-
أنسحب وبكل فخر من هذا المنتدى المعقد !!
أنا أعلن انسحابي وبشكل تاام عن هذا المنتدى اللي زرع فيني الخوف والقلق وعدم الثقه بالنفس و ( الـ إحباط والوسوسه ) .. اول شي ببدالكم من الأول .. السفاره الأمريكيه واستخراج الفيزا .. اللي يقول تعال قبل موعدك بساعه والبس جزمه بيضا لا تلبس سودا لأنك اذا لبست جزمه سودا يعني انت حقوود وقلبك أسود !! والبس ساعه عشان يعرفون انت مهتم للوقت !!! والبس بدله رسميه عشان تبين لهم انك جنتل مان !! بالله هذا كلام ؟؟؟؟ انا رحت قبل موعدي بـ 10 دقايق ولا لبست ساعه ولا جزمه برتقاليه ولا حمرا !! ولبست ثوب بعد !! وأوظاعي مشت اوكي في السفاره ولا شفت أي شي من الخرافات اللي تكتب هنا عن السفاره .. هذا اول شي .. ثاني شي المطار !! ايش اللي تقعد 12 أو 6 ساعات في المطار وقلق وقروشه وتفتيش وووو انا ما أخذ مني ولا نص ساعه من أول ما نزلت من الطيارة إلى خراج المطار .. واللي يسب الولايه اللي هو فيها عشان محد يجيها ويصير و السعودي الوحيد في هذي الولايه !!!! ثالث شي الملحقيه !!!!!! ايش الهباااال اللي انتم مسوينه بخصوص الملحقيه ؟؟؟؟؟؟؟؟؟؟؟ مظاهرات ومدري ايش وكلام فاظي .. انا رحت للملحقيه وما شفت منهم إلا كل احترام وذوق وأخلاق عاليه !! وكلمت الـ د. العيسى وصراحه كان انسان جدا خلووق ورائع وخدووم .. واللي يسب الملحقيه هذا أكيد ساحب على الدراسه و درجاته ناازله وكل همه الفله ويقوول ليه معطيني هولد وليه راتبي ما ينزل.. معهدي كل يومين أو 3 يجون مشرفين من الملحقيه يشوفون درجاتنا وكيف ماشيه دراستنا .. يعني مهتمين فينا .. وانا اعرف كثيير مبتعثين رواتبهم تنزل على وقتها ولافي أي تأخيير .. !!
أنا والله يظيق صدري اذا مجرد تذكرت المنتدى هذا وتذكرت التعقيدات والمشاكل اللي انتم تطيحوون أنفسكم فيها !!
أنا أنسحب من هذا المنتدى وبكل فخر !!
و الله يسهل علينا جميعا ويهدينا جميعا :)
-
رد: أنسحب وبكل فخر من هذا المنتدى المعقد !!
من شفتك تعميمك على ان المتضررين من الملحقيه هم فاشلين دراسياً وانت مالك الا كم يوم عرفت انك معهم معهم علاهم علاهم
لكن تدري شلون فرقات غنيمه
-
رد: أنسحب وبكل فخر من هذا المنتدى المعقد !!
كفوو كلامك بطل اعجبني الموضوع والكلام لان الاغلب شكلهم الله بالخير الله لا يبلانا الرسول صلى الله عليه وسلم يقول تفاؤلوا بالخير تجدوه وهنا لا حتى ذرة تفاؤل مافيه وتسأل وين التفاؤل يرد وبكل برود هذا الواقع؟ ؟؟؟
ماشاء الله على هالواقع وانا لسى مارحت لم امريكا وكرهتها وكل هذا بفضل هالمنتدى الكويس
بالتوفيق
-
رد: أنسحب وبكل فخر من هذا المنتدى المعقد !!
