هل افصل من ارامكو .........

السلام عليكم ورحمة الله وبركاته
اخواني انا موظف في ارامكو تخصص امن صناعي طبعا دارس ستنتين نظام itc تدريب وانقلش
لكن ياخوان انا صراحة افكر في الفصل والذهاب للدراسة في الخارج
لكن التردد موتر فيني
يعني مرات اقول صعبه اروح واترك ارامكو ومرات اقول المستقبل افضل ومرات اقول مدري ابدا من جديد ؟
يعني مشتت لكن اتمني منكم افادتي ونصحي علما اني راح ابدا من جديد علي الثانوية وعمري بحدود 21 وعلي حسابي يعني لازم اخذ احتياطاتي
علما اني في اداوم في ارامكو وراتبي الاساسي 5375 تقريبا وتوني مترسم يعني ماكملت سنة وراتبي الاجمالي علما اني في منطقة نائية بحدود 11000 تقريبا
واخذ بدل السكن اذا كنت متزوج 25000 اواعزب ثلاث رواتب اساسية وراتبين زيادة في السنة في رمضان وفي شهر 7 وغير الادخار والبيت ؟ يعني ابي اذكر المميزات عشان احطكم في الصورة
وساكن مجانا واكل مجانا يعني والدوام سبعة ايام واربعة اوف شفت 12 ساعة
وفي ارامكو اشوف زملائي اللي خدمة تقريبا 15 سنة يوصل الي 25000 الي 30000 يعني قوي
لكن اظل ثانوي اجتماعيا صفر
وانا في الدراسة متوسط الي ممتاز
ارجو ياخوان التفاعل معي والاحساس في معناتي وشكرا لكم علي سعة صدوركم
اخوكم/ ارامكو

المصدر: http://www.mbt3th.us/vb/forum8/threa...#ixzz1XoO5JNch
حفاظاً على حقوق الكاتب نرجو عدم حذف المصدر مبتعث

وعليكم السلام ورحمة الله وبركاته ..

يا رجال اقعد افضل لك ..
الوظايف الي كذا تطارد مطارد
بكالريوس واجد الي مالقو وظايف صاحية ..
ما شاء الله عليك امورك بالوظيفة تمام ..
لوني مكانك قعدت ,

وان كانك تبي الدراسة .. شف كان العمل يبتعثك ولا شي ..
ولا شف الدراسة عن بعد ..
بحيث انك تضمن وظيفتك
اما انك تترك الوظيفة . ما انصحك ابدا ابدا

كلام عين العقل
امسك مجنونك لايجيك اجن منه

الله يعطيكم العافية ماقصرتوااا الله يرضي عليكم
اتمني من الاعضاء التفاعل ولا قصور فيكم

انا مع كلام أخوي ابو صقر ..

وأنا انصحك انك تكمل دراستك في الجامعة العربية أو أي جامعه معتمده من أرامكو ..

بحيث لو كان معك شهادة جامعية معتمده من أرامكو راح تكون القريدات قدامك مفتوحه مافيه عائق أنك ما تآخذ قريد والمستقبل قدامك كبير بأذن الله ..


أنا راح أذكر لك تجربتي :

أنا موظف متعاقد مع أرامكو (من الموظفين الكونتراكت) ..
ولي بهالوظيفة 8 سنوات ، ومن خلال عملي معهم ، أخذت شهادة البكالوريس في ادارة الأعمال (الموارد البشرية) ..
أبلغوني بأنهم بيرسموني على قريد 7 ، وانا جامعي والمفروض على الأقل 10 ..

فرفضت العرض وقدمت على الأبتعاث انا وزوجتي ، وهذا انا بكمل ماستر ان شاء الله ، والمستقبل بأذن الله أفضل ..

وأنا ما اقدمت على هالخطوه الا من الغبنه ، يعني ناس مثلي بنفس شهادتي ، هم معطينهم قريد 10 وانا 7 ؟؟؟ هنا الظلم قهرني ورفضت عرضهم ..

وأنت نصيحة أخ ، كمل دراستك عن طريق الأنتظام في الجامعة العربيه ، أو الأنتساب عن طريق جامعة الملك عبدالعزيز أو الملك فيصل ..

ملاحظه ذكرها أخي ابو صقر : خاطب جهة عملك اذا تقدر تكمل دراستك عن طريقهم ..

والله يكتب لك اللي فيه الخير ..

