مساعدة تخصص الات دقيقة يبغى يكمل في اريزونا

بسم الله الرحمن الرحيم
السلااام عليكم اخواني
هممممم حبيت ازعجكم بكم استفساااار كدا ادا ما عندكم مانع
~
انا طالب في كلية ينبع الصناااعية تخصص Instrumentation Technology شهادة جامعية متوسطة و اخر ترم بحول الله
و ناوي اكممممل دراسة بكالريوس في امريكا على حسااابي الخاص
و اتمممممنى في ولاية اريزونا جامعة arizona state university
و حبيييت اسأل كم سؤال
معلييييش اعذروني خبرتي صففففر في الابتعاث و الاشياء دي و كونت بروح لمكتب يساعدني بس قلت خليني اشوف مبتعث و الطيبين اللي فيه
و احس اسألتي غبية فــ معليييش اعذروووني هههههههههههه
~
1- سمعت انو في جامعة تدرس التخصص دا في اريزونا و معترف فيها فيا ريت اعرف ايش هيا الجامعة
2- كيف طريقة معادلة المواد ؟ ما فهمت الهرجة دي و كمان كيف اراسل الجامعة ؟؟ و كيف تقبلني الجامعة لازم اختبار ولا كيف ؟
3- انا حابب ادرس انجليزي اول شي بعدين ادخل الجامعة هل لازم احصل قبول في الجامعة اول ؟
4- انا ناوي اكمل ع حسابي لكن سمعت انو اول ما ادخل الجامعة الملحقية بتضمني للمبتعثين و تصرفلي مكافأة حبيت اعرف صحة الكلام دا
5- انا دحين زي ما قلت في اخر ترم و الترم الجاي تطبيق وقت التطبيق ابغى اسوي الهرجة تتوقعو الوقت يكفي ؟؟
6- اتمنننى تقولو ايش اسوي بالزبط خطوووة خطوووة يعني لا تتعبروني 001 اعتبروني 000 ههههههههههه
7- السكن كيف هناك ؟ يفضل مع عائلة ولا لوحدي ؟
8- ايش الاختبارات اللي اسويها هنا من توفل و كدا ؟
9- اعرف صاحبي في بريطانيا يقول انتا تراسل المعهد من هنا و هما يرسلو لك طلب الفيزا و كمان يجهزو لك السكن حبيت اعرف الوضع في امريكا نفس الطريقة ؟
10- ايش اقوى المعاهد اللي هناك ؟
11- كم تقرييييبا تكلفة الدراسة هناك ادا اعتبرنا انو الملحقية ح تضمني معاهم ؟
12- لازم اخد اول قبول في الجامعة ولا المعهد اول ؟
~
و اااااسف ع الاطالة و صدقوني في بالي اسئلة كتيييييرة و شكلي ح اتعبكم لكن ان شاااء الله انتو فيكم الخير و البركة
و ادا احد يعرف مكتب كويس يزبطلي هدي الامور يعطيني رقمو ع الخاااص و اتصل ع المكتب
و من دحين اقولكم شككككرا و عساااكم ع القوووة
بايوووو <3