-
ماهي نظرة الشاب السعودي في البنت المبتعثه..؟؟
السلام عليكم و رحمه الله وبركاته
الموضوع حساس شوي ويمكن كثير .. لكن واقعي وضروري نعرف أرائكم فيه ..
مع الإيمان أن موضوع الزواج قسمه ونصيب من رب العالمين ومتى ما كتب راح يصير والمفروض ما نشيل هم ..
وممكن الموضوع هذا يفيد البنات اللي يفكرو في الإبتعاث ويجاوب على أسألتهم من هذي الناحية..
الاخ K. S. A طرح موضوع بعنوان هل تنصح أو تفضل الزواج قبل أو بعد السفر إلى الخارج..؟؟
وتعددت أرائكم فيه بخصوص متى تفضولو الزواج .. هنا اطرح سؤال يخص البنات أكثر .. وأريد أن اعرف أراء الشباب فيه ..
ماهي نظرة الشاب السعودي في البنت المبتعثه بعد رجوعها هل ممكن يفكر يتزوجها .. ؟؟
هل الشاب السعودي يفتخر بالمبتعثه ولا ما يثق فيها .. تكون زوجه له .. ؟؟
طرحت السؤال هذا في موضوع الأخ K.S.A وشفت أراء بعضكم و حبيت يكون الموضوع مستقل ليراه اكبر عدد ممكن واعرف أرائهم .
في الاخير اتمنى لكل مسلم ومسلمه .. مبتعث ومبتعثه .. بالهدايه والتوفيق من رب العالمين وان يكتب مافيه خير لنا وصلاح ..
-
رد: ماهي نظرة الشاب السعودي في البنت المبتعثه..؟؟
بنت الوطن وين مارحت هي
رافع الرأس المملكة
والله يوفقك يأرب بنات المملكة
وين مكنتم تدرسون
أشكرك أختي على هيك موضوع
-
رد: ماهي نظرة الشاب السعودي في البنت المبتعثه..؟؟
ماله داعي الابتعاث لها من اساسه ..
هذي وجهة نظري
والله يوفق الكل
-
رد: ماهي نظرة الشاب السعودي في البنت المبتعثه..؟؟
في الحقيقه ،،
أفتخر بنسبة 85% من المبتعثات ،،
وأفتخر بنسبة 70% من المبتعثين ،،
شكرا اسماء
-
رد: ماهي نظرة الشاب السعودي في البنت المبتعثه..؟؟
السلام عليكم
حاب اتفلسف شوي
اممممم لما ناخد نظره مو حلوه عن البنت المبتعثه
انت تدري انهاا راحت و معاها محرم انت تدري انها تغربت علشان ترفع راس الوطن
انت تدري ان للحين ما سمعنا شي غلط على المبتعثات الحمدالله و انها تروح حاطه براسها تجيب افضل شهاده
انا اختي ابتعثت مع زوجها درست ماجستير و دكتوراه و قدمت بحوث مفيده و الحين برفسوره في جامعة الملك سعود !!! و لله الحمد
و انا مع ابتعاث البنت 100000 بالميه لآنه شي يشرف و يرفع الراسس
و ان مع :)
-
رد: ماهي نظرة الشاب السعودي في البنت المبتعثه..؟؟
اقتباس:
المشاركة الأصلية كتبت بواسطة bader usa
السلام عليكم
حاب اتفلسف شوي
اممممم لما ناخد نظره مو حلوه عن البنت المبتعثه
انت تدري انهاا راحت و معاها محرم انت تدري انها تغربت علشان ترفع راس الوطن
انت تدري ان للحين ما سمعنا شي غلط على المبتعثات الحمدالله و انها تروح حاطه براسها تجيب افضل شهاده
انا اختي ابتعثت مع زوجها درست ماجستير و دكتوراه و قدمت بحوث مفيده و الحين برفسوره في جامعة الملك سعود !!! و لله الحمد
و انا مع ابتعاث البنت 100000 بالميه لآنه شي يشرف و يرفع الراسس
و ان مع :)
كفو والله انك شنب انا اختي في المجر تدرس طب بشري والله احس شي يرفع الراس والمرافق كانت ابغ اكون ا بس ابو كرشني قلي ساقه ههههه
-
رد: ماهي نظرة الشاب السعودي في البنت المبتعثه..؟؟
اقتباس:
المشاركة الأصلية كتبت بواسطة asmaa1
السلام عليكم و رحمه الله وبركاته
وممكن الموضوع هذا يفيد البنات اللي يفكرو في الإبتعاث ويجاوب على أسألتهم من هذي الناحية..
