنى سئ سئ سئ
وشايف نفسه وعلى ايش يا حسرة ... ما كلنا طلاب مبتعثين وكلنا ندرس نفس التخصص ويمكن فيه ناس افضل منك ... شوي شوي يالطيب فلن تخرق الارض ولن تبلغ الجبال طولا
هذا على طول برى واسفهه ... واذا جاك بالشلوت
بالنسبة للطلاب العاديين
يعني اللي ما يبادلك اي شعور ولا يبتسم ولا يضحك معاك ولا يسولف إلا مع اخوياه الخاصين سواء سعوديين او غيره ... هذا طال عمرك روح اسأله اي سؤال قد تشعر في البداية انه غير متقبلك ... لكن في الحقيقه انه قد يكون مستغر ... اساله سؤال وخذ الجواب وانتهت المشكله ... كل ما تشوفه ... عطه ابتسامه ع الطاير ومو لازم تتكي معاه ... مع الايام راح يكون افضل صديق .. واذا ما كان فما خسرت شيء
لو واحد جاء وسألك وين اقرب مسجد في المدينة بالله زي هذا تسحب عليه إلا بالعكس تساعده وتدله
بالتوفيق للجميع