بسس مليت ابنقل :`(

ياخي العزيز أصبر.. فان الصبر مفتاح الفرج.. اهم شي المعهد وانا اخوك اذا كويس مو لازم الديره كويسه..
ديرتك ديره طلابيه رخيصه ومعهدها على حد علمي مش بطال..

بالتوفيق

وليه ماتقولها هنا وتفيد الناس؟
ولا ماتبي الستة الطلاب يصيرون عشرة بالمعهد ويضايقونك طال عمرك!

اخووي باز نظام المعهد السمسترات حلووو ولاكن للي لغته قوية وحلوه يعني لو انا لغتي حلوه راح ادخل هالمعهد مثلا من ليفل 2 مايبقالي الا ليفلين وادخل اكاديمي لاكن انا راح ابدا من الصفر
من ليفل ون وتو وثري يعني مجموعهم سنه اذا كل ليفل اربع شهور طيب اجازات بين كل ليفل وليفل نقول اسبوع بين كل ليفل وليفل يعني 13 شهر اذا انت ماشي بالسليم وامورك حلوه
يعني وانت ماشي حلو راح تطلب تمديد من الملحقيه طيب انا انا لغتي تعبانه راح ادخل من ليفل ون وراح اعديه بيجيني الليفل الي بعده وبيكون اصعب ممكن ارسب فيه واعيده خلصت مدة اللغه وانا ماستفدت شي من المعهد راحت بعثتي على الفاضي
لاكن نظام المعاهد التجاريه افضل الي هي كل ليفل 28 يوم ومدة الدراسه كلها سنه يعني 12 ليفل طيب لو صرت مره مره بالانجلش راح تعيد نص الليفلات وراح تفهم وتدخل الجامعه
ولاتنسى فيه نقطه مهمه احب اوضحها لك انه اغلب الجامعات الي متعاقده مع المعاهد التجاريه ماتطلب ال 12 ليفل الا للماستر لاكن طلاب البكالوريوس مايطلبون الا تسع ليفلات يعني تسع شهور وانت اكاديمي مو انجلش برجرام

الله يوفقنا وياكم ويسهل امرنا وياليت تكتب اسم الجامعه والمدينه عشان الاحوان يستفيدون

وبالنسبه للسعودين ماهمني هالشي انا لاكني اعتبره الان عيب من العيوب في مدينتي لانها صغيره مره وماتحصل الا السعوديين قدامك
بالعكس انا ماني ضد فكررة كثره السعوديين وكذا لان الي يبي اللغه بيتعلمها وهو ببيت اهله والممارسه تتم في الشارع عند العائله اذا انت ساكن عند عائله ولا صداقات ولا مدرسين لاكن اذا ديرتك مافيه عوايل تسكن عندها ومافيه امريكان تخالطهم بالشارع ومدرسينك نفس الي بالشارع وشتسوي بهالحاله وتطلع محد يكلمك الا السعودي

ياجماعه انا ديرتي مره عنصريين يتعبون الواحد بنظراتهم وفكرهم المتخلف وتساله مايرد عليك خلوها على الله ياجماعه انا لو مانقلت رجعت للسعوديه من الكتمه الي فيني

انا احتماليه يالغالي يجيني قبول في هذة الجامعه University of Tennessee Chattanooga هل هيا عندك في المدينة ولا لا

مدري ليه عندكم فوبيا سعوديين !!!!
يارجال كل مدينه في امريكا بتشوف سعودييين
يعني اذا انت تشوف ان تعلم اللغه يعتمد ع انك ما تكلم
سعوديين
انا عندي لك حل بريحك
لا تكلم ولا سعودي ولا تسوي قروبات وخلك وحداني واختلط مع الاجانب
يعني بس بتشوف خشه سعوديين وما اظن ان وجيهم بتاثر عى اللغه بعد ؟؟
وع فكرة واذا غيرت راح تشوف سعوديين يعني ما بتفرق
خلاص خلك وحداني ما احد بيغصبك انك تكلمه او تصاحبه

من جاب طاري السعوديين؟
انا ماهمني السعوديين وكثرتهم لا بالعكس انا ابيهم واحتاجهم ويحتاجوني بالعكس حتنا بغربه لازم نتعاون لاكن الي اقصده ان هنا عندي كثيرين مره ويغطون على عدد الاجانب بالمعهد بمراحل وبالديره حقتي اشوف السعوديين اكثر من اهل الديره فهمت علي يعني بالعربي مافي اي مجال للاختلاط باجانب

افضل مدن بالنسبه لي
دنفر-كولورادو
بورتلاند-اوريغون
فيلاديلفيا-بنسيلفينيا
سان ديغو-كالفورنيا بس تراها غاليه شوي
سان انتونيو-تكساس بس جوها حااااااار
هذي افضل مدن من ناحيه المعيشه والترفيه والمصاريف بإستثناء سان ديغو

طريقة النقل صعبة انا طالبين مني قبول مشروط عشان انقل للجامعة ماغير يرفضون الطلب

طيب اذا بتنقل من اقليم الى اقليم اخر اكيد بيطلبون من عندك مشروط لاكن اذا نفس اقليمك بس لغه عادي
طبعا اقاليم مسويتها الملحقيه تختلف عن اقاليم الي مسوينها امريكا نفسها ارجع للملحقيه وشف وش الولايات الي بنفس اقليمك عشان تنقل