عفو يفيدهم في ايش يعني لو الشاب كانت نظرته للمبتعثة مو ذاك الزود خلاص تبطل وتجلس ليش افرضي لاراحت بعثة ولاتزوجت
انا عن نفسي تعرفت على بنات جايات مع اخوانهم واهلهم بصراحه محترمات ولو اخواني يبغون يتزوجون ماترددت اخطب له منهم لان بان معدنهم في الغربه وااخواني لهم الفخر ياخذون هيك بنات
والسؤال مو كيف نظرة الشاب للبنت المبتعثه المفروض لما يتقدم لك مبتعث تتزوجينه ولا لا لان بصراحه بعضهم مصايبهم اكثر من البنات بمراحل انا عن نفسي رغم اني متزوجه بس في حال ولو ماكنت وجاء مبتعث والله بفكر مليون مره قبل لا اوافق
لان بصراحه شفت العجب العجاب ساعات احزن لما اعرف انهم خاطبين او مملكين اقول في نفسي لو اعرف ارقام زوجاتهم كان بلغتهم بالي يسونه ولكن في النهاية الواحد ماياخذ غير نصيبه اينما كان واذا الواحد بيحسب للناس حساب عمر اهله ماراح يطلع من غرفته مو من بيته بس
الحمد لله الذي عافنا مما ابتلاهم وفضلنا على كثير من خلقة تفضيلا كثيرا
هتلر قتل اليهود من اجل شعبه
بشار قتل شعبه من اجل اليهود
-
رد: ماهي نظرة الشاب السعودي في البنت المبتعثه..؟؟
والله البنت اللي متربية ومحافظه على نفسها
مايهم مبتعثة او لا
-
رد: ماهي نظرة الشاب السعودي في البنت المبتعثه..؟؟
تختلف النظرة من بنت الى بنت
يعني في بنات محترمات ورايحين مع محارهم واخلاقهم تفرض على الجميع احترامهم والكل يفتخر فيهم
وفيه بنات ماتدري عن شي اسمه محرم ماخذه ابوها اسبوع عشان المحلقية ماتسبب لها ازعاج ..! وتصرفه للسعودية وهاذي لاتعليق لانها اول شي خالفت شريعتها يعني وش بتتوقعين تسوي ..؟
وفيه بنات نص كذا ونص كذا يعني نص مستوي هههههه
وبالنسبة للي يقول ماشفنا شي على البنات خلونا ساكتين افضل ترى البنات بشر زي الشباب فيهم الصالح وفيهم الطالح
في النهاية اصابع يدك ماهي سوا والناس ماهي مثل بعض
-
رد: ماهي نظرة الشاب السعودي في البنت المبتعثه..؟؟
وعليكم السلام ورحمة الله وبركاته
المواضيع دائماً تطرح ونقاشات والناس والناس , والناس ورب العزة والجلاله ما خلوا اللي في قبره يرتاح
لي أخت ابتعاثها في شهر 12 إن شاء الله والثانيه عما قريب إن شاء الله ,, كلي فخر بأنهم أخواتي
إذا إنتِ ناويه بعثه توكلي على الله وربي ما تأخذين إلا اللي كاتبه لك ربي
ما أحب أطول بالكلام لأن كل واحد نظرته تعكس تربيته وثقته فيمن حوله
مووفقه إن شاء الله ...,
-
رد: ماهي نظرة الشاب السعودي في البنت المبتعثه..؟؟
البنت جايه تدرس وما أعتقد عندها وقت تفكر في ارتباط وكلام فاضي .
وجهة نظري موضوع ساخر وأقل من مستوى بناتنا بكثير .