حياك الله والمنتدى فاتح ابوابه حتى لو ترجع بعد كم يوم تستفسر
تاكد ان فيه ناس تبي تجاوبك وترى منت اول واخر واحد انسحب
فيه غيرك من ناكرين الجميل الكثير
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة hiytham-aljohani
حياك الله والمنتدى فاتح ابوابه حتى لو ترجع بعد كم يوم تستفسر
تاكد ان فيه ناس تبي تجاوبك وترى منت اول واخر واحد انسحب
فيه غيرك من ناكرين الجميل الكثير
انا مو ناكر جميل .. ادخل على البروفايل حقي وشف مشاركاتي !!
-
رد: أنسحب وبكل فخر من هذا المنتدى المعقد !!
(قل هل يستوي اللذين يعلمون واللذين لا يعلمون)
-
رد: أنسحب وبكل فخر من هذا المنتدى المعقد !!
كاتب موضوع ومتعب نفسك علشان تدلفع عن الملحقية, ما تنسحب واحد ماسكك. الحمدلله الذي عافنا عما ابتلى غيرنا.
وبالمناسبة قوانين المنتدى تمنع مثل هذه المواضيع التافها ولا بعد ماتعرف تقرأ:
12- لكل عضو الحق في ترك الملتقى متى يشاء ولكن يمنع كتابة إعلان بذلك ومن يخالف سيتم حذف الموضوع وإلغاء عضويته من مبتعث.
المصدر: الإعلانات - ملتقى طلاب أمريكا Americas Forum
حفاظاً على حقوق الكاتب نرجو عدم حذف المصدر مبتعث
-
رد: أنسحب وبكل فخر من هذا المنتدى المعقد !!
يارجال توكل على الله :D
الله يستر عليك حبيبي :)
-
رد: أنسحب وبكل فخر من هذا المنتدى المعقد !!
وجهة نظر الغالي : )
وأنا أقول ليه ما تاخذ الشيئ اللي يعجبك وتررك اللي ما يعجبك، الله سبحانه وتعالى يقول
" فبشر عباد الذين يستمعون القول فيتبعون أحسنه أولئك الذين هداهم الله وأولئك هم أولو الألباب "
يعني يسمع كل شيء وهو بالأخير يختار يكون بأي وضع قلق، فرح، ادراك، حزن، سعاده ... الخ من مشاعر أنا ما أقول هذا لأني معترض على رأيك بالعكس لك وجهة نظر جميله، بعيده عن التعقيدات وهذا شيء رائع ..
وكلام العيال فوق صحيح ممكن تشوفها من جهه وحده وفيه ناس عندها مشاكل ، يعني مشي الوضع تختلف الامور من معهد الى أخر وسياسات الجامعات تختلف .. دام أمورك طيبه الحمدلله .
-
رد: أنسحب وبكل فخر من هذا المنتدى المعقد !!
صراحة ولا شي من الي ذكرته عن تقديم الفيزا والتأخر بالمطار 6 ساعات وخلافه مر علي هنا في المنتدى كل المواضيع الي مرت علي كانت تتكلم عن سهولة استخراج الفيزا وسهولة المقابلة وايظا اجراءات المطار وسهولتها
مو ذنبنا انك تدخل مواضيع غلط ولا قديمة وبنفس الوقت ماتطلع على كل المواضيع الي تخص حالتك يعني لاتعتمد على موضوع واحد فقط
اما الملحقية فاذا هي عاملتك زين فهذا شي حلو وكله من بعد الله وسالفة اعتصام الطلاب فلا تجي تكذب الطلاب الي يعانون من الملحقية عشان بس عاملتك انت وكم واحد تعرفه كويس وحتى العيسى لو استقبلك بشكل حلو
غصب عليه اصلا مو من طيبه انت ماسويت غلط وهذا واجبه ولاتبيه يكشر بوجهك ويسفل فيك بدون سبب
اما سالفة المشرفين كان ودي اصدقك بس قوية يعني كل 2 او3 ايام يجون يشيكون بالله وين قاعدين مافيه الا انتم بس يالي بالمعهد مافيه طلاب بمعاهد ثانية ومين يمسك الشغل في الملحقية لاتقولي عشان البوابة يخلصون امور الطالب عن طريق الجوال وهم رايحين رادين على المعاهد المصيبة الأكبر لاتقول بعد انك في ولاية ثانية وفوق هذا وذاك الي اعرفه ان المعهد يرسل تقارير وكشوفات عن الدرجات للمشرف تبعك كل كم شهر يعني مايحتاج المشرف يزوركم كل كم يوم
في الختام اذا بتترك المنتدى الله معك وما احد درى عنك ولا احد راح يحلف عليك
بالتوفيق.
