-
هل هناك من نزل راتبه ناقص؟
السلام عليكم
البارح نزل في حسابي 600 دولار فقط .. اي أن الراتب ناقص أكثر من 1200 دولار
وقرأت في سبق أن هناك طلاب يشتكون أن الرواتب نزلت ناقصة؟
طبعاً أنا راسلت المشرف ومتأكد إنه ماراح يجاوب ... فقلت هل هناك حد حصلت له الحادثة شخصيا؟ ولماذا
الله لايوفقهم
-
رد: هل هناك من نزل راتبه ناقص؟
وعليكم السلام ..
حسبنا الله ونعم الوكيل.. الملحقية يوم عن يوم تبدع في عجايب تصرفاتها!!
انا ما عندي مشكلة الحمد لله..
بس إيش رايك لو تراسل المسؤول عن الشؤون المالية.. يمكن يمكن يمكن يجيك رد منه..
بس حاول تصير لحوح لأن إجازة جماعة الخير قربت!!
-
رد: هل هناك من نزل راتبه ناقص؟
شي غريب ..
انا طبعاً لي اكثر من أسبوعين واصل ولا حتى أرسلو لي ملف :) ..
لكن هالمشكلة تكررت ولا أدري وش السبب .. لكن السؤال هل طلعت انت اجازة برمضان .. يعني هل رحت للسعودية ..؟
-
رد: هل هناك من نزل راتبه ناقص؟
طال عمرك انت احسن من غيرك انا مكافاة زوجتي المرافقة مانزلت مرة والطلب مرفوع عن طريق البوابة الخشبية ولكن لاحياة لمن تنادي والاجازة قربت وياقلب لاتحزن
-
رد: هل هناك من نزل راتبه ناقص؟
Ideas4life أنا راح اراسلهم بإذن الله
It's Law ايوة انا توني جاي من السعودية؟ بس وش دخل وليش هالمبلغ بالذات؟
-
رد: هل هناك من نزل راتبه ناقص؟
اقتباس:
المشاركة الأصلية كتبت بواسطة luv10
طال عمرك انت احسن من غيرك انا مكافاة زوجتي المرافقة مانزلت مرة والطلب مرفوع عن طريق البوابة الخشبية ولكن لاحياة لمن تنادي والاجازة قربت وياقلب لاتحزن
أبشرك مكافأة زوجتي والبنت مانزل كله خير شر بعد
يعني هالشهر ٦٠٠ دولار يبونا نعيد فيها وندفع ايجار وكتب جديدة وكل شي
يارب .. ارنا فيهم مايستحقون على ظلمهم
-
رد: هل هناك من نزل راتبه ناقص؟
أنا عسكري وزي ماتعرفوا العسكري لا مكافأة لزوجته ولا أولاده
والحمد لله على كل حال
نزل في الحساب فقط 345 دولار
-
رد: هل هناك من نزل راتبه ناقص؟
-
رد: هل هناك من نزل راتبه ناقص؟
اقتباس:
المشاركة الأصلية كتبت بواسطة basheer2008
أنا عسكري وزي ماتعرفوا العسكري لا مكافأة لزوجته ولا أولاده
والحمد لله على كل حال
نزل في الحساب فقط 345 دولار
الله يرزقك بس انت راتبك العسكري يمشي حنا مامعنا الا هالمكافأة بعد الله .. راتب + كتب + حضانات + مواصلات + أكل .. إلخ
-
رد: هل هناك من نزل راتبه ناقص؟
هــذا المبلــغ المودع في حســابي:$1,847.78
-
رد: هل هناك من نزل راتبه ناقص؟
لا يكون سعادتهم يخصمون قيمة الإجازات!!
يعني إجازة بدون راتب مثلا؟ << هل ممكن فعلاً يصير كذا؟
٦٠٠ ما تكفي إنسان واحد، فكيف بعائلة!!
-
رد: هل هناك من نزل راتبه ناقص؟
انااا مانزل لي شي خيرر شرررر
-
رد: هل هناك من نزل راتبه ناقص؟
والله علمي علمكم
مشرفي اخر مرة راسلته قبل شهر اسأله عن شي والى يومكم مارد
الواحد جايه احباط خلاص يحس انه يراسل ألد اعدائه مو عزوته
-
رد: هل هناك من نزل راتبه ناقص؟
المشكله في بعض الطلاب لايعرف كيف يأخذ حقه من الملحقيه...أمله أن يتعلق بقشة المشــرف فإن ذهــب هو ذهــب::.