نصيحة يالطيب دام معك الوظيفة امسكها وكمل انتساب اذا تقدر لان انتساب وانتظام نفس الشهادة تقريباً

وبالتوفيق

وعليك بالاستخاره نصيحتي لك
ماحد عارف وش يصير بالمستقبل
الارب العباد

أخوي ارمكو اللحين اللي اللي تخرج ماحصل وظائف
النصيحه تم على وظيفتك وكمل انتساب النصيحه
ولك الاختيار
ودي اقولك شي بعد أخوي فترت5سنوات مافي وظائف الطالب المتعثين هذا مذكور في جريد اليوم قبل فتر
ولك الاختيار

ماشاءالله راتبك حلو ... والمميزات احلا ..

انا الصراحة ما اقدر اقولك الشي .. الاعضاء الي فوق اعلم واخبر مني ..

بالنسبة لي لا تراهن على دراستك أي شيء..
بس حاول في البداية تاخذ إجازة بدون راتب لين ما تشوف وضعك تقدر تكمل ولا ترجع أحسن لك..
هذا من وجهة نظري المتواضعة

لازم تفهم نقطة الغربة مو مشكلة بحد ذاتها لأن اذا رتبت وضعك يروح وقتك بالدراسة وماتحس وفيه ناس ماتحملوها ورجعوا لأن الطاقة السلبية ظلت مسيطره عليهم
ولا تتخيل ان هالتجربة بترجعك مثل اول بتنقلك للأسوء او الأفضل فملخص الوضع كالتالي : تدرس ايجابيات وسلبيات وضعك وايجابيات وسلبيات الغربة
التحديات بالغربة منها حكم مصروفاتك والاقتصاد لأوقات الحاجة لأن كأمريكا مجتمع رأسمالي ممكن تاخذ حقوقك كاملة وتجربة ماتنساها لكن كل شي بنظام من ناحية الدفع واي تأخير بغرامه.. هذي الناحية الأقتصادية اذا مدبرهاااا تكون خلصت جزء مهم ثانيآ انت كشخص لا تتوقع المساعدة من احد حتى تحط احتيطات لأسواء لأي وضع فتكون مستعد
..مافية شي اسمه اشوف مدينة وادور احد يفزع لي لأنك بتتعود او تقع ضحية استغلال وهذي سهلة موقع الرنت وخرائط جوجل تساعدك كثير ..انا وصلت امريكا وسكنت واستأجرت عن طريق النت والأيميلات والمنطقة على حسب السعر موضحة بكل التفاصيل بس بالأنقلش وهذي حلها ورقة وقلم وترجمة جوجل مو مشكلة خلصنا مشكلة الأمان والسكن ..المجتمع هنا الوضع مايختلف عن السعودية تلقى الصالح والطالح والي شغلتهم يضيعون وقت الناس او ينقلون لك طاقتهم السلبية هنا تنتبه لأن ممكن يتحطم مستقبلك القاعدة لاضرر ولا ضرار كل شي بحدة
الأختيار بالنسبة لي ماكان صعب لأن مافية شي اخسره لا وظيفة ولا شي بس انت الوضع يخليك تفكر مرتين وتستخير لربك واذا فيها خيرها بتحصل كل شي يتيسر لك وتكمل مشوار حياتك اتمنى اكون حطيت لك خطوط بسيطة على اساسها تدرس وضعك وحاول تتناقش فيه مع انسان تثق فيه حتى تفهم وضعك افضل

أخوي ماراح أقولك أفصل ولا لاتفصل لكن قيم وضعك بعد 10 الى 20 سنة بالثانوي اللي معك والدراسة عندكم جامعة محمد بن فهد او الجامعات اللي حواليكم فاامسك العصى من النص واذا ماتوفر وخيرت مابين الدراسة على تخصص يستاهل ومطلوب او اتم على الوظيفة وحالة أسرتك المادية طيبة ومهم بعازة المادة فلا تفكر روح وأدرس وخذلك شهادة تنفعك في المستقبل لا إحتجتها ويكفي ان برامج الثانوية باارامكو مهما كانت حلوة ومريحه ومزاياها واجد لكن على المدى الطويل لك حد ماتتعداه ويبقى فيه طبقية مقيتة بينك وبين الجامعي في الترقيات والبونص وخلافه وأيضا يمكن ماتضمن مستقبلك معهم أي وقت يقضبونك الباب وبعدها ايش بتسوي بتقول ياليت رجعت الدنيا ورا واستفدت من عمري فكر بكل الاحتمالات والمخاطر اللي حولك وانت خير من يقيم وضعك.