-
رد: أنسحب وبكل فخر من هذا المنتدى المعقد !!
ياعزيزي مايطرح في المنتدى هو مجرد كلام ، انت لست أمام معمل او مختبر يطرح افكار قطعية
مايقال في المنتدى هو مجرد أراء وليست حقائق قطعية
ايضا هناك اشخاص قد يشتكون من الملحقية ... ولكن هذا لايعني ان الملحقية بأكملها مقصرة إضافة الى أنه لايعني ان أصحاب الشكوى كاذبين
انت لم تستمع للطرفين إضافة الى انك لست قريب منهما ولم تتعايش المشكلة ...... ولايفترض بك ان تتعايش مع المشكلة او تستمع للطرفين لانها ليست من شأنك
مايقال ياعزيزي هو مجرد كلام قد يفيدك في سبيل الحذر والاحتراز.
-
رد: أنسحب وبكل فخر من هذا المنتدى المعقد !!
لزوم نخبر الادراه بالسالفه
همسه:
ان كنت مستاء التزم الصمت
-
رد: أنسحب وبكل فخر من هذا المنتدى المعقد !!
بصراحه كلامك فيه كثير من الصحه انا قبل لا اجي امريكا اشوف نصايح مالها داعي مو نصايح بس تخويف ولافيها شي من الصحه
حتى تواصلت مع شخص بالتلفون وكان موجود بامريكا قالي سوا اللي تبيه واحضر معك اللي تبي الوضع اوكي ولاتسمع كلام المنتديات فعلا كلام المنتدى للاسف فقط تهويل
انا انصحك تدخل وتاخذ المفيد لكن مسأله نصايح لاتاخذ من احد كثيير هنا يهولون الامور
-
رد: أنسحب وبكل فخر من هذا المنتدى المعقد !!
اي منتدى الي قريت فيه لازم تلبس جزمه بيضه و12 ساعه بالمطار اكيد ماهو مبتعث !!
-
رد: أنسحب وبكل فخر من هذا المنتدى المعقد !!
اختر مما يلي :
وش الهدف من الموضوع؟
1- إثارة مفتعلة؟
2- احلفوا علي عشان أقعد
3- باقي مابدا الدوام وفاضي
4- شريت كمبيوتر جديد وأبي أجرب الكيبورد
أجل ساعة برتقالية وجزمة بكرافتة
رح الله يصلحك وخذ الباب وراك
-
رد: أنسحب وبكل فخر من هذا المنتدى المعقد !!
اخي الكريم
كل شخص يحق له ان يعبر عن راية والامور بالنسبه للفيزا والملحقية امور نسبيه لا يمكن تعميمها.
وبالنسبه للمنتدى فانه افضل منبر للتعبير عن الاراء والاشتراك في المعلومه.
-
رد: أنسحب وبكل فخر من هذا المنتدى المعقد !!
الله يساعدك ويسهل عليك,,
وبعدين محد غصبك تسجل فيه !!
-
رد: أنسحب وبكل فخر من هذا المنتدى المعقد !!
حرام عليك تروح وتتركنـــا ....
اقــول يالفاضي ..
والله ماحد دراء عنك جيت والا انسحبت ..
زيك زي اي موضوع يمتلي بالمشاركات المنحطه ويرمى في سلة المحذوفات ...
من اللي قال لك البس ساعه وجزمه انت ووجهك بالملحقية؟
اكيد انك غبي وجيت تسال وش البس ويطقطون عليك الاعضاء هههههههههههههههههههههههههه ..
اما المشرفين حقين الملحقية يجونك المعهد ههههههههههههههههههههههههههههههههه ..
