مقارنة بين معاهد اللغة في امريكا

المعاهد اللي تتبع الجامعه من افضل مميزاتها انها تجهزك اكاديميا للدراسة الجامعية

اما المعاهد التجارية اكثر شي تعلمك اللغه العامة وكيفية التخاطب يعني تصلح للي يبي ياخذ لغة لكي يمارسها في حياته اليومية

من يعرف جامعة قويه في جنوب او غرب نيويورك ومعهدها الحكومي قوي او في ولاية كولارادو بس يكون مجربه

ياليت احد يفيدني لان اللغه عندي يبيلها وقت وابي معهد يأسس اللغه صح ومعروف بس الاهم حكومي

ياليت ممحد يبخل علينا و ترى انتم الافهم والاقدم منا

Upupupupupupupupup

رمضان وبحث والحالة صعبة والنفسية متازمة ، ياليت اطيح ع معهد ممتاز في ولاية ترضي طموحي، ربي الفرج

وين معاهد بورتلاند

شرايك في Els

أنا اريد معهـــديـــن في مدينة واحدة

الأول: يكون قوي جدا جدا والكادر التعليمي ممتاز
الثاني: يكون تابع لجامعة معينة ويهألك لدخول الجامعة مباشرة (سواء كان قوي أو متوسط المستوى)

ياليت من لديه علم لا يبخل علينا وأكون له من الشاكرين

فيه معهد وسلي ( wesli ) في ولاية ويسكونسن مدينة ماديسون

يمدحووون فيه قوة الكادر التعليمي

ومدينة ماديسون مدينة جميلة جدااا

ولكن المعهد سمعت انه اغلق في 2010 من الملحقية

بسبب تكدس الطلبة السعوديين به ولا اعلم تم افتتاحه الان

ابعدوا عن معهد امباسي Embassy CES معهد تجاري ماني عارف كيف اعتمدوه من الاساس , يهمه الفلوس وبس تنجح ما تنجح تفهم ما تفهم مو شغلهم اهم شي فيه فلوس

ياليت يا اخوان اللي يدخل يكتب عن المعهد اللي فيه او كان يدرس فيه

لتعم الفائدة

السلام عليكم جميعا
أنا بمعهد ELP في جامعة بنسلفانيا . جامعة بنسلفانيا من الخمس الجامعات القوية القوية في أمريكا كلها . وعلى مستوى العالم . معهدهم هياط على الفاضي . والله لا يسامح اللي مدحه لنا ووهقنا فيه . نا راح أقولكم الاسباب :
1_ ما يأهلك للجامعة . يعني بعد ما تخلص المعهد ما تدخل الجامعة .(يعني خلص المعهد وأضرب الباب الله لا يهينك)( واحمد ربك)
وأصلا لو يقولولك خش هالجامعة لا تخشها أنها قوية مرة زي هارفارد وغيرها.
2_ ما يهتمون ب grammer يعني reading و writing و grammer كلها بكلاس واحد .(يعني كلها 2 ساعتين بس وينتهي الكلاس)؟؟؟؟؟؟؟ بالله هذا تدريس ؟؟؟ grammer أهم شي لازم يعطيك ايها المعهد . لأن الكلمات انت تطورها وتحفظ بنفسك . لكن grammer هو أهم شي . وهنا بهذا المعهد الموقر ما يعطيه من 2 ساعتين سوى 20 دقيقة أو 30 دقيقة . ؟؟؟؟؟؟؟؟؟؟ بينما المعاهد الأخرى كل مادة لها كلاس وساعات محددة . grammer ما يتداخل مع writing مع reading . , وهذا الصح.
3_ بدا يجي للمعهد مدرسين لك عليهم . مو زي اول . ممكن اول فيه مدرسين اقوياء والدليل المدرسين والمدرسات القديمين بالمعهد لازالوا وكثير من طلاب قديمين درسوا من 4 و 5 سنوات سابقة وأكثر يمدحون بعض المدرسين والمدرسات لكن الحين لا . وهذا لا يمنع انه يكون فيه مدرسين ومدرسات على مستوى عالي عالي جدا وودك يبقون يدرسوك الين تخلص المعهد بس للأسف سشن واحد وخلاص يدرسوك مدرسين غيرهم.
4_ المنطقة خطرة جدا وكل يوم والثاني نسمع قتل سرقة طعن وغيرها..
5_ من كلام شباب وصبايا بالمعهد المعهد يتعمد يرسب الطلاب السعوديين لأنهم عارفين أن الملحقية راح تدفع ويعرفوا أن السعودي آخر شي يفكر فيه هو الفلوس حقت المعهد وأصلا كل السعوديين ما أحد منهم يجيب طاري كم قيمة السشن الواحد لأنه فيه من يدفع مو زي الأجانب . الأجاني يجيك حاسب حساب كل شي وكل دولار يعرف وين لازم يحطه . مو زينا !!!!!!!!

نصيحة يا شباب وصبايا مهمة مهمة جدا :

نصيحة لكل أخ وأخت مفكرين يجون لأمريكا لا تجي لأمريكا إلا وقبولك يكون قبول مشروط يعني ادرس بالمعهد التابع للجامعة وخلصه وأدخل الجامعة على طول . أو أدرس بمعاهد ELS لأنها تنتهي منها وتختار من بين 500 جامعة للدراسة بعد اللغة . وإن كان معاهد ELS ما هي زي بعض فيها السيء وفيها الكويس . واسمع من ناس يقولوا كلها سيئة وأنا لا أوكد ولا أنفي لأني والله ما جربت .

الحسنات للمعهد محدودة وهي
الواجبات أغلبها أون لاين . يعني تحل الواجب على النت وترسله للمدرس في نفس اليوم . تخش برقمك السري وتحل الواجب . يعني تنجبر تحل الواجب . ما عندهم يمين ويسار وبزوطه.

الله يوفق الجميع لما يحبه ويرضاه .