وعليكم السلام ورحمة الله وبركاته
اخوي انصحك تكمل انتساب بعدين تكمل برى وبتوفيق بس ترى مافيه هندسه انتساب

اخوي بسألك ,,, يعني إذآ جيت من برى معك شهآدهـ (( جآمعيه )) وش رآح تسوي ؟؟
أكيد رآح تدور وظيف صح أو لآ ؟؟؟
وإنت الحين مآشآء الله اللهم لآحسد وظيفة ورآتب زي العسل وبآلمستقبل رآح يتضآعف ومميزآت أرآمكو حدث ولآ حرج
وخصوصاً إنك بمنطقة نآئية يعني مآرآح تصرف شيء ويمكن من بآب الإدخآر رآح تقدر تزوج نفسك بدون مآ تستعين بأحد
أنآ مآ أقول لآ تكمل درآسة بآلعكس أنآ رآئي من رأي أغلب الأخوآن اللي هو كمل درآستك إنتسآب بأحد الجآمعآت ,, ومو لآزم تبتعث وتغرب وإنت عندك وظيفة ورآتب يفوق رآتب الطآلب المبتعث
ودآمكـ طلبت الشووور ,, الشوور خلك بوظيفتك وإنتسب بجآمعة وعين من الله خير
ولآتنسى صلآة الإستخآرة :)

اخوي نصيحة اخ من القلب انتبه تفصل من عملك خاصة انك في شركة من اقوي شركات العالم مب في السعوديه بس،نصيحتي لك قدم علي انتساب في جامعة الملك فيصل او جامعة الملك عبدالعزيز وكمل دراستك
اليومين هذي وظيفتك الكل يتمناها
والله يوفقك ان شاء الله.

صراحة ياخوان والله العظيم احرجتوني بالردود صراحة اخوان من جد الله يطول في اعماركم ويوفقكم في الدراسة
صراحة لقيت اكثر الردود تقول اجلس في الوظيفة احسن لك وهذا ان شاء الله اللي يبي يصير لكن هل فيه خيرات اخرئ مثلا ؟؟؟؟؟
يعني مثلا هل في جامعة في امريكا انتساب يعني اجي وقت الاختبارات بس اتمني اجد الحل يافضل اسرة

والله وانا اخوك بالنسبة لي ما عندي علم ,,
لكن اتوقع انها صعبة ..
طيب ليه ما تدرس انتساب هنا في السعودية ؟ قريب لي اخذ البكالريوس من الملك عبدالعزيز واهو ما يروح الا عشان يختبر ..
حقيقة ما اعرف وضعه بالضبط لكن هذا الحاصل .. اخذ بكالريوس انتساب..


بالتوفيق ..

انا برومي الكره بملعبك وانت تقدر تقرر
صعب اني انا اقرر مصيرك\
اتوقع الشهادة اللي انت حصلت عليها دبلوم ... وتقدر تكمل بالكورويس في Safety Engineer واذا كنت غلطان فياليت لو تصححلي المعلومه
على افتراض انك طلعت من ارامكو فلابد انك تقدم استقاله .... لانه ما راح يعطونك اجازة دراسية
فحط في بالك انك راح تدرس على حسابك فترة وبعدها راح يضمونك للبعثات
الفترة اللي راح تدرسها على حسابك ما بين الشهرين الى 9 شهور ... ممكن تزيد وممكن تنقص ... لان انضمام الطلاب يتم باحد هالثلاث حالات
1- تنتهي من فترة اللغة ويضمونك مباشرة للبعثات
لان الملحق الثقافي في امريكا قال
لدينا توجيه من قبل الوزارة، بإلحاق الطالب الدارس على حسابه الخاص للبعثة بمجرد اجتياز مرحلة اللغة التي في الغالب لا تتجاوز العام، وسنستثني شرط الساعات الأكاديمية «30 ساعة للبكالوريوس و9 ساعات للماجستير».
واتوقع انت لغتك كويسه بحكم دراستك وطبيعة عملك
2- تنتظر متى تجي مكرمة ملكية .. وهذي ما في احد يدري متى
3- الانضمام للبعثات وانت في فترة اللغة يتم بطريقة عشوائية ... فما فيه احد يدري متى راح يضمونك

ممكن لانك في منطقة نائية فكرت انك تكمل دراستك عشان تحصل في منطقه حلوه مثلا في الخبر او الجبيل ... لكني اتوقع لو انك تستلم 11000 ريال وانت في الخبر فما راح اصلا تفكر انك تطلع لا للدراسة ولا لشركه ثانية
لا تتوقع انك اذا تخرجت من امريكا وقدمت على سابك مثلا انهم راح يعطونك اول راتب 20000 ريال ... لان هالشركات الكبيرة لهم درجات او grad ... مثلا انت بكالورويس في ارامكو يعطونك قريد 11 اتوقع " سنير" فلا تتوقع انك اذا تخرجت من امريكا راح يعطونك قريد 13
خريج جامعة امريكا راح يتوظف في ارامكو بنفس راتب الطالب المتخرج من جامعة الملك سعود .. وانت اسال بعد وتاكد
ممكن المتخرجين من جامعات كبيرة وتصنيفها حلو مثل MIT لهم وضع خاص وممكن يزودونهم مثلا 7% واذا جبت درجة التفوق يعطونك بعد زيادة بس ما ادري كم النسبة