ياكذاب الملحقية عملها مو ميداني ومقرها بواشنطن وين جاتك ووين جيتها هههههههههههههههههههههه ...
رح في اللي مايردك انت واشكالك ...
اتمنى من الإدارة حذف الموضوع حتى مانتعب نفسيا اذا ذكرنا وداع الاخ لنا ههههههههههههههههههههههههه ..
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة تفاكير
اختر مما يلي :
وش الهدف من الموضوع؟
1- إثارة مفتعلة؟
2- احلفوا علي عشان أقعد
3- باقي مابدا الدوام وفاضي
4- شريت كمبيوتر جديد وأبي أجرب الكيبورد
أجل ساعة برتقالية وجزمة بكرافتة
رح الله يصلحك وخذ الباب وراك
ههههههههههههههههههههههههههههههههه
مع اني اتذكر اني تهاوشت معك في احد زوايا المنتدى لكن ضحكتني ههههههههههههههههههههههههههههههههههههههههههه ..
ودي ارجع صديقك ياخي ^_^
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة مآيهاب
اي منتدى الي قريت فيه لازم تلبس جزمه بيضه و12 ساعه بالمطار اكيد ماهو مبتعث !!
الاخ كــان في منتدى جمالك سيدتي ^_^
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة Jeddah boys
من شفتك تعميمك على ان المتضررين من الملحقيه هم فاشلين دراسياً وانت مالك الا كم يوم عرفت انك معهم معهم علاهم علاهم
لكن تدري شلون فرقات غنيمه
عندما يكون الغباء منقطع النظير
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة Jeddah boys
من شفتك تعميمك على ان المتضررين من الملحقيه هم فاشلين دراسياً وانت مالك الا كم يوم عرفت انك معهم معهم علاهم علاهم
لكن تدري شلون فرقات غنيمه
على طاري فرقات
سويت طلب صرف فروقات ماجاني رد للحين وش رايكم؟
من جد اتكلم والله مامزح ^_^
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة تفاكير
اختر مما يلي :
وش الهدف من الموضوع؟
1- إثارة مفتعلة؟
2- احلفوا علي عشان أقعد
3- باقي مابدا الدوام وفاضي
4- شريت كمبيوتر جديد وأبي أجرب الكيبورد
أجل ساعة برتقالية وجزمة بكرافتة
رح الله يصلحك وخذ الباب وراك
عندما يكون المخيخ مليئاً بالأخطاء
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة Son his father
حرام عليك تروح وتتركنـــا ....
اقــول يالفاضي ..
والله ماحد دراء عنك جيت والا انسحبت ..
زيك زي اي موضوع يمتلي بالمشاركات المنحطه ويرمى في سلة المحذوفات ...
من اللي قال لك البس ساعه وجزمه انت ووجهك بالملحقية؟
اكيد انك غبي وجيت تسال وش البس ويطقطون عليك الاعضاء هههههههههههههههههههههههههه ..
اما المشرفين حقين الملحقية يجونك المعهد ههههههههههههههههههههههههههههههههه ..
ياكذاب الملحقية عملها مو ميداني ومقرها بواشنطن وين جاتك ووين جيتها هههههههههههههههههههههه ...
رح في اللي مايردك انت واشكالك ...
اتمنى من الإدارة حذف الموضوع حتى مانتعب نفسيا اذا ذكرنا وداع الاخ لنا ههههههههههههههههههههههههه ..
يعني مسوي تحجر انت وخشتك .. أول شي ادخل ملفي الشخصي وشف مواظيعي .. ما كتب موظووع اقول فيه وش البس ووش ما البس !!
ثاني شي أصلا معهدي في نفس ولايه الملحقيه
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة someone in somewhere
يعني مسوي تحجر انت وخشتك .. أول شي ادخل ملفي الشخصي وشف مواظيعي .. ما كتب موظووع اقول فيه وش البس ووش ما البس !!
ثاني شي أصلا معهدي في نفس ولايه الملحقيه
ولدي العزيز
اذا توك جيت امريكا امس ترى لنا فيها سنين ياجاهل ..