-
رد: ماهي نظرة الشاب السعودي في البنت المبتعثه..؟؟
بنت الوطن وين مارحت هي
رافع الرأس المملكة
والله يوفقك يأرب بنات المملكة
وين مكنتم تدرسون
أشكرك أختي على هيك موضوع
-
رد: ماهي نظرة الشاب السعودي في البنت المبتعثه..؟؟
التربيه من الوالدين هو الفيصل في الجواب
ونحن في زمن البنت لا تستطيع المغامره والمهاتره في بلد مجهول وجهت نظر وتبقى
التربيه التربيه وفقط :)
-
رد: ماهي نظرة الشاب السعودي في البنت المبتعثه..؟؟
البنت على طبيعتها يعني لو انها في السعودية ملتزمة بتطلع في الخارج ملتزمة اما اذا كان راعية خنبقهـ بتطلع نفس الكلام .
الشي الثاني من ناحية الارتباط وما ادراك ما الارتباط من وجهة نظري باخذ وحدهـ حدها الرياض اذا سافرت ,,عشااااااااان ما تتفلسف علي وبس^
-
رد: ماهي نظرة الشاب السعودي في البنت المبتعثه..؟؟
اتوقع الابتعاث ماهو سبب كافي لاعتبار البنت تصلح ان تكون زوجه او لا ..
الاخلاق والدين والتربيه هي التي تحكم كم من مبتعثه محتشمه ودينه ومتربيه وكم من بنت جالسه بديرتها حتى ماتدرس لكنها تحتاج الى اعادة تربيه وتعليم للاخلاق من جديد ..
بعدين هي تعتمد على نظرة الشاب واحترامه للبنت وتقديره لها كاانسانه ..
انا اعرف شباب مايبغون يتزوجون بنات مكملات تعليمهم يبغون وحده درست المتوسط وجلست في البيت فقط !!!
الله يوفق شباب وبنات المسلمين ويسخر لهم الازواج الصالحين ..
-
رد: ماهي نظرة الشاب السعودي في البنت المبتعثه..؟؟
البنت وين ماكانت سواء في السعوديه او خارجها اذا تسلحت بالايمان بتشرف الارض اللي هي تمشي عليها
واللي رايحه للخارجوتغير طباعها وتنسى انها مسلمه فهذي ماندعيلها الا بالهدايه ...
ومثل ماتفضلوا بعض الاخوان فيه الصالح والطالح لكن صدق من قال الخير يخص والشر يعم
-
رد: ماهي نظرة الشاب السعودي في البنت المبتعثه..؟؟
الابتعاث لحاله ما يكفي ومو كل بنت مبتعثة سوا !
انا اؤويد ابتعاث البنات والزواج منهم وحاجة حلوة وفخر بس مو كل البنات زي بعض .. واللي يقول عشان محرم ماله دخل المحرم اعرف قصص بنات طالعين معاهم محارم والله لو تقعد لحالها اصرف كل يوم اخوها داخل عليها منتهي ما يدري وين يدينه وين رجوله والبنت ما شاء الله في جامعه تصنيفها من ال10 على امريكا!! .. وهي اللي تهتم في اخوها .. وفي ناس رايحين لحالهم وعارفين ما شاء الله يدبرون امورهم بطريقة فنية, واخلاقها ودينها ما تنازلت عنها ابد وهذا اللي يحدد هل البنت تصلح للزواج ولا لا مو شهادتها !
بس اشوف الافضل بشكل عام وهذا للبنات والاولاد انهم في نص بعثتهم يتزوجون لانه كذا اسهل لاسباب كثيرة.. واللي يشوف الابتعاث يشيل عفة البنت وانه ما يرضى فيها وكلام فاضي كثير... لا يتزوجها طيب ويخلي البنت يتزوجه ا واحد يقدر اللي سوته
-
رد: ماهي نظرة الشاب السعودي في البنت المبتعثه..؟؟
باختصــار
و طويلة عن قصيرة !! :)
ان كان المقصد
مجرد نظره فقط
سنقرأ [ مجلدات ] عن [ فخرهم ] في الفتاة
إما لو كانت النظرة
مش نظرة وابتسامة !!!
لااااا
فالحال يختلف حتى وان كانت تلك المرأة افضل من الرجل بكثيرررر
فالامر يخضع اولا لعادات وتقاليد مجتمع
حينها [ لا ] ينظر لها ان كانت [ مبتعثة مجتهدة ]
او متمركزة في قعر دارها !!!
