باركولي يا شباب

وعليكم السلام ورحمة الله وبركاته
الله يوفقك أخوي , وييسر أمرك ,


ياليت اعرف وضع المعهد , يعني من ناحية الدراسه هل هو جيد أو سيئ؟
وأنت على أي أساس أخترته ,

الله يوفقك والف مبروك ..
وصدقني لا علم لي عن الجامعه والا المعهد ..

ماشاء الله

الله يوفقك يارب وشد حيلك

وانا مثلك دراستي في 12/1/212

قالوا لك انت انقبلت بس ولا وصلك الـ i-20 ؟؟
عموما لو وصلك ابدأ قدم على موعد بالسفارة، طبعا اول شي لازم تعبي نموذج الـ DS-160 الموجود بموقع السفارة الامريكية بعدها تروح تعبي السيفس لان بنهاية نموذج DS-160 يطلب منك رقم السيفس، بس احب انوهك يوم تبدأ تعبئ الابلكيشن حيعطيك كود بأعلى يمين الصفحة احتفظ فيه لان بإمكانك توقف عند اي خطوة وتحفظها بعدين يمديك تكمل بس يطلب منك هالرقم وإجابة السؤال السري.
كمل لين تخلص الابلكيشن بعدين ارجع ع الموقع الرئيسي وروح لقسم المواعيد افتح لك حساب جديد بـ 45 ريال عن طريق الماستر كارد، كمل مع الخطوات لين تختار لك يوم الموعد ولا لزمك تطبع حيقولك اطبع هذي الصفحة، وخلهم عندك.
بعد ما تحجز الموعد تروح للراجحي مدري سامبا نسيت والله بس انه البنك السعودي الامريكي عاد شف اي واحد منهم هو السعودي الامريكي، وتقولهم ابغى اسدد لموعد السفارة وقيمة المبلغ 532 ريال اظن. واحتفظ بالايصال ضرووووووري. وخلاص انتظر موعدك الله يوفقك.

بس حبيت انوه عليك ع الاوراق اللي لازم تطبعها، اول شي يوم تخلص تعبئة نموذج الـ DS-160 حيطلب منك تطبع صفحة التأكيد، اطبعها واحتفظ فيها حيطلبوها منك بالسفارة
والسفيس لا سددت مبلغ الـ 200$ حتجيك صفحة تأكيد الدفع اطبعها واحتفظ فيها مطلوبة بالسفارة، والحساب اللي حتحجز عن طريقه الموعد بعد ما تدفع الـ 45 ريال حتجيك صفحة انك دفعت المبلغ اطبعها كمان، وبآآآخر خطوة يوم تختار اليوم حق مقابلتك بتجيك صفحة تأكيد الموعد اطبعها واحتفظ فيها
وإن نسيت شي إعذرني