عمل مشرفين الملحقية ماهو ميداني تعرف وش معناه؟
يعني لو معهدك في مكتب العيسى المشرف مايجيك لان عمله مو ميداني ..
هيا سقها وعشق باثنين وانتبه لاتغرز عليك مع طلعت تسجيل الخروج ...
تهايط علينا المشرفين يجون المعهد يشوفون مستواك ههههههههههههههههههههه والا لو مافي امريكا الا انت
-
رد: أنسحب وبكل فخر من هذا المنتدى المعقد !!
قيل:
من بذل نصحه وإجتهاده لمن لا يشكره فهو كمن بذر في السباخ
ولله در الأصمعي حينما قال:
النصح أرخص ماباع الرجال فلا ... تردد على ناصح نصحا ولا تلم
-
رد: أنسحب وبكل فخر من هذا المنتدى المعقد !!
أخوي اصلا موضوعك ماله داعي مسوي شوشره وازعاج على الفاضي ,
بتنسحب هذا من حقك بس لاتنزل موضوع ..يعني بزعمك تتوقع بنتحطم او المنتدى خلاص بيسكرونه !!
لاياحبيبي المنتدى من يوم تأسيسه وهو فيه ناس تنسحب وناس تسجل ,, والحمدلله ماتغير شي علينا .
-
رد: أنسحب وبكل فخر من هذا المنتدى المعقد !!
-
رد: أنسحب وبكل فخر من هذا المنتدى المعقد !!
اخوي انسحب والله يسهل عليك ....اكيد انت بتحكي عن تجربتك الشخصيه مع اني اشك ان امورك تمشي بهالسهولة ولو تسهلت من جهة اكيد ما رح تتسهل من كل الجهات ..و90% من الطلاب اللي ينزلون تعليقات ومشاكل هي عن تجربة شخصية وطفشانين من الملحقية ومن سوء تعاملها ومن انظمتها الفاشلة .
***** انا الحين عرفت ايش شاغل الملحقية عن باقي الطلاب ،، ترى هم شغالين فيك وبمتابعة امورك بالمعهد مدامهم كل يومين او ثلاث ايام يراجعون معهدك يطمنو على احولك ترى ما فيه بالبعثة غيرك .... خخخخخخخخخخخخخخخخخ
الله يسهل امورك اكثر واكثر وتتخرج ان شاء الله بسهولة كمان بدون ما تدرس حتى
-
رد: أنسحب وبكل فخر من هذا المنتدى المعقد !!
ما ادري احس وانت لابس جزمه بيضاء وساعه حمرا ولا بعد كرفته
تشبه قحطه
هههههههههههههههههههههههههههههههههههههههههههههههههه ههههههه
اقول رح رح رح الله يستر عليك وعلينا ..
لولا الله ثم ملتقى مبتعث ماستفادو بعض المبتعثيين ..
-
رد: أنسحب وبكل فخر من هذا المنتدى المعقد !!
صراحه ما ادري وش تحس فيه يا اخوي المنسحب مدري المسحب >> :D صار دجاج
انا ما اوافقك الا بشي واحد اللي هو موضوع الولاية صحيح فيه كثير ما يبونك تجي لولايتهم ومعهدهم مسوين على انه معهد ابوهم وانها ديرتهم وولكن مو كلهم بعضهم منصح ولا يبي يورط باقي الاخوان
المهم انت لازم تصير انسان منطقي وواعي بكل كلمة تتفوه فيها , انا اتابع الموقع هذا من سنوات مو من كم شهر ولا اذكر مر علي واحد يقول ترا بيصير لك كذا
بس الاخوان اللي هنا كل واحد يذكر تجربته من باب الفايدة للطلاب وتحذيرهم من بعض المخالفات اللي يمكن يرتكبونها
انت ربي وفقك وظبطت امورك من دون ادنى تعقيد ولكن غيرك تبهذل واكلها خابور
لذلك اتمنى ما تستعجل بالحكم او تعمم يا اخ العرب لان الهدف من هذا الموقع هو الفائدة
اخيرا لا تزعل لبا قليبك ترا ما حتسيت الا بالصدز :)
-
رد: أنسحب وبكل فخر من هذا المنتدى المعقد !!