-
رد: ماهي نظرة الشاب السعودي في البنت المبتعثه..؟؟
اقتباس:
المشاركة الأصلية كتبت بواسطة password-U.S
التربيه من الوالدين هو الفيصل في الجواب
ونحن في زمن البنت لا تستطيع المغامره والمهاتره في بلد مجهول وجهت نظر وتبقى
التربيه التربيه وفقط :)
الابتعاث مغااامره وليست مهاتره مع احترامي لوجهت نظرك , ولكن مغامرة الابتعاث لكلا الجنسين وليس لجنس دون جنس
تمنياتي لك بالتوفيق ...,
-
رد: ماهي نظرة الشاب السعودي في البنت المبتعثه..؟؟
السلام عليكم إخواني وأخواتي
النظرة ( أخويّة ) ويغار على بنت بلده مهما كانت نواياه يبقى بالنهاية فقلبه خير ويخاف ربه ( هذي تربية بلاد الحرمين )
إذا كان سؤالك لجانب واحد فقط الي هو الزواج من مبتعثة فحقيقة أنا أتمنى أتزوج مبتعثة لمكانتها الثقافيّة .
-
رد: ماهي نظرة الشاب السعودي في البنت المبتعثه..؟؟
البنت السعودية تنقسم على نوعين
1- بنت طموحة وطالعة تدرس وتبي تحقق شي لها في حياتها ينفعها في دينها ودنياها وتبي ترفع راس ابوها وامها<< وهذه أطق لها التحية =)
2- وبنت رايحة عشىآن سمعة وحبن في البلد اللى رايحة عشانه وتغيير للجو وفلة ووو ... الخ << وهذه نهايتها ماظن راح تكون موفقة
موفق خير والإختيار للاولى طبعاً : )
أما إذا سئلتني عن نظرتي للبنت السعودية : فنظرتي لها دائما عالية وأفتخر بها إلآ من رحم الله وهم قليل <<
-
رد: ماهي نظرة الشاب السعودي في البنت المبتعثه..؟؟
حابه اشوف ارائكم بدون ما اعلق عليها يعني خذو راحتكم قول رايك بكل صراحه ..
بس شكل الاخ ابلج صار عليه اشكاليه في السؤال وفهمني غلط بشرح لك سؤالي لان زي ماتقول احنا رايحن هناك ندرس لا اكثر ولا اقل ...
بشرحه لك بشكل قصه ..
شاب مبتعث سابق او لا ماتفرق .. حاب يكمل نص دينه وتقدم لبنت واكتشف انها كانت ايضا مبتعثه سؤالي تكمل الموضوع ولا تقول لا ما تنفعلي .. وايش نظرتك لها.. عساك فهمتني الان .. واذا لا حاول تجاوب من الاختيارات اللي في الاستطلاع بدون ما تعلق ..
وفي ردود اسعدتني كثيرا .. عملت عليها لايك . ولا يهونون البقيه ^_^
-
رد: ماهي نظرة الشاب السعودي في البنت المبتعثه..؟؟
اشكر صاحب الموضوع على الاستطلاع اللي من باب الفضول نبي نعرف اراء الشباب ،،،،،،
-
رد: ماهي نظرة الشاب السعودي في البنت المبتعثه..؟؟
صراحه اللي يجي هينا يشوف
نوعين من البنات والشباب ..
اللي يبقى على دينه ويزيد ايمانه .. واللي يوصل الى مرحله الانحلال ..
اما بالنسبه للفخر انا ما افتخر الابنفسي .. وكلن له عمله في الدنيا والاخره ..