-
رد: هل هناك من نزل راتبه ناقص؟
ربي يرزقكم جميعاً, لايكون بس السبب رجوعكم للسعوديه؟
شكلهم حاسبين الليله في السعوديه على 50 دولار خصم, صارت شاليهات.. حسبي الله عليهم .. ونفسي اعرف ليه يعني عند كل مشرف جوال ولا يرد ..
ربي معاكم ان شاءالله ..
-
رد: هل هناك من نزل راتبه ناقص؟
اقتباس:
المشاركة الأصلية كتبت بواسطة Ideas4life:)
لا يكون سعادتهم يخصمون قيمة الإجازات!!
يعني إجازة بدون راتب مثلا؟ << هل ممكن فعلاً يصير كذا؟
٦٠٠ ما تكفي إنسان واحد، فكيف بعائلة!!
لايتــم خصــم الإجــازات..حتــى لا نفترض شــي غيــر واقعــي::.
-
رد: هل هناك من نزل راتبه ناقص؟
اقتباس:
المشاركة الأصلية كتبت بواسطة prestige10
المشكله في بعض الطلاب لايعرف كيف يأخذ حقه من الملحقيه...أمله أن يتعلق بقشة المشــرف فإن ذهــب هو ذهــب::.
قلتها بلسانك (( حقي ))
نحن في ساحة علم ولسنا في ساحة معركة حتى أحارب لأحصل ماكفلته لي الدولة
ملفي في الحكومة الالكترونية مكتوب عليه ( هولد ) وبعد جهد جهيد رد المشرف بأننا وضعناك على الهولد لأن فيه امكانية تتأخر عن عودتك! فيه اسخف من هذا الرد .. الآن أصبحوا يحاسبوننا على توقعاتهم بنوايانا
أو تدري انسى الموضوع وتعال واكتب تقرير مفصل عن طريقة ( أخذ الحقوق ) من الملحقية لعل الدعوات تصيبك بالخير
-
رد: هل هناك من نزل راتبه ناقص؟
ربي يفرج همك, تفاكير ويرزقكم عاجلاُ غير اجلا..
اللي مافهمته, يعني انتي رجعتي السعوديه من دون علم الملحقيه وسوولك هولد أو قولتيلهم برجع وسوولك هولد؟
بالتوفيـق ..
-
رد: هل هناك من نزل راتبه ناقص؟
وياك يارب .. أنا ولد ياعزيزي :)
أنا رجعت للسعودية وراتب الشهر الماضي نزل عادي وأصلا الإجازة من حقي لأني مانزلت لي سنة تقريبا وفي هذي الفترة صيفية ومافيه الا ترم اون لاين وخذٹه من السعودية يعني وضعي طبيعي بس الملحقية ماتدري وش وضعهم بالضبط
-
رد: هل هناك من نزل راتبه ناقص؟
اقتباس:
المشاركة الأصلية كتبت بواسطة تفاكير
قلتها بلسانك (( حقي ))
نحن في ساحة علم ولسنا في ساحة معركة حتى أحارب لأحصل ماكفلته لي الدولة
ملفي في الحكومة الالكترونية مكتوب عليه ( هولد ) وبعد جهد جهيد رد المشرف بأننا وضعناك على الهولد لأن فيه امكانية تتأخر عن عودتك! فيه اسخف من هذا الرد .. الآن أصبحوا يحاسبوننا على توقعاتهم بنوايانا
أو تدري انسى الموضوع وتعال واكتب تقرير مفصل عن طريقة ( أخذ الحقوق ) من الملحقية لعل الدعوات تصيبك بالخير
القضيـه لا تتعلــق بعلــم ومعركــه كما ذكــرت...
أخي العزيز أقــولها بكل صــراحه إذا كان رد مشــرفك هكذا فــلا بد من تأديبه...حتــى يتعلــم كيــف يستخــدم ويطبــق النظــام..أما الرد بهذه الطريقــه الهمجيــه لا أحبذهــا أبــداً..ووالله لو أنــه مشــرفي لأعــرف كيــف أأخــذ حقــي منــه::.
كم أن لك مشــرف هنــاك مســؤول عــن المشــرفين بأمكانــك رفــع عليــه شكــوى::.
في أمان الله..
-
رد: هل هناك من نزل راتبه ناقص؟
زوجتي لها فوق الشهر و الى الآن ما نزل أي شي :( كنا مأملين في هالبوابة الالكترونية، صار شكل البلى فيها.
-
رد: هل هناك من نزل راتبه ناقص؟
اتاكد اذا زوجتك حدثت بياناتها على البوابه الالكترونيه, لانه اذا ماحدثت البيانات ماينزل شي, وخصوصا بيانات البنك, من قبل تنزل المكافاة ارسلوا ايميلات بالتحديث قبل نزول المكافاة..