بعدين انت تقول انك ثانوي واجتماعيا صفر ... الكلام هذا مو صحيح ... انت انسان لك دور كبير في المجتمع وآلاف الناس يتمنو وظيفتك والراتب والمييزات اللي انت حاصل عليها مغرية
التكنشن اللي شغالين في التحلية ما يتعدى راتبهم 6000 وما عندهم تامين طبي والسكن غير متوفر يبغالك تنتظر السرى وأكيد هو راح يجيك لكن متى
المهندس بعد في التحلية حتى لو توصل خدمته 20 سنه ما يعدي راتبة 25 الف
فانت تقول التكنشن راتبهم بعد 15 سنه يوصل الى 25000 الف فهذي حلوه
ولمعلوماتك في مهندسين يتوظفون باول راتب من 8000 الى 10000 ومع الوقت يزيد

خلينا نفرض انك كملت دراستك ودرست هندسة
اكيد وضع المهندس في ارامكو افضل بكثير من التكنشن ... طبعا في مهندسين ميكانيكيين شغالين في الرقات ومنطولين في آخر الدنيا ... بس ما شاء الله رواتبهم حلوه
عادة زي هذولا ياخذولهم خبره 5 سنوات ويسحبون على الشركه ويطلعون لشركات افضل ورواتب افضل
مثلا
مهندس ميكانكي يشتغل في ارامكو في منطقه نائية بعد كم سنه الاساسي الاساسي حقه 11 الف ... ومع البدلات ومع fild allownca تقريبا يوصل الى 20 الف
لو يطلع لشركة ثانية ممكن يحصل راتب اساسي تقريبا 13 الف ... راح يوصل راتبه الى 17550 ريال ... طبعا راح يحصل على الوظيفه وهو في الخبر ويرتاح من نطلة البر ويشتري راحته ... طبعا اغلب الشركات ما فيها نظم الادخار

طبعا المهندسين اللي في ارامكو اللي في البر ... سبب ارتفاع راتبه هو البدلات ولا يصرف ولا ريال والسكن موجود بعد فهذي ميزة ايجابيه... ونطلة في البر ميزة سلبية

خلينا نقول انك طلعت لامريكا وكملت دراستك ودرست هندسة ... طبعا ع المدى البعيد راح تحس بفرق في راتبك عن زميلك القديم اللي بالامن الصناعي
لان زيادات المهندس اكثر من زيادات التكنشن ولاختلاف الراتب الاساسي
ممكن ترجع من امريكا وما تحصل فرصه في ارامكو وممكن تشتغل في الشركات الكونتراكت اللي مع ارامكو
ممكن وانت تدرس في امريكا وتواجهك بعض الصعوبات في الدراسة او في اي شي .. وتحس انك اتكبت قرار خاطئ ... ممكن تحس بنوع من الاحباط لاي سبب ... وممكن هالاشياء تسببلك مشاكل دراسية وينزل مستواك الدراسي

الزبدة واختصرلك الموضوع
لو عندك قدرة مالية وتقدر فترة تدرس على حسابك ... فالله يوفقك وشد حيلك
لو ما عندك قدرة مالية وبس نوع من المجازفات ... فخليك على وظيفتك
فيه ناس طلعو من ارامكو وهم نفس وضعك لو تسالهم وتتاكد منهم احسنلك ... وفيه الظاهر مواضيع قبل كذا انفتحت وتناقشو ناس كثير عنها

اذا كملت الدراسة لا تسال نفسك ... هل بحصل وظيفه اذا رجعت؟؟ هل بحصل وظيفه في ارامكو ؟؟ وزي ما رزقك الله بالوظيف اللي انت فيها فراح يرزقك ربي بوظيف احسن منها ان شاء الله

http://www.mbt3th.us/vb/forum60/thread293341.html

كمل وظيفتك وحسب نظام itc بعد عملك لمدة سنتين يحق لك اكمال دراستك على حساب ارامكو

http://www.mbt3th.us/vb/forum60/thread214598.html

نصيحتي لاترووح الا عن طريق ارامكو نفسها بس

انصحك بالاستمرار بالوظيفه ..

الله لايهينكم ويجعلها في ميزان حسناتكم
طيب ياخوان هل فيه تعليم عن بعد في امريكا|؟؟؟؟
يعني بس وقت االاختبار اجي هل من الممكن هذا الحلم يتحقق ؟