-
رد: ماهي نظرة الشاب السعودي في البنت المبتعثه..؟؟
ارى ان هناك اسباب اخرى اولى بتحديد خيارات الشاب السعودي للبنت السعوديه من ابتعاثها او عدمه فهي في رحله علميه اكاديميه بحت ولكن هل ستقبل هي به؟
الفتاة السعوديه بعد ان كافحت كي تصل لن تقبل بالقليل فهي هنا ستكون خياراتها اصعب
المبتعثه ليست مهدده فلا داعي للقلق بل التكافؤ بين الزوجين مهدد مما يجعل الاسره مهدده
فمن باب اولى دعونا نسال هل تقبلين ايتهاالمبتعثه ان تتزوجي رجلا قد لا يرتقي بمستواك الثقافي ولا يشبع تطلعاتك خصوصا ان التجارب ومجريات الحياة تجعل تلك التطلعات اكثر تطلبا؟ وكذلك المبتعث
-
رد: ماهي نظرة الشاب السعودي في البنت المبتعثه..؟؟
بالنسبة لي وبصراحة اذا كانت المبتعثة معاها مرافق دائم انا ماعندي مانع أتزوجها ونظرتي لها مثل البنت اللي تدرس بالسعودية
أما اذا كانت عايشة طول وقتها في الغربة بروحها أرفض أني أتزوجها
-
رد: ماهي نظرة الشاب السعودي في البنت المبتعثه..؟؟
ماهي نظرة الشاب السعودي في البنت المبتعثه بعد رجوعها هل ممكن يفكر يتزوجها .. ؟؟
اولا ع حسب البنت فيـه بنآت يروحون ويرفعـون الرآس وفيه بنآت الله يستر عليهم مثل مافي شباب صاحيين وشباب مش كويسيين:nosweat:
ولاكن من الاسآس مآله داعي الابتعآث الدرآسه هنا للبنات او بالخارج كلها مثل بعض بعكس الذكور شهادة الخارج اقوى من شهادة المملكة
هل الشاب السعودي يفتخر بالمبتعثه ولا ما يثق فيها .. تكون زوجه له .. ؟؟
نـعم اآفتـخر اذآ كآنت شهآدتها متـميزة ولآكن بعد الزوآج اتوقع الشهآدة بتكون على بروآز في الحيطة:banned:
لأن اغلب السعوديين مايحب يخلي زوجته تشتغل وطبعآ اآنآ من ضمنهم :shy:لاني بدلعها وبسوي لها كل شي >برآآ ههههههه
ممكن تكون زوجة تعرفون الزواج قسمة ونصيب وايضا القلب ومآيهوى آ
بس لو يسوون جمعية او التعاون بي الااهالي او اي حاجة فيها زواج المبتعثين والمبتعثات مع بعض قبل السفر ومنها حلول كثيرة
ابتعاد الشباب عن الحرام +الستر على بناتنا:rule: = حلم وماراح يتحقق
هذا مالدي حآليآ ان شاء الله راح اتواصل بالموضوع اذا فيه اي جديد
تحيتي قق
-
رد: ماهي نظرة الشاب السعودي في البنت المبتعثه..؟؟
السلام عليكم...
ترى يا جماعة الموضوع نسبي جدا..مثل ما هو موجود شباب تسافر وترجع رافعة راسها وراس اهلها وربعها في بنات كذا والعكس صحيح ما يجوز نعمم الحكم على الجميع والبنت السعودية حين تسافر تراها تروح ويا محرم ان ما كان زوجها فهو ابوها او اخوها وبالتالي خلونا ننظر بفخرلكل بنات المملكة الي طلعوا يطلبوا العلم ورجعوا بأحسن الشهادات :)
-
رد: ماهي نظرة الشاب السعودي في البنت المبتعثه..؟؟
استطلاعك واضح ،، لكن ألاحظ عليه غير دقيق ولا يقيس أبدا . تظل وجهة نظر واختلاف الوجهات لا تفسد لنتائج الاستطلاع قضية .
نظرة فخر .. ونعم افكر بالارتباط بها. ((في حال أنها أنهت دراستها والهوستري مافيه أكسددنت هيه اللي تفكر بالارتباط فيك لإن الكل يتمناها ))
نظرة فخر .. ولا ارتبط بها . (( تناقض .. فخر وعدم ارتباط ))
افضل انها تنتظر الى ان تتزوج ثم تبتعث .. (( مت يا حمار حتى يجيك الربيع ))
ماله داعي الابتعاث لها من اساسه .. (( ذكرتيني بعام الثمانينات أيام التكاسي الصفراء ))
فالك البيرق .
كل اللايكات لك .