الله يرزقكم..
بالتوفيـق ..
-
رد: هل هناك من نزل راتبه ناقص؟
انا ما نزل لي شي....بس معلومات بنكي سليمه في موقعهم...كيف احدثها يعني؟؟؟؟
-
رد: هل هناك من نزل راتبه ناقص؟
شباب انا اتوقع الي مانزل له شي او نزل له جزء من الراتب أكيد نزل الصيف للسعوديه صح؟
طيب يوم رجعت ارسلت صوره من I-95 للمشرف عشان تثبت انك دخلت امريكا؟
ترا الصرف من تنزل للسعوديه وحتي ثلاث شهور واذا رجعت ومابلغتهم يعتبرونك لسه في اجازه ويوقفون الصرف
سبب اختلاف المبالغ النازله هو سبب اختلاف اوقات نزولنا للسعوديه
هذا مجرد اعتقاد وللأسف صرنا نخمن من رأسنا
انا نزلي الف بسولما حسدتها من نزولي للسعوديه لقيتني بكره اكمل ثلاث شهور ومن بكره المشرف حاطني عالهولد انا ارسلت الاوراق عن طريق البوابه ونشوف عاد متي. الرد
وبالنسبه للي يقول نزل له وزوجته لا اذا هي ملحقه بالبعثه لازم بياناتها البنكيه تكون باسمها اقصد الحساب باسمها
وبالتوفيق
-
رد: هل هناك من نزل راتبه ناقص؟
اللي فهمتو انو الناس اللي نزلت لهم نص رواتب هادي اللي جات من السعوديه ولازم ترفع ورقه I-94 في البوابه عشان ينزلو باقي المبلغ شكلهم يحسبوك لسا بالسعوديه
والله يوفق الجميع
-
رد: هل هناك من نزل راتبه ناقص؟
أنا نفس حالتك نزلت مكأفتي بس المرافقين لا ، مع انه بياناتهم محدثة
و الجمعة مريت الملحقية عشان هالخصوص وطلبوا مني تعبئة نموذج ( طلب صرف فروقات ) الموجود في قائمة الخدمات المالية عبر بوابة الطلبة المبتعثين الجديدة حتى يتم تصحيح الوضع ويتم الصرف بعدها خلال يومين أو ثلاثة ٠٠ ننتظر و نشوف
وحسب توضيح القسم المالي بالملحقية ان المشكلة بعد الانتقال الى النظام الجديد لم يقوموا باضافة المرافقين الذين لهم رقم طلابي مختلف عن المبتعث الاساسي وبعض الطلاب المبتعثين بنظام المكافآت بشكل صحيح بسبب مشكلة تقنية لم يكتشفوها الا بعد نزول المكافآت
الرابط المباشر للطلب:
http://stdportal.mohe.gov.sa/AR/Financial/Pages/PayDifferences_US.aspx
تحياتي
-
رد: هل هناك من نزل راتبه ناقص؟
اخواني اخواتي المبتعثين الاعزاء
انا قلتها قبل اذا عندك شغلة الله يعينك قدم اول شي عن طريق البوابة عشان لاأحد يصجك وامسك الخط للملحقية وخلص امورك من هناك لأن عن طريق البوابة امسك خط ويمكن يخلص شغلك.
انا عشان تغيير الجامعة وضمان مالي جلست لي اكثر من شهر وبعدين قالو قدم عن طريق البوابة وقدمت ولا لقيت مع المشرفة حقتي جزاها الله خير خلصت الموضوع من عندها وبقى معلق عند المشرف الجديد. لين اني اضطريت ادروح لهم مجبر بسبب انذارات الجامعة
رحت الاسبوع الماضي. والقى التلفونات كالعادة تدق والمشرف جالس وحاطه صامت. ولما يروح الطالب ويكلمه يقول جملته الشهيرة انا عندي فوق ٥٠٠ طالب.