اول شي ...واضح انك كاتب الموضوع عشان الملحقية....تعرف ليش ؟ اترك هذا الشي لعيونك عشان تميزه
بس تقدر تقولي وين الفخر....
هل بسط لك احد سجاد احمر تمشي عليه تارك المنتدى ــــــــــــــــــــــ> عايش في احلامه
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة Numb3rs
عندما يكون المخيخ مليئاً بالأخطاء
للدرجة هذي وصل الجهل لدى بعض المبتعثين ما يعرف و ش فايدة المخيخ
-
رد: أنسحب وبكل فخر من هذا المنتدى المعقد !!
يا الغالي انت قلت بتترك المنتدى اليوم الصباح وهذا هوجاى العصر ما تركته لانك محتاجه وماراح تستغني عنه :frusty: بتوفيق
-
رد: أنسحب وبكل فخر من هذا المنتدى المعقد !!
يابو الشباب هذا هو الانترنت
في الشين وفيه الزين يعني اسمع الكلام اللي يخش العقل وقب لا تعتمد علا رد وكلام احد شوف عدد الردود
شوف العمر ،شوف ردود الشخص في المواضيع الثانيه ويبان لك اذا هو اهل لثقه ولا لا
لانو حتي اخوي الصغير يقدر يخش ويسجل ويقول اللي يبيه
-
رد: أنسحب وبكل فخر من هذا المنتدى المعقد !!
من ناحية الجزمه والساعه واللبس فالمشكله مو في كاتبها , المشكله فيك لما تصدق خرابيط فاضيه وتسلم عقلك لشخص ما يملك أي معلومه صحيحه
من ناحية المدن وسبها فإنت صادق فيه طلاب يسبون من أجل إنه ما أحد يجيهم ولكنهم قليلين وأنا حصلت معاي سالفه قبل أسبوعين بالزبط مع عضوين يسبون معهد حاصل على المرتبه الاولى على مستوى أمريكا عام 2009 والثانيه عام 2010
بس كله وتدخيلك للملحقيه كوووم ثاني ,, هذا الشيء اللي ما ينبلع من جد
على فكره الجمعه القادمه راح أكون متواجد في الملحقيه وإن شاء الله يكون حظنا زيك ههههههه
والله يسامحك زي ما خليت الأعضاء يبكون على فراقك الصعب ومشاركاتك اللي جالس تمنها علينا من صبح الله ههههه
-
رد: أنسحب وبكل فخر من هذا المنتدى المعقد !!
ياكثر المواضيع الفاضية في المنتدى
-
رد: أنسحب وبكل فخر من هذا المنتدى المعقد !!
لا تصير زيهم وتعمم
وبعدين الي ما عنده مشاكل مارح يفتح موضوع ويقول ماعندي مشاكل
لكل شخص ظروفه
وانا استفدت كثير من مشاكل غيري
والي مو واثق من نفسو اكيد حيتأثر
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة Numb3rs
عندما يكون الغباء منقطع النظير
عندما يتحدثون الأقزام
-
رد: أنسحب وبكل فخر من هذا المنتدى المعقد !!
اقتباس:
المشاركة الأصلية كتبت بواسطة Son his father
على طاري فرقات
سويت طلب صرف فروقات ماجاني رد للحين وش رايكم؟
من جد اتكلم والله مامزح ^_^
ههه الكلمه خطأ واعتقد المعنى واضح فرقات وفرقاك كل الطرق تؤدي الى كلمة انقلع ههه
لكن قوقل كروم حلف امس اني ما اعدلها فـ قلت دوس يا ولد شرهتك على اللي يعدلها :)
بخصوص طلب الزفت حقهم طلبت فروقات حقتهم ولي اسبوع انتظر الاعانات جعلها الله في ميزان حسناتهم