-
رد: ماهي نظرة الشاب السعودي في البنت المبتعثه..؟؟
لا والله الحين الحق ينقااااال
بالنسبة لي لا وألف لا لو تنط وتوقع <<< برا هههههههههه
ولية اخذ وحده فالتها وطالعه تدرس برى على باله بخليها تشتغل أصلان
الزوجة مالها الا بيت زوجها وبس هذا بالنسبة لي يعني بالعربي زوجتي راح تقعد في البيت لو معها شهادة طيران
ههههههههههههه سوري بس هذا رايي
-
رد: ماهي نظرة الشاب السعودي في البنت المبتعثه..؟؟
اقتباس:
المشاركة الأصلية كتبت بواسطة وش اسوي
لا والله الحين الحق ينقااااال
بالنسبة لي لا وألف لا لو تنط وتوقع <<< برا هههههههههه
ولية اخذ وحده فالتها وطالعه تدرس برى على باله بخليها تشتغل أصلان
الزوجة مالها الا بيت زوجها وبس هذا بالنسبة لي يعني بالعربي زوجتي راح تقعد في البيت لو معها شهادة طيران
ههههههههههههه سوري بس هذا رايي
للعلم هي زوجه وليست كنبه !!!!
اللهم صلي وسلم على خير البشر محمد من اكرم النساء وكان لهم الحبيب قبل ان يكون الزوج وعيال اليوم لسه ماتزوجوا ويقولون لو تنط وتوقع !!!
اخي لاتزعل مني لكن كما تريد منها ان تكرمك وتحترمك يجب ان تحترمها وتكرمها ..
موفقين ..
-
رد: ماهي نظرة الشاب السعودي في البنت المبتعثه..؟؟
والله انا اشووف انه البنت انها مو محتاجة للابتعاث في الاساس بس اذا اضطرت انها تدرس برة عادي
يعني وحدة طالع تدرس ماستر تربية خاصة ولا تسويق ولاتآمين وغيرة من الاقسام اعتقد مايحتاج تطلع وتضيع عمرها وشبابها ويفوتها قطار الزواج
لما تبي تضحي تضحي بشي يستاهل يعني قسم طبي تخصص نادر شي يفيدها ويفيد البلد في ذي الحالة انا اويدها
واهم شي البلد
بس للاسف الشي الي اكتشفته انه في مجموعة كبيرة من المبتعثين والمبتعثات طالعين سياحة(تغيير جو) او شاردين من بطالة(شباب) او يدوروا على انفتاح وحرية زايدة (بنات)
بس انا شفت بنات ترفع الراس وكمان شباب بس اكثر البنات الي شفتهم محترمات ويبان معدنها هناك اما البنات المعدومات سمعت عنهم ومرتين شفتهم بس
انا اويد تزوج وتطلع احسلها
لانه من جد احنا عيال واتمرمطنا كيف البنات الي اصلن مو متعودين يعين مو زي الاجانب تلاقيها تشتغل في النهار وترجع تنظف البيت وتعتني بولدها وتشتري اكل وتطبخ كله على راسها
معليش على الاطاله
-
رد: ماهي نظرة الشاب السعودي في البنت المبتعثه..؟؟
الحقيقة انها ماهمتني نظرة الشاب السعودي سواء يفتخر في او العكس
انا همتني نظرتي لنفسي ونظرة اهلي في بس
واذا كان مايبغى يتزوجني عشان كوني مبتعثة فهذه مشكلتو اصلا وهو يحلها مع نفسو
اكيد البنت الكفؤ تحب تتزوج واحد بنفس مستوى تفكيرها وطموحها
اما انه مايتزوج مبتعثة عشان درست برة
فأنصحه يروح يبيع في حلقة الخضار ههههههههههههه
شكرا
-
رد: ماهي نظرة الشاب السعودي في البنت المبتعثه..؟؟
ازيـن لهـآ تدرس عند اهلـهـآ ..
لو ندي اخت بتدرس برـآ ، بـ آرفـض جدـآإ ..
غيرهـ ع آختـي و خوفـآ عليهـآ . الزمـن هذـآ في دولتك تخاف عليهـآ من
صديقآتهـآ والا حولهـآ ..
اجـل لو طلعت برـآ وشـآفت الانفتاح ، بترجـع متغيرهـ ، ولا احد يقولي لا بترجع زي ماكانت
آقصــد بيتغير تفكيرهآ في حاجات كثيرهـ ..