والمشكله والله ثم والله ان اغلبهم جالسين تمشيات ومسخرة من بداية الدوام للنهاية ولو خلص لك شغله يخلص كم وحده بس والباقي جالس يسولف مع باقي الموظفين لين ماينتهي الدوام
-
رد: هل هناك من نزل راتبه ناقص؟
انا مبتعث جديد دخلت امريكا تاريخ 7 اغسطس .وارسلت الشيك الملغي من 6 ايام بالاميلات وبالفاكس ولا جاني رد ولا نزل لي راتب
يعني اول مكافاة تتاخر هذا شي طبيعي ؟؟؟؟ والا هذي حركة من حركات المسخرية الثقافية ؟؟؟
-
رد: هل هناك من نزل راتبه ناقص؟
ياناس انا مبتعث جديد ... وصلت امريكا في 27 يوليو .... واضفت حسابي البنكي في البوابة .... وطلبت تعويض رسوم الفيزا والسيفيس ونزلت على حسابي الحمد لله
لكن المكافأة مانزل لي ولادولار .... .... الحساب مافيه اي مشكلة طالما انه نزل عليه تعويض
اجل وين المشكلة ؟؟؟؟ هل لازم اسوي طلب حتى للراتب ؟؟؟؟ والله الوضع هنا مايعلم فيه الا ربي ....
افيدوني يامبتعثين
-
رد: هل هناك من نزل راتبه ناقص؟
احمدوا ربكم انا 3 شهور لا راتب لي ولا لمرافقيني
ولاتعويضات ولا حتى رسوم الدراسه
كل شي بجيبي
وسمعت ان الملحقيه حاليا في اجازه على شان كذا نزلوا الرواتب بدري هذا الشهر
وموقع SACM كاتبين مغلق
-
رد: هل هناك من نزل راتبه ناقص؟
انا احسن منكم شوي نازلي سنت زيادة مكافاتي مع بنتي ٢١١٩.٩٩ ونزلي الشهر هذا ٢١٢٠ ....
مسخرة والله العظيم اخاف يطالبوني فيه بعدين ...
-
رد: هل هناك من نزل راتبه ناقص؟
السلام عليكم و رحمة الله
انا نزل لي $1,342.37 و الله العالم عن الاسباب كاتبين في الموقع متفرقات يعني يمكن ينزل دفعات
-
رد: هل هناك من نزل راتبه ناقص؟
ونسيت ترا مكتوب في البوابه الالكترونية انووووو الراتب لـ 13 يوم فقط مدري ليش
-
رد: هل هناك من نزل راتبه ناقص؟
مانقول الا حسبي الله عليهم نكبونا استخدموا التقنية وهم مهوب كفو لها لا وعندهم اجازة من الاسبوع الجاي لمدة اسبوع وتعرفون وشلون اخر اسبوع دوام ورمضان يعني كملت
-
رد: هل هناك من نزل راتبه ناقص؟
طيب مكتوب تاريخ صرف المتفرقات وش يقصدون فيه :eek:
-
رد: هل هناك من نزل راتبه ناقص؟
يعني ماراح ينزلون الناقص قبل العيد؟؟؟؟/؟؟؟؟؟؟؟ :(
-
رد: هل هناك من نزل راتبه ناقص؟
وانا مانزلي راتب نهائيا وعلي هولد رغم اني رفعت طلب عودة من السفر وطلب اعادة صرف وكمان قابلين الطلبين يعني بالله وش اسوي انا وزوجي وللدي بدون راتب
جايبينا هنا عشان يبهذلوننا ولا ايه حسبي الله ونعم الوكيل
-
رد: هل هناك من نزل راتبه ناقص؟
ما تردون ع الايميلات والاتصالات مشيناها ... اما انكم تنزلو المكافئة ناقصة هذا اللي كان ناقص
-
رد: هل هناك من نزل راتبه ناقص؟
رد علي السبيعي في المالية يقول ان ال600 دولار الي نزلناها لك هي مكافأة 12 يوم فقط
ومافهمت وش قصده بالضبط .. المهم ان الشي الوحيد الي قدرت اسويه هو اني اجمع كل الملفات الي عندي وارفعها على بوابتهم جعلها تنعطب واطلب ارسال البقية لانه حتى البوابة ماقالوا وش فيه بالضبط
كل مرة .. تحدث مشكلة ولا ابن امه يعلمك .. يعني ( اختبر معلوماتك ) واجلس حوس وحوس الين تقدر تعرف وش المشكلة واحيانا تكون مشكلة واحيانا يكون خطأ
وبعدين اقعد جمع في اوراقك وارسلها
وانتظر وموت ياحمار
لو اننا ممسكين البوابة حمار كان افلح بدلهم
استغفر الله العلي العظيم بس
-
رد: هل هناك من نزل راتبه ناقص؟
نفس الحاله انا نزل لي 2120 مكافئتي انا وبنتي وزوجي سحبو عليه . المشكله رفعت كذا طلب في البوابه الالكترونيه حقتهم ولا يوجد رد
وش يقصدون منزلينها بدري وناقصه بعد !!
وش تكفي اجار ولا حضانه ولا كتب جديده !!
حسبي الله عليهم بس