اتمنـي اي وحدهـ تبغي تبتعث تسآفر مع زوجهـآ ، لوحدهـآ ما افـضل آبدـآ حتي لو معها محرم
وشكرـآ و آسـف ع الاطـآلـة
-
رد: ماهي نظرة الشاب السعودي في البنت المبتعثه..؟؟
-
رد: ماهي نظرة الشاب السعودي في البنت المبتعثه..؟؟
-
رد: ماهي نظرة الشاب السعودي في البنت المبتعثه..؟؟
اقتباس:
المشاركة الأصلية كتبت بواسطة cod7
البنت على طبيعتها يعني لو انها في السعودية ملتزمة بتطلع في الخارج ملتزمة اما اذا كان راعية خنبقهـ بتطلع نفس الكلام .
الشي الثاني من ناحية الارتباط وما ادراك ما الارتباط من وجهة نظري باخذ وحدهـ حدها الرياض اذا سافرت ,,عشااااااااان ما تتفلسف علي وبس^
<<تفكير محدود وغريب شوي بس تظل وجهة نظر لاتزعل انا مو جالسه
انتقد بس استغربة شوي..
واذا على الموضوع انا اقول يا اختي اللي بتسافر ماعلييها لافي نظرة الشباب ولا غيره
ومايهمني اصلا اللي يهمني شئ واحد بس ان هذا الشئ يرضي ربي ويرضي رسوله
وماعلي في الباقي..
وصراحه لو اني وزير اقتصرت الابتعاث للبنات صراحه طفشنا
من حركات ذا الشباب مو قادر اتحمل المناظر اللي اشوفها وكلام فاضي واذا في
نسبه من البنات المبتعثات مو كويسين فنسبة الاولاد ضعفها مليون مرره..<<خارج عن الموضوع بس حبيت
اقول كلام في نفسي(^_^)
-
رد: ماهي نظرة الشاب السعودي في البنت المبتعثه..؟؟
اقتباس:
المشاركة الأصلية كتبت بواسطة وش اسوي
لا والله الحين الحق ينقااااال
بالنسبة لي لا وألف لا لو تنط وتوقع <<< برا هههههههههه
ولية اخذ وحده فالتها وطالعه تدرس برى على باله بخليها تشتغل أصلان
الزوجة مالها الا بيت زوجها وبس هذا بالنسبة لي يعني بالعربي زوجتي راح تقعد في البيت لو معها شهادة طيران
ههههههههههههه سوري بس هذا رايي
<<راح اعلق بس مو من باب الانتقاد(^_^)لأنه يظل وجهة نظر لا اكثر ولا اقل..
بس من ردك حسيت ان البنت المبتعثه كأنها وحده فسقت في الارض..
لا تنسى ان المبتعثه راح تكون ام في يوم من الايام وراح تربي اجيال ولا تنسى ان الام مدرسه
يعني اذا هي مثقفه ورفعت راس اهلها كيف راح يكونوا الاجيال اللي هم ربتهم على ايدها..
يعني لو قلت اتزوج مبتعثه بس ترفض انها تشتغل كان يمكن يكون احسن..
-
رد: ماهي نظرة الشاب السعودي في البنت المبتعثه..؟؟
والله سؤال محير عطوني فرصة اللتفكير
هههههههههه
-
رد: ماهي نظرة الشاب السعودي في البنت المبتعثه..؟؟
أنا مع انها تطلع قبل البعثه مع زوجها او أبوها ولا تطلع مع اخوها ... نقطه مهمه للي يقولون ان المراه مكانها في البيت .. يبوووووي وين عايش انت وياه تسمع كلام ابوك وعمانك المهايطيه وعلى بالك بتطبقه على زوجة المستقبل ، ابي اذكرك ترا فيه شي اسمع "خلع" والبنات الان مب مثل اول تصبر على زوجها لا ياحبيبي الان الكل صار يشتغل ولا صارت المراه تعتمد على الرجل في كل شي يبووووي لو احلف انك انت وياه مشاوير اهلك ماتوديهم ومعتمدين على السواق وحريم كثير فاتحين بيوت وعليهم مسوليات ولا عندهم رجال
ف احمد ربك اذا واحده قبلت فيك انت وياه لان زمان ابو شنب وعنتر وسداح ولا،. أسف طلعت برا الموضوع ومسألة الافتخار تجي بعد التخرج والعوده لأرض الوطن